| ᠭᠦᠷᠢᠶᠡ ᠬᠤᠰᠢᠭᠤ ᠬᠡᠭᠴᠢ ᠲᠦᠷᠪᠡᠨ ᠵᠠᠭᠤ ᠰᠢᠬᠠᠮ ᠵᠢᠯ ᠤᠨ ᠲᠡᠤᠬᠡ ᠲᠠᠢ᠂ ᠮᠤᠩᠭᠤᠯ᠂ ᠬᠢᠳᠡᠳ᠂ ᠮᠠᠨᠵᠦ | ᠵᠡᠷᠬᠡ 13 ᠦᠨᠳᠦᠰᠦᠳᠡᠨ ᠴᠤᠭᠯᠠᠷᠠᠨ ᠰᠠᠭᠤᠭᠰᠠᠨ ᠬᠤᠰᠢᠭᠤ ᠪᠤᠯᠬᠤ ᠪᠠᠷ ᠦᠯᠦ ᠪᠠᠷᠠᠨ᠂ ᠯᠠᠮᠠ ᠶᠢᠨ ᠬᠤᠰᠢᠭᠤ | ᠪᠠᠶᠢᠭᠤᠯᠤᠭᠳᠠᠬᠤ ᠦᠶᠡ ᠳᠡᠭᠡᠨ ᠮᠠᠰᠢ ᠤᠯᠠᠨ ᠬᠠᠷᠢᠶᠠᠳᠦ ᠠᠷᠠᠳ ᠪᠠᠶᠢᠵᠦ ᠲᠠᠳᠠ ᠨᠠᠷ ᠨᠢ ᠪᠦᠷ ᠦᠪᠡᠷ ᠦᠪᠡᠷ ᠤᠨ | ᠦᠪᠡᠷᠮᠢᠴᠡ ᠰᠤᠶᠤᠯ ᠢᠶᠠᠨ ᠠᠪᠴᠦ ᠢᠷᠡᠭᠰᠡᠨ ᠠᠴᠠ ᠭᠦᠷᠢᠶᠡ ᠳᠤ ᠤᠯᠠᠨ ᠵᠦᠢᠯ ᠤᠨ ᠰᠤᠶᠤᠯ ᠤᠯᠠᠮᠵᠢᠯᠠᠭᠳᠠᠵᠦ | ᠢᠷᠡᠭᠰᠡᠨ ᠪᠢᠯᠡ᠃ ᠡᠳᠡᠭᠡᠷ ᠤᠨ ᠲᠤᠳᠤᠷᠠ ᠰᠠᠭᠠᠭ ᠤᠨ ᠭᠤᠯᠢᠷ ᠢᠶᠠᠷ ᠬᠡᠳᠡᠰᠦ ᠴᠢᠳᠬᠤᠵᠦ ᠢᠳᠡᠭᠦ ᠨᠢ ᠪᠤᠰᠤ | ᠭᠠᠵᠠᠷ ᠤᠷᠤᠨ ᠠᠴᠠ ᠦᠰᠦᠳ ᠦᠬᠡᠷᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠭᠠ ᠲᠤᠯᠠ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠪᠤᠳᠠᠰ ᠤᠨ | ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠢ ᠬᠠᠮᠠᠭᠠᠯᠠᠬᠤ ᠲᠦᠪ ᠤᠨ ᠬᠢᠨ ᠬᠤᠰᠢᠭᠤᠨ ᠲᠠᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ | ᠦᠪ ᠪᠤᠯᠭᠠᠨ ᠲᠡᠮᠳᠡᠭᠯᠡᠵᠦ ᠲᠠᠯᠪᠢᠵᠠᠢ᠃ ᠭᠦᠷᠢᠶᠡᠴᠤᠳ ᠵᠢᠯ ᠪᠦᠷᠢ ᠡᠪᠤᠯ ᠤᠨ ᠲᠦᠢᠯ ᠪᠤᠯᠵᠦ᠂ ᠢᠳᠡᠰᠢ | ᠭᠠᠷᠭᠠᠬᠤ ᠴᠠᠭ ᠪᠤᠯᠪᠠᠯ ᠭᠠᠭ᠋ᠠᠢ ᠬᠤᠨᠢ ᠨᠢᠳᠦᠯᠵᠦ᠂ ᠮᠢᠬᠠ ᠭᠠᠷᠭᠠᠳᠠᠭ᠃ ᠲᠡᠷᠡ ᠦᠶᠡ ᠳᠤ ᠬᠡᠳᠡᠰᠦ ᠴᠢᠳᠬᠤᠬᠤ | ᠨᠢ ᠲᠤᠳᠠᠵᠦ ᠪᠤᠯᠤᠰᠢ ᠦᠬᠡᠢ ᠵᠦᠢᠯ᠂ ᠠᠶᠢᠯ ᠪᠤᠯᠭᠠᠨ ᠡᠳᠡᠬᠡᠳ ᠦᠨᠦᠷ ᠠᠮᠳᠠ ᠲᠠᠢ ᠴᠢᠳᠬᠤᠳᠠᠭ ᠪᠢᠯᠡ᠃ | ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠨᠠᠰᠤᠳᠠᠢ ᠵᠠᠯᠠᠭᠤ ᠬᠡᠰᠡᠨ ᠦᠬᠡᠢ ᠴᠦᠮ ᠡᠨᠡ ᠠᠵᠢᠯ ᠳᠤ ᠴᠠᠭᠠᠷᠠᠵᠦ᠂ ᠰᠠᠭᠠᠭ ᠤᠨ | ᠭᠤᠯᠢᠷ ᠢᠶᠠᠷ ᠰᠠᠶᠢᠬᠠᠨ ᠴᠢᠳᠬᠤᠵᠦ ᠬᠢᠳᠡᠭ᠃ ᠭᠤᠯᠢᠷ ᠴᠢᠰᠦ ᠪᠠᠨ ᠰᠠᠶᠢᠬᠠᠨ ᠨᠠᠶᠢᠷᠠᠭᠤᠯᠵᠦ᠂ ᠲᠡᠬᠡᠷᠡ ᠨᠢ | ᠰᠤᠩᠬᠢᠨᠡ᠂ ᠰᠠᠷᠢᠮᠰᠠᠭ᠂ ᠲᠠᠪᠤᠰᠤ᠂ ᠲᠤᠰᠤ ᠵᠡᠷᠬᠡ ᠤᠯᠠᠨ ᠵᠦᠢᠯ ᠢ ᠬᠢᠵᠦ ᠨᠠᠶᠢᠷᠠᠭᠤᠯᠤᠨ᠂ ᠬᠡᠳᠡᠰᠦ ᠪᠠᠨ | ᠴᠢᠳᠬᠤᠳᠠᠭ᠃ | | | | | | | | | | 1. ᠬᠡᠳᠡᠰᠦ ᠴᠢᠳᠬᠤᠬᠤ ᠮᠠᠲ᠋ᠧᠷᠢᠶᠠᠯ — ᠨᠢᠳᠤᠯᠤᠭᠰᠠᠨ ᠲᠠᠷᠤᠢ ᠶᠢᠨ ᠭᠠᠭ᠋ᠠᠢ᠂ ᠬᠤᠨᠢ ᠢᠮᠠᠭᠠ ᠶᠢᠨ ᠴᠢᠰᠦ᠂ | ᠠᠷᠢᠯᠭᠠᠭᠰᠠᠨ ᠬᠡᠳᠡᠰᠦ᠂ ᠰᠠᠭᠠᠭ ᠤᠨ ᠭᠤᠯᠢᠷ᠂ ᠴᠡᠪᠡᠷ ᠤᠰᠤ ᠪᠠ ᠲᠠᠪᠤᠰᠤ᠂ ᠰᠤᠩᠬᠢᠨᠡ ᠰᠠᠷᠢᠮᠰᠠᠭ ᠮᠠᠳᠦ ᠶᠢᠨ | ᠦᠨᠦᠷ ᠠᠮᠳᠠ ᠶᠢᠨ ᠵᠦᠢᠯᠡᠰ︔ | 2. ᠬᠡᠳᠡᠰᠦ ᠴᠢᠳᠬᠤᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ — ᠰᠢᠨᠠᠭᠠ᠂ ᠤᠶᠠᠳᠠᠯ᠂ ᠴᠢᠳᠬᠤᠭᠤᠷ᠂ ᠬᠢᠳᠤᠭᠠ ᠵᠡᠷᠬᠡ ᠶᠢ | ᠬᠡᠷᠡᠭᠰᠡᠨᠡ᠃ | 3. ᠬᠡᠳᠡᠰᠦ ᠴᠢᠳᠬᠤᠬᠤ ᠶᠠᠪᠤᠴᠠ — ᠢᠳᠡᠰᠢ ᠭᠠᠷᠭᠠᠬᠤ ᠳᠠᠭᠠᠨ ᠬᠠᠮᠤᠭ ᠤᠨ ᠲᠦᠷᠦᠭᠦᠦ ᠶᠡᠬᠡᠬᠡᠨ ᠰᠢᠭ | ᠲᠤᠭᠤᠭᠠᠨ ᠳᠠᠭᠠᠨ ᠰᠠᠭᠠᠭ ᠤᠨ ᠭᠤᠯᠢᠷ ︵ᠬᠠᠮᠤᠭ ᠤᠨ ᠰᠠᠶᠢᠨ ᠨᠢ ᠪᠦᠳᠦᠭᠦᠨ ᠰᠢᠭ ᠲᠠᠷᠤᠭᠰᠠᠨ ᠭᠤᠯᠢᠷ︶ ᠢᠶᠠᠨ | ᠴᠡᠪᠡᠷ ᠤᠰᠤᠨ ᠪᠠᠷ ᠵᠢᠭᠤᠷᠠᠵᠦ᠂ ᠬᠠᠯᠠᠭᠤᠨ ᠴᠢᠰᠦ ᠶᠢ ᠲᠡᠬᠡᠷᠡ ᠨᠢ ᠬᠢᠵᠦ ᠰᠠᠶᠢᠬᠠᠨ ᠭᠦᠳᠡᠯᠬᠡᠵᠦ ᠵᠢᠭᠤᠷᠠᠭᠠᠳ᠂ | ᠲᠠᠪᠤᠰᠤ᠂ ᠰᠤᠩᠬᠢᠨᠠ᠂ ᠰᠠᠷᠢᠮᠰᠠᠭ ᠵᠡᠷᠬᠡ ᠦᠨᠦᠷ ᠠᠮᠳᠠ ᠤᠷᠤᠭᠤᠯᠬᠤ ᠵᠦᠢᠯᠡᠰ ᠢᠶᠠᠨ ᠵᠤᠬᠢᠴᠠᠭᠤᠯᠤᠨ ᠬᠢᠵᠦ᠂ | ᠴᠢᠳᠬᠤᠵᠦ ᠪᠤᠯᠬᠤ ᠬᠡᠮᠵᠢᠶᠡ ᠲᠠᠢ ᠪᠤᠯᠭᠠᠨᠠ᠃ ᠵᠠᠷᠢᠮ ᠭᠦᠮᠦᠨ ᠬᠡᠳᠡᠰᠦ ᠶᠢ ᠲᠤᠰᠤᠷᠬᠠᠭ ᠪᠤᠯᠭᠠᠬᠤ ᠶᠢᠨ ᠲᠤᠯᠠᠳᠠ | ᠭᠠᠭ᠋ᠠᠢ ᠶᠢᠨ ᠬᠡᠳᠡᠰᠦᠨ ᠦᠬᠡᠭᠦ ︵ᠭᠠᠭ᠋ᠠᠢ ᠶᠢᠨ ᠬᠡᠳᠡᠰᠦᠨ ᠲᠡᠬᠡᠷᠡ ᠨᠠᠭᠠᠯᠳᠤᠵᠦ ᠪᠠᠶᠢᠭᠠ ᠦᠬᠡᠭᠦ︶ ᠶᠢ | ᠰᠢᠷᠭᠠᠭᠠᠭᠠᠳ ᠲᠤᠰᠤ ᠶᠢ ᠨᠢ ᠴᠢᠰᠦᠨ ᠳᠠᠭᠠᠨ ᠬᠢᠳᠡᠭ᠃ ᠬᠡᠳᠡᠰᠦ ᠪᠠᠨ ᠭᠠᠷᠭᠠᠵᠦ ᠠᠪᠤᠪᠠᠯ ᠬᠠᠭᠠᠯᠵᠦ ᠤᠭᠳᠤᠯᠬᠤ | ᠦᠬᠡᠢ ᠪᠠᠷ ᠴᠡᠪᠡᠷ ᠰᠠᠶᠢᠬᠠᠨ ᠰᠠᠯᠭᠠᠵᠦ ᠰᠢᠯᠤᠭᠠᠳ ᠪᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ ᠲᠤᠳᠤᠷᠠᠬᠢ ᠢᠳᠡᠰᠢ ᠪᠠ ᠪᠠᠭᠠᠰᠦ ᠶᠢ | ᠨᠢ ᠴᠡᠪᠡᠷᠯᠡᠵᠦ ᠭᠠᠷᠭᠠᠭᠠᠳ᠂ ᠲᠠᠷᠠ ᠲᠤᠤᠷᠠ ᠨᠢ ᠪᠦᠭᠦᠨ ᠢ ᠤᠷᠪᠠᠭᠤᠯᠵᠦ᠂ ᠲᠠᠪᠤᠰᠤ ᠪᠠᠷ ᠵᠠᠶᠢᠯᠤᠨ᠂ ᠴᠡᠪᠡᠷ | ᠤᠰᠤ ᠪᠠᠷ ᠤᠬᠢᠶᠠᠵᠦ᠂ ᠮᠠᠭᠤ ᠮᠠᠭᠤᠬᠠᠢ ᠦᠨᠦᠷ ᠢ ᠨᠢ ᠠᠷᠢᠯᠭᠠᠨᠠ᠃ ᠠᠷᠢᠯᠭᠠᠵᠦ ᠴᠡᠪᠡᠷᠯᠡᠭᠰᠡᠨ ᠬᠡᠳᠡᠰᠦ ᠪᠠᠨ | ᠪᠦᠳᠦᠭᠦᠨ ᠬᠡᠳᠡᠰᠦ ᠪᠠ ᠨᠠᠷᠢᠨ ᠬᠡᠳᠡᠰᠦ ᠬᠡᠵᠦ ᠢᠯᠭᠠᠯ ᠦᠬᠡᠢ ᠪᠠᠷᠤᠭ 80 ᠰᠡᠨᠲ᠋ᠢᠮᠧᠲᠷ ᠤᠷᠳᠦ ᠪᠠᠷ ᠲᠠᠰᠤᠯᠵᠦ᠂ | ᠴᠢᠰᠦ ᠪᠠᠨ ᠴᠢᠳᠬᠤᠵᠦ ᠶᠡᠭᠡ ᠲᠦᠯᠦᠪ ᠲᠦᠭᠦᠷᠪᠡᠯ ᠬᠤᠶᠠᠷ ᠦᠵᠦᠭᠦᠷ ᠢ ᠨᠢ ᠨᠠᠶᠢᠯᠠᠭᠦᠯᠵᠦ ᠴᠢᠩᠭᠠ ᠤᠶᠠᠨᠠ᠃ | ᠬᠡᠳᠡᠰᠦ ᠪᠠᠨ ᠬᠡᠳᠦᠷᠬᠡᠢ ᠲᠦᠭᠦᠷᠬᠡᠪᠡᠯ ᠴᠢᠨᠠᠵᠦ ᠪᠤᠯᠭᠤᠬᠤ ᠦᠶᠡ ᠳᠤ ᠬᠠᠭᠠᠷᠠᠬᠤ ᠪᠤᠯᠤᠮᠵᠢ ᠲᠠᠢ᠃ ᠬᠡᠳᠡᠰᠦ | ᠴᠢᠨᠠᠬᠤ ᠳᠤ ᠲᠦᠷᠬᠡᠨ ᠪᠤᠴᠠᠯᠭᠠᠬᠤ ᠦᠬᠡᠢ᠂ ᠡᠷᠬᠡᠪᠰᠢ ᠵᠦᠬᠡᠯᠡᠨ ᠪᠤᠴᠠᠯᠭᠠᠨᠠ᠃ ᠡᠭᠦᠨ ᠳᠤ ᠴᠢᠰᠦ | ᠨᠠᠶᠢᠷᠠᠭᠤᠯᠬᠤ᠂ ᠬᠡᠳᠡᠰᠦ ᠠᠷᠢᠯᠭᠠᠬᠤ᠂ ᠬᠡᠳᠡᠰᠦ ᠴᠢᠳᠬᠤᠬᠤ ᠪᠠ ᠴᠢᠨᠠᠬᠤ ᠮᠡᠷᠬᠡᠵᠢᠯ ᠨᠢ ᠴᠢᠬᠤᠯᠠ ᠪᠠᠶᠢᠳᠠᠭ᠃ | | | | |