| ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠠ ︵关帝庙︶ ᠨᠢ ᠭᠦᠷᠢᠶᠡ ᠪᠠᠯᠭᠠᠰᠦ ᠶᠢᠨ ᠲᠤᠮᠳᠠ ᠵᠡᠬᠡᠯᠢ ᠶᠢᠨ ᠪᠠᠷᠠᠭᠤᠨ | ᠦᠵᠦᠭᠦᠷ ᠲᠤ ᠤᠷᠤᠰᠢᠵᠦ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 600 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠃ ᠲᠡᠤᠬᠡ ᠶᠢᠨ | ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠭᠦᠷᠢᠶᠡ ᠶᠢᠨ ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢ ᠴᠢᠩ ᠤᠯᠤᠰ ᠤᠨ ᠡᠩᠬᠡ | ᠠᠮᠤᠭᠤᠯᠠᠩ ᠤᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠤᠨ ︵1676 ᠤᠨ︶ ᠳᠤ ᠪᠠᠶᠢᠭᠤᠯᠵᠠᠢ᠃ | ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠪᠠᠷᠢᠯᠭᠠ ᠬᠤᠪᠢᠶᠠᠳᠠᠭ᠃ ᠲᠤᠮᠳᠠ ᠨᠢ ᠪᠠᠭᠠ | ᠬᠠᠭᠠᠯᠭᠠ ᠪᠠᠷ ᠨᠠᠪᠳᠠᠷᠠᠵᠦ᠂ ᠲᠦᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠪᠠᠬᠢᠯᠢᠭ᠌ ᠦᠨᠳᠦᠷ ᠭᠦᠬᠡ ᠲᠤᠭᠤᠰᠬᠠ ᠶᠢᠨ ᠭᠦᠷᠢᠶᠡᠨ | ᠬᠡᠷᠡᠮ ᠲᠠᠢ᠃ ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ ᠪᠠᠷᠢᠯᠭᠠ ᠦᠵᠡᠯᠳᠠᠢ ᠰᠠᠶᠢᠬᠠᠨ ᠲᠠᠷᠠᠭᠠᠯᠠᠭᠠᠳ | ᠬᠤᠶᠠᠷ ᠭᠦᠷᠢᠶᠡ ᠪᠠᠶᠢᠳᠠᠭ᠃ ᠬᠠᠮᠤᠭ ᠡᠮᠦᠨᠡ ᠨᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠰᠦᠮᠡ ᠶᠢᠨ ᠬᠠᠭᠠᠯᠭᠠ᠂ ᠲᠤᠮᠳᠠ ᠨᠢ | ᠡᠭᠦᠳᠡ ᠭᠤᠳᠤᠮᠵᠢ᠂ ᠤᠯᠠᠭᠠᠨ ᠢᠶᠠᠷ ᠰᠢᠷᠳᠡᠭᠰᠡᠨ ᠶᠡᠭᠡ ᠬᠠᠭᠠᠯᠭᠠ ᠶᠢᠨ ᠡᠭᠦᠳᠡᠨ ᠬᠠᠪᠳᠠᠰᠤᠨ ᠳᠤ ᠠᠯᠳᠠᠨ | ᠬᠠᠳᠠᠭᠠᠰᠦ ᠬᠠᠳᠠᠵᠦ᠂ ᠬᠤᠶᠠᠷ ᠬᠠᠪᠳᠠᠰᠤᠨ ᠲᠡᠬᠡᠷᠡ ᠠᠷᠢᠶᠠᠳᠠᠨ ᠤ ᠲᠤᠯᠤᠭᠠᠢ ᠶᠢᠨ ᠡᠭᠦᠳᠡᠨ ᠭᠠᠷᠠᠬᠠ ᠶᠢ | ᠲᠠᠭᠠᠷᠠᠭᠤᠯᠪᠠ᠃ ᠡᠭᠦᠳᠡᠨ ᠲᠡᠬᠡᠷᠡ ︽ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ︾ ᠬᠡᠳᠡᠭ ᠢᠯᠡᠷᠬᠡᠶᠢᠯᠡᠯ ᠢ ᠦᠨᠳᠦᠷ ᠡᠯᠭᠦᠵᠦ | ᠪᠠᠶᠢᠨᠠ᠃ ᠡᠭᠦᠳᠡᠨ ᠭᠤᠳᠤᠮᠵᠢ ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠲᠤᠰ ᠪᠦᠷᠢ ᠨᠢᠬᠡ ᠲᠠᠰᠤᠯᠭᠠ ᠮᠤᠷᠢᠨ ᠤ ᠬᠠᠷᠰᠢ ᠲᠠᠢ᠃ | ᠲᠤᠳᠤᠷᠠ ᠨᠢ ᠰᠢᠪᠡᠷ ᠢᠶᠠᠷ ᠱᠤᠭᠤᠭᠰᠠᠨ ᠡᠮᠡᠬᠡᠯ ᠬᠠᠵᠠᠭᠠᠷ ᠲᠠᠢ ᠮᠤᠷᠢ ᠪᠤᠯᠤᠨ ᠮᠤᠷᠢᠨ ᠭᠦᠳᠦᠴᠢ ᠬᠡᠤᠬᠡᠳ ᠲᠤᠰ | ᠲᠤᠰ ᠨᠢᠬᠡ ᠪᠠᠶᠢᠨᠠ᠃ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠪᠠᠰᠠ ᠵᠢᠭᠦᠷ ᠤᠨ ᠡᠭᠦᠳᠠ ᠲᠠᠢ᠂ ᠶᠡᠷᠦ | ᠶᠢᠨ ᠴᠠᠭ ᠲᠤ ᠡᠭᠦᠨ ᠢᠶᠠᠷ ᠤᠷᠤᠵᠦ ᠭᠠᠷᠤᠨᠠ᠃ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠶᠢᠨ ᠴᠢᠯᠠᠭᠤᠨ ᠶᠠᠨᠳᠠᠷ ᠲᠡᠬᠡᠷᠡ | ᠴᠢᠯᠠᠭᠤᠨ ᠠᠷᠰᠯᠠᠨ᠂ ᠴᠢᠯᠠᠭᠤᠨ ᠰᠢᠷᠤᠭ ᠲᠤᠰ ᠪᠦᠷᠢ ᠬᠤᠶᠠᠷ ᠬᠤᠤᠰ ᠪᠠᠶᠢᠪᠠ᠃ | ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠪᠠᠷ ᠲᠤᠳᠤᠭᠰᠢᠯᠠᠵᠦ ᠬᠤᠶᠠᠳᠤᠭᠠᠷ ᠡᠭᠦᠳᠡ ᠪᠠᠷ ᠤᠷᠤᠪᠠᠯ᠂ ᠰᠢᠭᠤᠳ ᠭᠤᠸᠠᠨ ᠳ᠋ᠢ | ᠶᠢᠨ ᠰᠦᠮᠡ ᠶᠢᠨ ᠭᠤᠤᠯ ᠲᠤᠭᠠᠩ ᠭᠦᠷᠭᠦ ᠲᠦᠷᠪᠡᠯᠵᠢᠨ ᠴᠢᠯᠠᠭᠤ ᠪᠠᠷ ᠦᠷᠦᠭᠰᠡᠨ ᠬᠤᠩᠬᠢᠯ ᠵᠠᠮ ᠪᠤᠯᠤᠨᠠ᠃ | ᠨᠢᠬᠡᠳᠦᠬᠡᠷ ᠭᠦᠷᠢᠶᠡ ᠶᠢᠨ ᠬᠤᠶᠠᠷ ᠵᠢᠭᠦᠷ ᠲᠤ ᠲᠤᠰ ᠪᠦᠷᠢ ᠲᠠᠪᠤᠨ ᠲᠠᠰᠤᠯᠭᠠ ᠭᠦᠬᠡ ᠲᠤᠭᠤᠰᠬᠠ ᠶᠢᠨ ᠬᠡᠷ | ᠪᠠᠶᠢᠵᠦ᠂ ᠵᠢᠭᠦᠷ ᠤᠨ ᠬᠡᠷ ᠤᠨ ᠡᠮᠦᠨᠡ ᠦᠵᠦᠭᠦᠷ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠬᠤᠶᠠᠷ ᠲᠠᠪᠬᠤᠷ ᠵᠦᠩ | ᠬᠡᠩᠬᠡᠷᠬᠡ ᠶᠢᠨ ᠠᠰᠠᠷ ᠲᠠᠢ᠃ ᠵᠦᠩ ᠬᠡᠩᠬᠡᠷᠬᠡ ᠶᠢᠨ ᠠᠰᠠᠷ ᠨᠢ ᠲᠠᠪᠬᠤᠷ ᠰᠠᠷᠠᠪᠴᠢᠳᠦ ᠪᠠᠷᠢᠯᠭᠠ ᠪᠦᠬᠡᠳ ᠰᠦᠷ | ᠬᠡᠷᠡᠯᠳᠠᠢ ᠬᠠᠷᠠᠭᠳᠠᠨᠠ᠃ | ᠬᠤᠶᠠᠳᠤᠭᠠᠷ ᠬᠠᠭᠠᠯᠭᠠ ᠶᠢᠨ ᠡᠮᠦᠨᠡᠬᠢ ᠬᠠᠵᠠᠭᠤ ᠪᠠᠷ ᠲᠤᠰ ᠪᠦᠷᠢ ᠨᠢᠬᠡ ᠴᠢᠯᠠᠭᠤᠨ ᠭᠦᠰᠢᠶᠠ ᠪᠠᠶᠢᠳᠠᠭ᠃ | ᠨᠢᠬᠡ ᠲᠠᠯᠠ ᠳᠤ ᠨᠢ ᠰᠦᠮᠡ ᠶᠢ ᠪᠠᠶᠢᠭᠤᠯᠬᠤ ᠳᠤ ᠡᠳ᠋ ᠭᠦᠷᠦᠩᠬᠡ ᠪᠠᠷ ᠲᠤᠰᠠᠯᠠᠭᠰᠠᠨ ᠦᠭᠯᠢᠬᠡ ᠶᠢᠨ ᠡᠵᠠᠳ ᠤᠨ | ᠨᠠᠷᠠᠰ ᠪᠠᠶᠢᠵᠦ᠂ ᠨᠦᠭᠦᠬᠡ ᠲᠠᠯᠠ ᠳᠤ ᠨᠢ ︽ᠵᠠᠷᠯᠢᠭ ᠢᠶᠠᠷ ᠪᠠᠶᠢᠭᠤᠯᠪᠠ︾ ᠬᠡᠰᠡᠨ ᠰᠦᠮᠡ ᠶᠢ ᠪᠠᠶᠢᠭᠤᠯᠤᠭᠰᠠᠨ | ᠲᠤᠬᠠᠢ ᠲᠤᠷᠠᠰᠬᠠᠯ ᠤᠨ ᠭᠦᠰᠢᠶᠠ ᠲᠠᠢ᠃ ᠬᠤᠶᠠᠳᠤᠭᠠᠷ ᠭᠦᠷᠢᠶᠡ ᠶᠢᠨ ᠡᠰᠡᠷᠭᠦ ᠲᠠᠯᠠ ᠳᠤ ᠨᠢ ᠭᠤᠸᠠᠨ ᠳ᠋ᠢ ᠶᠢᠨ | ᠰᠦᠮᠡ ᠶᠢᠨ ᠭᠤᠤᠯ ᠲᠤᠭᠠᠩ ᠪᠤᠯᠤᠨᠠ᠃ ᠡᠨᠡ ᠭᠦ ᠭᠤᠷᠪᠠᠨ ᠲᠠᠰᠤᠯᠭᠠ ᠭᠤᠤᠯ ᠲᠤᠭᠠᠩ ᠨᠢ ᠲᠦᠷᠪᠡᠨ ᠲᠤᠬᠤᠢ | ᠦᠨᠳᠦᠷ ᠲᠠᠶᠢᠰᠠᠨ ᠲᠡᠬᠡᠷᠡ ᠰᠡᠭᠦᠶᠢᠵᠦ ᠰᠦᠷᠯᠢᠭ ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ ᠲᠠᠯᠠ ᠳᠤ ᠨᠢ ᠬᠠᠵᠠᠭᠤ ᠶᠢᠨ ᠬᠠᠷᠰᠢ | ᠲᠤᠰ ᠲᠤᠰ ᠭᠤᠷᠪᠠᠨ ᠲᠠᠰᠤᠯᠭᠠ ᠪᠠᠶᠢᠵᠦ᠂ ᠭᠤᠤᠯ ᠲᠤᠭᠠᠩ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠳᠤ ᠪᠠᠰᠠ ᠬᠤᠶᠠᠷ ᠴᠢᠬᠢᠨ | ᠬᠡᠷ ᠲᠠᠢ᠃ ᠬᠠᠵᠠᠭᠤ ᠶᠢᠨ ᠬᠠᠷᠰᠢ ᠪᠤᠯᠤᠨ ᠴᠢᠬᠢᠨ ᠬᠡᠷ ᠤᠨ ᠲᠤᠮᠳᠠ ᠵᠢᠭᠦᠷ ᠤᠨ ᠬᠡᠷ ᠭᠤᠷᠪᠠᠨ ᠲᠠᠰᠤᠯᠭᠠ | ᠪᠠᠶᠢᠨᠠ᠃ ᠭᠤᠤᠯ ᠲᠤᠭᠠᠩ ᠤᠨ ᠶᠠᠨᠳᠠᠷ ᠤᠨ ᠡᠮᠦᠨᠡᠬᠢ ᠬᠤᠩᠬᠢᠯ ᠵᠠᠮ ᠲᠡᠬᠡᠷᠡ ᠦᠨᠳᠦᠷ ᠢᠶᠠᠷ ᠢᠶᠠᠨ ᠵᠠᠩ | ᠢᠯᠡᠭᠦᠦ᠂ ᠵᠢᠷᠭᠤᠭᠠᠨ ᠲᠠᠯᠠ᠂ ᠵᠢᠷᠭᠤᠭᠠᠨ ᠡᠭᠦᠳᠠ ᠲᠠᠢ ᠴᠢᠯᠠᠭᠤ ᠪᠠᠷ ᠰᠡᠶᠢᠯᠦᠭᠰᠡᠨ ᠭᠦᠯᠢᠰ ᠤᠨ ᠲᠢᠩᠬᠢᠮ | ᠪᠠᠶᠢᠳᠠᠭ᠃ | ᠭᠤᠤᠯ ᠬᠠᠷᠰᠢ ᠳᠤ ᠰᠢᠪᠡᠷ ᠢᠶᠠᠷ ᠪᠠᠷᠢᠭᠰᠠᠨ ᠭᠤᠸᠠᠨ ᠢᠦᠢ ᠶᠢᠨ ᠭᠦᠷᠦᠭ ᠦᠨᠳᠦᠷ ᠲᠤ ᠵᠠᠯᠠᠷᠠᠨ᠂ ᠨᠤᠭᠤᠭᠠᠨ | ᠮᠠᠩᠨᠤᠭ ᠬᠡᠳᠡᠷᠤᠨ᠂ ᠠᠯᠳᠠᠨ ᠰᠢᠷᠠ ᠴᠢᠷᠠᠢ ᠳᠤ ᠨᠢ ᠲᠠᠪᠤᠨ ᠪᠤᠳᠠ ᠰᠠᠬᠠᠯ ᠤᠷᠭᠤᠵᠦ᠂ ᠲᠠᠷᠢᠭᠦᠨ ᠳᠤ ᠪᠠᠨ | ᠮᠠᠠᠵᠢᠯᠭᠠ ᠲᠠᠢ ᠲᠢᠳᠢᠮ ᠲᠠᠷᠤᠵᠦ᠂ ᠦᠯᠮᠠᠢ ᠡᠷᠳᠡᠬᠡᠷ ᠭᠤᠳᠤᠯ ᠡᠮᠦᠰᠴᠦ᠂ ᠬᠠᠷᠠᠬᠤ ᠳᠤ ᠭᠤᠸᠠᠨ ᠳ᠋ᠢ ᠪᠤᠷᠬᠠᠨ | ᠦᠨᠡᠬᠡᠷ ᠠᠮᠢᠳᠦ ᠰᠠᠷᠠᠭᠦᠨ ᠪᠠᠶᠢᠭᠠ ᠠᠳᠠᠯᠢ᠃ ᠬᠠᠭᠠᠨ ᠡᠵᠡᠨ ᠠᠴᠠ ᠢᠯᠭᠠᠬᠤ ᠶᠢᠨ ᠲᠦᠯᠦᠬᠡ᠂ ᠭᠤᠸᠠᠨ ᠳ᠋ᠢ ᠶᠢᠨ | ᠲᠢᠳᠢᠮ ᠤᠨ ᠬᠠᠰ ᠱᠢᠷᠦ ᠨᠢ ᠠᠷᠪᠠᠨ ᠨᠢᠬᠡ ᠪᠠᠶᠢᠵᠦ᠂ ᠬᠠᠭᠠᠨ ᠤ ᠲᠢᠳᠢᠮ ᠠᠴᠠ ᠬᠤᠶᠠᠷ ᠱᠢᠷᠦ ᠲᠤᠳᠠᠭᠤ᠃ | ᠭᠤᠸᠠᠨ ᠳ᠋ᠢ ᠶᠢᠨ ᠠᠷᠦ ᠳᠤ ᠬᠤᠶᠠᠷ ᠪᠠᠭᠠ ᠬᠡᠤᠬᠡᠳ ᠭᠠᠷ ᠲᠤ ᠪᠠᠨ ᠯᠤᠤ ᠭᠠᠷᠤᠳᠢ ᠶᠢᠨ ᠰᠢᠭᠦᠷ ᠪᠠᠷᠢᠨ | ᠵᠤᠭᠰᠤᠵᠦ᠂ ᠬᠠᠵᠠᠭᠤ ᠳᠤ ᠨᠢ ᠲᠤᠰ ᠪᠦᠷᠢ ᠨᠢᠬᠡ ᠴᠡᠷᠢᠭ ᠤᠨ ᠲᠦᠰᠢᠮᠠᠯ ᠵᠠᠷᠯᠢᠭ ᠤᠨ ᠰᠤᠮᠤ ᠶᠢ ᠠᠳᠬᠤᠨ | ᠵᠤᠭᠰᠤᠨᠠ᠃ | ᠭᠤᠸᠠᠨ ᠳ᠋ᠢ ᠶᠢᠨ ᠰᠠᠭᠤᠳᠠᠯ ᠤᠨ ᠡᠮᠦᠨᠡ ᠬᠤᠶᠠᠷ ᠮᠦᠷ ᠠᠷᠴᠠ ᠮᠤᠳᠦ ᠶᠢᠨ ᠭᠦᠵᠢ ᠶᠢᠨ ᠰᠢᠷᠡᠭᠡ ᠲᠠᠢ᠃ | ᠲᠡᠬᠡᠷᠡ ᠨᠢ ᠠᠯᠳᠠ ᠪᠠᠷ ᠦᠩᠬᠡᠯᠡᠭᠰᠡᠨ ᠭᠦᠯᠢᠰ ᠲᠠᠯᠪᠢᠵᠦ᠂ ᠭᠦᠵᠢ ᠵᠤᠯᠠ ᠶᠢᠨ ᠦᠨᠦᠷ ᠠᠩᠬᠢᠯᠵᠦ ᠠᠷᠰᠢ ᠶᠢᠨ | ᠤᠷᠤᠨ ᠮᠠᠳᠦ᠂ ᠭᠦᠯᠢᠰ ᠤᠨ ᠬᠠᠵᠠᠭᠤ ᠳᠤ ᠮᠦᠨ ᠠᠯᠳᠠ ᠪᠠᠷ ᠦᠩᠬᠡᠯᠡᠭᠰᠡᠨ ᠯᠠ ᠶᠢᠨ ᠲᠠᠯᠪᠢᠭᠤᠷ ᠲᠠᠢ᠃ | ᠨᠤᠴᠤᠵᠦ ᠪᠠᠶᠢᠭᠠ ᠨᠢ ᠴᠦᠮ ᠠᠯᠳᠠᠨ ᠦᠰᠦᠭ ᠲᠠᠢ᠂ ᠬᠤᠶᠠᠷ ᠲᠤᠬᠤᠢ ᠦᠨᠳᠦᠷ᠂ ᠠᠶᠠᠭᠠᠨ ᠴᠢᠨᠡᠬᠡᠨ ᠪᠦᠳᠦᠭᠦᠨ | ᠯᠠ ᠪᠤᠯᠤᠨᠠ᠃ | ᠬᠤᠶᠠᠷ ᠵᠢᠭᠦᠷ ᠢᠶᠠᠷ ᠭᠤᠸᠠᠨ ᠳ᠋ᠢ ᠶᠢᠨ ᠨᠠᠢᠮᠠᠨ ᠵᠠᠩᠵᠤᠨ ᠤ ᠱᠤᠭᠤᠮᠠᠯ ᠭᠦᠷᠦᠭ ᠪᠠᠶᠢᠳᠠᠭ᠃ ᠨᠢᠬᠡ ᠬᠠᠵᠠᠭᠤ | ᠪᠠᠷ ᠬᠠᠷᠠ ᠴᠢᠷᠠᠶᠢᠳᠦ ᠵᠧᠦ ᠼᠠᠩ ᠭᠦᠬᠡ ᠯᠤᠤᠳᠦ ᠲᠠᠮ ᠢᠯᠳᠦ ᠪᠠᠷᠢᠵᠦ ᠭᠤᠸᠠᠨ ᠰᠢᠩ᠂ ᠸᠠᠩ ᠹᠦ᠋ ᠨᠠᠷ ᠬᠠᠮᠳᠦ | ᠵᠤᠭᠰᠤᠨᠠ᠃ ᠨᠦᠭᠦᠬᠡ ᠲᠠᠯᠠ ᠬᠠᠵᠠᠭᠤ ᠪᠠᠷ ᠭᠤᠸᠠᠨ ᠫᠢᠩ ᠭᠠᠷ ᠲᠤ ᠪᠠᠨ ᠡᠷᠳᠡᠨᠢ ᠶᠢᠨ ᠰᠡᠯᠡᠮᠡ ᠪᠠᠷᠢᠵᠦ ᠯᠢᠶᠦᠦ | ᠬᠤᠸᠠ᠂ ᠵᠣᠣ ᠯᠧᠢ ᠨᠠᠷ ᠬᠠᠮᠳᠦ ᠵᠤᠭᠰᠤᠨᠠ᠃ ᠲᠡᠳᠡᠬᠡᠷ ᠲᠤ ᠲᠤᠰ ᠪᠦᠷᠢ ᠨᠢᠬᠡ ᠭᠦᠵᠢ ᠶᠢᠨ ᠭᠦᠯᠢᠰ ᠲᠠᠢ᠃ | ᠬᠠᠷᠰᠢ ᠶᠢᠨ ᠲᠤᠳᠤᠷᠠᠬᠢ ᠵᠡᠭᠦᠨ ᠬᠠᠨᠠ ᠠᠴᠠ ᠡᠬᠢᠯᠡᠨ ᠭᠤᠷᠪᠠᠨ ᠲᠠᠯᠠ ᠶᠢᠨ ᠬᠡᠷᠡᠮ ᠬᠠᠨᠠ ᠲᠡᠬᠡᠷᠡ ᠴᠦᠮ | ᠭᠤᠷᠪᠠᠨ ᠤᠯᠤᠰ ᠤᠨ ᠦᠯᠢᠬᠡᠷᠳᠦ ᠵᠢᠷᠤᠭ ᠢ ᠵᠢᠷᠤᠵᠦ᠂ ᠦᠨᠡᠨ ᠪᠤᠳᠠᠳᠠᠢ ᠠᠮᠢᠳᠤᠯᠢᠭ ᠢᠶᠠᠷ ᠭᠤᠸᠠᠨ ᠢᠦᠢ ᠶᠢᠨ | ᠪᠠᠭᠠᠳᠤᠯᠢᠭ ᠪᠠᠶᠢᠳᠠᠯ ᠢ ᠲᠦᠷᠰᠦᠯᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠭᠤᠤᠯ ᠬᠠᠷᠰᠢ ᠶᠢᠨ ᠵᠡᠭᠦᠨ ᠬᠠᠵᠠᠭᠤ ᠶᠢᠨ ᠬᠠᠷᠰᠢ | ᠪᠠᠶᠢᠵᠦ᠂ ᠲᠡᠭᠷᠢ ᠭᠠᠵᠠᠷ ᠭᠦᠮᠦᠨ ᠤ ᠶᠢᠷᠳᠢᠨᠴᠦ ᠶᠢᠨ ᠭᠤᠷᠪᠠᠨ ᠬᠠᠭᠠᠨ ᠢ ᠲᠠᠬᠢᠳᠠᠭ᠃ ᠪᠠᠷᠠᠭᠤᠨ ᠬᠠᠵᠠᠭᠤ ᠶᠢᠨ | ᠬᠠᠷᠰᠢ ᠳᠤ ᠡᠳ᠋ ᠤᠨ ᠰᠠᠬᠢᠭᠤᠯᠰᠤᠨ ᠵᠤᠤ ᠭᠦᠩ ᠮᠢᠩ᠂ ᠮᠤᠳᠤᠨ ᠲᠠᠷᠬᠠᠨ ᠤ ᠡᠯᠤᠨᠴᠠ ᠡᠪᠦᠭᠡ ᠯᠤ᠋ ᠪᠠᠨ᠂ | ᠢᠰᠡᠬᠡᠢ ᠶᠢᠨ ᠲᠠᠷᠬᠠᠨ ᠵᠠᠨ ᠲᠠᠨ ᠯᠤᠤᠽᠦ ᠵᠢᠴᠢ ᠵᠤᠤᠬᠠᠨ ᠪᠤᠷᠬᠠᠨ ᠢ ᠲᠠᠬᠢᠳᠠᠭ᠃ | ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠪᠠᠷᠢᠯᠭᠠ ᠪᠤᠯ ᠬᠤᠶᠠᠷ ᠮᠦᠷ ᠪᠠᠶᠢᠰᠢᠩ ᠪᠤᠯᠤᠨᠠ᠃ | ᠬᠤᠶᠢᠳᠦ ᠮᠦᠷ ᠤᠨ ᠬᠢᠨᠢ ᠲᠠᠪᠤᠨ ᠲᠠᠰᠤᠯᠭᠠ ᠬᠤᠶᠠᠷ ᠡᠭᠦᠳᠠ ᠲᠠᠢ᠃ ᠵᠡᠭᠦᠨ ᠦᠵᠦᠭᠦᠷ ᠤᠨ ᠬᠤᠶᠠᠷ ᠲᠠᠰᠤᠯᠭᠠ | ᠨᠢ ᠬᠤᠭᠤᠯᠠᠨ ᠬᠡᠷ᠃ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠢᠨᠢ ᠡᠷᠬᠢᠯᠡᠭᠴᠢ ᠬᠤᠤᠱᠠᠩ ᠤᠨ ᠰᠠᠭᠤᠬᠤ ᠬᠡᠷ᠃ ᠡᠮᠦᠨᠡ ᠮᠦᠷ | ᠤᠨ ᠪᠠᠶᠢᠰᠢᠩ ᠨᠢ ᠬᠤᠶᠠᠷ ᠵᠠᠩ ᠭᠦᠬᠡ ᠲᠤᠭᠤᠰᠬᠠ ᠶᠢᠨ ᠰᠦᠮᠡ ᠪᠤᠯᠤᠨᠠ᠃ ᠵᠡᠭᠦᠨ ᠲᠠᠰᠤᠯᠭᠠ ᠨᠢ ︽ᠰᠠᠨ | ᠰᠢᠶᠦᠦ ᠨᠢᠶᠠᠩ ᠨᠢᠶᠠᠩ ᠤᠨ ᠰᠦᠮᠡ︾᠂ ᠪᠠᠷᠠᠭᠤᠨ ᠲᠠᠰᠤᠯᠭᠠ ᠨᠢ ︽ᠶᠢᠰᠦᠨ ᠪᠤᠭᠳᠠ ᠶᠢᠨ ᠬᠡᠶᠢᠳ︾ ᠬᠡᠳᠡᠭ᠃ | | ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠳᠤ ᠵᠢᠯ ᠤᠨ ᠬᠡᠳᠦ ᠤᠳᠠᠭᠠ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠲᠠᠢ᠃ ᠪᠢᠯᠢᠭ ᠤᠨ | ᠤᠯᠠᠷᠢᠯ ᠤᠨ ᠭᠤᠷᠪᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠤ ᠡᠷᠯᠢᠭ ᠤᠨ ᠬᠠᠭᠠᠨ ᠤ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ᠂ | ᠲᠦᠷᠪᠡᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠳᠤ ᠨᠢᠶᠠᠩ ᠨᠢᠶᠠᠩ ᠤᠨ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ | ᠭᠦᠷ ᠭᠦᠭᠵᠢᠶᠠᠨ ᠢᠶᠠᠷ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠨᠢ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠬᠤᠶᠠᠷ ᠤᠨ ᠡᠳᠦᠷ ᠤᠨ ᠭᠤᠸᠠᠨ | ᠳ᠋ᠢ ᠶᠢᠨ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠪᠤᠯᠤᠨᠠ᠃ ᠶᠠᠷᠦ ︽ᠯᠤᠤᠶᠧ ᠲᠤᠭᠤᠷᠢᠨᠠ︾ ᠬᠡᠵᠦ ᠬᠡᠯᠡᠳᠡᠭ᠃ | ︽ᠯᠤᠤᠶᠧ ᠪᠤᠷᠬᠠᠨ ᠤ ᠲᠤᠭᠤᠷᠢᠬᠤ ᠵᠠᠮ︾ ᠨᠢ ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠠᠴᠠ ᠭᠦᠷᠢᠶᠡ ᠵᠡᠬᠡᠯᠢ ᠶᠢᠨ ᠵᠡᠭᠦᠨ | ᠦᠵᠦᠭᠦᠷ ᠲᠤ ᠪᠠᠶᠢᠭᠠ ᠬᠠᠨ ᠸᠠᠩ ᠤᠨ ᠰᠦᠮᠡ ︵ᠦᠯᠵᠠᠶᠢᠳᠦ ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮᠡ︶ ᠳᠤ ᠭᠦᠷᠴᠦ᠂ | ᠯᠤᠤᠶᠧ ᠪᠤᠷᠬᠠᠨ ᠨᠢ ︽ᠬᠠᠨ ᠸᠠᠩ︾ ᠳᠤ ᠪᠠᠷᠠᠳᠠᠪᠠᠯ ᠲᠠᠷᠤᠢ ︽ᠯᠤᠤᠶᠧ ᠲᠤᠭᠤᠷᠢᠬᠤ︾ ᠲᠡᠭᠦᠰᠴᠦ᠂ ᠲᠡᠬᠢᠨ | ᠤᠤᠯ ᠵᠠᠮ ᠢᠶᠠᠷ ᠢᠶᠠᠨ ᠬᠤᠶᠢᠰᠢ ᠪᠤᠴᠠᠳᠠᠭ᠃ ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠢ ᠭᠦᠷᠢᠶᠡ ᠵᠡᠬᠡᠯᠢ ᠶᠢᠨ | ᠬᠤᠳᠠᠯᠳᠤᠭᠠᠨ ᠤ ᠶᠠᠪᠤᠳᠠᠯ ᠤᠨ ᠭᠠᠵᠠᠷ ᠤᠨ ᠬᠢᠨ ᠵᠤᠭᠤᠰ ᠮᠦᠩᠭᠦ ᠭᠠᠷᠭᠠᠵᠦ ᠡᠷᠬᠢᠯᠡᠳᠡᠭ ᠪᠠᠶᠢᠵᠠᠢ᠃ | ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢᠨ ᠴᠤᠭᠯᠠᠭᠠᠨ ᠪᠤᠯᠬᠤ ᠪᠦᠷᠢ᠂ ᠭᠦᠷᠢᠶᠡ ᠵᠡᠬᠡᠯᠢ ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠪᠠ | ᠭᠦᠳᠡᠭᠡ ᠪᠤᠶᠦ ᠡᠰᠡᠭᠦᠯᠡ ᠭᠠᠳᠠᠷ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠶᠠᠩᠵᠦ ᠶᠢᠨ ᠭᠦᠮᠦᠰ ︽ᠯᠤᠤᠶᠧ ᠲᠤᠭᠤᠷᠢᠬᠤ︾ ᠵᠠᠮ | ᠢ ᠤᠰᠦ ᠵᠢᠪᠠᠷ ᠨᠠᠪᠳᠠᠷᠠᠭᠦ ᠦᠬᠡᠢ ᠪᠤᠯᠳᠠᠯᠠ ᠬᠠᠭᠠᠳᠠᠭ᠃ ᠡᠭᠦᠨ ᠤ ᠬᠠᠮᠳᠦ ᠭᠤᠸᠠᠨ ᠳ᠋ᠢ ᠶᠢᠨ ᠰᠦᠮᠡ ᠶᠢᠨ | ᠡᠮᠦᠨᠡᠬᠢ ᠶᠡᠭᠡ ᠲᠠᠯᠠᠪᠠᠢ ᠳᠤ ᠭᠠᠳᠠᠷ ᠭᠠᠵᠠᠷ ᠠᠴᠠ ᠢᠷᠡᠵᠦ ᠰᠢ ᠵᠦᠴᠦᠬᠡ ᠲᠤᠭᠯᠠᠬᠤ᠂ ᠬᠤᠳᠠᠯᠳᠤᠭᠠ ᠮᠠᠶᠢᠮᠠᠢ | ᠬᠢᠭᠦ ᠮᠠᠶᠢᠬᠠᠨ ᠪᠤᠰᠬᠠᠵᠦ ᠬᠤᠭᠤᠯᠠᠨ ᠬᠡᠷ ᠡᠷᠬᠢᠯᠡᠭᠦ᠂ ᠵᠢᠳᠠ ᠰᠡᠯᠡᠮᠡ ᠡᠷᠬᠢᠭᠦᠯᠦᠨ ᠶᠧᠯᠸᠢ ᠤᠪᠠᠳᠢᠰ ᠭᠠᠷᠭᠠᠬᠤ | ᠵᠡᠷᠬᠡ ᠵᠠᠮ ᠵᠠᠮ ᠤᠨ ᠭᠦᠮᠦᠰ ᠴᠤᠭᠯᠠᠷᠠᠵᠦ᠂ ᠬᠡᠮᠵᠢᠶᠡᠯᠡᠰᠢ ᠦᠬᠡᠢ ᠨᠡᠷᠬᠢᠶᠠᠨ ᠲᠠᠪᠵᠢᠶᠠᠨ ᠪᠤᠯᠳᠠᠭ ᠪᠠᠶᠢᠯᠠ᠃ |