| ᠭᠦᠷᠢᠶᠡ ᠮᠤᠩᠭᠤᠯᠴᠤᠳ ᠬᠤᠨᠢ ᠢᠮᠠᠭᠠ ᠶᠢ ᠬᠠᠮᠤᠭ ᠤᠨ ᠤᠯᠠᠨ ᠠᠷᠠᠴᠢᠯᠠᠨ ᠲᠡᠵᠢᠬᠡᠵᠦ᠂ ᠤᠤᠯ ᠳᠤ ᠪᠠᠨ | ᠬᠡᠷ ᠪᠤᠯᠭᠠᠨ ᠪᠠᠰᠠ ᠨᠤᠬᠠᠢ ᠲᠡᠵᠢᠬᠡᠵᠦ ᠪᠠᠶᠢᠵᠠᠢ᠃ | ᠨᠢᠬᠡ ᠬᠤᠨᠢ᠂ ᠢᠮᠠᠭᠠ ᠠᠷᠠᠴᠢᠯᠠᠬᠤ ᠵᠠᠩ ᠦᠢᠯᠡ | ᠭᠦᠷᠢᠶᠡ ᠨᠤᠳᠤᠭ ᠲᠤ ᠬᠤᠨᠢ ᠢᠮᠠᠭᠠ ᠶᠢ ᠨᠠᠶᠢᠯᠠᠭᠦᠯᠵᠦ ᠬᠠᠷᠢᠭᠤᠯᠤᠭᠰᠠᠭᠠᠷ ᠢᠷᠡᠵᠠᠢ᠃ ᠬᠤᠨᠢ ᠢᠮᠠᠭᠠ ᠶᠢ | 150 — 200 ᠲᠤᠯᠤᠭᠠᠢ ᠶᠢ ᠨᠢᠬᠡ ᠰᠦᠷᠦᠭ ᠪᠤᠯᠭᠠᠵᠦ ᠨᠢᠬᠡ ᠭᠦᠮᠦᠨ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠲᠠᠭᠠᠵᠦ | ᠬᠠᠷᠢᠭᠤᠯᠤᠨᠠ᠃ ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠬᠤᠨᠢ ᠢᠮᠠᠭᠠ ᠶᠢ ᠬᠤᠳᠳᠠᠭ ᠲᠡᠬᠡᠷᠡ ᠤᠰᠤᠯᠠᠬᠤ | ᠪᠤᠶᠦ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠤᠰᠤᠯᠠᠨᠠ᠃ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠬᠤᠨᠢᠴᠢᠨ ᠡᠳᠦᠷ ᠡᠳᠦᠷ ᠬᠤᠳᠳᠤᠭ | ᠲᠡᠬᠡᠷᠡ ᠤᠴᠢᠵᠦ ᠬᠤᠨᠢ ᠢᠮᠠᠭᠠ ᠪᠠᠨ ᠤᠰᠤᠯᠠᠨᠠ᠃ | ᠬᠤᠨᠢ ᠢᠮᠠᠭᠠᠨ ᠤ ᠲᠦᠯ ᠲᠤᠰᠬᠤ ᠳᠤ ᠬᠠᠩᠰᠢ ᠶᠢᠨ ᠡᠷᠳᠠ ᠤᠷᠤᠢ ᠶᠢᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ᠂ ᠨᠠᠮᠤᠷ | ᠤᠨ ᠰᠡᠭᠦᠯ ᠠᠴᠠ ᠡᠪᠤᠯ ᠤᠷᠤᠳᠠᠯᠠ 10 — 12 ᠳ᠋ᠤᠭᠠᠷ ᠰᠠᠷᠠ ᠳᠤ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠯ ᠲᠠᠢ ᠪᠠᠷ ᠭᠦᠭ | ᠲᠠᠯᠪᠢᠵᠦ᠂ ᠬᠤᠴᠠ ᠤᠬᠤᠨᠠ ᠶᠢ ᠰᠦᠷᠦᠭ ᠲᠤ ᠨᠡᠶᠢᠯᠡᠭᠦᠯᠦᠨᠡ᠃ ᠬᠤᠨᠢ ᠪᠤᠯ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 3 | ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠲᠦᠯᠯᠡᠵᠦ ᠡᠬᠢᠯᠡᠨᠡ᠃ | ᠬᠤᠨᠢ ᠢᠮᠠᠭᠠ ᠶᠢ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 3 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠰᠢᠨᠡᠳ ᠠᠴᠠ ᠡᠬᠢᠯᠡᠵᠦ ᠬᠠᠶᠢᠴᠢᠯᠠᠨᠠ᠃ | ᠬᠤᠨᠢ ᠢᠮᠠᠭᠠ ᠶᠢ ᠨᠠᠮᠤᠷ ᠲᠤᠰᠤᠨ ᠲᠠᠷᠭᠤ ᠠᠪᠤᠭᠰᠠᠨ ᠤ ᠰᠡᠭᠦᠯᠡᠷ ᠠᠯᠠᠵᠦ ᠢᠳᠡᠳᠡᠭ ᠨᠢ ᠤᠯᠠᠨ᠃ | ᠦᠩᠬᠡᠷᠡᠭᠰᠡᠨ ᠳᠤ ᠶᠠᠳᠠᠭᠤ ᠡᠷᠦᠬᠡ ᠡᠪᠤᠯ ᠤᠨ ᠢᠳᠡᠰᠢᠨ ᠳᠤ ᠪᠠᠨ 1 — 2 ᠢᠮᠠᠭᠠ ᠠᠯᠠᠳᠠᠭ᠃ ᠪᠠᠶᠠᠴᠤᠳ | ᠡᠪᠤᠯ ᠤᠨ ᠢᠳᠡᠰᠢᠨ ᠳᠤ ᠪᠠᠨ 10 — 20 ᠬᠤᠨᠢ ᠢᠮᠠᠭᠠ ᠠᠯᠠᠵᠦ ᠨᠦᠬᠡᠴᠡᠯᠡᠵᠦ ᠲᠠᠯᠪᠢᠳᠠᠭ᠃ | ᠬᠤᠶᠠᠷ ᠨᠤᠬᠠᠢ ᠲᠡᠵᠢᠬᠡᠭᠦ ᠵᠠᠩ ᠦᠢᠯᠡ | ᠨᠤᠬᠠᠢ ᠪᠤᠯ ᠭᠦᠷᠢᠶᠡ ᠮᠤᠩᠭᠤᠯᠴᠤᠳ ᠤᠨ ᠮᠠᠯᠵᠢᠯ ᠪᠤᠶᠦ ᠠᠩᠨᠠᠯ ᠤᠨ ᠠᠮᠢᠳᠤᠷᠠᠯ ᠳᠤ ᠲᠤᠳᠠᠭᠳᠠᠵᠦ ᠪᠤᠯᠤᠭᠰᠢ | ᠦᠬᠡᠢ ᠬᠡᠷ ᠤᠨ ᠲᠡᠵᠢᠬᠡᠪᠦᠷᠢ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ | ᠦᠩᠬᠡᠷᠡᠭᠰᠡᠨ ᠳᠤ᠂ ᠭᠦᠷᠢᠶᠡ ᠨᠤᠳᠤᠭ ᠲᠤ ᠬᠡᠷ ᠬᠡᠷ ᠨᠤᠬᠠᠢ ᠲᠡᠵᠢᠬᠡᠳᠡᠭ᠂ ᠶᠠᠳᠠᠭᠤ ᠨᠢ ᠨᠢᠬᠡ᠂ ᠤᠯᠠᠩᠬᠢ | ᠬᠡᠷ ᠨᠢ ᠬᠤᠶᠠᠷ ᠭᠤᠷᠪᠠ ᠲᠡᠵᠢᠬᠡᠵᠦ᠂ ᠪᠠᠶᠠᠴᠤᠳ ᠪᠤᠯ ᠪᠠᠭ᠋ᠠᠨ ᠤᠯᠠᠨ ᠨᠤᠬᠠᠢ ᠲᠡᠵᠢᠬᠡᠨᠡ᠃ | ᠨᠤᠬᠠᠢ ᠠᠷᠪᠠᠨ ᠲᠤᠯᠤᠭᠠ ᠨᠠᠢᠮᠠᠨ ᠨᠠᠰᠤᠯᠠᠨᠠ᠃ ᠦᠳᠡᠯᠦᠬᠡᠳ ᠰᠢᠳᠦ ᠨᠢ ᠤᠨᠠᠭᠰᠠᠭᠠᠷ ᠬᠡᠷᠡᠭ ᠦᠬᠡᠢ | ᠪᠤᠯᠴᠢᠬᠠᠨᠠ᠃ | ᠨᠤᠬᠠᠢ ᠶᠢ ᠭᠤᠤᠯ ᠨᠢ ᠮᠤᠩᠭᠤᠯ ᠪᠤᠳᠠᠭᠠᠨ ᠤ ᠨᠠᠷᠢᠨ ᠠᠭᠠᠭ ᠢᠶᠠᠷ ᠲᠡᠵᠢᠬᠡᠨᠡ᠃ ᠪᠦᠳᠦᠭᠦᠨ ᠠᠭᠠᠭ ᠢᠶᠠᠷ ᠨᠢ | ᠲᠡᠵᠢᠬᠡᠪᠡᠯ ᠭᠦᠶᠦᠵᠦ ᠲᠡᠶᠢᠯᠭᠦ ᠦᠬᠡᠢ ᠪᠤᠯᠴᠢᠬᠠᠨᠠ ᠬᠡᠳᠡᠭ᠃ ᠠᠪᠠ ᠳᠤ ᠭᠦᠶᠦᠯᠬᠡᠭᠦ ᠳᠤ ᠪᠠᠨ ᠰᠢᠷᠠ ᠲᠤᠰᠤᠳᠠᠢ | ᠬᠠᠭᠤᠷᠠᠢ ᠪᠤᠳᠠᠭᠠ ᠪᠠᠷ ᠲᠡᠵᠢᠬᠡᠨᠡ᠃ | ᠨᠤᠬᠠᠢ ᠶᠢᠨ ᠡᠭᠦᠷ ᠢ ᠴᠤᠩᠬᠤᠨ ᠲᠤᠤᠷᠠ ᠪᠠᠨ ᠪᠠᠷᠢᠳᠠᠭ᠃ ᠨᠤᠬᠠᠢ ᠶᠢᠨ ᠢᠶᠠᠨ ᠤᠯᠠᠨ ᠴᠦᠬᠡᠨ ᠢ | ᠦᠨᠳᠦᠰᠦᠯᠡᠵᠦ᠂ ᠨᠢᠬᠡ ᠨᠤᠬᠠᠢ ᠳᠤ ᠨᠢᠬᠡ ᠳ᠋ᠦᠩᠽᠢ ᠲᠠᠭᠠᠷᠠᠭᠤᠯᠵᠦ ᠪᠠᠷᠢᠨᠠ᠃ ᠬᠡᠪᠡᠴᠦ ᠨᠤᠬᠠᠢ ᠶᠡᠬᠡᠩᠬᠢ ᠴᠠᠭ | ᠲᠤ ᠲᠦᠯᠡᠬᠡᠨ ᠤᠪᠤᠭᠠ᠂ ᠡᠪᠡᠰᠦᠨ ᠤᠪᠤᠭᠠᠨ ᠲᠡᠬᠡᠷᠡ ᠬᠡᠪᠳᠡᠵᠦ ᠬᠤᠯᠠ ᠦᠢᠷᠠ ᠶᠢᠨ ᠴᠢᠮᠡᠭᠡ ᠢᠮᠡᠭᠡ ᠶᠢ | ᠴᠢᠩᠨᠠᠵᠦ ᠪᠠᠶᠢᠳᠠᠭ᠃ | ᠭᠤᠷᠪᠠ ᠡᠯᠵᠢᠬᠡ ᠲᠡᠵᠢᠬᠡᠭᠦ ᠵᠠᠩ ᠦᠢᠯᠡ | ᠡᠯᠵᠢᠬᠡ ᠪᠤᠯ ᠭᠦᠷᠢᠶᠡ ᠨᠤᠳᠤᠭ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠳᠦ ᠬᠡᠷ ᠤᠨ ᠲᠡᠵᠢᠬᠡᠪᠦᠷᠢ ᠶᠤᠮ᠃ ᠭᠦᠷᠢᠶᠡ | ᠨᠤᠳᠤᠭ ᠲᠤ ︽ᠰᠠᠶᠢᠨ ᠤᠨᠤᠭᠠ ᠨᠢ ᠰᠠᠭᠠᠷᠠᠯ ᠡᠯᠵᠢᠬᠡ᠂ ᠰᠠᠶᠢᠨ ᠢᠳᠡᠬᠡᠨ ᠨᠢ ᠰᠠᠭᠠᠭ ᠤᠨ ᠭᠤᠯᠢᠷ︾ ᠬᠡᠵᠦ | ᠤᠨᠤᠭᠠᠭᠰᠠᠨ ᠬᠠᠪᠤᠳᠦ ᠦᠬᠡ ᠪᠠᠶᠢᠳᠠᠭ᠃ ᠭᠦᠷᠢᠶᠡ ᠶᠢᠨ ᠭᠤᠤ ᠭᠠᠩᠭᠠ᠂ ᠡᠯᠡᠰᠦ ᠮᠠᠩᠬᠠᠨ ᠭᠠᠵᠠᠷ ᠤᠨ ᠤᠷᠴᠢᠨ | ᠳᠤ ᠡᠯᠵᠢᠬᠡ ᠤᠨᠤᠭᠠ ᠭᠦᠯᠦᠰᠢᠨ ᠤ ᠵᠠᠷᠤᠳᠠᠯ ᠦᠢᠯᠡᠳᠦᠯ ᠢᠶᠠᠷ ᠲᠤᠩ ᠠᠴᠢ ᠲᠤᠰᠠ ᠲᠠᠢ ᠪᠠᠶᠢᠵᠠᠢ᠃ | ᠡᠯᠵᠢᠬᠡ ᠪᠤᠯ ᠡᠳ᠋ᠯᠡᠭᠦ ᠳᠤ ᠠᠮᠠᠷᠬᠠᠨ᠂ ᠢᠳᠡᠭᠦ ᠨᠢ ᠪᠠᠭᠠ᠂ ᠲᠠᠭᠠᠭᠠᠴᠠ ᠲᠡᠰᠪᠦᠷᠢᠳᠠᠢ᠂ ᠪᠦᠬᠡ ᠲᠠᠮᠢᠷᠯᠢᠭ | ᠤᠨᠴᠠᠯᠢᠭ ᠲᠠᠢ ᠪᠤᠯᠬᠤᠷ ᠡᠷᠦᠬᠡ ᠬᠡᠷ ᠤᠨ ᠠᠮᠢᠳᠤᠷᠠᠯ ᠳᠤ ᠬᠡᠷᠡᠭᠴᠡᠭᠡ ᠶᠡᠬᠡᠳᠠᠢ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠬᠡᠢ ᠬᠡᠷ | ᠤᠨ ᠲᠡᠵᠢᠬᠡᠪᠦᠷᠢ ᠪᠤᠯᠵᠦ ᠪᠠᠶᠢᠪᠠ᠃ ᠭᠦᠷᠢᠶᠡ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠡᠷᠦᠬᠡ ᠬᠡᠷ ᠪᠦᠷᠢ ᠡᠯᠵᠢᠬᠡ ᠲᠡᠵᠢᠬᠡᠵᠦ | ᠪᠠᠶᠢᠵᠠᠢ᠃ | ᠡᠯᠵᠢᠬᠡ ᠶᠢ ᠤᠨᠤᠬᠤ᠂ ᠲᠡᠷᠬᠡᠨ ᠳᠤ ᠭᠦᠯᠭᠦ᠂ ᠠᠴᠢᠶᠡ ᠲᠡᠬᠡᠬᠡᠪᠦᠷᠢ ᠳᠤ ᠬᠡᠷᠡᠭᠯᠡᠭᠦ ᠬᠡᠭᠦ ᠮᠠᠳᠦ ᠪᠠᠷ ᠤᠯᠠᠨ | ᠵᠠᠷᠤᠳᠠᠯ ᠳᠤ ᠬᠡᠷᠡᠭᠯᠡᠭᠦ ᠳᠤ ᠲᠦᠭᠦᠮ ᠲᠦᠳᠠ ᠪᠠᠶᠢᠳᠠᠭ᠃ | ᠭᠦᠷᠢᠶᠡ ᠡᠯᠵᠢᠬᠡ ᠪᠤᠯ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠤᠨ ᠬᠢᠨᠠᠨ ᠲᠤᠭᠳᠠᠭᠠᠯᠳᠠ ᠪᠠᠷ ᠨᠤᠳᠠᠯᠠᠭᠳᠠᠭᠰᠠᠨ ᠦᠪᠡᠷᠮᠢᠴᠡ | ᠤᠨᠴᠠᠯᠢᠭ ᠲᠠᠢ ᠤᠷᠤᠨ ᠨᠤᠳᠤᠭ ᠤᠨ ᠡᠯᠵᠢᠬᠡ ᠶᠢᠨ ᠨᠢᠬᠡ ᠲᠦᠷᠦᠯ ᠪᠤᠯᠬᠤ ᠶᠤᠮ᠃ | ᠠᠰᠢᠭᠯᠠᠭᠰᠠᠨ ᠨᠤᠮ | ᠭᠦᠷᠡᠯᠱᠠ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠪᠠ᠄ ︽ᠬᠤᠷᠴᠢᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ ᠰᠤᠳᠤᠯᠤᠯ︾ ︵ᠲᠦᠷᠪᠡᠳᠦᠬᠡᠷ | ᠪᠦᠯᠦᠭ︶᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 203 ᠤᠨ᠃ |