| ᠠᠯᠳᠠᠭᠠᠨᠠ ᠬᠡᠭᠴᠢ ᠠᠯᠳᠠᠨ ᠰᠢᠷᠭᠠᠯ ᠬᠤᠸᠠᠷ ᠲᠡᠯᠬᠡᠷᠡᠳᠡᠭ᠂ ᠭᠠᠩ ᠬᠠᠭᠤᠷᠠᠢ ᠳᠤ ᠲᠡᠰᠪᠦᠷᠢᠳᠠᠢ ᠪᠦᠭᠦᠶᠢᠯᠡ | ᠪᠡᠶᠡ ᠳᠡᠭᠡᠨ ᠦᠷᠬᠡᠰᠦ ᠲᠠᠢ ᠪᠤᠳᠠᠯᠢᠭ ᠤᠷᠭᠤᠮᠠᠯ ᠢ ᠬᠡᠯᠡᠨᠡ᠂ ᠪᠠᠰᠠ ᠠᠯᠳᠠᠨ ᠬᠠᠷᠭᠠᠨᠠ ᠬᠡᠵᠦ ᠬᠡᠯᠡᠳᠡᠭ᠃ | ᠭᠦᠷᠢᠶᠡ ᠨᠤᠳᠤᠭ ᠲᠤ ᠠᠯᠳᠠᠭᠠᠨᠠ ᠤᠯᠠᠨ ᠤᠷᠭᠤᠳᠠᠭ᠃ ᠲᠤᠰ ᠤᠷᠭᠤᠮᠠᠯ ᠨᠢ ᠮᠠᠩᠬᠠᠯᠢᠭ ᠭᠠᠵᠠᠷ ᠰᠠᠶᠢᠨ | ᠤᠷᠭᠤᠳᠠᠭ ᠲᠤᠯᠠ ᠡᠯᠡᠰᠦ ᠮᠠᠩᠬᠠ ᠶᠢ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ᠂ ᠭᠦᠷᠦᠰᠦ ᠰᠢᠷᠤᠢ ᠶᠢ ᠬᠠᠮᠠᠭᠠᠯᠠᠬᠤ᠂ ᠠᠮᠢ ᠠᠬᠤᠢ | ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠷ ᠦᠯᠦ ᠪᠠᠷᠠᠨ ᠦᠬᠡᠢ᠂ ᠬᠤᠨᠢ᠂ ᠢᠮᠠᠭᠠ᠂ ᠲᠡᠮᠡᠭᠡ ᠵᠡᠷᠬᠡ ᠮᠠᠯ ᠤᠨ | ᠢᠳᠡᠰᠢ ᠪᠤᠯᠳᠠᠭ᠃ ᠲᠡᠭᠦᠨ ᠤ ᠨᠤᠯ ᠨᠤᠭᠤᠭᠠᠨ ᠨᠠᠪᠴᠢ᠂ ᠠᠯᠳᠠᠨ ᠰᠢᠷᠭᠠᠯ ᠬᠤᠸᠠᠷ᠂ ᠬᠠᠪ ᠬᠠᠳᠠᠭᠤ ᠪᠡᠶᠡ᠂ | ᠭᠦᠨ ᠬᠠᠳᠬᠤᠬᠤ ᠦᠨᠳᠦᠰᠦ᠂ ᠡᠳᠡᠬᠡᠳ ᠰᠤᠨᠢᠨ ᠲᠦᠷᠢ ᠨᠢ ᠫᠧᠩᠰᠡᠳᠦ ᠤᠷᠠᠯᠢᠭ ᠤᠨ ᠪᠤᠢ ᠪᠦᠭᠦᠢ ᠤᠨᠴᠠᠯᠢᠭ ᠢ | ᠢᠯᠡᠷᠡᠭᠦᠯᠵᠦ ᠭᠦᠮᠦᠰ ᠤᠨ ᠲᠤᠷᠠ ᠪᠠᠬᠠ ᠶᠢ ᠲᠠᠳᠠᠵᠦ ᠪᠠᠶᠢᠨᠠ᠃ ᠨᠡᠩ ᠴᠦ ᠪᠤᠤ ᠴᠢᠤᠸᠠᠨ ᠢᠶᠠᠷ | ᠲᠦᠯᠦᠬᠡᠯᠡᠭᠦᠯᠦᠭᠰᠡᠨ ᠨᠢᠬᠡ ᠪᠦᠯᠦᠭ ᠤᠷᠠᠯᠢᠭᠴᠢᠳ ᠤᠨ ᠤᠶᠤᠨ ᠤᠬᠠᠭᠠᠨ ᠢᠶᠠᠷ ᠤᠯᠠᠨ ᠠᠷᠪᠢᠨ ᠪᠦᠳᠦᠬᠡᠯ | ᠪᠦᠳᠦᠬᠡᠭᠳᠡᠵᠦ᠂ ᠲᠠᠷᠡ ᠤᠯᠠᠨ ᠠᠯᠳᠠᠭᠠᠨᠠ ᠶᠢᠨ ᠫᠧᠩᠰᠡᠳᠦ ᠤᠷᠠᠯᠢᠭ ᠨᠢ ᠵᠤᠭᠠᠴᠠᠯ ᠤᠨ ᠬᠢᠯᠡᠰ ᠴᠡᠭ ᠪᠤᠯᠵᠦ᠂ | ᠤᠯᠠᠨ ᠤᠯᠠᠨ ᠲᠦᠷᠢ ᠲᠦᠷᠭᠦ᠂ ᠤᠷᠠᠯᠢᠭ ᠴᠢᠨᠠᠷ ᠢᠶᠠᠷ ᠢᠶᠠᠨ ᠭᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠵᠦ ᠪᠤᠢ᠃ ᠡᠳᠡᠬᠡᠷ | ᠨᠢ ᠤᠷᠤᠨ ᠨᠤᠳᠤᠭ ᠲᠤ ᠪᠠᠶᠢᠭᠠ ᠦᠨᠳᠦᠰᠦᠳᠠᠨ ᠤ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠢᠯᠡᠷᠡᠭᠦᠯᠵᠦ᠂ ᠫᠧᠩᠰᠡᠳᠦ ᠤᠷᠠᠯᠢᠭ | ᠤᠨ ᠭᠤᠤᠯ ᠤᠨᠴᠠᠯᠢᠭ ᠢ ᠢᠯᠡᠷᠡᠭᠦᠯᠦᠨ ᠭᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠵᠦ ᠪᠠᠶᠢᠭᠠ ᠶᠤᠮ᠃ | | | | | | ᠠᠯᠳᠠᠭᠠᠨᠠ ᠶᠢᠨ ᠫᠧᠩᠰᠡᠳᠦ ᠤᠷᠠᠯᠢᠭ ᠤᠨ ᠤᠷᠠ ᠮᠡᠷᠬᠡᠵᠢᠯ | | | ᠫᠧᠩᠰᠡᠳᠦ ᠤᠷᠠᠯᠢᠭ ᠪᠤᠯ ᠤᠯᠠᠨ ᠵᠦᠢᠯ ᠤᠨ ᠮᠤᠳᠤᠯᠢᠭ ᠤᠷᠭᠤᠮᠠᠯ ᠢ ᠤᠯᠠᠨ ᠵᠦᠢᠯ ᠤᠨ ᠲᠦᠷᠢ ᠲᠦᠷᠰᠦ | ᠲᠠᠢ ᠪᠤᠯᠭᠠᠨ ᠵᠠᠰᠠᠵᠦ ᠪᠡᠶᠡ ᠶᠢᠨ ᠬᠢᠨᠢ ᠪᠠᠶᠢᠳᠠᠯ ᠳᠤ ᠲᠤᠬᠢᠷᠠᠭᠤᠯᠵᠦ ᠶᠡᠭᠡ ᠪᠠᠭᠠ ᠫᠧᠩᠰᠡᠨ ᠲᠤᠳᠤᠷᠠ ᠵᠠᠶᠢᠯᠠᠵᠦ | ᠤᠷᠭᠤᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠦᠵᠡᠮᠦᠷᠢ ᠪᠤᠯᠭᠠᠳᠠᠭ ᠤᠷᠠᠯᠢᠭ ᠪᠤᠯᠤᠨᠠ᠃ ᠫᠧᠩᠰᠡᠳᠦ ᠤᠷᠠᠯᠢᠭ ᠤᠨ ᠮᠡᠷᠬᠡᠵᠢᠯ | ᠳᠤ ᠡᠶᠢᠮᠦ ᠬᠡᠳᠦᠨ ᠵᠦᠢᠯ ᠱᠠᠭᠠᠷᠳᠠᠭᠳᠠᠨᠠ᠃ | 1. ᠤᠷᠭᠤᠮᠠᠯ ᠤᠨ ᠪᠤᠳᠠᠳᠦ ᠪᠠᠶᠠ ᠶᠢ ᠦᠵᠡᠵᠦ ᠲᠠᠨᠢᠬᠤ ᠤᠷᠠᠯᠢᠭ ᠮᠡᠳᠡᠷᠡᠭᠦᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ | ᠠᠯᠳᠠᠭᠠᠨᠠ ᠪᠤᠯ ᠦᠨᠳᠦᠷ ᠪᠦᠳᠦᠭᠦᠨ ᠤᠷᠭᠤᠳᠠᠭ ᠦᠬᠡᠢ ᠪᠤᠳᠠᠯᠢᠭ ᠤᠷᠭᠤᠮᠠᠯ᠂ ᠲᠡᠭᠦᠨ ᠤ ᠦᠨᠳᠦᠰᠦ ᠪᠠ ᠪᠡᠶᠡ | ᠶᠢᠨ ᠠᠭᠤᠯᠵᠠᠭᠤᠷ ᠬᠡᠰᠡᠭ ᠨᠢ ᠪᠦᠳᠦᠭᠦᠨ ᠰᠢᠭ ᠪᠠᠶᠢᠵᠦ᠂ ᠮᠤᠷᠤᠢ ᠰᠡᠷᠤᠢ᠂ ᠠᠷᠵᠠᠭ ᠪᠠᠷᠵᠠᠭ ᠪᠠᠶᠢᠳᠠᠭ ᠶᠤᠮ᠃ | ᠲᠡᠬᠡᠭᠦ ᠪᠠᠷ ᠲᠡᠷᠡ ᠨᠢ ᠫᠧᠩᠰᠡᠳᠦ ᠤᠷᠠᠯᠢᠭ ᠪᠤᠯᠬᠤ ᠶᠢᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠨᠦᠭᠦᠴᠡᠯ ᠪᠤᠯᠵᠦ | ᠪᠦᠷᠢᠯᠳᠦᠨᠡ᠃ ᠡᠯᠡᠰᠦ ᠮᠠᠩᠬᠠ᠂ ᠡᠷᠬᠢ ᠵᠢᠯᠠᠭᠠ ᠪᠠᠷ ᠤᠷᠭᠤᠵᠦ ᠪᠠᠶᠢᠭᠠ ᠠᠯᠳᠠᠭᠠᠨᠠ ᠶᠢ ᠦᠵᠡᠬᠡᠳ ᠶᠠᠭᠠᠬᠢᠵᠦ | ᠵᠠᠰᠠᠵᠦ᠂ ᠶᠠᠭᠠᠬᠢᠵᠦ ᠵᠠᠶᠢᠯᠠᠵᠦ ᠤᠷᠭᠤᠭᠤᠯᠬᠤ ᠶᠢ ᠡᠷᠬᠡᠪᠰᠢ ᠦᠵᠡᠨ ᠭᠠᠷᠴᠦ ᠴᠢᠳᠠᠬᠤ ᠬᠡᠷᠡᠭᠳᠡᠢ᠃ | 2. ᠠᠯᠳᠠᠭᠠᠨᠠ ᠶᠢᠨ ᠫᠧᠩᠰᠡᠳᠦ ᠤᠷᠠᠯᠢᠭ ᠬᠢᠭᠦ ᠳᠤ ᠬᠠᠮᠤᠭ ᠤᠨ ᠲᠦᠷᠦᠭᠦᠦ ᠦᠵᠡᠵᠦ ᠬᠠᠷᠠᠭᠰᠠᠨ ᠲᠡᠷᠡ | ᠵᠤᠬᠢᠰᠳᠠᠢ ᠠᠯᠳᠠᠭᠠᠨᠠ ᠪᠠᠨ ᠲᠡᠮᠳᠡᠭ ᠲᠠᠯᠪᠢᠵᠦ ᠡᠷᠢᠵᠦ ᠠᠪᠤᠭᠠᠳ ᠬᠡᠷᠡᠭᠴᠡᠭᠡ ᠶᠢᠨ ᠬᠢᠷᠢ ᠪᠠᠷ ᠢᠶᠠᠨ ᠤᠬᠤᠵᠦ | ᠠᠪᠬᠤ ᠪᠤᠶᠦ ᠬᠠᠶᠢᠴᠢᠯᠠᠵᠦ ᠠᠪᠤᠭᠠᠳ᠂ ᠶᠡᠭᠡ ᠪᠠᠭᠠ ᠪᠦᠳᠦᠭᠦᠨ ᠨᠠᠷᠢᠨ ᠢ ᠨᠢ ᠦᠵᠡᠵᠦ ᠪᠠᠶᠢᠭᠠᠳ ᠫᠧᠩᠰᠡᠨ | ᠳᠡᠭᠡᠨ ᠵᠠᠶᠢᠯᠠᠵᠦ ᠲᠠᠯᠪᠢᠨᠠ᠃ ᠵᠠᠶᠢᠯᠠᠬᠤ ᠳᠠᠭᠠᠨ ᠬᠠᠯᠠᠭᠤᠨ ᠭᠦᠢᠳᠡᠨ᠂ ᠬᠠᠭᠤᠷᠠᠢ ᠨᠤᠶᠢᠳᠡᠨ᠂ ᠭᠦᠨ ᠭᠦᠢᠬᠡᠨ᠂ | ᠭᠦᠷᠦᠰᠦ ᠰᠢᠷᠤᠢ ᠵᠡᠷᠬᠡ ᠶᠢ ᠪᠦᠷ ᠵᠤᠬᠢᠰᠳᠠᠢ ᠵᠤᠬᠢᠴᠠᠭᠤᠯᠵᠦ᠂ ᠡᠳᠡᠬᠡᠷᠡᠯᠳᠠ ᠶᠢᠨ ᠨᠤᠷᠮᠠ ᠶᠢ ᠪᠠᠳᠤᠯᠠᠭᠰᠠᠨ | ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ | 3. ᠠᠯᠳᠠᠭᠠᠨᠠ ᠪᠠᠨ ᠵᠠᠶᠢᠯᠡᠵᠦ ᠡᠳᠡᠬᠡᠷᠡᠭᠦᠯᠦᠭᠰᠡᠨ ᠤ ᠬᠤᠶᠢᠨᠠ ᠠᠯᠢ ᠰᠠᠯᠠᠭᠠ ᠶᠢ ᠨᠢ ᠶᠠᠭᠠᠬᠢᠵᠦ ᠵᠠᠰᠠᠬᠤ᠂ | ᠠᠯᠢ ᠦᠨᠳᠦᠰᠦ ᠶᠢ ᠨᠢ ᠶᠠᠮᠠᠷ ᠬᠡᠯᠪᠡᠷᠢ ᠲᠦᠷᠰᠦ ᠲᠠᠢ ᠪᠤᠯᠭᠠᠨ ᠤᠷᠭᠤᠭᠤᠯᠬᠤ ᠵᠡᠷᠬᠡ ᠶᠢ ᠫᠧᠩᠰᠡᠳᠦ ᠤᠷᠠᠯᠢᠭ ᠤᠨ | ᠵᠢᠮᠡ ᠪᠤᠶᠦ ᠦᠪᠡᠷ ᠤᠨ ᠤᠷᠠᠯᠢᠭ ᠤᠨ ᠰᠡᠳᠬᠢᠴᠡ ᠪᠠᠷ ᠢᠶᠠᠨ ᠦᠵᠡᠵᠦ ᠵᠠᠰᠠᠨᠠ᠃ ᠮᠦᠨ ᠴᠦ ᠠᠯᠢ ᠰᠠᠯᠠᠭᠠ ᠶᠢ | ᠨᠢ ᠶᠠᠭᠠᠬᠢᠵᠦ ᠲᠠᠯᠪᠢᠬᠤ᠂ ᠲᠡᠬᠡᠭᠰᠢ ᠲᠤᠷᠤᠭᠰᠢ ᠤᠷᠭᠤᠭᠤᠯᠬᠤ ᠶᠢ ᠤᠷᠠᠯᠢᠭ ᠤᠨ ᠬᠠᠷᠠᠭᠠᠰᠦ ᠠᠴᠠ ᠵᠠᠰᠠᠵᠦ | ᠵᠠᠯᠠᠭᠠᠳ ᠪᠦᠷᠢᠨ ᠭᠦᠢᠴᠡᠳ ᠨᠢᠬᠡ ᠤᠷᠠᠯᠢᠭ ᠤᠨ ᠪᠦᠳᠦᠬᠡᠯ ᠪᠤᠯᠭᠠᠨᠠ᠃ | 4. ᠤᠷᠭᠤᠵᠦ ᠭᠦᠢᠴᠡᠭᠰᠡᠨ ᠴᠦ ᠦᠷᠭᠦᠯᠵᠢᠯᠡᠨ ᠤᠷᠳᠦ ᠬᠤᠭᠤᠴᠠᠭᠠ ᠠᠷᠠᠴᠢᠯᠠᠭᠠ ᠵᠠᠰᠠᠯᠭᠠ | ᠱᠠᠭᠠᠷᠳᠠᠭᠳᠠᠨᠠ᠃ ᠡᠳᠦᠷ ᠪᠦᠷᠢ ᠤᠰᠤᠯᠠᠬᠤ ᠪᠠ ᠬᠠᠶᠢᠴᠢᠯᠠᠵᠦ ᠵᠠᠰᠠᠬᠤ᠂ ᠵᠠᠯᠠᠵᠦ ᠡᠪᠰᠢᠭᠦᠯᠭᠦ ᠵᠡᠷᠬᠡ ᠤᠯᠠᠨ | ᠮᠡᠷᠬᠡᠵᠢᠯ ᠤᠷᠤᠳᠠᠭ᠃ ᠡᠨᠡ ᠭᠦ ᠮᠡᠷᠬᠡᠵᠢᠯ ᠨᠢ ᠲᠡᠶᠢᠮᠦ ᠲᠤᠭᠳᠠᠭᠰᠠᠨ ᠨᠢᠬᠡᠨ ᠬᠡᠪ ᠵᠢᠷᠤᠮ ᠬᠡᠵᠦ ᠪᠠᠶᠢᠳᠠᠭ ᠦᠬᠡᠢ᠂ | ᠵᠦᠪᠬᠡᠨ ᠪᠤᠳᠠᠳᠠᠢ ᠤᠷᠠᠯᠢᠭ ᠤᠨ ᠤᠷᠴᠢᠨ ᠳᠤ ᠭᠦᠷᠴᠦ ᠢᠯᠡᠷᠡᠳᠡᠭ ᠶᠤᠮ᠃ | | | |