| ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ ᠰᠡᠭᠦᠳᠡᠷ ᠬᠠᠳᠠ ᠰᠡᠭᠦᠳᠡᠷᠯᠡᠪᠡ | | | | | | ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠭᠤᠷᠪᠠᠨ ᠲᠤᠮᠤ ᠰᠦᠮᠡ ᠬᠡᠶᠢᠳ ︵ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ᠂ | ᠪᠤᠶᠠᠨ ᠪᠠᠷᠢᠯᠳᠤᠭᠤᠯᠤᠭᠴᠢ ᠬᠡᠶᠢᠳ᠂ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ︶ ᠨᠢ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠭᠦᠷᠢᠶᠡ | ᠪᠠᠯᠭᠠᠰᠤᠨ ᠤ ᠲᠤᠮᠳᠠ ᠬᠡᠰᠡᠭ ᠲᠤ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ᠃ ᠭᠦᠷᠢᠶᠡ ᠪᠤᠯ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ | ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠡᠷᠳᠡᠨ ᠤ ᠪᠠᠯᠭᠠᠰᠦ ᠪᠤᠯᠤᠨᠠ᠃ ᠲᠡᠤᠬᠡᠨ ᠲᠡᠬᠡᠷᠡ ᠲᠡᠭᠦᠨ ᠢ ︽ᠪᠠᠭᠠ ᠭᠦᠷᠢᠶᠡ︾ ᠬᠡᠳᠡᠭ᠃ | ᠭᠦᠷᠢᠶᠡ ᠬᠤᠰᠢᠭᠤ ᠪᠤᠯ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠦᠪᠦᠷ ᠮᠤᠩᠭᠤᠯ ᠤᠨ ᠴᠤᠷ ᠤᠨ ᠭᠠᠭᠴᠠ ᠲᠦᠷᠦ ᠱᠠᠰᠢᠨ | ᠬᠠᠮᠳᠤᠷᠠᠭᠰᠠᠨ ᠯᠠᠮᠠ ᠶᠢᠨ ᠬᠤᠰᠢᠭᠤ ᠪᠤᠯᠤᠨᠠ᠃ ᠮᠦᠨ ᠴᠦ ᠮᠤᠩᠭᠤᠯᠴᠤᠳ ᠤᠨ ᠰᠢᠳᠦᠨ ᠪᠢᠰᠢᠷᠡᠳᠡᠭ ᠱᠠᠰᠢᠨ ᠤ | ︽ᠲᠠᠷᠬᠠᠨ ᠭᠤᠯᠤᠮᠳᠠ︾ ᠪᠤᠯᠤᠨᠠ᠃ | ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠭᠤᠷᠪᠠᠨ ᠲᠤᠮᠤ ᠰᠦᠮᠡ ᠬᠡᠶᠢᠳ ᠤᠨ ᠲᠤᠳᠤᠷᠠ ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ | ᠬᠡᠶᠢᠳ ᠤᠨ ᠪᠠᠶᠢᠭᠤᠯᠤᠭᠳᠠᠰᠠᠨ ᠤᠨ ᠵᠢᠯ ᠨᠢ ᠬᠠᠮᠤᠭ ᠡᠷᠳᠡ᠂ ᠪᠠᠷᠢᠯᠭᠠ ᠶᠢᠨ ᠭᠦᠷᠢᠶᠡ ᠬᠡᠪᠴᠢᠶᠡ ᠨᠢ ᠬᠠᠮᠤᠭ | ᠶᠡᠭᠡ ᠪᠤᠯᠬᠤᠷ ᠭᠤᠷᠪᠠᠨ ᠶᠡᠭᠡ ᠬᠡᠶᠢᠳ ᠤᠨ ᠲᠦᠷᠦᠭᠦᠨ ᠳᠤ ᠤᠷᠤᠵᠦ᠂ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠭᠤᠤᠯ ᠰᠦᠮᠡ | ᠪᠤᠯᠵᠠᠢ᠃ ᠴᠢᠯᠦᠬᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ᠂ ᠡᠨᠡ ᠭᠤᠷᠪᠠᠨ ᠶᠡᠭᠡ ᠬᠡᠶᠢᠳ ᠨᠢ ᠪᠦᠷ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ | ᠪᠤᠯᠤᠨ ᠤᠯᠠᠨ ᠲᠦᠮᠡᠨ ᠤ ᠨᠡᠶᠢᠬᠡᠮᠯᠢᠭ ᠤᠨ ᠠᠵᠢᠯᠯᠠᠬᠤ ᠭᠠᠵᠠᠷ ᠪᠤᠯᠵᠠᠢ᠃ ᠲᠤᠳᠤᠷᠠᠬᠢ ᠪᠤᠷᠬᠠᠨ ᠤ ᠭᠦᠷᠦᠭ | ᠵᠢᠷᠤᠭ᠂ ᠨᠤᠮ ᠰᠤᠳᠤᠷ ᠵᠡᠷᠬᠡ ᠨᠢ ᠭᠠᠵᠠᠷ ᠰᠢᠷᠤᠢ ᠶᠢᠨ ᠦᠬᠡᠷᠡᠴᠢᠯᠡᠯᠳᠠ ᠶᠢᠨ ᠭᠦᠳᠡᠯᠬᠡᠬᠡᠨ ᠤ ᠲᠤᠮᠳᠠ ᠡᠪᠳᠡᠭᠳᠡᠨ | ᠰᠦᠢᠳᠬᠡᠭᠳᠡᠭᠰᠡᠨ ᠪᠤᠯᠪᠠᠴᠦ ᠭᠤᠤᠯ ᠪᠠᠷᠢᠯᠭᠠ ᠨᠢ ᠶᠡᠭᠡ ᠲᠦᠯᠦᠪ ᠲᠡᠬᠡᠷᠡ ᠪᠠᠨ ᠤᠤᠯ ᠤᠨ ᠬᠡᠯᠪᠡᠷᠢ ᠲᠦᠷᠰᠦ ᠪᠠᠷ | ᠢᠶᠠᠨ ᠪᠠᠶᠢᠵᠠᠢ᠃ ᠬᠡᠪᠡᠴᠦ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠲᠤᠮᠳᠠ᠂ ᠰᠦᠮᠡ ᠬᠡᠶᠢᠳ ᠨᠢ ᠡᠪᠳᠡᠭᠳᠡᠨ | ᠰᠦᠢᠳᠬᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ ᠨᠢ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ | ᠭᠤᠤᠯ ᠰᠦᠮᠡ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠨᠡᠩ ᠴᠦ ᠭᠤᠤᠯᠳᠠᠯᠭᠠ ᠪᠤᠯᠵᠦ ᠬᠠᠮᠤᠭ ᠲᠡᠷᠢᠭᠦᠨ ᠳᠤ | ᠲᠠᠭᠠᠷᠢᠭᠳᠠᠵᠠᠢ᠃ ᠬᠠᠭᠠᠯᠭᠠ ᠶᠢᠨ ᠰᠦᠮᠡ ᠶᠢᠨ ᠡᠮᠦᠨᠡᠬᠢ ᠲᠤᠭ ᠤᠨ ᠰᠢᠷᠤᠭ ᠨᠢ ᠦᠭᠳᠡᠬᠡᠭᠳᠡᠵᠦ ᠴᠢᠯᠠᠭᠤᠨ | ᠠᠷᠰᠯᠠᠨ᠂ ᠴᠢᠯᠠᠭᠤᠨ ᠪᠤᠷᠬᠠᠨ ᠨᠢ ᠲᠦᠯᠬᠢᠨ ᠤᠨᠠᠭᠠᠭᠳᠠᠵᠦ᠂ ᠭᠦᠷᠢᠶᠡᠨ ᠲᠤᠳᠤᠷᠠᠬᠢ ᠴᠢᠯᠠᠭᠤᠨ ᠭᠦᠰᠢᠶᠡ ᠨᠢ | ᠬᠡᠮᠬᠡᠴᠢᠭᠳᠡᠭᠰᠡᠨ ᠪᠦᠬᠡᠳ ᠠᠯᠢ ᠤᠯᠠᠨ ᠰᠦᠮᠡ ᠶᠢᠨ ᠤᠷᠤᠢ ᠲᠡᠬᠡᠷᠡᠬᠢ ᠸᠠᠭᠠᠷ ᠴᠢᠮᠡᠭᠯᠡᠯ᠂ ᠲᠠᠰᠢᠭᠤ ᠨᠢᠷᠤᠭᠤᠨ | ᠲᠡᠬᠡᠷᠡᠬᠢ ᠪᠠᠷᠢᠮᠠᠯ ᠠᠷᠢᠶᠠᠳᠠᠨ ᠵᠢᠴᠢ ᠵᠢᠭᠦᠷ ᠰᠠᠷᠠᠪᠴᠢᠨ ᠲᠡᠬᠡᠷᠡᠬᠢ ᠰᠠᠯᠬᠢᠨ ᠬᠤᠩᠬᠤ ᠵᠡᠷᠬᠡ ᠴᠢᠮᠡᠭᠯᠡᠯ ᠤᠨ ᠡᠳ᠋ ᠨᠢ | ᠭᠦᠷᠳᠡᠯᠡ ᠴᠦᠮ ︽ᠲᠦᠷᠪᠡᠨ ᠬᠠᠭᠤᠴᠢᠨ︾ ᠳᠤ ᠲᠤᠭᠠᠴᠠᠭᠳᠠᠨ ᠦᠬᠡᠶᠢᠬᠢᠭᠳᠡᠪᠡ᠃ ᠴᠢᠨᠠᠭᠰᠢᠯᠠᠭᠠᠳ ᠵᠡᠭᠦᠨ | ᠪᠠᠷᠠᠭᠤᠨ ᠵᠢᠭᠦᠷ ᠤᠨ ᠬᠠᠷᠰᠢ᠂ ᠮᠠᠬᠠᠷᠠᠠᠽᠠ ᠶᠢᠨ ᠰᠦᠮᠡ᠂ ᠵᠦᠩ ᠬᠡᠩᠬᠡᠷᠬᠡ ᠶᠢᠨ ᠠᠰᠠᠷ ᠵᠢᠴᠢ ᠬᠤᠷᠯᠤ ᠶᠢᠨ | ᠰᠦᠮᠡ ᠨᠢ ᠭᠦᠷᠳᠡᠯᠡ ᠨᠢᠬᠡᠳ ᠨᠢᠬᠡ ᠪᠠᠷ ᠨᠤᠷᠠᠭᠠᠭᠳᠠᠨ ᠡᠪᠳᠡᠭᠳᠡᠵᠡᠢ᠃ ᠪᠤᠶᠠᠨ ᠪᠠᠷᠢᠯᠳᠤᠭᠤᠯᠤᠭᠴᠢ ᠬᠡᠶᠢᠳ᠂ | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠨᠢ ᠴᠦ ᠬᠡᠳ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠰᠦᠢᠳᠬᠡᠭᠳᠡᠯ ᠳᠤ ᠤᠴᠠᠷᠠᠭᠰᠠᠨ ᠶᠤᠮ᠃ | 1985 ᠤᠨ ᠳᠤ᠂ ᠭᠤᠷᠪᠠᠨ ᠲᠤᠮᠤ ᠰᠦᠮᠡ ᠬᠡᠶᠢᠳ ᠤᠷᠤᠨ ᠤ ᠲᠠᠰ ᠤᠨ ᠭᠤᠤᠯᠳᠠᠯᠭᠠᠳᠦ ᠬᠠᠮᠠᠭᠠᠯᠠᠯᠳᠠ | ᠶᠢᠨ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠦ ᠨᠢᠬᠡᠴᠢ ᠪᠠᠷ ᠦᠨᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | 2006 ᠤᠨ ᠳᠤ᠂ ᠭᠤᠷᠪᠠᠨ ᠲᠤᠮᠤ ᠰᠦᠮᠡ ᠬᠡᠶᠢᠳ ᠨᠢ ᠤᠯᠤᠰ ᠤᠨ ᠲᠠᠰ ᠤᠨ ᠭᠤᠤᠯᠳᠠᠯᠭᠠᠳᠦ | ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠦ ᠨᠢᠬᠡᠴᠢ ᠪᠠᠷ ᠦᠨᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | 2009 ᠤᠨ ᠠᠴᠠ ᠡᠬᠢᠯᠡᠨ᠂ ᠭᠦᠷᠢᠶᠡ ᠬᠤᠰᠢᠭᠤ ᠬᠤᠰᠢᠭᠤᠨ ᠲᠤᠳᠤᠷᠠᠬᠢ ᠠᠩᠬᠠᠳᠠᠭᠴᠢ ᠤᠯᠤᠰ ᠤᠨ4A | ᠲᠠᠰ ᠤᠨ ᠵᠤᠭᠠᠴᠠᠯ ᠤᠨ ᠦᠵᠡᠮᠤᠷᠢ ᠶᠢᠨ ᠤᠷᠤᠨ — ︽ᠭᠤᠷᠪᠠᠨ ᠶᠡᠭᠡ ᠬᠡᠶᠢᠳ︾ ᠤᠨ ᠦᠵᠡᠮᠤᠷᠢ ᠶᠢᠨ ᠤᠷᠤᠨ | ᠢ ᠢᠳᠡᠪᠬᠢᠳᠠᠢ ᠪᠠᠷ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠭᠦᠷᠢᠶᠡ ᠬᠤᠰᠢᠭᠤᠨ ᠠᠴᠠ ︽ᠨᠠᠷᠠᠳᠦ ᠬᠠᠭᠤᠴᠢᠰ — | ᠰᠦᠮᠡ ᠬᠡᠶᠢᠳ᠂ ᠨᠠᠷᠠᠳᠦ ᠦᠵᠡᠮᠵᠢ — ᠠᠮᠢ ᠠᠬᠤᠢ᠂ ᠨᠠᠷᠠᠳᠦ ᠪᠦᠵᠢᠭ — ᠠᠨᠳᠠᠢ᠂ ᠨᠠᠷᠠᠳᠦ ᠢᠳᠡᠬᠡᠨ — | ᠰᠠᠭᠠᠭ︾ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠢᠯᠢᠳᠡᠭ ᠵᠤᠭᠠᠴᠠᠯ ᠤᠨ ᠲᠦᠷᠦᠯ ᠵᠦᠢᠯ ᠢ ᠪᠦᠭᠦ ᠲᠠᠯᠠ ᠪᠠᠷ ᠴᠤᠭᠴᠠᠯᠠᠨ | ᠪᠠᠶᠢᠭᠤᠯᠵᠦ᠂ ᠭᠤᠷᠪᠠᠨ ᠶᠡᠭᠡ ᠰᠦᠮᠡ ᠬᠡᠶᠢᠳ ᠤᠨ ᠦᠵᠡᠮᠵᠢ ᠶᠢᠨ ᠤᠷᠤᠨ ᠤ ᠪᠠᠶᠢᠭᠤᠯᠤᠯᠳᠠ ᠳᠤ 1.42 | ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠪᠡᠯᠡ ᠮᠦᠩᠭᠦ ᠶᠢ ᠵᠠᠷᠤᠴᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠬᠠᠮᠠᠭᠠᠯᠠᠯᠳᠠ ᠪᠠ ᠨᠡᠬᠡᠬᠡᠯᠳᠠ ᠶᠢ | ᠬᠠᠮᠳᠤᠷᠠᠭᠤᠯᠬᠤ ᠦᠵᠡᠯ ᠰᠠᠨᠠᠭᠠ ᠠᠴᠠ᠂ ᠭᠦᠷᠢᠶᠡ ᠬᠤᠰᠢᠭᠤ ᠨᠢ ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ᠂ ᠪᠤᠶᠠᠨ | ᠪᠠᠷᠢᠯᠳᠤᠭᠤᠯᠤᠭᠴᠢ ᠬᠡᠶᠢᠳ᠂ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠵᠡᠷᠬᠡ ᠭᠤᠷᠪᠠᠨ ᠶᠡᠭᠡ ᠰᠦᠮᠡ ᠪᠠ ᠪᠤᠰᠤᠳ ᠲᠠᠭᠠᠯᠳᠠ | ᠰᠦᠮᠡ ᠵᠢᠴᠢ ᠰᠦᠮᠡ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠴᠡᠭᠴᠡᠯᠡᠨ ᠵᠠᠰᠠᠬᠤ ᠢᠨᠵᠧᠨᠧᠷᠢᠩ ᠢ ᠶᠠᠪᠤᠭᠤᠯᠵᠦ᠂ 11 | ᠲᠦᠮᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢ ᠭᠠᠵᠠᠷ ᠡᠵᠡᠯᠡᠵᠦ᠂ ᠭᠦᠷᠢᠶᠡ ᠶᠢᠨ 300 ᠵᠢᠯ ᠤᠨ ︽ᠲᠦᠷᠦ | ᠱᠠᠰᠢᠨ ᠬᠠᠮᠳᠤᠷᠠᠭᠰᠠᠨ︾ ᠯᠠᠮᠠ ᠶᠢᠨ ᠬᠤᠰᠢᠭᠤ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠶᠢ ᠬᠡᠷᠡᠴᠢᠯᠡᠭᠰᠡᠨ ᠤᠯᠤᠰ ᠤᠨ | ᠭᠤᠤᠯᠳᠠᠯᠭᠠᠳᠦ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠲᠡᠤᠬᠡᠨ ᠲᠤᠷᠠᠰᠬᠠᠯᠳᠦ ᠵᠦᠢᠯ ᠪᠤᠯᠬᠤ ᠭᠤᠷᠪᠠᠨ ᠶᠡᠭᠡ ᠬᠡᠶᠢᠳ ᠤᠨ ᠪᠠᠷᠢᠯᠭᠠ | ᠨᠤᠭᠤᠳ ᠢ ᠵᠠᠪᠳᠤᠨ ᠰᠡᠷᠭᠦᠬᠡᠨ ᠵᠠᠰᠠᠵᠦ᠂ ᠰᠦᠮᠡ ᠶᠢᠨ ᠲᠤᠭᠤᠷᠢᠨ ᠤ ᠤᠷᠴᠢᠨ ᠦᠶᠡ ᠶᠢᠨ ᠪᠠᠷᠢᠯᠭᠠ ᠨᠤᠭᠤᠳ ᠢ | ᠨᠤᠷᠠᠭᠠᠵᠦ᠂ ᠬᠠᠮᠳᠦ ᠳᠤ ᠨᠢ 16 ᠰᠦᠮᠡ ᠬᠡᠶᠢᠳ ᠪᠠ ᠲᠠᠭᠠᠯᠳᠠ ᠪᠠᠷᠢᠯᠭᠠ ᠶᠢ ᠰᠠᠯᠪᠢᠨ ᠵᠠᠰᠠᠵᠦ ᠰᠡᠷᠭᠦᠬᠡᠨ | ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠪᠠᠰᠠ ᠰᠦᠮᠡ ᠶᠢᠨ ᠡᠮᠦᠨᠡᠬᠢ ᠲᠠᠯᠠᠪᠠᠢ᠂ ᠵᠤᠭᠠᠴᠠᠭᠰᠠᠳ ᠤᠨ ᠦᠢᠯᠡᠴᠢᠯᠡᠬᠡᠨ ᠤ ᠲᠦᠪ | ᠵᠢᠴᠢ ᠬᠤᠯᠪᠤᠭᠳᠠᠯ ᠪᠦᠭᠦᠢ ᠲᠦᠭᠦᠬᠡᠷᠦᠮᠵᠢ ᠶᠢ ᠪᠠᠶᠢᠭᠤᠯᠵᠦ᠂ ᠨᠠᠶᠢᠳᠠ 3 ᠲᠦᠮᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ | ᠲᠠᠯᠠᠪᠠᠢ ᠶᠢ ᠨᠤᠭᠤᠭᠠᠷᠠᠭᠤᠯᠵᠦ ᠭᠤᠶᠤᠯᠠᠵᠦ ᠬᠠᠳᠠᠭᠤᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠪᠡᠰᠠ ᠪᠡᠯᠡᠭᠯᠡᠨ ᠭᠦᠷᠬᠡᠭᠦ ᠠᠷᠭᠠ | ᠮᠠᠶ᠋ᠢᠭ ᠢᠶᠠᠷ ᠭᠤᠷᠪᠠᠨ ᠶᠡᠭᠡ ᠰᠦᠮᠡ ᠳᠤ 1000 ᠰᠠᠭᠤᠷᠢ ᠬᠠᠰ ᠰᠡᠶᠢᠯᠤᠮᠠᠯ ᠪᠤᠷᠬᠠᠨ ᠤ ᠭᠦᠷᠦᠭ ᠢ ᠵᠠᠯᠠᠵᠦ᠂ | ᠲᠡᠷᠡ ᠭᠦ 300 ᠵᠢᠯ ᠤᠨ ᠡᠮᠦᠨᠡᠬᠢ ᠵᠦᠩ ᠤᠨ ᠲᠠᠭᠤᠨ ᠬᠠᠩᠬᠢᠨᠠᠨ ᠬᠡᠩᠬᠡᠷᠬᠡ ᠶᠢᠨ ᠲᠠᠭᠤᠨ ᠭᠦᠩᠬᠢᠨᠡᠵᠦ᠂ | ᠭᠦᠵᠢᠰ ᠤᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠡᠷᠳᠡᠨ ᠤ ᠰᠦᠮᠡ ᠶᠢᠨ ᠪᠠᠶᠢᠳᠠᠯ ᠢ ᠲᠠᠬᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | 2010 ᠤᠨ ᠤ 12 ᠰᠠᠷᠠ ᠳᠤ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠶᠡᠭᠡ ᠰᠦᠮᠡ ᠬᠡᠶᠢᠳ ᠨᠢ ᠤᠯᠤᠰ | ᠤᠨ ᠵᠤᠭᠠᠴᠠᠯ ᠤᠨ ᠲᠤᠪᠴᠢᠶᠠ ᠳᠤ ᠵᠢᠩᠬᠢᠨᠢ ᠪᠠᠷ 4A ᠲᠠᠰ ᠤᠨ ᠵᠤᠭᠠᠴᠠᠯ ᠤᠨ ᠦᠵᠡᠮᠤᠷᠢ ᠶᠢᠨ ᠤᠷᠤᠨ ᠢᠶᠠᠷ | ᠵᠦᠪᠰᠢᠶᠡᠷᠡᠭᠳᠡᠵᠦ᠂ ᠴᠦᠩᠭᠦᠯ ᠤᠨ ᠭᠤᠤ ᠶᠢᠨ ᠲᠠᠷᠠᠭᠠ ᠪᠠᠷ ᠲᠦᠩᠯᠢᠶᠦᠦ ᠬᠤᠳᠠ ᠶᠢᠨ ᠬᠤᠶᠠᠳᠡᠬᠢ ᠤᠯᠤᠰ ᠤᠨ | 4A ᠲᠡᠰ ᠤᠨ ᠵᠤᠭᠠᠴᠠᠯ ᠤᠨ ᠦᠵᠡᠮᠤᠷᠢ ᠶᠢᠨ ᠤᠷᠤᠨ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ |