| ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠪᠡᠶᠡ ᠪᠠᠷ ᠪᠠᠶᠢᠷᠢᠯᠠᠵᠦ ᠪᠠᠶᠢᠭᠠ ᠤᠳᠤᠬᠢ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨ | ︵ᠤᠤᠯ ᠤᠨ ᠬᠡᠷᠡᠯ ᠤᠨ ᠰᠤᠮᠤ︶ ᠤ ᠲᠤᠭᠤᠯ ᠤᠨ ᠭᠤᠤ ᠠᠶᠢᠯ ᠤᠨ ᠨᠡᠷᠡ ᠶᠢᠨ ᠲᠤᠬᠠᠢ ᠡᠶᠢᠮᠦ ᠲᠤᠮᠤᠭ ᠪᠠᠶᠢᠭᠠ᠃ | | ᠭᠦᠷᠢᠶᠡ ᠬᠤᠰᠢᠭᠤ ᠪᠠᠶᠢᠭᠤᠯᠤᠭᠳᠠᠵᠦ ᠬᠡᠳᠦᠢ ᠬᠡᠳᠦᠢ ᠤᠳᠠᠭᠠᠳ ᠲᠦᠷᠦ ᠱᠠᠰᠢᠨ ᠲᠦᠯᠦᠪᠵᠢᠨ ᠲᠤᠭᠳᠠᠵᠦ᠂ | ᠬᠤᠶᠠᠷ ᠬᠠᠯᠬᠠ ᠬᠤᠰᠢᠭᠤ ᠲᠠᠢ ᠬᠢᠯᠢ ᠨᠠᠶᠢᠯᠠᠵᠦ ᠵᠡᠷᠬᠡᠴᠡᠨ ᠤᠷᠤᠰᠢᠵᠦ ᠪᠠᠶᠢᠵᠠᠢ ᠬᠡᠨᠡ᠃ ᠤᠤᠯ ᠤᠨ ᠲᠠᠩᠭᠤᠳ | ᠬᠠᠯᠬᠠ ᠶᠢᠨ ᠬᠠᠶᠢᠯᠠᠰᠤᠳᠠᠢ ᠶᠢᠨ ᠶᠡᠭᠡ ᠪᠠᠶᠠᠨ ᠤ ᠲᠤᠭᠤᠯ ᠢ ᠨᠢᠬᠡ ᠶᠠᠳᠠᠭᠤ ᠠᠶᠢᠯ ᠤᠨ ᠪᠢᠴᠢᠬᠠᠨ ᠭᠦᠦ | ᠬᠠᠷᠢᠭᠤᠯᠵᠦ ᠪᠠᠶᠢᠪᠠ ᠬᠡᠨᠡ᠃ ᠲᠤᠭᠤᠯ ᠬᠡᠳᠡᠭ ᠪᠢᠴᠢᠬᠠᠨ ᠠᠮᠢᠳᠠᠳ ᠲᠤᠭᠯᠠᠭᠠᠳ ᠭᠠᠷᠤᠭᠠᠳ ᠭᠦᠶᠦᠪᠠᠯ ᠬᠡᠨ ᠴᠦ | ᠬᠤᠷᠢᠭᠯᠠᠵᠦ ᠲᠡᠶᠢᠯᠭᠦ ᠦᠬᠡᠢ ᠲᠤᠯᠠ ᠲᠤᠭᠤᠯᠴᠢᠨ ᠭᠦᠦ ᠬᠡᠳᠦ ᠤᠳᠠᠭᠠ ᠠᠯᠳᠠᠵᠦ᠂ ᠦᠨᠢᠶᠡ ᠲᠤᠭᠤᠯ ᠢ | ᠨᠠᠶᠢᠯᠠᠭᠦᠯᠪᠡ ᠬᠡᠵᠦ ᠪᠠᠶᠠᠨ ᠳᠤ ᠴᠤᠬᠢᠭᠳᠠᠭᠰᠠᠨ ᠬᠡᠨᠡ᠃ ᠨᠢᠬᠡ ᠡᠳᠦᠷ ᠲᠤᠭᠤᠯᠴᠢᠨ ᠭᠦᠦ ᠲᠤᠭᠤᠯ ᠢᠶᠠᠨ | ᠬᠠᠷᠢᠭᠤᠯᠵᠦ ᠶᠠᠪᠤᠵᠦ ᠪᠠᠶᠢᠭᠠᠳ ᠠᠶᠢᠯ ᠤᠨ ᠡᠮᠦᠨᠡ ᠪᠠᠶᠢᠭᠠ ᠤᠷᠳᠦ ᠭᠦᠨ ᠭᠤᠤ ᠶᠢ ᠬᠠᠷᠠᠭᠠᠳ ᠨᠢᠬᠡ ᠪᠤᠳᠤᠯ | ᠤᠷᠤᠵᠦ ᠲᠡᠷᠡ ᠲᠤᠤᠷᠠ ᠨᠢ ᠲᠤᠭᠤᠯ ᠢᠶᠠᠨ ᠭᠤᠤ ᠳᠤ ᠬᠠᠰᠢᠨ ᠤᠷᠤᠭᠤᠯᠵᠦ᠂ ᠭᠤᠤ ᠠᠮᠠᠰᠠᠷ ᠲᠠᠬᠢ ᠮᠤᠳᠤᠨ | ᠰᠠᠭᠦᠳᠡᠷ ᠲᠤ ᠰᠠᠭᠤᠵᠠᠢ ᠬᠡᠨᠡ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠤᠭᠤᠯᠴᠢᠨ ᠭᠦᠦ ᠲᠤᠭᠤᠯ ᠢᠶᠠᠨ ᠠᠯᠳᠠᠭᠰᠠᠨ ᠦᠬᠡᠢ | ᠪᠦᠬᠡᠳ ᠲᠤᠭᠤᠯ ᠬᠠᠷᠢᠭᠤᠯᠬᠤ ᠶᠠᠪᠤᠳᠠᠯ ᠴᠦ ᠶᠡᠭᠡ ᠬᠢᠯᠪᠡᠷ ᠲᠦᠭᠦᠮ ᠪᠤᠯᠵᠠᠢ ᠬᠡᠨᠡ᠃ ᠲᠤᠭᠤᠯᠴᠢᠨ ᠭᠦᠦ | ᠲᠤᠭᠤᠯ ᠢᠶᠠᠨ ᠭᠤᠤ ᠳᠤ ᠤᠷᠤᠭᠤᠯᠪᠠᠯ ᠮᠤᠳᠤᠨ ᠰᠡᠭᠦᠳᠡᠷ ᠲᠤᠨᠢ ᠤᠨᠳᠠᠵᠦ᠂ ᠴᠠᠭ ᠨᠢ ᠪᠤᠯᠪᠠᠯ ᠭᠦᠬᠡᠬᠡᠵᠦ | ᠬᠠᠷᠢᠳᠠᠭ ᠢ ᠬᠡᠨ ᠴᠦ ᠮᠡᠳᠡᠭᠰᠡᠨ ᠦᠬᠡᠢ ᠪᠠᠶᠢᠵᠦ ᠪᠠᠶᠢᠳᠠᠯᠠ ᠨᠢᠬᠡ ᠡᠳᠦᠷ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠨᠢᠳᠦ ᠶᠢ ᠨᠢᠬᠡ | ᠶᠠᠭᠤᠮᠠ ᠬᠢᠯᠠᠰᠬᠠᠵᠠᠢ ᠬᠡᠨᠡ᠃ ᠲᠤᠭᠤᠯᠴᠢᠨ ᠭᠦᠦ ᠶᠠᠭᠤ ᠪᠤᠯᠬᠤ ᠶᠢ ᠬᠠᠮᠢᠶᠠᠷᠤᠭᠰᠠᠨ ᠦᠬᠡᠢ ᠦᠷᠭᠦᠯᠵᠢ | ᠢᠩᠬᠢᠵᠦ ᠦᠵᠡᠭᠳᠡᠭᠦ ᠪᠠᠷ ᠨᠢᠬᠡ ᠡᠳᠦᠷ ᠭᠤᠤ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠡᠷᠬᠢ ᠲᠡᠬᠡᠷᠡ ᠬᠢᠯᠡᠰᠴᠦ ᠪᠠᠶᠢᠭᠠ ᠶᠠᠭᠤ | ᠪᠤᠯ ᠬᠡᠵᠦ ᠤᠴᠢᠵᠦ ᠦᠵᠡᠯᠡ ᠬᠡᠨᠡ᠃ ᠲᠤᠭᠤᠯᠴᠢᠨ ᠭᠦᠦ ᠦᠨᠳᠦᠷ ᠡᠷᠬᠢ ᠲᠡᠬᠡᠷᠡ ᠮᠠᠴᠦᠨ ᠭᠠᠷᠴᠦ ᠦᠵᠡᠭᠦ ᠳᠤ | ᠪᠢᠷᠠᠭᠤ ᠶᠢᠨ ᠱᠠᠭᠠ ᠶᠢᠨ ᠴᠢᠨᠡᠭᠡ ᠴᠠᠶᠢᠪᠤᠷ ᠴᠢᠯᠠᠭᠤ ᠰᠢᠭ᠋ ᠬᠠᠳᠠᠭᠤ ᠶᠠᠭᠤᠮᠠ ᠠᠴᠠ ᠬᠡᠷᠡᠯ ᠭᠠᠷᠴᠦ ᠪᠠᠶᠢᠵᠠᠢ᠃ | ᠲᠤᠭᠤᠯᠴᠢᠨ ᠭᠦᠦ ᠶᠠᠭᠤ ᠪᠤᠯᠬᠤ ᠶᠢ ᠶᠠᠭᠠᠬᠢᠵᠦ ᠲᠠᠨᠢᠬᠤ ᠪᠢᠯᠡ᠂ ᠠᠪᠴᠦ ᠢᠷᠡᠬᠡᠳ ᠮᠤᠳᠤᠨ ᠰᠡᠭᠦᠳᠡᠷ ᠰᠠᠭᠤᠵᠦ | ᠨᠠᠭᠠᠳᠴᠦ ᠮᠤᠬᠤᠭᠠᠳ ᠠᠪᠤᠭᠠᠳ ᠬᠠᠷᠢᠵᠠᠢ ᠬᠡᠨᠡ᠃ | ᠲᠤᠭᠤᠯᠴᠢᠨ ᠭᠦᠦ ᠬᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠲᠡᠷᠡ ᠶᠠᠭᠤᠮᠠ ᠪᠠᠨ ᠭᠠᠷᠭᠠᠵᠦ ᠨᠠᠭᠠᠳᠴᠦ ᠪᠠᠶᠢᠳᠠᠯᠠ ᠮᠦᠮᠦ ᠨᠢ | ᠤᠯᠵᠦ ᠦᠵᠡᠬᠡᠳ ᠨᠢᠳᠦ ᠨᠢ ᠤᠷᠤᠢ ᠲᠡᠬᠡᠷᠡ ᠪᠠᠨ ᠭᠠᠷᠴᠦ᠂ ᠲᠤᠭᠤᠯᠴᠢᠨ ᠭᠦᠦ ᠶᠢ ᠬᠠᠮᠢᠭᠠ ᠠᠴᠠ ᠠᠪᠴᠦ | ᠢᠷᠡᠭᠰᠡᠨ ᠢ ᠰᠠᠶᠢᠬᠠᠨ ᠬᠡᠯᠡᠭᠦ ᠦᠬᠡᠢ ᠪᠤᠯ ᠠᠷᠠᠰᠦ ᠶᠢ ᠨᠢ ᠱᠠᠭᠠᠯᠤᠨᠠ ᠬᠡᠵᠦ ᠠᠭᠤᠷᠯᠠᠵᠠᠢ ᠬᠡᠨᠡ᠃ ᠲᠤᠭᠤᠯᠴᠢᠨ | ᠭᠦᠦ ᠶᠠᠭᠤ ᠪᠤᠯᠤᠭᠰᠠᠨ ᠢ ᠮᠡᠳᠡᠭᠦ ᠦᠬᠡᠢ ᠪᠤᠯᠪᠠᠴᠦ ᠦᠨᠡᠨ ᠢᠶᠠᠨ ᠬᠡᠯᠡᠵᠦ ᠦᠴᠢᠭ ᠢᠶᠠᠨ ᠲᠤᠰᠢᠶᠠᠬᠤ ᠪᠠᠷ ᠡᠵᠢ ᠨᠢ | ᠲᠠᠬᠢᠵᠦ ᠠᠪᠴᠦ ᠢᠷᠡᠵᠦ ᠪᠤᠯᠬᠤ ᠬᠡᠵᠦ ᠬᠠᠳᠠᠭᠤ ᠵᠠᠬᠢᠭᠰᠠᠨ ᠬᠡᠨᠡ᠃ ᠭᠦᠦ ᠴᠦ ᠪᠠᠰᠠ ᠡᠵᠢ ᠠᠴᠠ ᠪᠠᠨ ᠠᠶᠤᠵᠦ | ᠲᠠᠬᠢᠵᠦ ᠠᠪᠴᠢᠷᠠᠬᠤ ᠦᠬᠡᠢ ᠬᠡᠵᠦ ᠠᠮᠠᠯᠳᠠᠵᠠᠢ᠃ ᠬᠤᠶᠠᠷ ᠡᠳᠦᠷ ᠤᠨ ᠲᠠᠷᠠᠭᠠ ᠲᠤᠭᠤᠯᠴᠢᠨ ᠭᠦᠦ ᠮᠦᠨ ᠲᠡᠷᠡ | ᠮᠤᠳᠤᠨ ᠰᠠᠭᠦᠳᠡᠷ ᠠᠴᠠ ᠪᠠᠨ ᠪᠠᠰᠠ ᠲᠡᠷᠡ ᠬᠢᠯᠠᠰᠴᠦ ᠪᠠᠶᠢᠭᠠ ᠶᠠᠭᠤᠮᠠ ᠶᠢ ᠤᠯᠵᠦ ᠦᠵᠡᠬᠡᠳ ᠮᠦᠮᠦ ᠳᠡᠭᠡᠨ | ᠢᠷᠡᠵᠦ ᠬᠡᠯᠡᠭᠦ ᠳᠤ ᠮᠦᠮᠦ ᠨᠢ ᠶᠡᠬᠡᠳᠠ ᠠᠭᠤᠷᠯᠠᠵᠦ᠂ ᠡᠨᠡ ᠤᠴᠢᠷ ᠢ ᠬᠡᠨ ᠳᠤ ᠴᠦ ᠬᠡᠯᠡᠵᠦ ᠪᠤᠯᠬᠤ ᠦᠬᠡᠢ ᠬᠡᠵᠦ | ᠵᠠᠬᠢᠯᠠ᠃ ᠭᠦᠦ ᠬᠡᠳᠦᠶᠢᠪᠡᠷ ᠮᠦᠮᠦ ᠳᠡᠭᠡᠨ ᠲᠡᠷᠡ ᠶᠠᠭᠤᠮᠠ ᠶᠢ ᠠᠪᠴᠢᠷᠠᠬᠤ ᠦᠬᠡᠢ ᠬᠡᠵᠦ ᠠᠮᠠᠯᠳᠠᠭᠰᠠᠨ ᠪᠤᠯᠪᠠᠴᠦ | ᠬᠡᠳᠦᠨ ᠡᠳᠦᠷ ᠪᠤᠯᠪᠠᠯ ᠨᠢᠬᠡ ᠭᠠᠷᠴᠦ ᠢᠷᠡᠳᠡᠭ ᠲᠡᠷᠡ ᠠᠶᠤᠮᠰᠢᠭᠳᠦ ᠬᠠᠳᠠᠭᠤ ᠶᠠᠭᠤᠮᠠ ᠶᠢ ᠠᠪᠴᠦ ᠦᠬᠡᠷᠡ | ᠭᠠᠵᠠᠷ ᠪᠤᠯᠠᠵᠦ ᠲᠠᠯᠪᠢᠯᠠ ᠬᠡᠨᠡ᠃ ᠭᠠᠶᠢᠬᠠᠭᠤᠰᠢᠳᠠᠢ ᠨᠢ ᠲᠡᠷᠡ ᠬᠠᠳᠠᠭᠤ ᠶᠠᠭᠤᠮᠠ ᠡᠳᠦᠷ ᠪᠦᠷᠢ ᠪᠠᠶᠢᠬᠤ ᠪᠢᠰᠢ᠂ | ᠬᠠᠷᠠᠭᠳᠠᠭᠰᠠᠨ ᠡᠳᠦᠷ ᠠᠪᠬᠤ ᠦᠬᠡᠢ ᠪᠤᠯ ᠮᠠᠷᠭᠠᠰᠢ ᠨᠢ ᠭᠦᠮᠦᠨ ᠠᠪᠤᠭᠠᠳ ᠶᠠᠪᠤᠴᠢᠬᠠᠳᠠᠭ ᠬᠡᠨᠡ᠃ | ᠬᠠᠶᠢᠯᠠᠰᠤᠳᠠᠢ ᠶᠢᠨ ᠶᠡᠭᠡ ᠪᠠᠶᠠᠨ ᠶᠡᠭᠡ ᠨᠠᠷᠢᠨ ᠭᠦᠮᠦᠨ ᠬᠡᠨᠡ᠂ ᠲᠤᠭᠤᠯᠴᠢᠨ ᠭᠦᠦ ᠶᠢ ᠬᠤᠶᠠᠷ ᠤᠳᠠᠭᠠ | ᠦᠨᠢᠶᠡ ᠲᠤᠭᠤᠯ ᠢ ᠨᠠᠶᠢᠯᠠᠭᠦᠯᠵᠡᠢ ᠬᠡᠳ ᠰᠢᠢᠳᠬᠡᠭᠰᠡᠨ ᠴᠢᠨᠢ ᠤᠷᠴᠢᠮ ᠲᠡᠬᠢᠵᠦ ᠲᠡᠶᠢᠮᠦ ᠤᠴᠢᠷ ᠭᠠᠷᠤᠭᠰᠠᠨ | ᠦᠬᠡᠢ ᠨᠢ ᠪᠠᠰᠠ ᠨᠢᠬᠡ ᠵᠢᠭ ᠪᠤᠯᠵᠠᠢ ᠡ ᠬᠡᠵᠦ ᠡᠨᠡ ᠡᠳᠦᠷ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠲᠤᠭᠤᠯ ᠢᠶᠠᠨ ᠭᠠᠷᠭᠠᠬᠤ ᠶᠢ | ᠬᠤᠯᠠ ᠠᠴᠠ ᠬᠠᠷᠠᠵᠦ ᠲᠠᠭᠠᠵᠦ ᠶᠠᠪᠤᠭᠰᠠᠨ ᠬᠡᠨᠡ᠃ ᠦᠵᠡᠰᠠ᠂ ᠪᠠᠶᠠᠨ ᠤ ᠪᠤᠳᠤᠯᠭᠠᠨ ᠠᠴᠠ ᠭᠠᠷᠤᠭᠠ ᠦᠬᠡᠢ᠂ | ᠡᠨᠡ ᠮᠠᠭᠤ ᠲᠤᠭᠤᠯᠴᠢᠨ ᠭᠦᠦ ᠶᠢ ᠦᠵᠡ᠂ ᠲᠤᠭᠤᠯ ᠢ ᠶᠡᠭᠡ ᠭᠤᠤ ᠲᠤᠳᠤᠷᠠ ᠭᠦᠬᠡᠬᠡᠵᠦ ᠤᠷᠤᠭᠤᠯᠤᠭᠠᠳ | ᠬᠤᠪᠢ ᠪᠠᠷ ᠢᠶᠠᠨ ᠬᠠᠷᠢᠨ ᠭᠤᠤ ᠶᠢᠨ ᠠᠮᠠᠰᠠᠷ ᠤᠨ ᠮᠤᠳᠤᠨ ᠰᠡᠭᠦᠳᠡᠷ ᠲᠤ ᠤᠨᠳᠠᠭᠠᠳ ᠠᠪᠴᠢᠬᠠᠨᠠ᠃ ᠦᠨᠡᠬᠡᠷ | ᠰᠡᠷᠭᠦᠯᠡᠩ ᠭᠤᠤᠰᠦ ᠪᠠᠶᠢᠨᠠ ᠡ᠂ ᠪᠢ ᠴᠢᠮᠠᠢᠢ ᠨᠢᠬᠡ ᠮᠡᠳᠡᠶᠡ ᠬᠡᠵᠦ ᠵᠠᠨᠤᠭᠠᠳ ᠪᠤᠴᠠᠵᠠᠢ ᠬᠡᠨᠡ᠃ ᠮᠠᠷᠭᠠᠰᠢ ᠨᠢ | ᠪᠤᠯᠤᠭᠠᠳ ᠲᠤᠭᠤᠯᠴᠢᠨ ᠭᠦᠦ ᠴᠢᠮᠠᠢᠢ ᠤᠨᠳᠠᠭᠠ ᠪᠠᠷ ᠴᠢᠨᠢ ᠦᠪᠴᠢᠵᠦ ᠲᠠᠯᠪᠢᠶᠠ ᠬᠡᠵᠦ ᠪᠡᠯᠡᠳᠬᠡᠨ ᠰᠠᠭᠤᠵᠦ | ᠪᠠᠶᠢᠳᠠᠯᠠ ᠲᠤᠭᠤᠯᠴᠢᠨ ᠭᠦᠦ ᠲᠡᠬᠡᠭᠰᠢ ᠬᠠᠷᠠᠵᠦ ᠬᠡᠪᠳᠡᠬᠡᠳ ᠭᠦᠯ ᠬᠡᠳᠡᠭ ᠢ ᠴᠢᠨᠢ ᠰᠤᠯᠪᠢᠨ ᠠᠴᠢᠵᠦ ᠯᠠᠷᠵᠠ ᠲᠠᠢ | ᠬᠡᠪᠳᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠪᠤᠰᠴᠦ ᠰᠠᠭᠤᠭᠠᠳ ᠨᠢᠳᠦ ᠪᠠᠨ ᠨᠤᠬᠤᠯᠠᠨ ᠨᠤᠬᠤᠯᠠᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠵᠦᠭ | ᠬᠠᠷᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠭᠦᠶᠦᠨ ᠪᠤᠰᠴᠦ ᠴᠢᠭ ᠪᠠᠷᠠᠭᠤᠨ ᠬᠤᠶᠢᠳᠦ ᠡᠷᠬᠢ ᠲᠡᠬᠡᠷᠡ ᠨᠢᠬᠡ ᠯᠡ ᠠᠮᠢᠰᠬᠤᠭᠠ ᠪᠠᠷ | ᠭᠦᠶᠦᠨ ᠭᠠᠷᠴᠦ ᠨᠢᠬᠡ ᠶᠠᠭᠤᠮᠠ ᠠᠪᠴᠦ ᠡᠪᠤᠷᠯᠡᠬᠡᠳ ᠪᠤᠴᠠᠵᠦ ᠢᠷᠡᠪᠡ ᠬᠡᠨᠡ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠪᠠᠶᠠᠨ ᠤ | ᠬᠢ ᠬᠢ ᠢᠨᠢᠶᠡᠬᠡᠳ ᠪᠤᠴᠠᠵᠠᠢ᠃ ᠲᠤᠭᠤᠯᠴᠢᠨ ᠭᠦᠦ ᠶᠢ ᠬᠠᠷᠢᠵᠦ ᠢᠷᠡᠭᠰᠡᠨ ᠤ ᠰᠡᠭᠦᠯᠡᠷ ᠪᠠᠶᠠᠨ ᠲᠤᠳᠤᠭᠠᠳᠦ | ᠵᠠᠷᠤᠴᠠ ᠲᠠᠢ ᠪᠠᠨ ᠬᠠᠮᠳᠦ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠶᠠᠭᠤᠮᠠ ᠠᠪᠤᠭᠰᠠᠨ ᠭᠠᠵᠠᠷ ᠭᠦᠷᠴᠦ ᠭᠤᠷᠪᠠᠨ ᠲᠤᠬᠤᠢ | ᠤᠷᠪᠠᠭᠤᠯᠤᠭᠠᠳ ᠤᠯᠤᠭᠰᠠᠨ ᠶᠠᠭᠤᠮᠠ ᠦᠬᠡᠢ ᠪᠤᠯᠬᠤᠷ ᠠᠭᠤᠷ ᠤᠮᠤᠭ ᠢᠶᠠᠨ ᠭᠠᠷᠭᠠᠬᠤ ᠭᠦᠮᠦᠨ ᠦᠬᠡᠢ ᠪᠤᠯᠵᠦ᠂ | ᠲᠡᠷᠡ ᠲᠤᠤᠷᠠ ᠨᠢ ᠲᠤᠭᠤᠯᠴᠢᠨ ᠭᠦᠦ ᠶᠢ ᠲᠠᠭᠤᠳᠠᠵᠦ ᠲᠤᠭᠤᠯ ᠬᠠᠷᠢᠭᠤᠯᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠠᠰᠠᠭᠤᠪᠠ᠃ | ᠲᠦᠭᠦᠬᠡ ᠤᠷᠤᠭᠠᠳᠤᠢ ᠭᠦᠦ ᠲᠤᠮᠤ ᠪᠠᠶᠠᠨ ᠤ ᠠᠰᠠᠭᠤᠯᠳᠠ ᠶᠢ ᠬᠠᠷᠢᠭᠤᠯᠵᠦ ᠲᠠᠶᠢᠯᠭᠦ ᠦᠬᠡᠢ ᠲᠤᠯᠠ ᠬᠤᠶᠠᠷᠬᠠᠨ | ᠠᠰᠠᠭᠤᠭᠰᠠᠨ ᠦᠬᠡᠢ ᠲᠤᠭᠤᠯ ᠢᠶᠠᠨ ᠭᠤᠤ ᠲᠤᠳᠤᠷᠠ ᠬᠠᠷᠢᠭᠤᠯᠵᠦ ᠪᠠᠶᠢᠭᠠ ᠪᠠᠨ ᠬᠡᠯᠡᠬᠡᠳ ᠦᠭᠴᠡᠢ ᠬᠡᠨᠡ᠃ | ᠪᠠᠶᠠᠨ ᠡᠭᠦᠨ ᠢ ᠰᠤᠨᠤᠰᠤᠭᠠᠳ ᠲᠤᠳᠤᠷᠠ ᠪᠠᠨ ᠄ ︽ᠡᠨᠡ ᠮᠠᠭᠤ ᠰᠢᠷᠠ ᠠᠮᠤᠷ ᠦᠬᠡᠢ ᠭᠠᠪᠠᠯᠠ ᠪᠠᠶᠢᠵᠦ | ᠲᠠᠭᠠᠷᠠᠨᠠ᠂ ᠲᠡᠭᠦᠨ ᠤ ᠲᠡᠷᠡ ᠭᠤᠤ ᠶᠢᠨ ᠡᠬᠢ ᠠᠴᠠ ᠲᠡᠭᠦᠵᠦ ᠠᠪᠤᠭᠰᠠᠨ ᠶᠠᠭᠤᠮᠠ ᠯᠠᠪᠳᠠᠢ ᠡᠩ ᠤᠨ ᠶᠠᠭᠤᠮᠠ | ᠪᠢᠰᠢ ᠰᠢᠦ︕︾ ᠬᠡᠵᠦ ᠪᠤᠳᠤᠭᠠᠳ ᠠᠭᠠᠵᠢᠮ ᠢᠶᠠᠷ ᠤᠬᠤᠴᠢᠯᠠᠵᠦ ᠠᠰᠠᠭᠤᠭᠰᠠᠨ ᠴᠦ ᠲᠤᠭᠤᠯᠴᠢᠨ ᠭᠦᠦ ᠡᠵᠢ | ᠶᠢᠨ ᠢᠶᠠᠨ ᠵᠠᠬᠢᠶᠠ ᠪᠠᠷ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠦᠬᠡᠢ ᠳᠤ ᠪᠠᠶᠠᠨ ᠲᠠᠰᠢᠭᠤᠷ ᠡᠷᠬᠢᠭᠦᠯᠵᠦ ᠲᠤᠭᠤᠯᠴᠢᠨ ᠭᠦᠦ ᠶᠢ | ᠴᠤᠬᠢᠵᠦ ᠰᠢᠢᠳᠬᠡᠭᠦ ᠳᠤ ᠡᠵᠢ ᠨᠢ ᠲᠠᠰᠴᠦ ᠴᠢᠳᠠᠬᠤ ᠦᠬᠡᠢ ᠪᠤᠯᠵᠦ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠤᠯᠵᠦ ᠢᠷᠡᠭᠰᠡᠨ | ᠬᠡᠰᠡᠭᠳᠡᠢ ᠴᠠᠭᠠᠨ ᠮᠦᠩᠭᠦ ᠶᠢ ᠪᠠᠶᠠᠨ ᠳᠤ ᠠᠪᠴᠢᠷᠠᠵᠦ ᠦᠭᠴᠠᠢ ᠬᠡᠨᠡ᠃ ᠮᠦᠩᠭᠦ ᠦᠵᠡᠭᠰᠡᠨ ᠪᠠᠶᠠᠨ ᠤᠯᠠᠮ | ᠲᠤᠭᠰᠢᠷᠠᠵᠦ ᠲᠤᠭᠤᠯᠴᠢᠨ ᠭᠦᠦ ᠶᠢ ᠮᠢᠨᠦ ᠬᠠᠳᠠᠭᠠᠯᠠᠵᠦ ᠪᠠᠶᠢᠭᠰᠠᠨ ᠮᠦᠩᠭᠦ ᠶᠢ ᠬᠤᠯᠠᠭᠠᠶᠢᠯᠠᠵᠠᠢ ᠬᠡᠵᠦ ᠤᠯᠠᠮ | ᠴᠢᠩᠭᠠ ᠰᠢᠢᠳᠬᠡᠵᠦ᠂ ᠲᠤᠭᠤᠯᠴᠢᠨ ᠭᠦᠦ ᠪᠠᠷ ᠮᠦᠩᠭᠦ ᠤᠯᠤᠭᠰᠠᠨ ᠪᠤᠳᠠᠳᠠᠢ ᠭᠠᠵᠠᠷ ᠢ ᠵᠢᠭᠠᠯᠭᠠᠵᠦ ᠪᠠᠶᠢᠭᠠᠳ | ᠭᠤᠤ ᠶᠢᠨ ᠡᠬᠢ ᠶᠢ ᠪᠠᠷᠠᠳᠠᠯᠠ ᠤᠬᠤᠭᠰᠠᠨ ᠪᠤᠯᠪᠠᠴᠦ ᠨᠢᠬᠡ ᠬᠡᠰᠡᠭ ᠮᠦᠩᠭᠦ ᠪᠠᠰᠠ ᠤᠯᠤᠭᠰᠠᠨ ᠦᠬᠡᠢ ᠲᠤᠯᠠ | ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠤᠴᠢᠷ ᠬᠡᠵᠦ ᠲᠡᠭᠦᠨ ᠢ ᠬᠤᠷᠢᠵᠦ ᠡᠳᠦᠷ ᠪᠦᠷᠢ ᠰᠢᠢᠳᠬᠡᠭᠰᠡᠨ ᠪᠦᠬᠡᠳ ᠭᠦᠦ ᠪᠠᠷ | ᠮᠦᠩᠭᠦ ᠡᠷᠢᠭᠦᠯᠦᠨ ᠡᠷᠬᠢ ᠤᠬᠤᠭᠤᠯᠵᠠᠢ ᠬᠡᠨᠡ᠃ | ᠨᠢᠬᠡ ᠡᠳᠦᠷ ᠲᠤᠭᠤᠯᠴᠢᠨ ᠭᠦᠦ ᠶᠢ ᠴᠢᠰᠦ ᠨᠦᠵᠢ ᠪᠤᠯᠳᠠᠯᠠ ᠴᠤᠬᠢᠭᠠᠳ ᠮᠦᠩᠭᠦ ᠡᠷᠢᠭᠦᠯᠭᠦ ᠪᠠᠷ ᠠᠪᠴᠦ | ᠭᠠᠷᠬᠤ ᠳᠤ ᠶᠠᠭ ᠰᠠᠶᠢᠬᠠᠨ ᠨᠢᠬᠡ ᠭᠤᠶᠢᠷᠠᠨᠴᠢ ᠡᠪᠤᠬᠡᠨ ᠡᠭᠦᠳᠡᠨ ᠲᠡᠬᠡᠷᠡ ᠨᠢ ᠤᠴᠠᠷᠠᠵᠠᠢ ᠬᠡᠨᠡ᠃ ᠭᠤᠶᠢᠷᠠᠨᠴᠢ | ᠡᠪᠤᠬᠡᠨ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠠᠷᠠᠰᠦ ᠶᠠᠰᠦ ᠪᠤᠯᠤᠭᠰᠠᠨ ᠪᠡᠶᠡ ᠶᠢ ᠦᠵᠡᠭᠰᠡᠨ ᠤ ᠴᠦ ᠶᠤᠮ ᠤᠤ ᠪᠠᠶᠠᠨ ᠤ | ᠡᠮᠦᠨᠡ ᠲᠦᠰᠬᠢᠳᠠᠯᠠ ᠰᠦᠭᠦᠳᠦᠨ ᠮᠦᠷᠭᠦᠵᠦ᠂ ᠡᠨᠡ ᠪᠢᠴᠢᠬᠠᠨ ᠭᠦᠦ ᠶᠢ ᠦᠷᠦᠰᠢᠶᠡᠭᠦ ᠶᠢ ᠭᠤᠶᠤᠭᠰᠠᠨ ᠪᠦᠬᠡᠳ | ᠪᠠᠶᠠᠨ ᠳᠤ ᠲᠠᠬᠢᠨ ᠲᠠᠪᠳᠠᠨ ᠲᠤᠭᠤᠯᠴᠢᠨ ᠭᠦᠦ ᠶᠢ ᠬᠤᠤᠷᠯᠠᠵᠦ ᠪᠤᠯᠬᠤ ᠦᠬᠡᠢ᠂ ᠬᠡᠷᠪᠡ ᠨᠤᠶᠠᠨᠳᠠᠨ ᠲᠠ ᠡᠨᠡ | ᠭᠦᠦ ᠶᠢ ᠴᠤᠬᠢᠵᠦ ᠠᠯᠠᠪᠠᠯ ᠲᠠᠨ ᠤ ᠬᠡᠷ ᠡᠷᠦᠬᠡ ᠬᠠᠷᠠᠯᠠᠵᠦ ᠲᠠᠭᠤᠰᠬᠤ ᠪᠦᠬᠡᠳ ᠴᠢᠨᠦ ᠬᠠᠷᠢᠶᠠᠨ ᠳᠠᠬᠢ ᠭᠠᠵᠠᠷ | ᠦᠬᠡᠶᠢᠷᠡᠵᠦ᠂ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠲᠠᠰᠤᠷᠠᠬᠤ ᠦᠬᠡᠢ ᠪᠤᠯᠤᠨᠠ ᠬᠡᠵᠦ ᠬᠡᠳᠦᠢ ᠬᠡᠳᠦᠢ ᠬᠡᠯᠡᠵᠦ ᠢᠳᠬᠠᠭᠰᠠᠨ | ᠴᠦ ᠲᠤᠰᠠ ᠪᠤᠯᠤᠭᠰᠠᠨ ᠦᠬᠡᠢ᠂ ᠲᠤᠭᠤᠯᠴᠢᠨ ᠭᠦᠦ ᠶᠢᠨ ᠰᠢᠷᠬᠠᠨ ᠬᠠᠯᠠᠭᠤᠨ ᠨᠢ ᠰᠢᠷᠭᠤᠵᠦ ᠰᠤᠯᠢᠶᠡ ᠶᠠᠷᠢᠵᠦ | ᠪᠠᠶᠢᠭᠠᠳ ᠬᠡᠬᠡᠭᠳᠡᠵᠡᠢ ᠬᠡᠨᠡ᠃ ᠲᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠬᠠᠶᠢᠯᠠᠰᠤᠳᠠᠢ ᠶᠢᠨ ᠶᠡᠭᠡ ᠪᠠᠶᠠᠨ ᠦᠬᠡᠶᠢᠷᠠᠨ ᠲᠤᠷᠤᠶᠢᠳᠠᠵᠦ | ᠬᠡᠷ ᠡᠷᠦᠬᠡ ᠨᠢ ᠪᠤᠳᠠᠷᠠᠨ ᠰᠠᠷᠨᠢᠵᠦ ᠲᠠᠭᠤᠰᠴᠠᠢ ᠬᠡᠨᠡ᠃ ᠬᠤᠵᠢᠮ ᠨᠢ ᠲᠡᠷᠡ ᠭᠠᠵᠠᠷ ᠤᠨ ᠤᠰᠦ ᠭᠦᠷᠦᠰᠦ ᠶᠢᠨ | ᠤᠴᠢᠷ ᠴᠦ ᠶᠤᠮ ᠤᠤ ᠪᠠᠶᠠᠵᠢᠨ ᠲᠡᠭᠵᠢᠷᠡᠭᠰᠡᠨ ᠭᠦᠮᠦᠨ ᠨᠢᠬᠡ ᠴᠦ ᠭᠠᠷᠤᠭᠰᠠᠨ ᠦᠬᠡᠢ ᠪᠦᠬᠡᠳ ᠬᠠᠶᠢᠯᠠᠰᠤᠳᠠᠢ | ᠶᠢᠨ ᠪᠠᠶᠠᠨ ᠤ ᠠᠶᠢᠯ ᠠᠴᠠ ᠲᠤᠷᠤᠭᠰᠢ ᠤᠯᠠᠨ ᠠᠷᠪᠢᠨ ᠡᠪᠡᠳᠴᠢᠳᠠᠨ ᠭᠠᠷᠴᠠᠢ ᠬᠡᠨᠡ᠃ ᠲᠤᠭᠤᠯᠴᠢᠨ ᠭᠦᠦ ᠶᠢᠨ | ᠲᠤᠭᠤᠯ ᠬᠠᠷᠢᠭᠤᠯᠵᠦ ᠪᠠᠶᠢᠭᠰᠠᠨ ᠲᠡᠷᠡ ᠭᠤᠤ ᠶᠢ ᠬᠤᠵᠢᠮ ︽ᠲᠤᠭᠤᠯ ᠤᠨ ᠭᠤᠤ︾ ᠬᠡᠵᠦ ᠨᠡᠷᠡᠶᠢᠳᠦᠨ᠂ ᠤᠳᠦ | ᠠᠶᠢᠯ ᠡᠷᠦᠬᠡ ᠰᠠᠭᠤᠵᠦ ᠪᠤᠯᠵᠦ ᠪᠠᠶᠢᠨᠠ᠃ |