| ᠬᠠᠨᠠᠭᠤᠷ ᠲᠥᠭᠡᠨᠡᠯᠭᠡ ᠶᠢᠨ ᠵᠠᠰᠠᠯ ᠪᠣᠯ ᠡᠮᠴᠢᠯᠡᠭᠡᠨ ᠳᠤ ᠤᠳᠠᠭᠠᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯᠲᠤ | ᠠᠷᠭᠠ ᠬᠡᠯᠪᠡᠷᠢ ᠪᠣᠯᠬᠤ ᠶᠤᠮ᠃ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ᠂ ᠡᠮᠴᠢᠯᠡᠭᠡᠨ ᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠨ ᠰᠢᠨᠡᠴᠢᠯᠡᠯᠲᠡ | ᠪᠠ ᠨᠠᠷᠢᠯᠢᠭᠵᠢᠯᠲᠠ ᠶᠢ ᠳᠠᠭᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠬᠠᠨᠠᠭᠤᠷ ᠢ ᠬᠢᠬᠦ ᠠᠷᠭᠠ ᠮᠡᠷᠭᠡᠵᠢᠯ ᠪᠣᠯᠤᠨ ᠡᠮᠴᠢᠯᠡᠭᠡ | ᠵᠠᠰᠠᠯᠭᠠ ᠶᠢᠨ ᠵᠠᠷᠢᠮ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠶᠢ ᠨᠢ ᠰᠢᠨᠡᠴᠢᠯᠡᠨ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯᠤᠭᠰᠠᠨ | ᠶᠤᠮ᠃ ᠪᠢᠳᠡ ᠬᠠᠨᠠᠭᠤᠷ ᠲᠤ ᠰᠢᠨᠡᠴᠢᠯᠡᠯᠲᠡ ᠬᠢᠭᠰᠡᠨ ᠲᠥᠩᠯᠢᠶᠤᠤ ᠬᠤᠲᠠ ᠶᠢᠨ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠮᠣᠩᠭᠤᠯ | ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠶᠢᠨ ᠡᠮᠴᠢ ᠪᠣᠤ ᠯᠥᠩ ᠲᠠᠢ ᠲᠠᠨᠢᠯᠴᠠᠶᠠ᠃ | ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠬᠠᠷᠠᠭᠤᠤ ᠰᠣᠮᠤᠨ ᠤ ᠠᠷᠠᠳ ᠰᠢᠦ ᠶᠢᠨ ᠬᠤᠸᠠ ᠣᠶᠢᠷᠠ ᠶᠢᠨ ᠡᠳᠦᠷ ᠲᠤ | ᠲᠣᠯᠤᠭᠠᠢ ᠨᠢ ᠡᠪᠡᠳᠴᠦ ᠨᠢᠳᠦ ᠨᠢ ᠡᠷᠢᠶᠡᠯᠵᠡᠭᠡᠳ ᠪᠠᠶᠢᠬᠤ ᠪᠠᠷ ᠪᠣᠤ ᠯᠥᠩ ᠡᠮᠴᠢ ᠶᠢ ᠡᠷᠢᠵᠦ ᠢᠷᠡᠨ ᠬᠠᠨᠠᠬᠤ | ᠵᠠᠰᠠᠯ ᠬᠢᠯᠭᠡᠭᠰᠡᠨ ᠪᠠᠶᠢᠨᠠ᠃ ᠰᠢᠦ ᠶᠢᠨ ᠬᠤᠸᠠ᠄ ︽ᠮᠢᠨᠦ ᠲᠣᠯᠤᠭᠠᠢ ᠡᠷᠭᠢᠵᠦ ᠨᠢᠳᠦ ᠡᠷᠢᠶᠡᠯᠵᠡᠨ ᠶᠡᠭᠡ | ᠤᠨᠲᠠᠲᠠᠭ ᠪᠣᠯᠬᠤᠷ ᠡᠨᠡ ᠬᠠᠨᠠᠭᠤᠷ ᠢ ᠲᠠᠯᠪᠢᠪᠠᠯ ᠪᠡᠶᠡ ᠶᠡᠭᠡ ᠰᠠᠶᠢᠨ ᠪᠣᠯᠳᠠᠭ᠂ ᠣᠳᠤ ᠲᠠᠯᠪᠢᠵᠤ ᠪᠠᠷᠠᠭᠠᠳ | ᠳᠣᠲᠤᠷᠠ ᠠᠭᠤᠵᠢᠷᠠᠨ ᠪᠡᠶᠡ ᠲᠠᠯᠪᠢᠭᠤᠷᠠᠵᠤ ᠮᠠᠰᠢ ᠲᠠᠭᠠᠲᠠᠢ ᠪᠣᠯᠵᠤ᠂ ᠨᠢᠳᠦ ᠡᠷᠢᠶᠡᠯᠵᠡᠬᠦ ᠪᠠᠨ ᠪᠣᠯᠢᠵᠤ ᠲᠤᠯᠤᠭᠠᠢ | ᠴᠤ ᠰᠡᠷᠬᠡᠭ ᠪᠣᠯᠵᠠᠢ︾ ᠭᠡᠵᠦ ᠵᠠᠰᠠᠯᠭᠠ ᠶᠢᠨ ᠳᠠᠷᠠᠭᠠᠬᠢ ᠡᠷᠡᠭᠦᠯᠵᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠨ ᠶᠡᠷᠢᠵᠤ ᠪᠠᠶᠢᠯᠠ᠃ | | | | | ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠬᠠᠷᠠᠭᠤᠤ ᠰᠣᠮᠤᠨ ᠤ ᠠᠷᠠᠳ ᠰᠢᠦ ᠶᠢᠨ ᠬᠤᠸᠠ | ᠪᠣᠤ ᠯᠥᠩ ᠡᠮᠴᠢ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠢᠷᠡᠵᠦ ᠠᠵᠢᠯᠯᠠᠭᠠᠳ | ᠬᠤᠷᠢ ᠰᠢᠬᠠᠮ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠦ ᠪᠠᠶᠢᠭᠠ ᠶᠤᠮ᠃ ᠪᠣᠤ ᠯᠥᠩ ᠤᠨ ᠬᠤᠶᠠᠷ ᠠᠪᠠᠭᠠ ᠨᠢ ᠴᠦᠮ ᠡᠮᠴᠢ | ᠪᠠᠶᠢᠭᠰᠠᠨ ᠢᠶᠠᠷ᠂ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠠᠭᠠ ᠨᠠᠷ ᠤᠨ ᠨᠥᠯᠦᠭᠡᠨ ᠳᠣᠣᠷᠠ᠂ ᠮᠣᠩᠭᠤᠯ ᠡᠮ | ᠡᠮᠨᠡᠯᠭᠡ ᠲᠠᠢ ᠲᠠᠨᠢᠯᠴᠠᠵᠤ᠂ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠷᠢᠳᠢ ᠰᠢᠳᠢ ᠶᠢ ᠬᠠᠷᠠᠭᠠᠳ ᠲᠣᠮᠤ ᠪᠣᠯᠪᠠᠯ ᠡᠮᠴᠢ | ᠪᠣᠯᠤᠨᠠ ᠭᠡᠰᠡᠨ ᠬᠦᠰᠡᠯ ᠲᠥᠷᠦᠭᠰᠡᠨ ᠪᠠᠶᠢᠨᠠ᠃ ᠪᠣᠤ ᠯᠥᠩ᠄ ︽ᠣᠯᠠᠨ ᠡᠪᠡᠳᠴᠢᠲᠡᠨ ᠪᠡᠶᠡ ᠨᠢ ᠵᠤᠪᠠᠵᠤ᠂ | ᠠᠷᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠥᠶᠡ ᠳᠤ ᠬᠡᠳᠦᠨ ᠤᠤᠭᠤᠬᠤ ᠡᠮ ᠢᠶᠠᠨ ᠥᠭᠴᠦ᠂ ᠬᠠᠨᠠᠬᠤ ᠪᠣᠶᠤ ᠬᠠᠳᠬᠤᠭᠠᠳ | ᠥᠭᠬᠦ ᠳᠤ ᠡᠪᠡᠳᠴᠢᠨ ᠨᠢ ᠠᠷᠢᠯᠵᠤ᠂ ᠡᠪᠡᠷᠰᠢᠶᠡᠯ ᠲᠠᠷᠴᠢᠯᠠᠯ ᠨᠢ ᠳᠠᠷᠤᠢ ᠳᠠᠭᠠᠨ ᠨᠠᠮᠳᠠᠴᠢᠬᠠᠳᠠᠭ᠃ ᠢᠩᠭᠢᠭᠡᠳ | ᠡᠭᠦᠨ ᠳᠤ ᠶᠡᠭᠡ ᠰᠣᠨᠢᠷᠬᠠᠯᠲᠠᠢ᠂ ᠪᠠᠭᠠ ᠠᠴᠠ ᠪᠠᠨ ᠡᠶᠢᠮᠦ ᠪᠣᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ︾ ᠭᠡᠵᠦ ᠪᠠᠭᠠ ᠨᠠᠰᠤᠨ ᠤ | ᠥᠶᠡ ᠶᠢᠨ ᠢᠷᠡᠭᠡᠳᠦᠢ ᠶᠢᠨ ᠬᠦᠰᠡᠯ ᠢᠶᠠᠨ ᠶᠡᠷᠢᠭ᠌ᠰᠠᠨ ᠪᠠᠶᠢᠨᠠ᠃ | | | | | ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠤᠨ ᠰᠠᠯᠠᠭᠠᠨ ᠤ | ᠡᠷᠬᠢᠯᠡᠭᠴᠢ ᠡᠮᠴᠢ ᠪᠣᠤ ᠯᠥᠩ | ᠲᠣᠬᠠᠢ ᠶᠢᠨ ᠥᠶᠡ ᠳᠤ ᠪᠣᠤ ᠯᠥᠩ ᠤᠨ ᠨᠢᠭᠡ ᠠᠪᠠᠭᠠ ᠨᠢ ᠬᠦᠳᠡᠭᠡ ᠶᠢᠨ ᠬᠥᠯ ᠨᠢᠴᠦᠭᠦᠨ ᠡᠮᠴᠢ ᠪᠠᠶᠢᠵᠤ᠂ | ᠭᠤᠣᠯᠳᠠᠭᠤ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠢᠶᠠᠷ ᠡᠪᠡᠳᠴᠢᠨ ᠵᠠᠰᠠᠵᠤ᠂ ᠨᠡᠩ ᠴᠤ ᠬᠠᠩᠰᠢ ᠶᠢᠨ | ᠥᠶᠡ ᠪᠠᠷ ᠲᠡᠭᠦᠨ ᠢ ᠡᠷᠢᠵᠦ ᠢᠷᠡᠨ ᠬᠠᠨᠠᠬᠤ ᠵᠠᠰᠠᠯ ᠬᠢᠯᠭᠡᠬᠦ ᠬᠦᠮᠦᠨ ᠣᠯᠠᠨ ᠪᠠᠶᠢᠭᠰᠠᠨ ᠢᠶᠠᠷ ᠪᠣᠤ ᠯᠥᠩ ᠠᠩᠬᠠ | ᠬᠠᠨᠠᠭᠤᠷ ᠢ ᠮᠡᠳᠡᠵᠡᠢ᠃ ᠪᠣᠤ ᠯᠥᠩ᠄ ︽ᠲᠡᠷᠡ ᠥᠶᠡᠰ ᠬᠠᠨᠠᠭᠤᠷ ᠤᠨ ᠲᠤᠰᠬᠠᠢ ᠪᠠᠭᠠᠵᠢ ᠦᠭᠡᠢ | ᠪᠠᠶᠢᠭᠰᠠᠨ ᠠᠴᠠ᠂ ᠰᠢᠯ ᠡᠰᠡᠭᠦᠯᠡ ᠲᠠᠮᠦᠷ ᠪᠠᠭᠠᠵᠢ ᠪᠠᠷ ᠬᠠᠨᠠᠵᠤ ᠪᠠᠶᠢᠵᠠᠢ᠃ ᠪᠢ ᠦᠵᠡᠭᠡᠳ ᠬᠠᠨᠠᠭᠠᠳ ᠡᠪᠡᠳᠴᠢᠨ | ᠵᠠᠰᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ ᠭᠡᠵᠦ ᠶᠡᠭᠡ ᠭᠠᠶᠢᠬᠠᠰᠢ ᠲᠠᠢ ᠰᠣᠨᠢᠷᠬᠠᠵᠤ | ᠪᠠᠶᠢᠵᠠᠢ︾ ᠭᠡᠪᠡ᠃ | | | | | ᠬᠠᠨᠠᠵᠤ ᠴᠢᠰᠤ ᠲᠠᠯᠪᠢᠵᠤ ᠪᠠᠶᠢᠭᠠ ᠨᠢ | ᠠᠩᠬᠠᠨ ᠤ ᠬᠦᠰᠡᠯ ᠳᠡᠭᠡᠨ ᠬᠦᠲᠦᠯᠦᠭᠳᠡᠭᠰᠡᠨ ᠪᠣᠤ ᠯᠥᠩ ᠦᠨᠳᠦᠷ ᠳᠤᠮᠳᠠᠳᠤ ᠪᠠᠨ ᠲᠡᠭᠦᠰᠦᠭᠡᠳ | ᠡᠮᠴᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠨ ᠣᠷᠤᠵᠤ᠂ ᠡᠮᠴᠢ ᠪᠣᠯᠬᠤ ᠠᠩᠬᠠᠨ ᠤ ᠭᠠᠷᠤᠭᠠ ᠪᠠᠨ ᠠᠪᠴᠠᠢ᠃ | ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠡᠳ ᠨᠣᠲᠤᠭ ᠲᠠᠭᠠᠨ ᠪᠣᠴᠠᠵᠤ᠂ ᠲᠣᠯᠤᠭᠠᠨ ᠵᠢᠯ ᠰᠢᠬᠠᠮ ᠡᠮᠴᠢᠯᠡᠵᠦ᠂ ᠡᠨᠡ | ᠬᠤᠭᠤᠴᠠᠭᠠᠨ ᠳᠤ ᠬᠡᠳᠦᠶᠢᠪᠡᠷ ᠵᠡᠭᠦᠦ ᠲᠥᠭᠡᠨᠡᠯᠭᠡ ᠮᠡᠲᠦ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠬᠢᠵᠦ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ | ᠬᠠᠨᠠᠬᠤ ᠵᠠᠰᠠᠯ ᠬᠢᠬᠦ ᠳᠤ ᠲᠥᠪᠡᠭᠲᠡᠢ᠂ ᠣᠨᠤᠪᠴᠢ ᠦᠭᠡᠢ ᠬᠠᠨᠠᠪᠠᠯ ᠠᠳᠡᠯ ᠭᠠᠷᠬᠤ ᠪᠣᠯᠤᠮᠵᠢᠲᠠᠢ ᠠᠴᠠ ᠪᠣᠤ ᠯᠥᠩ | ᠳᠠᠬᠢᠨ ᠥᠪᠦᠷ ᠮᠣᠩᠭᠤᠯ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠲᠤ ᠡᠮᠡᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ | ᠬᠦᠷᠴᠦ ᠲᠣᠰᠬᠠᠢ ᠬᠠᠨᠠᠬᠤ ᠵᠠᠰᠠᠯ ᠤᠨ ᠮᠡᠷᠭᠡᠵᠢᠯ ᠢ ᠰᠤᠷᠤᠯᠴᠠᠪᠠ᠃ ᠪᠣᠤ ᠯᠥᠩ᠄ ︽ᠡᠨᠡᠬᠦ ᠬᠠᠨᠠᠬᠤ ᠵᠠᠰᠠᠯ ᠢ | ᠥᠪᠡᠷᠲᠡᠭᠡᠨ ᠭᠠᠷᠳᠠᠵᠤ ᠬᠢᠬᠦ ᠦᠭᠡᠢ ᠪᠣᠯ ᠣᠨᠤᠯ ᠤᠨ ᠵᠢᠮᠡ ᠶᠣᠰᠣ ᠶᠢ ᠡᠵᠡᠮᠰᠢᠬᠦ ᠳᠤ ᠬᠦᠴᠢᠷ ᠪᠣᠯᠬᠤᠷ᠂ 2004 | ᠣᠨ ᠳᠤ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠲᠤ ᠡᠮᠡᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠣᠴᠢᠵᠤ ᠳᠠᠬᠢᠨ | ᠰᠤᠷᠤᠯᠴᠠᠪᠠ︾ ᠭᠡᠵᠦ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠰᠠᠨ ᠥᠩᠭᠡᠷᠡᠯᠲᠡ ᠪᠠᠨ ᠶᠠᠷᠢᠨᠠ᠃ | ᠬᠠᠨᠠᠬᠤ ᠵᠠᠰᠠᠯ ᠪᠣᠯ ᠲᠤᠰᠬᠠᠢ ᠦᠢᠯᠡᠳᠦᠭᠰᠡᠨ ᠬᠠᠨᠠᠭᠤᠷ ᠢᠶᠠᠷ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠲᠣᠭᠲᠠᠭᠰᠠᠨ ᠰᠤᠳᠠᠯ | ᠪᠡᠯᠴᠢᠷ ᠢ ᠬᠠᠨᠠᠵᠤ᠂ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠴᠢᠰᠤ ᠶᠢ ᠭᠠᠷᠭᠠᠵᠤ᠂ ᠡᠪᠡᠳᠴᠢᠨ ᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠵᠦ | ᠠᠨᠠᠭᠠᠵᠤ ᠵᠠᠰᠠᠬᠤ᠂ ᠡᠷᠡᠭᠦᠯᠵᠢᠭᠦᠯᠬᠦ ᠠᠷᠭᠠ ᠶᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠬᠤᠷᠢ ᠰᠢᠬᠠᠮ ᠵᠢᠯ ᠤᠨ ᠡᠮᠴᠢᠯᠡᠭᠡᠨ ᠤ | ᠶᠠᠪᠤᠴᠠ ᠳᠠᠭᠠᠨ ᠪᠣᠤ ᠯᠥᠩ ᠡᠮᠴᠢ ᠬᠦᠮᠦᠨ ᠤ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠭᠢᠯᠭᠡ ᠪᠠᠷ ᠡᠪᠡᠳᠴᠢᠲᠡᠨ ᠨᠢᠭᠡᠪᠦᠷᠢ ᠳᠤ | ᠬᠠᠨᠲᠤᠵᠤ᠂ ᠡᠪᠡᠳᠴᠢᠨ ᠲᠠᠬᠤᠯ ᠠᠴᠠ ᠨᠢ ᠰᠠᠯᠭᠠᠵᠤ ᠢᠷᠡᠭᠰᠡᠨ ᠢᠶᠠᠷ ᠲᠡᠭᠦᠨ ᠤ ᠮᠡᠷᠭᠡᠵᠢᠯ ᠨᠢ ᠳᠡᠭᠡᠭᠰᠢᠯᠡᠬᠦ ᠶᠢ | ᠳᠠᠭᠠᠯᠳᠤᠨ᠂ ᠡᠷᠢᠨ ᠢᠷᠡᠬᠦ ᠡᠪᠡᠳᠴᠢᠲᠠᠨ ᠴᠤ ᠤᠯᠠᠨ ᠪᠣᠯᠵᠠᠢ᠃ | | | | | ᠬᠠᠨᠠᠬᠤ ᠵᠠᠰᠠᠯ ᠬᠢᠬᠦ ᠡᠪᠡᠳᠴᠢᠲᠡᠨ ᠣᠯᠠᠰᠢᠷᠠᠬᠤ ᠶᠢ ᠳᠠᠭᠠᠯᠳᠤᠨ᠂ ᠤᠯᠠᠮᠵᠢᠯᠠᠯᠲᠤ ᠬᠠᠨᠠᠭᠤᠷ ᠬᠡᠷᠡᠭᠯᠡᠵᠦ | ᠪᠠᠶᠢᠭᠰᠠᠨ ᠲᠡᠭᠦᠨ ᠳᠤ ᠵᠠᠷᠢᠮ ᠳᠠᠭᠠᠨ ᠬᠠᠨᠠᠭᠤᠷ ᠢᠶᠠᠨ ᠠᠷᠢᠭᠤᠳᠬᠠᠨ ᠴᠡᠪᠡᠷᠯᠡᠬᠦ ᠭᠡᠵᠦ ᠡᠪᠡᠳᠴᠢᠲᠡᠨ ᠢ ᠤᠳᠠᠭᠠᠨ | ᠬᠦᠯᠢᠶᠡᠯᠭᠡᠬᠦ ᠪᠣᠶᠤ ᠵᠠᠷᠢᠮ ᠡᠪᠡᠳᠴᠢᠲᠡᠨ ᠤ ᠠᠷᠢᠭᠤᠨ ᠴᠡᠪᠡᠷ ᠶᠢᠨ ᠲᠠᠯᠠ ᠪᠠᠷ ᠱᠠᠭᠠᠷᠳᠠᠯᠭᠠ ᠦᠨᠳᠦᠷ ᠠᠴᠠ ᠨᠢᠭᠡ | ᠯᠡ ᠬᠠᠨᠠᠭᠤᠷ ᠢ ᠣᠯᠠᠨ ᠤᠳᠠᠭᠠ ᠬᠡᠷᠡᠭᠯᠡᠬᠦ ᠠᠴᠠ ᠵᠢᠭᠰᠢᠳᠡᠭ ᠪᠠᠶᠢᠭᠰᠠᠨ ᠠᠴᠠ᠂ ᠲᠡᠷᠡ ᠨᠢᠭᠡᠨ ᠬᠡᠷᠡᠭᠯᠡᠬᠦ ᠳᠤ | ᠳᠥᠭᠦᠮ ᠮᠦᠷᠲᠡᠭᠡᠨ ᠠᠷᠢᠭᠤᠨ ᠴᠡᠪᠡᠷ ᠢ ᠪᠠᠲᠤᠯᠠᠵᠤ ᠴᠢᠳᠠᠬᠤ ᠬᠠᠨᠠᠭᠤᠷ ᠬᠢᠬᠦ ᠪᠣᠳᠤᠯ ᠣᠷᠤᠭᠰᠠᠨ ᠪᠠᠶᠢᠨᠠ᠃ | ᠪᠣᠤ ᠯᠥᠩ᠄ ︽ᠨᠢᠭᠡ ᠯᠡ ᠤᠳᠠᠭᠠ ᠬᠡᠷᠡᠭᠡᠯᠡᠬᠦ ᠬᠠᠨᠠᠭᠤᠷ ᠪᠠᠶᠢᠪᠠᠯ ᠬᠦᠮᠦᠨ ᠤ ᠬᠤᠭᠤᠷᠤᠨᠳᠤᠬᠢ ᠡᠪᠡᠳᠴᠢᠨ ᠤ | ᠲᠠᠷᠬᠠᠬᠤ ᠶᠠᠪᠤᠴᠠ ᠶᠢ ᠦᠨᠳᠦᠰᠦᠨ ᠠᠴᠠ ᠨᠢ ᠰᠡᠷᠭᠡᠶᠢᠯᠡᠵᠦ ᠳᠡᠶᠢᠯᠦᠨᠡ᠃ ᠢᠩᠭᠢᠵᠦ ᠪᠣᠳᠤᠭᠰᠠᠨ ᠠᠴᠠ | ᠡᠮᠴᠢᠯᠡᠭᠡᠨ ᠤ ᠶᠠᠪᠤᠴᠠ ᠳᠤ ᠬᠠᠨᠠᠭᠤᠷ ᠢ ᠶᠠᠭᠠᠬᠢᠵᠦ ᠰᠢᠨᠡᠴᠢᠯᠡᠨ᠂ ᠨᠢᠭᠡ ᠯᠡ ᠤᠳᠠᠭᠠ ᠬᠡᠷᠡᠭᠯᠡᠬᠦ ᠪᠣᠯᠭᠠᠨ | ᠵᠣᠬᠢᠶᠠᠵᠤ᠂ ᠠᠷᠠᠳ ᠲᠥᠮᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠬᠦ ᠭᠡᠵᠦ ᠪᠣᠳᠤᠵᠤ ᠬᠢᠭᠰᠡᠨ︾ ᠭᠡᠵᠡᠢ᠃ | | | | | ᠪᠣᠤ ᠯᠥᠩ ᠡᠮᠴᠢᠯᠡᠭᠡᠨ ᠤ ᠶᠠᠪᠤᠴᠠ ᠳᠠᠬᠢ ᠲᠣᠷᠰᠢᠯᠭᠠ ᠰᠤᠷᠭᠠᠮᠵᠢ ᠵᠢᠴᠢ ᠣᠳᠤ ᠶᠢᠨ ᠳᠠᠪᠰᠢᠭᠰᠠᠨ | ᠡᠮᠴᠢᠯᠡᠭᠡᠨ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠨᠢᠭᠡ ᠯᠡ ᠤᠳᠠᠭᠠ ᠬᠡᠷᠡᠭᠯᠡᠳᠡᠭ ᠬᠢᠲᠤᠭᠠ ᠵᠡᠷᠭᠡ ᠶᠢ ᠤᠶᠠᠯᠳᠤᠭᠤᠯᠤᠨ᠂ | ᠬᠠᠭᠠᠰ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠ ᠶᠢ ᠬᠡᠷᠡᠭᠯᠡᠨ ᠵᠢᠷᠤᠵᠤ ᠲᠥᠯᠦᠪᠯᠡᠭᠡᠳ᠂ ᠨᠢᠭᠡ ᠯᠡ ᠤᠳᠠᠭᠠ ᠬᠡᠷᠡᠭᠯᠡᠬᠦ | ᠬᠠᠨᠠᠭᠤᠷ ᠢᠶᠠᠨ ᠠᠩᠬᠠ ᠠᠯᠬᠤᠮ ᠵᠣᠬᠢᠶᠠᠵᠤ ᠳᠠᠭᠤᠰᠬᠠᠨ᠂ 2018 ᠣᠨ ᠳᠤ ᠤᠯᠤᠰ ᠤᠨ ᠰᠢᠨᠡ ᠬᠡᠯᠪᠡᠷᠢ ᠶᠢᠨ | ᠬᠡᠷᠡᠭᠯᠡᠭᠡᠨ ᠤ ᠲᠤᠰᠬᠠᠢ ᠠᠰᠢᠭ ᠤᠨ ᠡᠷᠬᠡ ᠶᠢ ᠡᠷᠡᠮᠡᠯᠵᠡᠯᠡᠨ ᠣᠯᠤᠭᠰᠠᠨ ᠪᠠᠶᠢᠨᠠ᠃ | | | | | ᠤᠯᠠᠮᠵᠢᠯᠠᠯᠲᠤ ᠵᠦᠢᠯ ᠢ ᠥᠭᠡᠷᠡᠴᠢᠯᠡᠨ ᠰᠢᠨᠡᠴᠢᠯᠡᠬᠦ ᠭᠡᠬᠦ ᠪᠠᠰᠠ ᠬᠢᠯᠪᠠᠷ ᠪᠣᠰᠤ ᠠᠵᠢᠯ ᠶᠤᠮ᠃ ᠨᠡᠩ | ᠡᠮᠴᠢᠯᠡᠭᠡᠨ ᠤ ᠪᠠᠭᠠᠵᠢ ᠨᠢ ᠬᠦᠮᠦᠨ ᠤ ᠠᠮᠢ ᠨᠠᠰᠤ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠ ᠲᠠᠢ ᠤᠴᠢᠷ ᠠᠴᠠ ᠲᠡᠭᠦᠨ ᠢ | ᠦᠢᠯᠡᠳᠬᠦ ᠳᠤ ᠨᠡᠩ ᠨᠠᠷᠢᠯᠢᠭ ᠮᠦᠷᠲᠡᠭᠡᠨ ᠥᠷᠡ ᠠᠰᠢᠭ ᠨᠢ ᠵᠠᠪᠠᠯ ᠦᠨᠳᠦᠷ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠡᠭᠦᠨ ᠳᠤ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠬᠦᠮᠦᠰ ᠤᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠣᠯᠵᠤ᠂ ᠰᠢᠨᠡ ᠵᠦᠢᠯ ᠨᠢ ᠵᠠᠪᠠᠯ ᠪᠦᠲᠦᠭᠡᠭᠳᠡᠬᠦ | ᠶᠣᠰᠤᠲᠠᠢ ᠠᠴᠠ᠂ ᠪᠣᠤ ᠯᠥᠩ ᠤᠨ ᠰᠢᠨᠡ ᠬᠡᠯᠪᠡᠷᠢ ᠶᠢᠨ ᠬᠠᠨᠠᠭᠤᠷ ᠵᠣᠬᠢᠶᠠᠬᠤ ᠪᠣᠳᠤᠯ ᠨᠢ ᠨᠡᠯᠢᠶᠡᠳ ᠤᠯᠠᠨ | ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠳ ᠤᠨ ᠳᠡᠮᠵᠢᠯᠭᠡ ᠶᠢ ᠣᠯᠤᠭᠰᠠᠨ ᠢᠶᠠᠷ ᠲᠡᠷᠡ ᠨᠡᠩ ᠵᠣᠷᠢᠬᠵᠢᠵᠤ᠂ ᠣᠨᠤᠯ ᠦᠢᠯᠡᠳᠦᠯᠭᠡ ᠶᠢ | ᠤᠶᠠᠯᠳᠤᠭᠤᠯᠤᠨ᠂ ᠤᠯᠠᠮᠵᠢᠯᠠᠯᠲᠤ ᠪᠣᠯᠤᠨ ᠰᠢᠨᠡᠴᠢᠯᠡᠯᠲᠡ ᠶᠢ ᠠᠭᠤᠰᠤᠯᠴᠠᠭᠤᠯᠵᠤ᠂ ᠣᠳᠤ ᠥᠶᠡ ᠶᠢᠨ ᠬᠦᠮᠦᠰ ᠤᠨ | ᠱᠠᠭᠠᠷᠳᠠᠯᠭᠠ ᠳᠤ ᠨᠡᠩ ᠲᠣᠬᠢᠷᠠᠭᠰᠠᠨ ᠬᠡᠷᠡᠭᠯᠡᠬᠦ ᠳᠥᠭᠦᠮ᠂ ᠦᠢᠯᠡᠳᠦᠯ ᠰᠠᠶᠢᠨᠲᠠᠢ ᠬᠠᠨᠠᠭᠤᠷ ᠢᠶᠠᠨ ᠲᠥᠰᠦᠪᠯᠡᠨ | ᠭᠠᠷᠭᠠᠭᠰᠠᠨ ᠶᠤᠮ᠃ | | | | | ᠪᠣᠤ ᠯᠥᠩ᠄ ︽ᠮᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠤᠨ ᠵᠠᠷᠢᠮ ᠨᠢ ᠬᠡᠳᠦᠨ ᠵᠠᠭᠤᠨ ᠵᠢᠯ ᠬᠡᠳᠦᠨ ᠮᠢᠩᠭᠠᠨ | ᠵᠢᠯ ᠤᠨ ᠲᠡᠦᠬᠡ ᠲᠠᠢ᠃ ᠣᠳᠤᠬᠠᠨ ᠳᠤ ᠨᠡᠶᠢᠭᠡᠮ ᠬᠦᠭᠵᠢᠵᠦ᠂ ᠮᠠᠨ ᠤ ᠵᠠᠰᠠᠯ ᠤᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠨᠢ ᠵᠠᠪᠠᠯ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢ ᠳᠠᠭᠠᠵᠤ ᠥᠭᠡᠷᠡᠴᠢᠯᠡᠯᠲᠡ ᠪᠠᠶᠢᠬᠤ ᠬᠡᠷᠡᠭᠲᠡᠢ︾ ᠭᠡᠵᠦ ᠤᠭ ᠰᠠᠨᠠᠭᠠ ᠪᠠᠨ ᠶᠠᠷᠢᠭᠰᠠᠨ | ᠪᠠᠶᠢᠨᠠ᠃ | | | | | |