| ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠪᠠᠳᠤᠮᠦ᠋ᠩᠬᠡ᠂ ᠶᠦᠸᠧ ᠢᠩ ᠰᠡᠭᠦᠳᠡᠷᠯᠡᠪᠡ | 引自张鹏举主编： ︽内蒙古藏传佛教建筑 3︾ | | | | | ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ︵吉祥天女庙︶ ᠨᠢ ᠭᠦᠷᠢᠶᠡ ᠪᠠᠯᠭᠠᠰᠦ ᠶᠢᠨ ᠵᠡᠭᠦᠨ | ᠪᠡᠶᠡ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠨᠢᠬᠡᠳᠦᠬᠡᠷ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠵᠡᠭᠦᠨ ᠲᠠᠯᠠ ᠳᠤ ᠪᠠᠶᠢᠷᠢᠰᠢᠵᠦ ᠪᠤᠢ᠃ | ᠲᠡᠭᠦᠨ ᠤ ᠴᠤᠭᠴᠢᠨ ᠲᠤᠭᠠᠩ ᠨᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠬᠠᠳᠠᠭᠤ ᠰᠠᠷᠠᠪᠴᠢᠳᠦ ᠪᠠᠷᠢᠯᠭᠠ ᠪᠦᠬᠡᠳ ᠵᠡᠭᠦᠨ ᠪᠠᠷᠠᠭᠤᠨ | ᠵᠢᠭᠦᠷ ᠤᠨ ᠬᠠᠷᠰᠢ ᠨᠢ ᠴᠦ ᠲᠤᠰ ᠪᠦᠷᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠬᠠᠳᠠᠭᠤ ᠰᠠᠷᠠᠪᠴᠢᠳᠦ ᠪᠠᠷᠢᠯᠭᠠ ᠪᠤᠯᠤᠨᠠ᠃ | ᠭᠤᠤᠯ ᠲᠤᠭᠠᠩ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠨᠢ ᠲᠠᠪᠤᠨ ᠲᠠᠰᠤᠯᠭᠠ ᠬᠠᠳᠠᠭᠤ ᠰᠠᠷᠠᠪᠴᠢᠳᠦ ᠨᠤᠮ ᠤᠨ ᠬᠠᠷᠰᠢ ᠪᠤᠯᠤᠨ | ᠬᠠᠭᠠᠯᠭᠠ ᠶᠢᠨ ᠰᠦᠮᠡ ᠲᠠᠢ᠃ ᠨᠤᠮ ᠤᠨ ᠬᠠᠷᠰᠢ ᠨᠢ ᠲᠦᠪᠡᠳ ᠮᠠᠶ᠋ᠢᠭ ᠤᠨ ᠪᠠᠷᠢᠯᠭᠠ ᠪᠦᠬᠡᠳ ᠲᠤᠳᠤᠷᠠ ᠨᠢ | ᠲᠦᠪᠡᠳ ᠢᠶᠠᠷ ᠪᠢᠴᠢᠭᠰᠡᠨ ᠶᠡᠭᠡ ᠭᠦᠯᠬᠡᠨ ᠨᠤᠮ ᠤᠨ ᠦᠷᠭᠦᠯᠵᠢᠯᠡᠯ ᠪᠤᠳᠢ ︽ᠭᠠᠨᠵᠤᠤᠷ︾ ᠪᠤᠯᠤᠨ ᠦᠭᠦᠯᠡᠯ ᠪᠤᠳᠢ | ︽ᠳ᠋ᠠᠨᠵᠤᠤᠷ︾ ᠢ ᠲᠤᠰ ᠪᠦᠷᠢ ᠨᠢᠬᠡᠨ ᠬᠤᠪᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠪᠠ᠃ ᠰᠦᠮᠡ ᠶᠢᠨ ᠭᠦᠷᠢᠶᠡ ᠶᠢᠨ ᠪᠠᠷᠠᠭᠤᠨ | ᠡᠮᠦᠨᠡ ᠦᠨᠴᠦᠭ ᠲᠤ ᠨᠢᠬᠡᠨ ᠱᠠᠷᠢᠯ ᠤᠨ ᠰᠤᠪᠤᠷᠭᠠ ᠲᠠᠢ᠂ ᠲᠡᠭᠦᠨ ᠢ ᠶᠡᠷᠦᠳᠡᠬᠡᠨ ᠨᠤᠮ ᠤᠨ ᠬᠠᠭᠠᠨ ᠤ | ᠰᠤᠪᠤᠷᠭᠠ ᠬᠡᠳᠡᠭ᠃ ᠲᠤᠰ ᠰᠦᠮᠡ ᠶᠢᠨ ᠡᠷᠬᠢᠯᠡᠭᠴᠢ ᠳ᠋ᠠ ᠯᠠᠮᠠ ᠶᠢ ︽ᠲᠤᠭᠤᠷ︾ ᠳ᠋ᠠ ᠯᠠᠮᠠ ᠬᠡᠵᠦ ᠬᠡᠯᠡᠳᠡᠭ᠂ | ᠲᠡᠷᠡ ᠶᠡᠷᠦᠳᠡᠬᠡᠨ ᠲᠤᠭᠤᠷ ᠤᠨ ᠬᠡᠯᠪᠡᠷᠢᠳᠠᠢ ᠮᠠᠯᠠᠭᠠᠢ ᠡᠮᠦᠰᠳᠡᠭ ᠠᠴᠠ ᠢᠩᠬᠢᠵᠦ ᠨᠠᠷᠠᠯᠠᠳᠡᠭ ᠪᠠᠶᠢᠯᠠ᠃ ᠲᠤᠭᠤᠷ | ᠳ᠋ᠠ ᠯᠠᠮᠠ ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠨᠢ ᠪᠤᠰᠤᠳ ᠰᠦᠮᠡ ᠶᠢᠨ ᠳ᠋ᠠ ᠯᠠᠮᠠ ᠨᠠᠷ ᠠᠴᠠ ᠦᠨᠳᠦᠷ ᠪᠠᠶᠢᠵᠦ᠂ ᠵᠠᠰᠠᠭ ᠳ᠋ᠠ | ᠯᠠᠮᠠ ᠲᠠᠢ ᠵᠤᠯᠭᠠᠬᠤ ᠳᠤ᠂ ᠵᠠᠰᠠᠭ ᠳ᠋ᠠ ᠯᠠᠮᠠ ᠮᠦᠨ ᠪᠡᠶᠡ ᠦᠨᠳᠠᠶᠢᠨ ᠬᠠᠷᠢᠭᠤ ᠶᠤᠰᠤ ᠬᠢᠳᠡᠭ ᠪᠦᠬᠡᠳ ᠰᠠᠭᠤᠳᠠᠯ | ᠬᠠᠶᠢᠷᠠᠯᠠᠵᠦ ᠴᠠᠢ ᠤᠤᠭᠤᠯᠭᠠᠳᠠᠭ᠃ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠪᠤᠯ ᠲᠤᠰ ᠰᠦᠮᠡ ᠳᠤ ᠲᠡᠬᠢᠵᠦ ᠪᠠᠶᠢᠭᠠ ᠭᠤᠤᠯ | ᠰᠢᠳᠦᠬᠡᠨ ᠪᠤᠯᠤᠨᠠ᠃ | 引自张鹏举主编： ︽内蒙古藏传佛教建筑 3︾ | | | | | | ᠦᠯᠵᠠᠶᠢᠳᠦ ᠦᠭᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠭᠤᠷᠪᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠳ᠋ᠠ | ᠯᠠᠮᠠ ᠰᠢᠪᠵᠠᠭᠦ᠋ᠠᠷᠦᠭ ᠤᠨ ᠦᠶᠡ ᠳᠤ ᠪᠠᠶᠢᠭᠤᠯᠵᠠᠢ᠃ ᠰᠢᠪᠵᠠᠭᠦ᠋ᠠᠷᠦᠭ ᠯᠠᠮᠠ ᠲᠦᠪᠡᠳ ᠲᠤ ᠭᠦᠷᠴᠦ | ᠰᠤᠷᠤᠯᠴᠠᠭᠠᠳ ᠲᠠᠪᠤᠳᠤᠭᠠᠷ ᠲᠦᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠪᠤᠯᠤᠨ ᠲᠦᠷᠪᠡᠳᠦᠬᠡᠷ ᠲᠦᠷᠢ ᠶᠢᠨ ᠪᠠᠨᠴᠢᠨ ᠤ ᠵᠠᠷᠯᠢᠭ ᠢᠶᠠᠷ | ᠲᠦᠪᠡᠳ ᠤᠷᠤᠨ ᠠᠴᠠ ᠰᠠᠯᠵᠦ ᠵᠡᠭᠦᠨᠰᠢ ᠮᠤᠷᠳᠡᠵᠦ ᠭᠤᠪᠢ ᠶᠢᠨ ᠡᠮᠦᠨᠡᠬᠢ ᠮᠤᠩᠭᠤᠯ ᠤᠷᠤᠨ ᠳᠤ ᠢᠷᠡᠭᠦ ᠳᠤ᠂ | ᠲᠠᠪᠤᠳᠤᠭᠠᠷ ᠲᠦᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠦᠪᠡᠷ ᠤᠨ ᠲᠠᠬᠢᠵᠦ ᠪᠠᠶᠢᠭᠰᠠᠨ᠂ ᠬᠠᠮᠠᠷ ᠤᠨ ᠴᠢᠰᠦ ᠪᠠᠷ ᠢᠶᠠᠨ ᠵᠢᠷᠤᠭᠰᠠᠨ | ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠵᠢᠷᠤᠭ ᠢᠶᠠᠨ ᠲᠡᠭᠦᠨ ᠳᠤ ᠭᠦᠷᠬᠡᠪᠡ᠃ ᠰᠢᠪᠵᠠᠭᠦ᠋ᠠᠷᠦᠭ ᠯᠠᠮᠠ ᠡᠨᠡ ᠭᠦ ᠪᠤᠷᠬᠠᠨ | ᠤ ᠭᠦᠷᠦᠭ ᠢ ᠪᠡᠶᠡ ᠶᠢᠨ ᠢᠶᠠᠨ ᠰᠠᠬᠢᠶᠠ ᠪᠤᠯᠭᠠᠨ ᠠᠪᠴᠦ ᠶᠠᠪᠤᠨ ᠲᠠᠬᠢᠵᠦ ᠪᠠᠶᠢᠭᠰᠠᠨ ᠪᠦᠬᠡᠳ ᠦᠳᠡᠯᠦᠬᠡ ᠨᠠᠰᠤᠨ | ᠤ ᠦᠶᠡ ᠳᠤ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠵᠠᠰᠠᠭ ᠯᠠᠮᠠ ᠶᠢᠨ ᠰᠠᠭᠤᠷᠢᠨ ᠠᠴᠠ ᠰᠠᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠴᠢᠩ ᠤᠨ | ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵1655 ᠤᠨ︶ ᠳᠤ᠂ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢ | ᠪᠠᠶᠢᠭᠤᠯᠵᠦ᠂ ᠦᠪᠡᠷ ᠤᠨ ᠲᠠᠬᠢᠵᠦ ᠪᠠᠶᠢᠭᠰᠠᠨ ᠦᠬᠢᠨ ᠲᠡᠭᠷᠢ ᠶᠢᠨ ᠭᠦᠷᠦᠭ ᠢᠶᠠᠨ ᠰᠦᠮᠡ ᠳᠤ ᠰᠢᠯᠵᠢᠭᠦᠯᠦᠨ | ᠲᠠᠬᠢᠵᠦ᠂ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠭᠤᠤᠯ ᠰᠢᠳᠦᠬᠡᠨ ᠪᠤᠯᠭᠠᠪᠠ᠃ | ᠲᠤᠰ ᠰᠦᠮᠡ ᠨᠢ ᠯᠢᠶᠤᠤᠨᠢᠩ ᠮᠤᠵᠢ ᠶᠢᠨ ᠴᠢᠩ ᠾᠧ ᠤᠷᠴᠢᠮ ᠳᠠᠬᠢ ᠭᠤᠤ ᠵᠢᠶᠠ ᠲᠦᠨ᠂ ᠯᠢᠦ ᠵᠢᠶᠠ | ᠲᠦᠨ ᠵᠡᠷᠬᠡ ᠭᠠᠵᠠᠷ ᠤᠨ ᠭᠤᠤ᠂ ᠮᠠ᠂ ᠸᠠᠩ᠂ ᠯᠢᠦ᠂ ᠯᠢ᠂ ᠯᠦᠸᠧ ᠤᠪᠤᠭᠳᠦ ᠠᠴᠠ ᠠᠯᠪᠠ ᠠᠪᠳᠠᠭ ᠪᠠᠶᠢᠵᠠᠢ᠃ | ᠲᠤᠰ ᠬᠤᠰᠢᠭᠤᠨ ᠤ ᠵᠤᠤᠬᠠᠴᠢᠨ ᠠᠶᠢᠯ᠂ ᠡᠪᠤᠬᠡᠨ ᠰᠢᠪᠡᠭᠡ᠂ ᠴᠢᠯᠠᠭᠤᠨ ᠬᠤᠳᠳᠤᠭ ᠵᠡᠷᠬᠡ ᠬᠡᠳᠦᠨ ᠲᠤᠰᠬᠤᠨ | ᠪᠤᠯ ᠲᠤᠰ ᠰᠦᠮᠡ ᠶᠢᠨ ᠬᠠᠷᠢᠶᠠᠳᠦ ᠪᠤᠯᠤᠨᠠ᠃ | ᠦᠯᠵᠡᠶᠢᠳᠦ ᠦᠭᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠨᠢ ᠤᠳᠦ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 410 ᠲᠡᠭᠰᠢ ᠲᠦᠷᠪᠡᠯᠵᠢᠨ | ᠮᠧᠲᠷ ᠡᠵᠡᠯᠡᠵᠦ᠂ ᠵᠡᠭᠦᠨ ᠪᠠᠷᠠᠭᠠᠤᠨ ᠵᠢᠭᠦᠷ ᠤᠨ ᠬᠠᠷᠰᠢ ᠨᠢ ᠲᠤᠰ ᠪᠦᠷᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠪᠦᠬᠡᠳ ᠴᠦᠮ | ᠬᠠᠳᠠᠭᠤ ᠰᠠᠷᠠᠪᠴᠢᠳᠦ ᠪᠠᠷᠢᠯᠭᠠ ︵ᠨᠤᠮ ᠤᠨ ᠬᠠᠷᠰᠢ᠂ ᠪᠤᠷᠬᠠᠨ ᠤ ᠰᠤᠪᠤᠷᠭᠠ᠂ ᠬᠠᠭᠠᠯᠭᠠ ᠶᠢᠨ ᠰᠦᠮᠡ ᠨᠢ | ᠴᠦᠮ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠲᠤᠮᠳᠠ ᠡᠪᠳᠡᠭᠳᠡᠪᠡ︶ ᠪᠤᠯᠤᠨᠠ᠃ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ | 2970 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠂ ᠡᠭᠦᠨ ᠳᠤ ᠪᠠᠷᠢᠯᠭᠠ ᠶᠢᠨ ᠲᠠᠯᠠᠪᠠᠢ 410 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ | ᠡᠵᠡᠯᠡᠵᠦ ᠪᠠᠶᠢᠨᠠ᠃ | ᠨᠠᠮ ᠤᠨ ᠠᠷᠪᠠᠨ ᠨᠢᠬᠡᠳᠦᠬᠡᠷ ᠬᠤᠭᠤᠴᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠪᠦᠭᠦᠳᠠ ᠬᠤᠷᠠᠯ ᠤᠨ ᠲᠠᠷᠠᠭᠠ᠂ ᠱᠠᠰᠢᠨ | ᠰᠢᠳᠦᠯᠬᠡ ᠶᠢᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠲᠠᠬᠢᠨ ᠨᠠᠶᠢᠳᠠᠪᠤᠷᠢᠵᠢᠭᠤᠯᠪᠠ᠃ 1997 ᠤᠨ ᠳᠤ᠂ ᠭᠦᠷᠢᠶᠡ | ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢ ᠬᠤᠰᠢᠭᠤᠨ ᠲᠠᠰ ᠤᠨ | ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠦ ᠬᠠᠮᠠᠭᠠᠯᠠᠯ ᠤᠨ ᠨᠢᠬᠡᠴᠢ ᠪᠤᠯᠭᠠᠪᠠ᠃ 2001 ᠤᠨ ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ | ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ᠂ ᠲᠦᠩᠯᠢᠶᠦᠦ ᠬᠤᠳᠠ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠨᠢᠬᠡᠳᠦᠮᠡᠯ ᠹᠷᠤᠨᠲ ᠤᠨ | ᠵᠦᠪᠰᠢᠶᠡᠷᠡᠯ ᠢᠶᠠᠷ ᠲᠠᠮᠵᠢᠵᠦ᠂ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠨᠢ ᠱᠠᠰᠢᠨ ᠤ ᠭᠦᠳᠡᠯᠬᠡᠬᠡᠨ ᠢᠶᠠᠨ | ᠰᠡᠷᠭᠦᠬᠡᠵᠦ᠂ ᠬᠡᠰᠡᠭ ᠯᠠᠮᠠ ᠨᠢ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠳᠤ ᠬᠤᠷᠠᠵᠦ᠂ ᠨᠤᠮ ᠤᠩᠰᠢᠬᠤ ᠪᠤᠶᠦ | ᠨᠤᠮ ᠤᠨ ᠬᠤᠷᠠᠯ ᠬᠢᠭᠦ ᠪᠤᠯᠪᠠ᠃ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠬᠠᠢ | ᠪᠤᠤ ᠪᠠᠷ ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠦᠯᠵᠡᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠺᠤᠮᠢᠰ ᠤᠨ | ᠤᠳᠤᠷᠢᠳᠤᠯᠭᠠ ᠲᠤᠤᠷᠠᠬᠢ12 ᠯᠠᠮᠠ ᠬᠤᠸᠠᠷᠠᠭ᠂ ᠨᠠᠮ ᠪᠠ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠬᠠᠯᠠᠮᠵᠢᠯᠠᠯ ᠵᠢᠴᠢ ᠦᠷᠬᠡᠨ | ᠤᠯᠠᠨ ᠮᠦᠷᠭᠦᠯᠳᠠᠨ ᠰᠦᠰᠦᠭᠳᠡᠨ ᠤ ᠲᠠᠮᠵᠢᠯᠬᠡ ᠲᠤᠤᠷᠠ᠂ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢᠨ ᠤᠤᠯ | ᠤᠨ ᠱᠠᠰᠢᠨ ᠤ ᠭᠦᠳᠡᠯᠬᠡᠬᠡᠨ ᠤ ᠲᠦᠷᠢᠮ ᠲᠤᠭᠳᠠᠭᠠᠯ ᠢ ᠪᠠᠷᠢᠮᠳᠠᠯᠠᠵᠦ᠂ ᠡᠯᠠ ᠱᠠᠰᠢᠨ ᠤ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ | ᠡᠳᠦᠷ ᠴᠦᠮ ᠨᠤᠮ ᠤᠨ ᠬᠤᠷᠠᠯ ᠬᠢᠳᠡᠭ ᠪᠦᠬᠡᠳ ᠰᠦᠰᠦᠭᠳᠡᠨ ᠮᠦᠷᠭᠦᠯᠳᠡᠨ ᠤ ᠪᠤᠷᠬᠠᠨ ᠳᠤ ᠮᠦᠷᠭᠦᠭᠦ | ᠦᠨᠳᠦᠰᠦᠨ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠭᠰᠠᠨ ᠪᠠᠶᠢᠨᠠ᠃ | ᠭᠦᠷᠢᠶᠡ ᠪᠠᠯᠭᠠᠰᠤᠨ ᠤ ᠵᠡᠭᠦᠨ ᠦᠵᠦᠭᠦᠷ ᠲᠤ ᠪᠠᠶᠢᠭᠠ ᠦᠯᠵᠡᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢ | ᠪᠠᠰᠠ ︽ᠬᠠᠨ ᠸᠠᠩ ᠤᠨ ᠰᠦᠮᠡ︾ ︵憨王庙︶ ᠬᠡᠵᠦ ᠬᠡᠯᠡᠳᠡᠭ᠃ | ᠬᠠᠨ ᠸᠠᠩ ᠤᠨ ᠰᠦᠮᠡ ᠶᠢᠨ ᠲᠤᠬᠠᠢ ︽ᠲᠤᠮᠳᠠᠳᠦ ᠢᠷᠬᠡᠨ ᠤᠯᠤᠰ ᠤᠨ ᠮᠤᠵᠢ ᠤᠷᠤᠨ ᠤ ᠪᠦᠭᠦ ᠲᠡᠮᠳᠡᠭᠯᠡᠯ | ︾ ᠳᠤ᠄ ︽ᠲᠤᠰ ᠤᠷᠤᠨ ᠪᠤᠯ ᠡᠷᠳᠡ ᠴᠠᠭ ᠰᠤᠯᠤᠩᠭᠤᠰ ᠤᠨ ᠭᠠᠵᠠᠷ ᠮᠦᠨ᠃ ᠰᠤᠯᠤᠩᠭᠤᠰ ᠢ ᠪᠠᠰᠠ ᠬᠠᠨ | ᠤᠯᠤᠰ ᠬᠡᠳᠡᠭ᠃ ᠡᠶᠢᠮᠦ ᠠᠴᠠ ᠲᠤᠰ ᠰᠦᠮᠡ ᠶᠢ ᠪᠠᠰᠠ ᠬᠠᠨ ᠸᠠᠩ ︵ᠰᠤᠯᠤᠩᠭᠤᠰ ᠸᠠᠩ︶ ᠤᠨ ᠰᠦᠮᠡ ᠬᠡᠳᠡᠭ | ᠪᠠᠶᠢᠨᠠ︾᠂ ᠪᠠᠰᠠ ᠬᠡᠯᠡᠭᠰᠡᠨ ᠨᠢ᠄ ︽ᠴᠢᠩ ᠤᠨ ᠬᠠᠨ ᠸᠠᠩ ︵ᠷᠦᠢ ᠴᠢᠨ ᠸᠠᠩ ᠲᠤᠷᠭᠤᠨ︶ ᠴᠡᠷᠢᠭ | ᠲᠠᠶᠢᠴᠢᠯᠠᠨ ᠡᠮᠦᠨᠡᠰᠢ ᠲᠠᠶᠢᠯᠠᠨ ᠲᠤᠰ ᠭᠠᠵᠠᠷ ᠢᠷᠡᠵᠦ ᠲᠦᠢᠯ ᠢᠶᠠᠷ ᠦᠯᠦᠰᠴᠦ ᠤᠮᠳᠠᠭᠠᠰᠤᠭᠠᠳ ᠪᠠᠶᠢᠬᠤ ᠳᠤ᠂ | ᠨᠢᠬᠡᠨ ᠯᠢᠦᠢ ᠤᠪᠤᠭᠳᠦ ᠯᠠᠮᠠ ᠸᠠᠩ ᠢ ᠤᠭᠳᠤᠨ ᠬᠤᠭᠤᠯᠠ ᠤᠮᠳᠠ ᠦᠭᠪᠡ᠃ ᠸᠠᠩ ᠪᠠᠶᠠᠷᠯᠠᠵᠦ᠂ ᠬᠤᠵᠢᠮ ᠤᠨ | ᠡᠳᠦᠷ ᠰᠦᠮᠡ ᠬᠡᠶᠢᠳ ᠪᠠᠶᠢᠭᠤᠯᠵᠦ ᠲᠠᠨ ᠳᠤ ᠲᠠᠯᠠᠷᠬᠠᠶᠠ︾ ᠬᠡᠪᠡ᠃ ᠡᠶᠢᠮᠦ ᠠᠴᠠ ᠲᠤᠰ ᠰᠦᠮᠡ ᠶᠢ ᠪᠠᠰᠠ ︽ | ᠴᠢᠩ ᠷᠦᠢ ᠴᠢᠨ ᠸᠠᠩ ᠲᠤᠷᠭᠤᠨ ᠤ ᠰᠦᠮᠡ ᠬᠡᠵᠦ ᠬᠡᠯᠡᠳᠡᠭ︾ ᠬᠡᠵᠡᠢ᠃ ᠡᠳᠡᠬᠡᠷ ᠨᠢ ᠴᠦᠮ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ | ᠲᠠᠳᠤᠢ ᠶᠤᠮ᠃ | ᠶᠠᠫᠤᠨ ᠤ ᠮᠤᠩᠭᠤᠯ ᠲᠡᠤᠬᠡ ᠶᠢᠨ ᠡᠷᠳᠡᠮᠳᠡᠨ ᠸᠠᠳᠠ ᠺᠢᠤᠰᠢ ︵和田清︶ ᠶᠢᠨ ᠦᠵᠡᠭᠦ ᠪᠠᠷ᠂ ᠲᠤᠰ | ᠰᠦᠮᠡ ᠪᠤᠯ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ ᠤ ᠰᠦᠮᠡ ᠮᠦᠨ᠃ ᠡᠨᠡ ᠭᠦ ᠦᠵᠡᠯᠳᠠ ᠨᠢ ᠤᠨᠤᠪᠴᠢᠳᠠᠢ ᠰᠢᠭ᠋ | ᠪᠦᠬᠡᠳ ᠲᠡᠤᠬᠡᠨ ᠪᠠᠷᠢᠯᠳᠠ ᠲᠠᠢ ᠤᠶᠢᠷᠠᠳᠴᠦ ᠪᠠᠶᠢᠨᠠ᠃ ᠬᠡᠷᠪᠡ ᠲᠤᠰ ᠰᠦᠮᠡ ᠶᠢ ᠯᠢᠭᠳᠡᠨ ᠬᠠᠭᠠᠨ ᠤ ᠰᠦᠮᠡ | ᠬᠡᠵᠦ ᠦᠵᠡᠪᠡᠯ᠂ ᠡᠭᠦᠨ ᠢ ᠨᠤᠳᠠᠯᠠᠬᠤ ᠳᠤ ᠯᠢᠭᠳᠡᠨ ᠬᠠᠭᠠᠨ ᠤ ᠵᠡᠭᠦᠨᠰᠢ ᠨᠡᠭᠦᠭᠰᠡᠨ ᠠᠴᠠ ᠡᠬᠢᠯᠡᠵᠦ ᠶᠠᠷᠢᠬᠤ | ᠴᠢᠬᠤᠯᠠᠳᠠᠢ᠃ ᠮᠢᠩ ᠤᠯᠤᠰ ᠤᠨ ᠵᠢᠶᠠ ᠵᠢᠩ ᠤᠨ ᠬᠤᠷᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵1547 ᠤᠨ︶ ᠤ | ᠦᠶᠡ ᠳᠤ᠂ ᠲᠠᠶᠠᠨ ᠬᠠᠭᠠᠨ ᠤ ᠤᠴᠢ ᠤᠮᠪᠤᠯᠤ ᠭᠦᠳᠡᠨ ᠲᠠᠷᠠᠶᠢᠰᠤᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠤ ᠲᠠᠷᠠᠭᠠ᠂ | ᠦᠶᠡᠯᠢᠳ ᠠᠪᠠᠭᠠ ᠠᠯᠳᠠᠨ ᠬᠠᠭᠠᠨ ᠤ ᠲᠠᠷᠤᠯᠠᠯ ᠲᠤᠷᠤᠮᠵᠢᠯᠠᠯ ᠢ ᠭᠦᠯᠢᠴᠡᠵᠦ ᠶᠠᠳᠠᠨ ︽ᠠᠶᠢᠮᠠᠭ ᠢᠶᠠᠨ | ᠲᠠᠭᠠᠭᠤᠯᠵᠦ ᠵᠡᠭᠦᠨᠰᠢ ᠨᠡᠭᠦᠪᠡ︾ ︽ᠭᠦᠰᠬᠡ ᠪᠠᠨ ᠯᠢᠶᠦᠦᠳᠦ᠋ᠩ ᠤᠷᠴᠢᠮ ᠰᠢᠯᠵᠢᠭᠦᠯᠪᠡ︾᠃ ᠬᠠᠭᠠᠨ ᠰᠠᠭᠤᠷᠢ | ᠨᠢ ᠲᠠᠶᠠᠨ ᠬᠠᠭᠠᠨ ᠤ ᠲᠤᠯᠤᠳᠤᠭᠠᠷ ᠦᠶᠡ ᠶᠢᠨ ᠤᠮᠪᠤᠯᠤ ᠯᠢᠭᠳᠡᠨ ᠬᠤᠳᠤᠭᠳᠦ ᠶᠢᠨ ᠦᠶᠡ ᠳᠤ ᠭᠦᠷᠴᠦ ᠢᠷᠡᠬᠡᠳ | ᠂ ᠮᠢᠩ ᠤᠯᠤᠰ ᠤᠨ ᠬᠢᠵᠠᠭᠠᠷ ᠤᠷᠢᠶᠠᠩᠬᠠᠢ ᠶᠢᠨ ᠭᠤᠷᠪᠠᠨ ᠬᠠᠷᠠᠭᠤᠯ ᠢ ᠴᠦᠮ ᠯᠢᠭᠳᠡᠨ ᠬᠠᠭᠠᠨ ᠬᠤᠷᠢᠶᠠᠮᠵᠢᠯᠠᠪᠠ᠃ | ᠭᠦᠰᠬᠡ ᠮᠠᠶᠢᠬᠠᠨ ᠢᠶᠠᠨ ᠭᠤᠸᠠᠩᠨᠢᠩ ᠤᠨ ᠬᠤᠶᠢᠨᠠ ︵ᠤᠳᠦ ᠶᠢᠨ ᠯᠢᠶᠤᠤᠨᠢᠩ ᠮᠤᠵᠢ ᠶᠢᠨ ᠪᠧᠢ ᠵᠧᠨ ᠰᠢᠶᠠᠨ ᠤ | ᠬᠤᠶᠢᠨᠠ︶ ᠪᠠᠶᠢᠷᠢᠰᠢᠭᠤᠯᠪᠠ᠃ ︽ᠭᠤᠷᠪᠠᠨ ᠲᠦᠷᠦ ᠶᠢᠨ ᠯᠢᠶᠦᠦ ᠶᠢᠨ ᠬᠡᠷᠡᠭ ᠤᠨ ᠦᠨᠡᠨ ᠮᠠᠭᠠᠳ ᠲᠡᠮᠳᠡᠭᠯᠡᠯ︾ | ︵︽三朝辽实录︾︶᠄ ︽ᠰᠢᠤᠬᠠ ︵炒花︶ ᠶᠠᠩ ᠱᠠᠨ ᠮᠤ᠋ ︵养善木︶ ᠳᠤᠷ | ᠰᠠᠭᠤᠮᠤᠢ᠂ ᠬᠢᠯᠢ ᠳᠤᠷ ᠭᠦᠷᠭᠦᠢ ᠳᠤᠷ ᠬᠤᠶᠠᠷ ᠵᠠᠭᠤᠨ ᠭᠠᠵᠠᠷ ᠪᠤᠢ᠂ ᠲᠡᠭᠦᠨ ᠤ ᠬᠤᠶᠢᠨᠠ ᠬᠠᠨ ᠠᠶᠢᠮᠠᠭ ︵憨部 | ︶ ᠤᠨ ᠮᠤᠩᠭᠤᠯᠴᠤᠳ ᠪᠤᠢ︾ ᠬᠡᠮᠡᠵᠤᠭᠦᠢ᠃ ᠶᠠᠩ ᠱᠠᠨ ᠮᠤ᠋ ︵养善木︶ ᠨᠢ ᠤᠳᠦ ᠶᠢᠨ ᠭᠦᠷᠢᠶᠡ | ᠬᠤᠰᠢᠭᠤᠨ ᠤ ᠲᠤᠮᠳᠠ ᠬᠡᠰᠡᠭ ᠲᠤ ᠪᠠᠶᠢᠭᠠ ᠶᠠᠩᠰᠢᠪ ᠪᠤᠯᠤᠨᠠ᠃ ᠬᠠᠨ ᠠᠶᠢᠮᠠᠭ ︵憨部︶ ᠤᠨ | ᠮᠤᠩᠭᠤᠯᠴᠤᠳ ᠬᠡᠳᠡᠭ ᠨᠢ ᠯᠢᠭᠳᠡᠨ ᠬᠠᠭᠠᠨ ᠤ ᠬᠠᠷᠢᠶᠠᠳᠦ ᠠᠶᠢᠮᠠᠭ ᠢ ᠵᠢᠭᠠᠵᠦ ᠪᠠᠶᠢᠭᠰᠠᠨ ᠪᠤᠯᠤᠯᠳᠠᠢ᠃ ᠡᠭᠦᠨ | ᠠᠴᠠ ᠦᠵᠡᠭᠦ ᠳᠤ᠂ ᠯᠢᠭᠳᠡᠨ ᠬᠠᠭᠠᠨ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠭᠦᠷᠢᠶᠡ ᠤᠷᠴᠢᠮ ᠪᠠᠭᠤᠳᠠᠯᠯᠠᠨ ᠮᠠᠯᠵᠢᠵᠦ | ᠪᠠᠶᠢᠭᠰᠠᠨ᠃ ᠲᠠᠬᠢᠨ ᠬᠡᠯᠡᠪᠡᠯ᠂ ᠮᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠮᠤᠩᠭᠤᠯᠴᠤᠳ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠬᠤ ᠵᠠᠩᠰᠢᠯ | ᠲᠠᠢ ᠪᠤᠯᠵᠦ ︽ᠬᠡᠶᠢᠳ ᠠᠰᠠᠷ ᠪᠠᠶᠢᠭᠤᠯᠵᠦ ᠪᠤᠷᠬᠠᠨ ᠰᠢᠳᠦᠪᠡ︾᠂ ︽ᠮᠠᠶᠢᠬᠠᠨ ᠭᠦᠰᠬᠡ ᠪᠠᠨ ᠤᠯᠠᠩᠬᠢ ᠨᠢ | ᠰᠦᠮᠡ ᠬᠡᠶᠢᠳ ᠤᠨ ᠵᠠᠬᠠ ᠳᠤ ᠪᠠᠶᠢᠷᠢᠰᠢᠭᠤᠯᠳᠠᠭ︾᠃ ᠭᠦᠷᠢᠶᠡ ᠬᠤᠰᠢᠭᠤᠨ ᠳᠤ ︽ᠴᠠᠬᠠᠷ ᠤᠨ ᠭᠤᠤᠯ︾᠂ ︽ | ᠴᠠᠬᠠᠷ ᠤᠨ ᠰᠦᠮᠡ︾᠂ ︽ᠴᠠᠬᠠᠷ ᠤᠨ ᠠᠶᠢᠯ︾ ᠬᠡᠳᠡᠭ ᠭᠠᠵᠠᠷ ᠤᠨ ᠨᠠᠷᠠᠰ ᠤᠳᠦ ᠪᠤᠯᠳᠠᠯᠠ | ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠡᠨᠡ ᠨᠢ ᠮᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠴᠠᠬᠠᠷ ᠤᠨ ᠯᠢᠭᠳᠡᠨ | ᠬᠠᠭᠠᠨ ᠤ ᠰᠦᠷ ᠭᠦᠴᠦᠨ ᠨᠢ ᠭᠦᠷᠢᠶᠡ ᠬᠤᠰᠢᠭᠤᠨ ᠳᠤ ᠭᠦᠷᠳᠡᠯᠡ ᠦᠷᠬᠡᠳᠴᠦ᠂ ᠯᠢᠭᠳᠡᠨ ᠬᠠᠭᠠᠨ ᠦᠪᠡᠷᠦᠨ | ᠪᠡᠶᠡ ᠪᠠᠷ ᠢᠶᠠᠨ ᠴᠡᠷᠢᠭ ᠲᠠᠭᠠᠭᠤᠯᠵᠦ ᠭᠦᠷᠢᠶᠡ ᠬᠤᠰᠢᠭᠤᠨᠠ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠢ ᠢᠷᠡᠭᠤ ᠲᠤᠳᠦ ᠬᠠᠷᠠᠭᠤᠯᠵᠦ | ᠪᠤᠢ᠃ ᠪᠠᠰᠠ ᠬᠡᠯᠡᠪᠡᠯ᠂ ᠯᠢᠭᠳᠡᠨ ᠬᠠᠭᠠᠨ ᠴᠦ ᠯᠠᠮᠠ ᠶᠢᠨ ᠱᠠᠰᠢᠨ ᠳᠤ ᠲᠦᠢᠯ ᠢᠶᠠᠷ ᠰᠦᠰᠦᠭ ᠪᠢᠰᠢᠷᠠᠯ ᠲᠠᠢ | ᠪᠠᠶᠢᠵᠦ ᠤᠯᠠᠨ ᠤᠳᠠᠭᠠ ᠰᠠᠬᠢᠯ ᠰᠠᠠᠸᠠᠷ ᠭᠦᠷᠳᠡᠭᠰᠡᠨ ᠪᠠᠶᠢᠨᠠ᠃ ︽ᠭᠦᠬᠡᠬᠤᠳᠠ ᠶᠢᠨ ᠰᠦᠮᠡ ᠬᠡᠶᠢᠳ — ᠯᠠᠯᠦ | ᠶᠢᠨ ᠰᠦᠮᠡ ᠶᠢᠨ ᠲᠡᠤᠬᠡᠨ ᠪᠠᠶᠢᠳᠠᠯ︾ ᠬᠡᠭᠦ ᠵᠤᠬᠢᠶᠠᠯ ᠳᠤ᠂ ︽ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠯᠢᠭᠳᠡᠨ ᠬᠠᠭᠠᠨ ᠤ | ᠤᠯᠤᠰ ᠲᠦᠷᠦ ᠶᠢᠨ ᠲᠦᠪ ᠪᠤᠯᠬᠤ ᠪᠠᠭᠠ ᠭᠦᠷᠢᠶᠡ ᠳᠤ ᠬᠡᠳᠦᠶᠢᠪᠡᠷ ᠰᠦᠮᠡ ᠪᠠᠶᠢᠭᠤᠯᠵᠦ᠂ ᠰᠤᠳᠤᠷ ᠨᠤᠮ | ᠤᠷᠴᠢᠭᠤᠯᠤᠭᠰᠠᠨ ᠴᠦ᠂ ᠪᠠᠭᠠ ᠭᠦᠷᠢᠶᠡ ᠨᠢ ᠮᠦᠨ ᠴᠦ ᠤᠯᠠᠭᠠᠨ ᠤ ᠱᠠᠰᠢᠨ ᠤ ᠡᠷᠬᠡ ᠬᠡᠪᠴᠢᠶᠠᠨ ᠳᠤ ᠪᠠᠶᠢᠨᠠ︾ | ᠬᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠶᠤᠮ᠃ | ᠡᠭᠦᠨ ᠠᠴᠠ ᠪᠢᠳᠠ ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ ᠶᠢ ᠪᠠᠰᠠ ᠬᠠᠨ ᠸᠠᠩ ᠤᠨ ᠰᠦᠮᠡ ᠬᠡᠵᠦ | ᠬᠡᠯᠡᠳᠡᠭ ᠨᠢ ᠪᠠᠷᠢᠮᠳᠠ ᠦᠬᠡᠢ ᠪᠢᠰᠢ ᠬᠡᠰᠡᠨ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ᠂ ᠰᠢᠷᠠ | ᠶᠢᠨ ᠱᠠᠰᠢᠨ ᠮᠠᠨᠳᠤᠵᠦ᠂ ᠤᠯᠠᠭᠠᠨ ᠤ ᠱᠠᠰᠢᠨ ᠮᠦᠭᠦᠭᠦ ᠵᠦᠭ ᠲᠤ ᠪᠠᠨ ᠪᠠᠶᠢᠭᠠ ᠦᠶᠡ ᠳᠤ᠂ ᠭᠦᠷᠢᠶᠡ ᠶᠢᠨ | ᠨᠢᠬᠡᠳᠦᠬᠡᠷ ᠦᠶᠡ ᠶᠢᠨ ᠵᠠᠰᠠᠭ ᠳ᠋ᠠ ᠯᠠᠮᠠ ᠠᠰᠢᠩ ᠯᠠᠮᠠ ᠨᠢ ᠬᠤᠩ ᠲᠠᠶᠢᠵᠢ ᠶᠢᠨ ᠡᠷᠬᠡ ᠰᠦᠷ ᠲᠤ ᠲᠦᠰᠢᠭᠯᠡᠨ | ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠡᠷᠬᠡ ᠰᠦᠷ ᠢᠶᠠᠨ ᠪᠠᠳᠤᠳᠬᠠᠪᠠ᠃ ᠡᠶᠢᠮᠦ ᠠᠴᠠ ᠤᠯᠠᠭᠠᠨ ᠤ ᠱᠠᠰᠢᠨ ᠤ ᠰᠦᠮᠡ ᠪᠤᠯᠬᠤ | ᠬᠠᠨ ᠸᠠᠩ ᠤᠨ ᠰᠦᠮᠡ ᠴᠦ ᠠᠶᠠᠨᠳᠠᠭᠠᠨ ᠦᠬᠡᠳᠡᠯᠡᠵᠦ ᠴᠢᠳᠠᠬᠤ ᠦᠬᠡᠢ ᠪᠤᠯᠬᠤ ᠨᠢ ᠮᠡᠳᠡᠬᠡᠵᠢ ᠶᠢᠨ ᠬᠡᠷᠡᠭ᠃ | ᠬᠤᠵᠢᠮ ᠨᠢ ᠭᠤᠷᠪᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠳ᠋ᠠ ᠯᠠᠮᠠ ᠰᠢᠪᠵᠠᠭᠦ᠋ᠠᠷᠦᠭ ᠬᠠᠨ ᠸᠠᠩ ᠤᠨ ᠰᠦᠮᠡ ᠶᠢᠨ | ᠦᠬᠡᠷᠡᠴᠢᠯᠡᠨ ᠲᠠᠬᠢᠨ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠵᠦ ᠦᠬᠢᠨ ᠲᠡᠭᠷᠢ ᠶᠢ ᠰᠢᠳᠦᠭᠰᠡᠨ ᠨᠢ ᠮᠦᠨ ᠴᠦ ᠵᠦᠢ ᠶᠤᠰᠤᠨ ᠳᠤ | ᠨᠡᠶᠢᠴᠡᠭᠰᠡᠨ ᠬᠡᠷᠡᠭ ᠪᠤᠯᠤᠨᠠ᠃ |