| ᠶᠢᠨ ᠱᠦ ᠵᠧᠨ ᠪᠣᠯ ᠺᠸᠤ ᠾᠧ ᠽᠢ ᠪᠠᠯᠭᠠᠰᠤᠨ ᠤ ᠰᠢᠩ ᠹᠠ ᠲᠣᠰᠬᠤᠨ ᠤ ᠠᠷᠠᠳ᠂ ᠡᠨᠡ ᠵᠢᠯ 51 ᠨᠠᠰᠤᠲᠠᠶ᠂ | ᠬᠦᠨᠳᠦ ᠡᠪᠡᠳᠴᠢᠨ ᠲᠠᠢ ᠬᠠᠳᠠᠮ ᠡᠵᠢ ᠪᠠᠨ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠭᠠᠳ ᠨᠢᠭᠡᠨᠲᠡ 20 ᠵᠢᠯ ᠰᠢᠬᠠᠮ ᠪᠣᠯᠵᠤ | ᠪᠠᠶᠢᠨᠠ᠃ | | | | 2004 ᠣᠨ ᠳᠤ ᠬᠠᠳᠠᠮ ᠡᠵᠢ ᠨᠢ ᠭᠡᠨᠡᠳᠲᠡ ᠪᠠᠷ ᠲᠠᠷᠢᠬᠢᠨ ᠤ ᠴᠢᠰᠤᠨ ᠰᠤᠳᠠᠯ ᠪᠦᠯᠦᠩᠨᠡᠵᠦ᠂ | ᠡᠪᠡᠳᠴᠢᠨ ᠨᠢ ᠬᠦᠨᠳᠦᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠣᠷᠣᠨ ᠠᠴᠠ ᠪᠠᠨ ᠪᠣᠰᠴᠤ ᠳᠡᠶᠢᠯᠬᠦ ᠦᠭᠡᠢ᠂ ᠪᠡᠶᠡ ᠪᠠᠨ ᠴᠦ | ᠳᠠᠭᠠᠭᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠪᠠ᠃ 31 ᠨᠠᠰᠤᠲᠠᠶ ᠶᠢᠨ ᠱᠦ ᠵᠧᠨ ᠬᠠᠳᠠᠮ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠬᠤ ᠡᠭᠦᠷᠭᠡ ᠶᠢ | ᠣᠭᠲᠣᠬᠠᠨ ᠴᠤ ᠲᠠᠲᠠᠭᠠᠯᠵᠠᠯ ᠦᠭᠡᠢ ᠪᠠᠷ ᠡᠭᠦᠷᠭᠡᠯᠡᠨ ᠠᠪᠴᠠᠢ᠃ | | | | ᠶᠢᠨ ᠱᠦ ᠵᠧᠨ ᠤ ᠡᠷᠡ ᠨᠥᠬᠦᠷ ᠨᠢ᠄ ︽ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠲᠡᠷᠡ ᠨᠠᠰᠤᠲᠠᠨ ᠢ ᠠᠰᠠᠷᠠᠭᠠᠳ ᠪᠤᠵᠠᠷ | ᠪᠣᠯᠴᠢᠯᠠ ᠭᠡᠬᠦ ᠪᠣᠶᠤ ᠶᠠᠳᠠᠷᠠᠵᠤ ᠪᠠᠶᠢᠨᠠ ᠭᠡᠵᠦ ᠶᠡᠷᠦ ᠬᠡᠯᠡᠭᠡ ᠦᠭᠡᠶ᠂ ᠢᠩᠭᠢᠵᠦ ᠦᠭᠡ ᠳᠠᠭᠤᠨ ᠦᠭᠡᠶ ᠪᠠᠷ | ᠵᠢᠳᠬᠦᠵᠦ ᠪᠠᠶᠢᠭᠰᠠᠨ ᠳᠤ ᠪᠢ ᠶᠡᠬᠡᠳᠡ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ᠂ ᠡᠬᠡᠨᠡᠷ ᠲᠡᠭᠡᠨ ᠵᠦᠳᠡᠷᠡᠯᠡ ᠭᠡᠵᠦ ᠬᠡᠯᠡᠮᠡᠷ ᠪᠣᠳᠤᠬᠤ | ᠶᠤᠮ ᠡ︾ ᠭᠡᠵᠦ ᠬᠡᠯᠡᠪᠡ᠃ | | | | 2015 ᠣᠨ ᠳᠤ᠂ ᠶᠢᠨ ᠱᠦ ᠵᠧᠨ ᠰᠢᠰᠲ᠋ᠧᠮᠲᠦ ᠴᠢᠨᠠᠷᠲᠠᠶ ᠤᠯᠠᠭᠠᠨ ᠲᠣᠯᠪᠣᠲᠤ ᠴᠢᠨ᠋ᠸᠠ ᠶᠢᠨ ᠶᠠᠷᠠ ᠳᠤ | ᠨᠡᠷᠪᠡᠭᠳᠡᠵᠦ᠂ ᠨᠢᠭᠡ ᠰᠠᠷᠠ ᠰᠢᠬᠠᠮ ᠡᠮᠨᠡᠯᠭᠡ ᠳᠤ ᠰᠠᠭᠤᠭᠠᠳ ᠡᠰᠡ ᠯᠡ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠬᠤ ᠰᠢᠬᠠᠵᠠᠶ᠂ | ᠡᠭᠦᠨ ᠠᠴᠠ ᠪᠣᠯᠵᠣ ᠮᠠᠰᠢ ᠣᠯᠠᠨ ᠠᠷᠬᠠᠭ ᠦᠯᠡᠳᠡᠵᠦ᠂ ᠡᠮ ᠤᠤᠭᠤᠵᠤ ᠠᠷᠭᠠᠴᠠᠭᠰᠠᠭᠠᠷ ᠪᠠᠶᠢᠯᠠ᠂ ᠭᠡᠪᠡᠴᠦ ᠲᠡᠷᠡ | ᠬᠠᠳᠠᠮ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠬᠤ ᠪᠠᠨ ᠮᠥᠨ ᠯᠡ ᠵᠣᠭᠰᠣᠭᠰᠠᠨ ᠥᠬᠡᠶ ᠶᠤᠮ᠃ | | | | ᠬᠠᠳᠠᠮ ᠡᠵᠢ ᠶᠢᠨ ᠬᠢᠨ ᠰᠢᠳᠦ ᠨᠢ ᠮᠠᠭᠤ ᠶᠢ ᠪᠣᠳᠣᠯᠬᠢᠯᠠᠭᠠᠳ ᠶᠢᠨ ᠱᠦ ᠵᠧᠨ ᠠᠴᠠ ᠲᠤᠰᠬᠠᠶᠢᠯᠠᠨ ᠡᠯᠳᠡᠪ | ᠶᠠᠩᠵᠤ ᠪᠠᠷ ᠬᠠᠳᠠᠮ ᠡᠵᠢ ᠳᠡᠭᠡᠨ ᠲᠤᠰᠠᠭᠠᠷ ᠨᠢ ᠬᠤᠭᠤᠯᠠ ᠬᠢᠵᠦ ᠥᠭᠲᠡᠭ᠃ ᠬᠤᠭᠤᠯᠠ ᠪᠠᠨ ᠪᠣᠯᠭᠤᠭᠰᠠᠨ ᠤ | ᠬᠤᠶᠢᠨᠠ ᠶᠢᠨ ᠱᠦ ᠵᠧᠨ ᠤᠷᠢᠳ ᠢᠶᠠᠷ ᠬᠠᠳᠠᠮ ᠡᠵᠢ ᠪᠠᠨ ᠢᠳᠡᠭᠦᠯᠦᠨᠡ᠃ ᠵᠠᠷᠢᠮ ᠳᠠᠭᠠᠨ ᠬᠠᠳᠠᠮ ᠡᠵᠢ ᠪᠠᠨ | ᠢᠳᠡᠭᠦᠯᠵᠦ ᠪᠠᠷᠠᠪᠠᠯ ᠥᠪᠡᠷ ᠢᠶᠠᠨ ᠨᠢᠭᠡ ᠠᠮᠠ ᠬᠠᠯᠠᠭᠤᠨ ᠬᠤᠭᠤᠯᠠ ᠴᠤ ᠣᠯᠵᠤ ᠢᠳᠡᠬᠦ ᠦᠭᠡᠶ ᠪᠣᠯᠳᠠᠭ᠃ | | | | ᠶᠢᠨ ᠱᠦ ᠵᠧᠨ ᠤ ᠬᠠᠳᠠᠮ ᠡᠵᠢ ᠨᠢ᠄ ︽ᠮᠢᠨᠦ ᠬᠦᠦ ᠪᠡᠷᠢ ᠪᠣᠯ ᠲᠥᠷᠥᠭᠰᠡᠨ ᠥᠬᠢᠨ ᠰᠢᠭ᠂ ᠦᠨᠡᠬᠡᠷ ᠰᠠᠶᠢᠨ | ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠲᠡᠷᠡ ᠨᠠᠮᠠᠶᠢ ᠬᠠᠷᠠᠭᠠᠯᠵᠠᠭᠰᠠᠨ ᠶᠤᠮ᠂ ᠠᠵᠠ ᠪᠠᠷ ᠬᠦᠦ ᠪᠡᠷᠢ ᠲᠠᠢ | ᠪᠣᠯᠤᠭᠰᠠᠨ ᠳᠠᠭᠠᠨ ᠪᠣᠯᠵᠠᠶ︾ ᠭᠡᠵᠦ ᠬᠡᠯᠡᠨᠡ᠃ | ᠶᠢᠨ ᠱᠦ ᠵᠧᠨ ᠤ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠤᠨ ᠬᠢᠨ᠄ ︽ᠮᠢᠨᠦ ᠠᠴᠢ ᠪᠡᠷᠢ ᠦᠨᠡᠬᠡᠷ ᠰᠠᠶᠢᠨ᠂ ᠲᠡᠭᠦᠨ ᠤ ᠪᠡᠶᠡ ᠨᠢ | ᠮᠠᠭᠤ ᠪᠣᠯᠪᠠᠴᠤ ᠪᠠᠰᠠ ᠬᠠᠳᠠᠮ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠭᠰᠠᠭᠠᠷ᠂ ᠮᠠᠰᠢ ᠠᠴᠢᠯᠠᠯ ᠲᠠᠢ ᠶᠤᠮ᠃ ᠬᠡᠨ ᠤ ᠭᠡᠷ ᠲᠤ | ᠡᠶᠢᠮᠦ ᠬᠦᠦ ᠪᠡᠷᠢ ᠪᠠᠶᠢᠬᠤ ᠨᠢ ᠦᠨᠡᠬᠡᠷ ᠪᠤᠶᠠᠨ ᠲᠠᠢ ᠶᠤᠮ ᠡ ︾ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠯᠠ᠃ | | | | ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠨᠤᠲᠤᠭ ᠤᠨ ᠠᠬᠠ ᠳᠡᠭᠦᠦ ᠨᠡᠷ ᠤᠨ ᠢᠶᠠᠨ ᠦᠨᠡᠯᠡᠬᠦ ᠶᠢ ᠰᠣᠨᠣᠰᠤᠭᠠᠳ᠂ ᠶᠢᠨ ᠱᠦ ᠵᠧᠨ | ᠶᠡᠷᠦ ᠨᠢ ᠢᠨᠢᠶᠡᠭᠡᠳ ᠯᠡ ᠳᠤᠤᠭᠠᠷᠬᠤ ᠦᠭᠡᠢ ᠪᠠᠶᠢᠳᠠᠭ᠂ ᠲᠡᠷᠡ ᠦᠭᠡ ᠳᠠᠭᠤᠨ ᠦᠭᠡᠢ ᠪᠠᠷ ᠥᠪᠡᠷ ᠤᠨ ᠬᠢᠪᠡᠰᠦ | ᠵᠣᠬᠢᠬᠤ ᠵᠦᠢᠯ ᠢᠶᠠᠨ ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠶ ᠪᠠᠷ ᠬᠢᠵᠦ ᠰᠠᠭᠤᠳᠠᠭ᠃ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠰᠣᠯᠢᠵᠤ | ᠤᠬᠢᠶᠠᠬᠤ᠂ ᠦᠰᠦ ᠰᠠᠮᠨᠠᠵᠤ ᠨᠢᠭᠤᠷ ᠢ ᠨᠢ ᠤᠬᠢᠶᠠᠬᠤ᠂ ᠢᠯᠢᠵᠦ ᠨᠤᠬᠤᠯᠠᠵᠤ ᠵᠣᠭᠤᠭᠳᠠᠬᠤ ᠁ ᠡᠳᠡᠭᠡᠷ | ᠦᠵᠡᠬᠦ ᠳᠤ ᠡᠭᠡᠯ ᠵᠢᠷ ᠤᠨ ᠵᠢᠵᠢᠭ ᠰᠠᠵᠢᠭ ᠶᠠᠪᠤᠳᠠᠯ ᠤᠳ ᠢ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠨᠢᠭᠡᠨᠲᠡ 20 ᠵᠢᠯ ᠪᠣᠯᠴᠢᠬᠠᠯᠠ᠃ | 20 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠤᠬᠢᠯᠠᠵᠤ ᠴᠦ ᠢᠨᠢᠶᠡᠵᠦ ᠴᠦ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ ᠲᠡᠷᠡ ᠣᠭᠤᠷᠤᠨ | ᠲᠠᠶᠠᠭᠳᠠᠨᠠ ᠭᠡᠵᠦ ᠶᠡᠷᠦ ᠪᠣᠳᠤᠭᠠ ᠦᠭᠡᠶ᠃ | ᠶᠢᠨ ᠱᠦ ᠵᠧᠨ᠄ ︽ᠪᠢ ᠬᠤᠷᠢᠮᠯᠠᠭᠠᠳ ᠭᠤᠴᠢᠭᠠᠳ ᠵᠢᠯ ᠪᠣᠯᠵᠤ ᠪᠠᠶᠢᠨᠠ᠂ ᠵᠣᠪᠠᠵᠤ ᠵᠦᠳᠡᠷᠡᠭᠰᠡᠨ ᠴᠦ | ᠦᠭᠡᠶ᠃ ᠬᠠᠳᠠᠮ ᠡᠵᠢ ᠪᠠᠨ ᠥᠪᠡᠷ ᠤᠨ ᠲᠥᠷᠥᠭᠰᠡᠨ ᠡᠵᠢ ᠪᠠᠨ ᠭᠡᠵᠦ ᠦᠵᠡᠬᠦ ᠳᠤ᠂ ᠨᠠᠰᠤᠲᠠᠨ ᠣᠳᠣ ᠪᠦᠷ | ᠡᠷᠡᠭᠦᠯ ᠲᠡᠩᠬᠡᠯᠡᠭᠦᠨ ᠪᠠᠶᠢᠨᠠ᠂ ᠡᠨᠡ ᠪᠣᠯ ᠪᠢᠳᠡᠨ ᠤ ᠦᠷᠡ ᠬᠡᠦᠬᠡᠳ ᠪᠣᠯᠤᠭᠰᠠᠳ ᠤᠨ ᠬᠤᠪᠢ ᠪᠤᠶᠠᠨ ᠪᠣᠯᠤᠨᠠ᠃ | ᠪᠢ ᠪᠠᠰᠠ ᠦᠷᠡ ᠬᠡᠦᠬᠡᠳ ᠲᠠᠢ᠂ ᠤᠴᠢᠷ ᠨᠢ ᠪᠢᠳᠡ ᠪᠣᠯ ᠨᠢᠭᠡ ᠭᠡᠷ ᠤᠨ ᠬᠥᠮᠦᠨ ᠰᠢᠤ᠂ ᠪᠢ | ᠥᠩᠭᠡᠷᠡᠭᠰᠡᠨ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠨᠠ ︾ ᠭᠡᠵᠦ ᠬᠡᠯᠡᠪᠡ᠃ | | | | ᠶᠢᠨ ᠱᠦ ᠵᠧᠨ ︽ᠠᠴᠢᠯᠠᠯ︾ ᠭᠡᠬᠦ ᠥᠰᠥᠭ ᠢ ᠰᠡᠳᠬᠢᠯ ᠳᠡᠭᠡᠨ ᠬᠠᠳᠠᠩᠰᠢᠭᠤᠯᠵᠤ᠂ ᠪᠣᠷᠣᠭᠵᠢᠭᠤᠨ ᠦᠭᠡ | ᠶᠠᠷᠢᠶᠠ ᠪᠠ ᠪᠣᠳᠠᠲᠠᠶ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠨᠢᠭᠡᠨ ᠰᠠᠶᠢᠨ ᠬᠦᠤ ᠪᠡᠷᠢ᠂ ᠰᠠᠶᠢᠨ ᠡᠬᠡᠨᠡᠷ᠂ ᠰᠠᠶᠢᠨ | ᠡᠵᠢ ᠶᠢᠨ ᠳᠦᠷᠢ ᠶᠢ ᠪᠣᠶ ᠪᠣᠯᠭᠠᠵᠤ᠂ ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠨᠠᠰᠤᠲᠠᠨ ᠢᠶᠠᠨ ᠠᠴᠢᠯᠠᠵᠤ ᠨᠢᠯᠬᠠᠰ ᠢᠶᠠᠨ | ᠬᠠᠶᠢᠷᠠᠯᠠᠬᠤ ᠤᠯᠠᠮᠵᠢᠯᠠᠯᠲᠤ ᠰᠠᠶᠢᠬᠠᠨ ᠰᠤᠷᠲᠠᠯ ᠢ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ |