| ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠤᠷᠠᠯᠢᠭ ᠬᠡᠭᠴᠢ ︽ᠰᠤᠷᠬᠤ ᠳᠤ ᠬᠢᠯᠪᠡᠷ︾᠂ ︽ᠴᠠᠭᠠᠷᠠᠬᠤ ᠳᠤ ᠭᠦᠴᠢᠷ︾᠂ ︽ | ᠰᠢᠯᠢᠳᠡᠭᠵᠢᠭᠦ ᠳᠤ ᠪᠡᠷᠬᠡ︾ ᠨᠢᠬᠡ ᠵᠦᠢᠯ ᠤᠨ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠳᠦ ᠤᠷᠠᠯᠢᠭ ᠶᠤᠮ᠃ ᠲᠡᠭᠦᠨ ᠤ ᠠᠭᠤᠯᠭᠠ | ᠠᠭᠤᠯᠬᠤᠨ ᠨᠢ ᠪᠦᠷ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠳᠦ ᠤᠷᠠᠯᠢᠭ ᠶᠤᠮ᠃ ᠲᠡᠭᠦᠨ ᠤ ᠠᠭᠤᠯᠭᠠ ᠠᠭᠤᠯᠬᠤᠨ ᠨᠢ ᠪᠦᠷ | ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠᠬᠢ ᠪᠤᠳᠠᠳᠠᠢ ᠵᠦᠢᠯᠡᠰ ᠠᠴᠠ ᠰᠡᠳᠦᠪᠯᠡᠨ᠂ ᠪᠤᠳᠠᠳᠠᠢ ᠪᠤᠳᠠᠰ ᠤᠨ ᠲᠠᠨᠢᠯᠳᠠ ᠳᠤ | ᠲᠦᠰᠢᠭᠯᠡᠨ ᠡᠬᠡᠯ ᠪᠤᠷᠤᠭᠵᠢᠭᠤᠨ ᠰᠠᠨᠠᠭᠠ ᠰᠡᠳᠬᠢᠯᠬᠡ ᠪᠤᠯᠤᠨ ᠰᠢᠭᠤᠳ ᠰᠡᠷᠡᠯ ᠤᠨ ᠰᠠᠭᠤᠭᠳᠠᠯ ᠢ ᠤᠶᠠᠰᠬᠠᠨ | ᠰᠠᠭᠤᠷᠢᠯᠠᠭᠤᠯᠵᠦ᠂ ᠪᠤᠷᠤᠭᠵᠢᠭᠤᠨ᠂ ᠦᠨᠡᠨᠴᠢ᠂ ᠲᠦᠭᠦᠮᠬᠡᠨ᠂ ᠲᠤᠳᠤᠷᠬᠠᠢ ᠵᠡᠷᠬᠡ ᠤᠨᠴᠠᠯᠢᠭ ᠰᠢᠨᠵᠢ ᠢ | ᠢᠯᠡᠷᠡᠭᠦᠯᠦᠨ ᠭᠠᠷᠭᠠᠳᠠᠭ᠃ | ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠨᠢ ᠴᠠᠭᠠᠰᠤᠨ ᠤ ᠶᠡᠭᠡ ᠪᠠᠭᠠ ᠪᠠᠭᠳᠠᠭᠠᠮᠵᠢ ᠶᠢᠨ ᠬᠢᠵᠠᠭᠠᠷᠯᠠᠯ ᠠᠴᠠ ᠪᠤᠯᠵᠦ᠂ | ᠭᠦᠷᠦᠭ ᠲᠦᠷᠰᠦ ᠶᠢ ᠴᠠᠭᠠᠰᠤᠨ ᠲᠡᠬᠡᠷᠡ ᠵᠢᠷᠤᠵᠦ ᠲᠦᠯᠦᠪᠯᠡᠭᠦ ᠳᠡᠭᠡᠨ ᠵᠠᠪᠠᠯ ᠭᠦᠷᠦᠭ ᠲᠦᠷᠰᠦ ᠶᠢᠨ ᠤᠨᠴᠠᠯᠢᠭ ᠢ | ᠠᠳᠬᠤᠬᠤ ᠮᠦᠷᠳᠡᠬᠡᠨ ᠡᠯᠡ ᠵᠢᠷᠤᠭᠠᠰᠦ ᠠᠷ ᠤᠨ ᠬᠤᠯᠪᠤᠭᠳᠠᠬᠤ ᠨᠢ ᠡᠪᠳᠡᠢ ᠵᠤᠶᠢᠳᠠᠢ ᠪᠠᠶᠢᠬᠤ ᠶᠢ ᠱᠠᠭᠠᠷᠳᠠᠳᠠᠭ᠃ | ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠳᠤ ᠤᠯᠠᠩᠬᠢ ᠳᠠᠭᠠᠨ ᠬᠡᠪ ᠪᠠᠶᠢᠳᠠᠯ ᠨᠢ ᠬᠠᠴᠢᠨ ᠰᠤᠨᠢᠨ ᠲᠦᠷᠢ ᠲᠦᠷᠰᠦ ᠶᠢ | ᠪᠦᠳᠦᠬᠡᠵᠦ᠂ ᠲᠤᠮᠢᠶᠠᠴᠢᠯᠠᠭᠰᠠᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠷ ᠬᠡᠷᠡᠭ ᠪᠤᠳᠠᠰ ᠤᠨ ᠦᠵᠡᠭᠳᠡᠯ ᠤᠨ ᠡᠯᠡ ᠪᠦᠳᠦᠴᠡ ᠶᠢ | ᠢᠯᠡᠷᠡᠭᠦᠯᠦᠨ᠂ ᠠᠮᠢᠵᠢᠷᠠᠯ ᠤᠨ ᠭᠦᠴᠦᠨ ᠢ ᠪᠢᠯᠬᠠᠮᠠ ᠪᠤᠯᠭᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ | ᠤᠨ ᠰᠤᠪᠤᠳ ᠲᠠᠨᠠ᠂ ᠠᠮᠢᠳᠠᠨ ᠤ ᠭᠦᠯ᠂ ᠮᠤᠳᠤᠨ ᠨᠠᠪᠴᠢ᠂ ᠬᠢᠷᠦᠬᠡᠨ ᠰᠢᠳᠦᠨ ᠠᠷ ᠵᠡᠷᠬᠡ ᠪᠠᠷ ᠠᠷᠢᠶᠠᠳᠠᠨ | ᠵᠢᠭᠦᠷᠳᠡᠨ ᠤ ᠦᠰᠦ ᠪᠠ ᠦᠳᠦ ᠰᠤᠳᠦ᠂ ᠬᠤᠪᠴᠠᠰᠦ ᠬᠤᠨᠠᠷ ᠤᠨ ᠠᠳᠤᠷᠢᠶᠠ ᠬᠤᠨᠢᠶᠠᠰᠦ ᠶᠢ ᠲᠦᠯᠦᠬᠡᠯᠡᠨ | ᠭᠠᠷᠭᠠᠳᠠᠭ᠃ ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠤᠨ ᠡᠯᠡ ᠬᠡᠰᠡᠭ ᠤᠨ ᠪᠠᠶᠢᠷᠢᠯᠠᠭᠤᠯᠤᠯᠳᠠ ᠳᠤ᠂ ᠲᠤᠳᠤᠷᠠᠭᠤᠯᠤᠨ | ᠢᠯᠡᠷᠡᠭᠦᠯᠭᠦ ᠠᠷᠭᠠ ᠪᠠᠷ ᠶᠡᠭᠡ ᠪᠠᠭᠠ ᠲᠦᠷᠰᠦ ᠶᠢ ᠲᠤᠬᠤᠨ ᠲᠠᠪᠬᠤᠷᠯᠠᠵᠦ᠂ ᠶᠡᠭᠡ ᠪᠠᠭᠠ ᠠᠮᠢᠳᠠᠨ ᠤ ᠵᠢᠷᠤᠭ | ᠲᠦᠷᠰᠦ ᠶᠢ ᠪᠦᠳᠦᠬᠡᠳᠡᠭ᠃ | ᠶᠡᠷᠦᠩᠬᠡᠶᠢᠯᠡᠪᠡᠯ᠂ ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠤᠨ ᠮᠠᠰᠢ ᠤᠯᠠᠨ ᠤᠨᠴᠠᠯᠢᠭ ᠪᠠ ᠬᠡᠪ ᠨᠠᠮᠪᠠ ᠨᠢ ᠪᠦᠷ ᠬᠠᠶᠢᠴᠢ | ᠪᠤᠶᠦ ᠰᠠᠶᠢᠯᠭᠦ ᠬᠢᠳᠤᠭᠠ ᠬᠡᠷᠡᠭᠯᠡᠭᠦ ᠤᠷᠠ ᠮᠡᠷᠬᠡᠵᠢᠯ ᠠᠴᠠ ᠡᠭᠦᠰᠦᠭᠰᠡᠨ ᠶᠤᠮ᠃ ᠬᠠᠶᠢᠴᠢ ᠬᠡᠷᠡᠭᠯᠡᠭᠦ ᠳᠡᠭᠡᠨ | ᠯᠠᠪᠳᠠᠭᠤᠨ᠂ ᠤᠨᠤᠪᠴᠢᠳᠠᠢ᠂ ᠤᠷᠠᠨ ᠲᠠᠮᠳᠠᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠬᠡᠷᠴᠢᠭᠦ ᠦᠶᠡᠰ ᠲᠤ ᠵᠠᠪᠠᠯ ᠡᠷᠡᠰ ᠬᠡᠷᠴᠢᠭᠦ | ᠬᠡᠷᠡᠭᠳᠡᠢ᠂ ᠵᠢᠷᠤᠵᠦ ᠪᠤᠯᠬᠤ ᠦᠬᠡᠢ᠃ ᠵᠠᠪᠠᠯ ᠲᠡᠬᠡᠷᠡ ᠠᠴᠠ ᠲᠤᠷᠤᠭᠰᠢ ᠬᠡᠷᠴᠢᠨᠡ᠃ ᠭᠠᠷ ᠲᠠᠭᠠᠨ ᠤᠭᠵᠤᠮ | ᠢᠳᠠ ᠭᠦᠴᠦ ᠭᠦᠶᠦᠯᠬᠡᠵᠦ᠂ ᠵᠢᠭᠳᠡ ᠬᠡᠷᠴᠢᠨᠠ᠃ ᠤᠭᠵᠤᠮ ᠭᠦᠴᠦ ᠭᠦᠶᠦᠯᠬᠡᠭᠦ ᠦᠬᠡᠢ ᠪᠤᠯ ᠬᠠᠶᠢᠴᠢ ᠪᠤᠶᠦ | ᠬᠢᠳᠤᠭᠠ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢᠶᠠᠨ ᠠᠯᠳᠠᠵᠦ᠂ ᠬᠠᠶᠢᠴᠢᠯᠠᠮᠠᠯ ᠤᠨ ᠴᠢᠨᠰᠠᠭᠠ ᠶᠢ ᠪᠠᠭᠤᠷᠠᠭᠤᠯᠵᠦ ᠮᠡᠳᠡᠭᠦ ᠶᠤᠮ᠃ | ᠬᠢᠳᠤᠭᠠ ᠶᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠭᠦᠳᠡᠯᠬᠡᠵᠦ ᠪᠤᠯᠬᠤ ᠦᠬᠡᠢ᠂ ᠬᠢᠳᠤᠭᠠ ᠶᠢ ᠠᠳᠬᠤᠬᠤ ᠳᠠᠭᠠᠨ ᠵᠠᠪᠠᠯ ᠡᠭᠴᠡ | ᠠᠰᠬᠠᠨ ᠪᠠᠶᠢᠯᠭᠠᠪᠠᠯ ᠰᠠᠶ᠋ᠢ ᠬᠡᠷᠴᠢᠵᠦ ᠭᠠᠷᠭᠠᠭᠰᠠᠨ ᠴᠠᠭᠠᠰᠤᠨ ᠬᠠᠶᠢᠴᠢᠯᠠᠮᠠᠯ ᠨᠢ ᠤᠨᠤᠪᠴᠢᠳᠠᠢ ᠪᠠᠶᠢᠳᠠᠭ᠃ | ᠭᠦᠷᠢᠶᠡ ᠨᠤᠳᠤᠭ ᠶᠢ ᠾᠧ ᠰᠢᠦ ᠶᠢᠩ ᠨᠠᠰᠤᠳᠠᠨ ᠢᠶᠠᠷ ᠲᠦᠯᠦᠬᠡᠯᠡᠭᠦᠯᠦᠭᠰᠡᠨ ᠨᠢᠬᠡ ᠪᠦᠯᠦᠭ ᠭᠦᠮᠦᠰ ᠭᠠᠷ ᠤᠨ | ᠤᠷᠠᠨ ᠢᠶᠠᠷ ᠢᠶᠠᠨ ᠭᠠᠶᠢᠬᠠᠯᠳᠠᠢ ᠰᠠᠶᠢᠬᠠᠨ ᠪᠦᠳᠦᠬᠡᠯ ᠬᠠᠶᠢᠴᠢᠯᠠᠭᠰᠠᠭᠠᠷ ᠪᠤᠢ᠃ ᠲᠡᠳᠡᠨ ᠤ ᠪᠦᠳᠦᠬᠡᠯ ᠢ ᠭᠦᠮᠦᠰ ︽ | ᠰᠠᠷᠠᠨ ᠤ ᠮᠦᠰᠢᠶᠡᠳᠦ ᠲᠠᠢ᠂ ᠤᠷᠭᠤᠮᠠᠯ ᠤᠨ ᠦᠨᠦᠷ ᠲᠠᠢ᠂ ᠠᠯᠮᠠᠰ ᠤᠨ ᠰᠢᠨᠵᠢ ᠲᠠᠢ᠂ ᠠᠬᠳᠠ ᠶᠢᠨ ᠲᠦᠪᠡᠷᠬᠡᠨ | ᠲᠠᠢ᠂ ᠠᠮᠢᠳᠤᠷᠠᠯ ᠤᠨ ᠢᠯᠴᠢ ᠲᠠᠢ︾ ᠬᠡᠳᠡᠭ ᠪᠢᠯᠡ᠃ | | | |