| ᠬᠤᠨᠢᠨ ᠰᠢᠭᠦᠰᠦ ᠪᠤᠯᠪᠠᠰᠦ ᠮᠠᠨᠠᠶᠢᠬᠢᠨ ᠤ ᠬᠠᠮᠤᠭ ᠤᠨ ᠡᠷᠬᠢᠮ ᠭᠦᠨᠳᠦᠳᠦ ᠢᠳᠡᠬᠡᠨ ᠪᠤᠯᠤᠮᠤᠢ᠃ ᠡᠶᠢᠨ ᠭᠦ | ᠬᠤᠨᠢ ᠪᠠᠨ ︽ᠬᠤᠨ ᠴᠠᠭᠠᠨ ᠦᠩᠬᠡᠳᠡᠢ᠂ ᠬᠤᠩᠭᠤᠷ ᠰᠠᠶᠢᠬᠠᠨ ᠲᠠᠭᠤᠨ ᠲᠠᠢ᠂ ᠬᠤᠳᠠ ᠮᠠᠨᠳᠠᠯ ᠤᠨ ᠴᠢᠮᠡᠭ | ᠪᠤᠯᠤᠭᠰᠠᠨ ᠬᠠᠯᠠᠭᠤᠨ ᠬᠤᠰᠢᠭᠤᠳᠦ ᠬᠤᠨᠢ︾ ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠦ ᠬᠤᠨᠢᠨ ᠰᠢᠭᠦᠰᠦ ᠶᠢ ᠪᠤᠰᠤᠳ ᠮᠠᠯ ᠤᠨ ᠮᠢᠬᠠ | ᠠᠴᠠ ᠡᠬᠡᠨᠡᠭᠳᠡᠨ ᠪᠠᠨ ᠭᠦᠨᠳᠦᠳᠬᠡᠨ ᠦᠵᠡᠳᠡᠭ ᠪᠤᠯᠠᠢ᠃ ᠮᠠᠨ ᠤ ᠤᠷᠤᠨᠠ ᠦᠵᠦᠮᠦᠴᠢᠨ᠂ ᠰᠦᠨᠢᠳ ᠤᠨ ᠬᠤᠨᠢᠨ | ᠤ ᠮᠢᠬᠠ ᠠᠨᠤ ᠰᠢᠮᠡ ᠲᠡᠵᠢᠬᠡᠯ ᠰᠠᠶᠢᠳᠠᠢ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠤᠯᠠᠢ᠃ | ᠬᠤᠨᠢᠨ ᠤ ᠮᠢᠬᠠ ᠶᠢ ᠢᠳᠡᠭᠦᠢ ᠳᠤᠷ ᠱᠠᠩᠳᠠᠭᠤᠨ ᠪᠦᠬᠡᠳ ᠰᠢᠮᠡ ᠲᠡᠵᠢᠬᠡᠯ ᠲᠡᠭᠦᠯᠳᠡᠷ ᠪᠦᠯᠦᠬᠡ᠃ ᠮᠤᠩᠭᠤᠯ | ᠡᠮᠨᠡᠯᠬᠡ ᠶᠢᠨ ᠤᠬᠠᠭᠠᠨ ᠳᠤᠷ ︽ᠬᠤᠨᠢᠨ ᠮᠢᠬᠠ ᠪᠠᠳᠭᠠᠨ ᠬᠡᠢ ᠶᠢ ᠠᠷᠢᠯᠭᠠᠵᠦ᠂ ᠲᠤᠷᠠ ᠶᠢ ᠨᠡᠬᠡᠬᠡᠵᠦ᠂ ᠲᠠᠮᠢᠷ | ᠰᠠᠶᠢᠵᠢᠷᠠᠭᠤᠯᠬᠤ ᠴᠢᠳᠠᠯᠳᠠᠢ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠪᠦᠭᠦᠯᠢ ᠬᠤᠨᠢᠨ ᠮᠢᠬᠠ ᠴᠢᠨᠠᠭᠰᠠᠨ ᠱᠦᠯᠦ ᠢ | ᠤᠤᠭᠤᠪᠠᠰᠦ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠨ᠂ ᠰᠤᠳᠠᠯ ᠢ ᠨᠡᠬᠡᠬᠡᠭᠳᠡᠭᠦᠯᠦᠨ ᠬᠤᠯᠤᠤ᠂ ᠰᠢᠷᠠ ᠤᠰᠦ | ᠶᠢ ᠲᠠᠷᠬᠠᠭᠠᠵᠦ᠂ ᠲᠠᠮᠢᠷ ᠰᠦᠯᠳᠠ ᠶᠢ ᠨᠡᠮᠡᠭᠳᠡᠭᠦᠯᠭᠦ ᠴᠢᠳᠠᠯᠳᠠᠢ ᠪᠤᠯᠠᠢ᠃ ︽ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠲᠡᠭᠦᠪᠦᠷᠢ︾ | ᠳᠤᠷ ︽ᠬᠤᠨᠢᠨ ᠪᠦᠬᠡᠷᠡ ᠶᠢ ᠬᠤᠨᠢᠨ ᠰᠦᠨ ᠳᠤᠨᠢ ᠴᠢᠨᠠᠵᠦ ᠢᠳᠡᠪᠡᠰᠦ ᠬᠠᠷᠠ ᠪᠦᠬᠡᠷᠡ ᠶᠢᠨ ᠡᠪᠡᠳᠴᠢᠨ ᠢ | ᠵᠠᠰᠠᠵᠦ᠂ ᠰᠢᠬᠡᠰᠦ ᠴᠢᠪᠳᠠᠭᠰᠢᠬᠤ᠂ ᠪᠤᠭᠤᠭᠳᠠᠬᠤ ᠶᠢ ᠡᠳᠡᠬᠡᠷᠡᠭᠦᠯᠦᠮᠤᠢ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠤᠭᠦᠢ᠃ ᠬᠤᠨᠢᠨ | ᠰᠡᠪᠡᠰᠦᠨ ᠲᠡᠪᠳᠤᠬᠡᠯᠬᠡ ᠢᠨᠦ ︵ᠰᠡᠪᠡᠰᠦᠨ ᠳᠤᠷ ᠰᠠᠭᠤᠬᠤ ᠬᠡᠮᠡᠮᠤᠢ︶ ᠪᠦᠯᠡᠭᠡ ᠰᠢᠷᠪᠤᠰᠤᠨ ᠤ ᠡᠪᠡᠳᠴᠢᠨ᠂ | ᠴᠠᠭᠠᠨ ᠬᠤᠶᠠᠩ ᠨᠢᠯᠬᠠ ᠬᠡᠤᠬᠡᠳ ᠤᠨ ᠡᠯᠢᠬᠡ ᠤᠨᠠᠭᠰᠠᠨ ᠵᠡᠷᠬᠡ ᠶᠢ ᠡᠳᠡᠬᠡᠷᠡᠭᠦᠯᠭᠦ ᠴᠢᠳᠠᠯᠳᠠᠢ ᠪᠤᠯᠠᠢ᠃ ᠵᠢᠴᠢ | ᠬᠤᠨᠢᠨ ᠤ ᠰᠦᠨ᠂ ᠰᠢᠷᠠ ᠲᠤᠰᠤ᠂ ᠦᠬᠡᠭᠦ᠂ ᠲᠡᠷᠢᠬᠢ᠂ ᠵᠢᠷᠦᠬᠡ᠂ ᠠᠭᠤᠰᠬᠢ᠂ ᠡᠯᠢᠬᠡ ᠪᠦᠬᠡᠷᠡ᠂ ᠲᠦᠮᠦᠰᠦ ︵ | ᠢᠮ︶᠂ ᠨᠢᠳᠦ᠂ ᠰᠦᠰᠦ᠂ ᠭᠠᠪᠠᠯᠠ᠂ ᠶᠠᠰᠦ᠂ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ᠂ ᠰᠡᠪᠡᠰᠦ᠂ ᠡᠪᠡᠷ᠂ ᠬᠠᠷᠪᠢᠰᠦ ᠴᠢᠮᠦᠬᠡ ᠶᠢ | ᠴᠦᠮ ᠮᠤᠩᠭᠤᠯ ᠡᠮᠨᠡᠯᠬᠡ ᠳᠤᠷ ᠬᠡᠷᠡᠭᠯᠡᠮᠤᠢ᠃ | ᠬᠤᠨᠢᠨ ᠤ ᠲᠤᠶᠢᠭ᠂ ᠪᠤᠷᠪᠢ᠂ ᠲᠠᠯᠤ ᠶᠢᠨ ᠶᠠᠰᠤᠨ ᠤ ᠱᠦᠯᠦ ᠶᠢ ᠪᠤᠯᠪᠠᠰᠤ ᠮᠠᠨ ᠤ ᠤᠷᠤᠨᠠ ᠭᠤᠷᠪᠠᠨ | ᠰᠢᠮᠠᠳᠦ ᠶᠢᠨ ᠱᠦᠯᠦ ᠬᠡᠮᠡᠮᠤᠢ᠃ ᠲᠡᠬᠡᠷᠡ ᠢᠨᠦ ᠬᠤᠨᠢᠨ ᠤ ᠤᠬᠤᠷ ᠰᠡᠭᠦᠯ ᠢ ᠨᠡᠮᠡᠪᠡᠰᠦ ᠲᠦᠷᠪᠡᠨ ᠰᠢᠮᠡᠳᠦ | ᠬᠡᠮᠡᠳᠡᠭ᠃ ᠲᠦᠷᠪᠡᠨ ᠰᠢᠮᠡᠳᠦ ᠶᠢᠨ ᠱᠦᠯᠦ ᠪᠤᠯᠪᠠᠰᠤ ᠬᠡᠢ ᠶᠢ ᠲᠠᠷᠤᠬᠤᠢ ᠳᠤᠷ ᠰᠠᠶᠢᠨ ᠠᠵᠤᠭᠤ᠃ ᠬᠤᠨᠢᠨ | ᠮᠢᠬᠠᠨ ᠤ ᠰᠢᠭᠦᠰᠦ ᠢᠨᠦ ᠲᠠᠪᠤᠨ ᠭᠦᠨᠦᠬᠡᠯ ᠲᠤᠯᠤᠭᠠᠨ ᠬᠡᠮᠳᠤᠯ ᠬᠢᠬᠡᠳ ᠴᠤᠯᠤ ᠰᠠᠪᠠ ᠶᠢᠨ ᠭᠦᠢᠳᠡᠨ ᠬᠡᠢ ᠶᠢ | ᠵᠠᠰᠠᠮᠤᠢ᠃ ᠡᠭᠦᠨᠳᠦᠷ ᠬᠤᠨᠢᠨ ᠤ ᠭᠤᠶᠠ ᠶᠢᠨ ᠰᠢᠷᠪᠤᠰᠦ ᠶᠢ ᠠᠪᠴᠦ ᠬᠠᠶᠠᠭᠠᠳ ᠵᠢᠵᠢᠭ ᠬᠡᠰᠡᠭ ᠪᠤᠯᠭᠠᠨ | ᠭᠦᠰᠭᠦᠯᠡᠬᠡᠳ ᠴᠡᠪᠡᠷ ᠲᠤᠭᠤᠭᠠᠨ ᠳᠤᠷ ᠬᠢᠵᠦ ᠨᠢᠭᠳᠠ ᠪᠦᠳᠡᠬᠡᠨ ᠪᠢᠩ ᠪᠢᠳᠡᠭᠦᠦ ᠪᠠᠷ ᠤᠯᠪᠤᠷᠠᠳᠠᠯᠠ ᠴᠢᠨᠠᠵᠦ | ᠪᠤᠯᠭᠤᠭᠠᠳ᠂ ᠴᠡᠪᠡᠷ ᠪᠦᠰ ᠲᠤᠷ ᠪᠠᠭᠯᠠᠵᠦ ᠮᠤᠰᠬᠢᠨ ᠨᠤᠬᠤᠯᠬᠢᠯᠠᠭᠰᠠᠭᠠᠷ ᠰᠢᠭᠦᠰᠦ ᠶᠢ ᠢᠨᠦ ᠰᠢᠪᠬᠠᠨ ᠠᠪᠤᠭᠠᠳ᠂ | ᠤᠷᠳᠤᠳᠠ ᠤᠤᠭᠤᠪᠠᠰᠦ ᠰᠠᠪᠠ ᠶᠢ ᠰᠠᠯᠪᠢᠨ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠵᠦ ᠴᠢᠳᠠᠬᠤ ᠠᠵᠠᠢ᠃ ᠡᠶᠢᠨ ᠭᠦ ︽ᠠᠨᠠᠭᠠᠬᠤ | ᠤᠬᠠᠭᠠᠨ ᠤ ᠲᠦᠷᠪᠡᠨ ᠦᠨᠳᠦᠰᠦ︾ ᠳᠤᠷ ︽ᠬᠤᠨᠢᠨ ᠤ ᠮᠢᠬᠠ ᠪᠤᠯᠪᠠᠰᠤ ᠬᠡᠢ ᠡᠪᠡᠳᠴᠢᠨ ᠢ ᠲᠠᠷᠤᠬᠤ ᠲᠠᠪᠤᠨ | ᠵᠦᠢᠯ ᠤᠨ ᠮᠢᠬᠠ ᠶᠢᠨ ᠨᠢᠬᠡ ᠨᠢ ᠪᠤᠯᠬᠤ ᠪᠦᠬᠡᠳ ᠪᠠᠳᠭᠠᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠢᠳᠡᠬᠡᠨ︾ ᠬᠡᠮᠡᠨ | ᠲᠡᠮᠳᠡᠭᠯᠡᠭᠰᠡᠨ ᠢᠨᠦ ᠵᠦᠪ ᠪᠤᠯᠠᠢ᠃ | ᠬᠤᠨᠢᠨ ᠤ ᠡᠭᠦᠯᠳᠡᠷ ᠤᠭᠰᠠᠭᠠ᠂ ᠨᠠᠰᠦ ᠵᠢᠯ᠂ ᠰᠢᠮᠡ ᠲᠡᠵᠢᠬᠡᠯ ᠤᠨ ᠠᠳᠠᠯᠢ ᠪᠤᠰᠤ ᠠᠴᠠ ᠰᠢᠯᠳᠠᠭᠠᠯᠠᠨ᠂ | ᠲᠡᠭᠦᠨ ᠤ ᠮᠢᠬᠠᠨ ᠳᠤᠷ ᠠᠭᠤᠯᠤᠭᠳᠠᠵᠦ ᠪᠦᠭᠦᠢ ᠪᠦᠷᠢᠯᠳᠦᠭᠦᠨ ᠤ ᠬᠡᠮ ᠬᠡᠮᠵᠢᠶᠡ ᠴᠦ ᠶᠡᠷᠦ ᠠᠴᠠ ᠵᠦᠷᠢᠶᠠᠨ ᠲᠠᠢ | ᠠᠵᠤᠭᠤ᠃ | ᠬᠤᠨᠢᠨ ᠰᠢᠭᠦᠰᠦ ᠶᠢ ᠮᠠᠨ ᠤ ᠤᠷᠤᠨᠠ ᠬᠡᠷᠡᠭᠴᠡᠭᠡ ᠪᠤᠶᠦ ᠵᠠᠩᠰᠢᠯ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ ᠵᠢᠯ ᠤᠨ ᠲᠦᠷᠪᠡᠨ | ᠤᠯᠠᠷᠢᠯ ᠳᠤᠷ ᠶᠠᠩᠵᠦ ᠪᠦᠷᠢ ᠶᠢᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠢᠶᠠᠷ ᠡᠳ᠋ᠯᠡᠵᠦ ᠶᠠᠩᠵᠦ ᠪᠦᠷᠢ ᠶᠢᠨ ᠵᠤᠴᠢᠨ ᠳᠤᠷ ᠶᠠᠩᠵᠦ | ᠪᠦᠷᠢ ᠪᠠᠷ ᠲᠠᠪᠠᠭᠯᠠᠵᠦ ᠲᠠᠶᠢᠯᠠᠯᠭᠠ ᠬᠢᠳᠡᠭ ᠪᠤᠯᠠᠢ᠃ ᠡᠭᠦᠨ ᠢ ᠲᠤᠪᠴᠢ ᠲᠤᠷᠠᠳᠪᠠᠰᠦ ᠶᠡᠷᠦᠩᠬᠡᠢ ᠳᠡᠭᠡᠨ ᠮᠠᠨᠠᠶᠢᠬᠢᠨ | ᠤᠷᠢᠳᠦ ᠢᠵᠠᠭᠤᠷ ᠠᠴᠠ ᠬᠤᠨᠢᠨ ᠮᠢᠬᠠ ᠶᠢ ᠲᠠᠯᠠᠨ ᠬᠤᠶᠠᠷ ᠶᠠᠩᠵᠦ ᠪᠠᠷ ᠪᠤᠯᠭᠤᠵᠦ ᠢᠳᠡᠳᠡᠭ ᠬᠡᠮᠡᠯᠴᠡᠳᠡᠭ᠃ | ᠡᠨᠡ ᠢᠨᠦ ᠤᠯᠠᠨ ᠶᠠᠩᠵᠦ ᠪᠠᠷ ᠬᠤᠪᠢᠯᠭᠠᠵᠦ ᠢᠳᠡᠳᠡᠭ ᠬᠡᠮᠡᠭᠰᠡᠨ ᠢ ᠦᠭᠦᠯᠡᠭᠰᠡᠨ ᠬᠡᠷᠡᠭ ᠠᠵᠤᠭᠤ᠃ ᠤᠳᠤᠬᠠᠨ | ᠳᠤᠷ ᠮᠠᠨ ᠤ ᠤᠯᠠᠮᠵᠢᠯᠠᠯᠳᠦ ᠰᠢᠭᠦᠰᠦ ᠢᠨᠦ᠂ ᠪᠦᠭᠦᠯᠢ ᠬᠤᠨᠢᠨ ᠰᠢᠭᠦᠰᠦ᠂ ᠵᠤᠯᠤᠮᠠ ᠬᠤᠨᠢᠨ ᠰᠢᠭᠦᠰᠦ᠂ ᠵᠤᠮᠠ | ᠰᠢᠭᠦᠰᠦ᠂ ᠰᠢᠷᠠᠵᠦ ᠬᠠᠭᠰᠠᠭᠠᠭᠰᠠᠨ ᠰᠢᠭᠦᠰᠦ ᠬᠡᠭᠦ ᠵᠡᠷᠬᠡ ᠪᠠᠷ ᠬᠢᠵᠦ ᠪᠤᠢ᠃ ᠮᠦᠠᠭᠦ ᠪᠦᠭᠦᠯᠢ ᠬᠤᠨᠢᠨ ᠰᠢᠭᠦᠰᠦ | ᠪᠠᠨ ᠵᠠᠷᠢᠮ ᠭᠠᠵᠠᠷᠠ᠂ ᠲᠡᠷᠢᠭᠦᠨ ᠰᠢᠭᠦᠰᠦ᠂ ᠶᠡᠭᠡ ᠰᠢᠭᠦᠰᠦ᠂ ᠲᠠᠳ᠋ ᠰᠢᠭᠦᠰᠦ᠂ ᠪᠠᠭᠠ ᠰᠢᠭᠦᠰᠦ ︵ᠭᠦᠶᠤᠯᠬᠡᠬᠡ | ᠤᠭᠤᠴᠠ︶ ᠬᠡᠮᠡᠨ ᠬᠤᠪᠢᠶᠠᠨ ᠲᠠᠪᠰᠢ ᠲᠠᠯᠪᠢᠳᠠᠭ ᠴᠦ ᠪᠤᠢ᠃ ᠡᠶᠢᠨ ᠭᠦ ᠬᠤᠨᠢ ᠶᠢ ᠨᠢᠳᠤᠯᠡᠵᠦ ᠡᠪᠳᠡᠭᠦᠢ ᠳᠤᠷ | ᠬᠡᠷᠡᠭᠴᠡᠭᠡ ᠪᠠᠨ ᠦᠨᠳᠦᠰᠦᠯᠡᠳᠡᠭ ᠪᠦᠯᠦᠬᠡ᠃ ᠵᠢᠴᠢ᠂ ᠬᠤᠨᠢᠨ ᠵᠢᠷᠤᠬᠡᠨ ᠰᠢᠷᠠᠮᠠᠯ᠂ ᠬᠤᠨᠢᠨ ᠬᠡᠳᠡᠰᠦᠨ ᠬᠡᠷᠡᠴᠢᠮᠠᠯ᠂ | ᠬᠤᠨᠢᠨ ᠲᠤᠯᠤᠭᠠᠢ ᠶᠢᠨ ᠵᠠᠭᠤᠰᠢ᠂ ᠬᠤᠨᠢᠨ ᠮᠢᠬᠠᠨ ᠪᠤᠭᠤᠷᠰᠤᠭ ᠁ ᠬᠡᠮᠡᠨ ᠶᠠᠩᠵᠦ ᠪᠦᠷᠢ ᠪᠠᠷ | ᠪᠤᠯᠪᠠᠰᠤᠷᠠᠭᠤᠯᠤᠨ ᠢᠳᠡᠳᠡᠭ ᠤᠯᠠᠮᠵᠢᠯᠠᠯ ᠪᠤᠢ᠃ |