| ᠬᠦᠷᠢᠶᠡ ᠬᠤᠰᠢᠭᠤᠨ ᠳᠤ ᠪᠠᠶᠢᠳᠠᠭ ᠲᠠᠮᠤ ᠶᠢᠨ ᠴᠠᠭᠠᠨ ᠢ ᠬᠦᠮᠤᠰ ᠪᠠᠰᠠ ᠬᠦᠪᠡᠭᠡ ᠶᠢᠨ ᠮᠠᠩᠬᠠ ᠬᠡᠳᠡᠭ᠃ | ᠲᠡᠷᠡ ᠨᠢ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠡᠯᠡᠰᠦ ᠪᠡ ᠮᠠᠩᠬᠠ ᠬᠤᠶᠠᠷ ᠰᠤᠮᠤ ᠪᠠᠯᠭᠠᠰᠤᠨ ᠤ ᠡᠮᠤᠨᠡ ᠵᠠᠬᠠ ᠪᠦᠭᠡᠳ | ᠶᠠᠩᠰᠢᠪ ᠤᠨ ᠭᠤᠤᠯ ᠤᠨ ᠬᠤᠶᠢᠳᠤ ᠲᠠᠯᠠ ᠪᠤᠯᠵᠤ ᠪᠠᠶᠢᠳᠠᠭ ᠠᠴᠠ ᠢᠷᠡᠯᠳᠡ ᠲᠠᠢ ᠪᠠᠶᠢᠭᠠ᠃ ᠮᠦᠨᠴᠤ ᠡᠯᠡᠰᠦ | ᠮᠠᠩᠬᠠᠨ ᠤ ᠬᠦᠮᠤᠰ ᠵᠤᠨ ᠤ ᠦᠷᠯᠤᠭᠡ ᠦᠨᠳᠦᠷ ᠲᠤ ᠭᠠᠷᠴᠤ ᠡᠮᠤᠨᠡᠰᠢ ᠪᠠᠨ ᠬᠠᠷᠠᠪᠠᠯ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠲᠠᠢ | ᠨᠡᠶᠢᠯᠵᠤ ᠬᠦᠪ ᠬᠦᠬᠡᠷᠦᠨ ᠬᠠᠷᠠᠭᠳᠠᠳᠠᠭ ᠮᠠᠩᠬᠠ ᠪᠤᠯᠬᠤᠷ ᠬᠦᠪᠡᠭᠡ ᠶᠢᠨ ᠮᠠᠩᠬᠠ ᠬᠡᠳᠡᠭ ᠪᠤᠯᠵᠠᠢ᠃ ᠲᠡᠷᠡ ᠨᠢ | ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠵᠡᠬᠦᠨ ᠲᠠᠯᠠ ᠠᠴᠠ ᠡᠬᠢᠯᠡᠨ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠤᠷᠤᠳᠠᠯᠠ | ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠴᠢᠭᠯᠡᠯ ᠲᠠᠢ ᠡᠪᠡᠰᠦ ᠤᠷᠭᠤᠮᠠᠯ ᠴᠦᠬᠡᠬᠡᠨ ᠪᠠᠶᠢᠳᠠᠭ ᠬᠦᠯᠢᠭᠡᠷ ᠬᠠᠷᠠᠭᠳᠠᠬᠤ ᠴᠠᠭᠠᠨ ᠮᠠᠩᠬᠠ | ᠪᠤᠯᠤᠨᠠ᠃ ᠬᠡᠪᠡᠴᠤ ᠬᠦᠮᠤᠰ ᠲᠤ ᠬᠠᠷᠠᠭᠳᠠᠬᠤ ᠳᠤ ᠲᠡᠭᠰᠢᠬᠡᠨ ᠰᠢᠭ ᠪᠠᠶᠢᠪᠠᠴᠤ ᠲᠡᠭᠰᠢ ᠪᠢᠰᠢ ᠪᠦᠬᠡᠳ ᠵᠠᠭᠤ | ᠰᠢᠬᠠᠮ ᠮᠧᠲᠷ ᠦᠨᠳᠦᠷ ᠤᠷᠤᠢ ᠵᠢᠯᠠᠭᠠ ᠲᠠᠢ᠂ ᠤᠭᠳᠤ ᠲᠡᠭᠰᠢ ᠦᠭᠡᠢ ᠮᠠᠩᠬᠠ ᠶᠤᠮ᠃ ᠲᠡᠷᠡ ᠨᠢ ᠲᠠᠯᠠᠢ ᠶᠢᠨ | ᠲᠦᠪᠰᠢᠨ ᠠᠴᠠ 250 —300 ᠮᠧᠲᠷ ᠡᠷᠬᠦᠭᠳᠡᠵᠤ᠂ ᠬᠠᠮᠤᠭ ᠦᠷᠭᠡᠨ ᠨᠢ 15 ᠺᠢᠯᠤᠮᠧᠲᠷ᠂ ᠬᠠᠮᠤᠭ ᠨᠠᠷᠢᠨ | ᠳᠠᠭᠠᠨ ᠴᠤ10 ᠺᠢᠯᠤᠮᠧᠲᠷ ᠪᠠᠶᠢᠳᠠᠭ ᠪᠦᠭᠡᠳ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠠᠨ ᠳᠤ 60 ᠺᠢᠯᠤᠮᠧᠲᠷ ᠤᠷᠳᠤ᠂ | 280 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠭᠠᠵᠠᠷ ᠡᠵᠡᠯᠡᠵᠤ ᠪᠠᠶᠢᠭᠠ ᠶᠤᠮ᠃ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠵᠢᠷᠭᠤᠭᠠᠨ | ᠭᠡᠷ ᠪᠠᠯᠭᠠᠰᠤ᠂ ᠮᠠᠩᠬᠠᠨ ᠰᠤᠮᠤ᠂ ᠡᠯᠡᠰᠦᠨ ᠪᠠᠯᠭᠠᠰᠤ᠂ ᠬᠦᠷᠢᠶᠡ ᠪᠠᠯᠭᠠᠰᠤ ᠵᠡᠷᠭᠡ ᠲᠦᠷᠪᠡᠨ ᠰᠤᠮᠤ ᠪᠠᠯᠭᠠᠰᠤ ᠪᠠᠷ | ᠲᠠᠭᠠᠷᠢᠵᠤ ᠪᠠᠶᠢᠳᠠᠭ᠃ | ᠲᠠᠮᠤ ᠶᠢᠨ ᠴᠠᠭᠠᠨ ᠳᠤ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠲᠤᠮᠤᠭ ᠲᠠᠢ ᠪᠦᠬᠡᠳ ᠬᠦᠷᠢᠶᠡ ᠬᠤᠰᠢᠭᠤ ᠪᠤᠢ ᠪᠤᠯᠬᠤ | ᠦᠶᠡ ᠶᠢᠨ ︽ᠲᠢᠶᠠᠨᠴᠢ ᠯᠠᠮᠠ︾ ᠶᠢᠨ ᠦᠯᠢᠬᠡᠷ ᠲᠤᠮᠤᠭ ᠴᠤ ᠲᠠᠮᠤ ᠶᠢᠨ ᠴᠠᠭᠠᠨ ᠲᠠᠢ ᠬᠤᠯᠪᠤᠭᠳᠠᠳᠠᠭ᠃ ᠠᠯᠢ | ᠡᠷᠳᠡ ᠳᠡᠭᠡᠨ ᠬᠦᠮᠤᠰ ᠲᠠᠮᠤ ᠶᠢᠨ ᠴᠠᠭᠠᠨ ᠢ ᠲᠠᠭᠤᠯᠬᠤ ᠦᠶᠡ ᠳᠤ ᠠᠳᠤᠭᠤ ᠮᠠᠯ ᠤᠨ ᠪᠠᠭᠠᠰᠤ ᠶᠢ ᠲᠠᠭᠠᠵᠤ | ᠭᠠᠷᠬᠤ ᠦᠭᠡᠢ ᠪᠤᠯ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠳᠠᠭ ᠬᠡᠳᠡᠭ᠃ ᠤᠳᠤ ᠪᠤᠯᠬᠤ ᠳᠤ ᠬᠦᠷᠢᠶᠡ ᠬᠤᠰᠢᠭᠤ ᠵᠤᠭᠠᠴᠠᠯ | ᠤᠨ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠵᠤ᠂ ᠵᠤᠭᠠᠴᠠᠨ ᠲᠤᠭᠤᠷᠢᠬᠤ᠂ ᠲᠡᠷᠭᠡ ᠤᠷᠤᠯᠳᠤᠬᠤ ᠵᠡᠷᠭᠡ ᠶᠢ ᠡᠷᠬᠢᠯᠡᠭᠡᠳ ᠦᠨᠡᠭᠡᠷ | ᠬᠦᠭᠵᠢᠶᠡᠨ ᠲᠠᠢ ᠪᠤᠯᠵᠤ ᠪᠠᠶᠢᠨᠠ᠃ ᠲᠠᠮᠤ ᠶᠢᠨ ᠴᠠᠭᠠᠨ ᠤ ᠴᠠᠭᠠᠨ ᠮᠠᠩᠬᠠ ᠨᠢ ᠴᠡᠪᠡᠷ ᠰᠠᠶᠢᠬᠠᠨ᠂ ᠬᠢᠯᠳᠠᠭᠠᠨᠠᠮᠠ | ᠪᠠᠶᠢᠵᠤ᠂ ᠡᠪᠡᠰᠦ ᠤᠷᠭᠤᠮᠠᠯ ᠲᠤᠳᠠᠭᠤ ᠪᠠᠶᠢᠵᠤ᠂ ᠵᠤᠨ ᠤ ᠬᠠᠯᠠᠭᠤᠨ ᠳᠤ ᠡᠯᠡᠰᠦ ᠮᠠᠩᠬᠠ ᠨᠢ ᠬᠠᠯᠠᠭᠠᠳ ᠬᠦᠮᠤᠨ | ᠤ ᠬᠦᠯ ᠤᠨ ᠪᠠᠯᠴᠢᠷᠤᠤ ᠶᠢ ᠵᠠᠰᠠᠳᠠᠭ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠭᠠ ᠶᠤᠮ᠃ |