| ᠡᠬᠢ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ ᠤᠨ ᠭᠤᠤᠯ ᠲᠤᠯᠭᠠᠭᠤᠷᠢ ᠲᠡᠬᠡᠷᠡ ︽ᠬᠡᠶᠢᠭᠦᠯᠦᠭᠴᠢ ᠨᠢᠳᠦ ᠪᠠᠷ | ᠦᠵᠡᠭᠴᠢ ᠨᠢᠭᠦᠯᠡᠰᠭᠦᠢ ᠪᠠᠷ ᠠᠮᠢᠳᠠᠨ ᠪᠦᠭᠦᠨ ᠢ ᠪᠤᠳᠢ ᠤᠯᠭᠤᠭᠤᠯᠬᠤ ᠪᠤᠯᠳᠤᠭᠠᠢ᠂ ᠬᠡᠳᠦᠯᠬᠡᠭᠴᠢ ᠮᠠᠶᠢᠳᠠᠷᠢ | ᠠᠰᠠᠷᠠᠬᠤ ᠪᠠᠷ ᠱᠠᠰᠢᠨ ᠲᠦᠷᠦ ᠶᠢ ᠦᠨᠢ ᠤᠳᠠᠭᠠᠨ ᠪᠠᠳᠤᠳᠬᠠᠬᠤ ᠪᠤᠯᠳᠤᠭᠠᠢ︾ ᠬᠡᠵᠦ ᠰᠠᠶᠢᠯᠦᠭᠰᠡᠨ ᠪᠠᠶᠢᠳᠠᠭ᠃ | ᠲᠤᠰ ᠪᠢᠴᠢᠬᠡᠰᠦ ᠠᠴᠠ ᠦᠵᠡᠵᠦ ᠭᠠᠷᠬᠤ ᠨᠢ ︽ᠭᠦᠷᠢᠶᠡ ᠬᠤᠰᠢᠭᠤ ᠪᠤᠯ ᠱᠠᠰᠢᠨ ᠲᠦᠷᠦ ᠶᠢ ᠬᠠᠮᠳᠤᠳᠬᠠᠭᠰᠠᠨ︾ | ᠬᠤᠰᠢᠭᠤ ᠪᠤᠯᠬᠤ ᠪᠠᠷ ᠬᠤᠤᠰ ᠤᠶᠠᠩᠭᠠ ᠶᠢᠨ ᠬᠤᠶᠠᠳᠤᠭᠠᠷ ᠮᠦᠷ ᠲᠤ ︽ᠱᠠᠰᠢᠨ ᠲᠦᠷᠦ ᠶᠢ ᠦᠨᠢ ᠤᠳᠠᠭᠠᠨ | ᠪᠠᠳᠤᠳᠬᠠᠬᠤ ᠪᠤᠯᠳᠤᠭᠠᠢ︾ ᠬᠡᠵᠦ ᠰᠠᠶᠢᠯᠦᠬᠡᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠤᠰᠢᠭᠤ ᠨᠤᠳᠤᠭ ᠤᠨ ᠵᠠᠰᠠᠭ ᠪᠠ | ᠱᠠᠰᠢᠨ ᠬᠠᠮᠳᠤᠷᠠᠭᠰᠠᠨ ᠢ ᠤᠯᠠᠮ ᠨᠢᠬᠡ ᠠᠯᠬᠤᠮ ᠲᠤᠳᠤᠷᠬᠠᠢ ᠬᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠭᠦ ᠪᠠᠶᠢᠳᠠᠯ ᠠᠴᠠ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ᠂ ᠤᠨᠴᠠᠭᠠᠶᠢᠯᠠᠨ ᠮᠤᠩᠭᠤᠯ ᠤᠷᠠᠯᠢᠭ ᠰᠤᠶᠤᠯ ᠢ ᠲᠦᠷᠦ | ᠱᠠᠰᠢᠨ ᠤ ᠲᠠᠯᠠ ᠠᠴᠠ ᠬᠡᠴᠢᠨᠡᠬᠡᠨ ᠭᠦᠨᠳᠦᠳᠬᠡᠨ ᠡᠷᠬᠢᠮᠯᠠᠵᠦ ᠪᠠᠶᠢᠭᠰᠠᠨ ᠪᠠ ᠰᠢᠳᠤᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠰᠠᠨ ᠢ | ᠨᠢᠳᠦ ᠪᠠᠷ ᠬᠠᠷᠠᠵᠦ ᠰᠡᠳᠬᠢᠯᠬᠡ ᠪᠠᠷ ᠢᠶᠠᠨ ᠮᠡᠳᠡᠷᠡᠵᠦ ᠪᠤᠯᠤᠨᠠ᠃ | ᠭᠦᠷᠢᠶᠡ ᠤᠷᠠᠨ ᠪᠢᠴᠢᠯᠬᠡ ᠨᠢ ᠭᠦᠷᠢᠶᠡ ᠰᠤᠶᠤᠯ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠤᠷᠳᠦ ᠤᠳᠠᠭᠠᠨ ᠲᠡᠤᠬᠡ ᠲᠠᠢ ᠪᠢᠯᠡ᠃ | ᠭᠦᠷᠢᠶᠡ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠲᠤᠬᠠᠢ ᠶᠠᠷᠢᠬᠤ ᠳᠤ ᠡᠷᠳᠡᠨᠢᠪᠦᠭᠡ ᠪᠠᠭᠰᠢ ᠶᠢ ᠶᠠᠷᠢᠬᠤ ᠴᠢᠬᠤᠯᠠ ᠲᠠᠢ᠃ ᠡᠨᠡ | ᠭᠦᠮᠦᠨ ᠬᠡᠳᠦᠶᠢᠪᠡᠷ ᠭᠦᠷᠢᠶᠡ ᠨᠤᠳᠤᠭ ᠲᠠᠢ ᠪᠢᠰᠢ ᠪᠤᠯᠪᠠᠴᠦ ᠭᠦᠷᠢᠶᠡ ᠬᠤᠰᠢᠭᠤ ᠳᠤ ᠤᠳᠠᠭᠠᠨ ᠵᠢᠯ ᠪᠠᠭᠰᠢᠯᠠᠵᠦ | ᠶᠠᠪᠤᠭᠰᠠᠨ ᠶᠤᠮ᠃ ᠮᠦᠨ ᠴᠦ ᠭᠦᠷᠢᠶᠡ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠭᠦᠭᠵᠢᠯᠳᠠ ᠲᠡᠬᠡᠭᠰᠢᠯᠡᠯᠳᠠ ᠳᠤ ᠭᠦᠴᠦᠨ ᠢᠶᠠᠨ | ᠡᠷᠭᠦᠭᠰᠡᠨ ᠵᠢᠳᠭᠦᠯᠳᠠᠨ ᠤ ᠨᠢᠬᠡ ᠨᠢ ᠶᠤᠮ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠦᠶᠡ ᠪᠠᠷ ᠡᠷᠳᠡᠨᠢᠪᠦᠭᠡ | ᠪᠠᠭᠰᠢ ᠶᠢᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠲᠢᠭ ᠠᠯᠳᠠᠷᠰᠢᠭᠰᠠᠨ ᠪᠢᠯᠡ᠃ ᠲᠡᠷᠡ ᠲᠢᠭ ᠨᠢ ᠮᠤᠩᠭᠤᠯ ᠦᠰᠦᠭ ᠤᠨ ᠰᠢᠳᠦ | ᠠᠷᠠᠭᠠ ᠶᠢ ᠤᠷᠳᠦ ᠤᠷᠳᠦ᠂ ᠤᠷᠤᠭᠰᠢᠯᠠᠭᠠ ᠴᠠᠴᠤᠯᠭᠠ ᠤᠷᠬᠢᠴᠡ ᠶᠢᠨ ᠪᠢᠴᠢᠯᠬᠡ ᠶᠢ ᠤᠷᠳᠤᠬᠠᠨ ᠪᠦᠬᠡᠳ | ᠦᠵᠦᠭᠦᠷ ᠵᠦᠭ ᠲᠤ ᠪᠠᠨ ᠪᠦᠳᠦᠭᠦᠬᠡᠨ ᠲᠠᠷᠤᠰᠬᠢᠵᠦ᠂ ᠲᠠᠬᠢᠨ ᠨᠠᠷᠢᠨ ᠦᠵᠦᠭᠦᠷ ᠲᠠᠢ ᠪᠠᠷ ᠪᠢᠴᠢᠵᠦ ᠲᠡᠭᠦᠰᠬᠡᠳᠡᠭ | ᠃ ᠦᠰᠦᠭ ᠤᠨ ᠵᠢᠷᠤᠯᠭᠠ ᠡᠯᠧᠮᠧᠨ᠋ᠲ ᠤᠳ ᠨᠢ ᠢᠯᠡ ᠲᠤᠳᠤᠷᠬᠠᠢ ᠪᠠᠷ ᠬᠠᠷᠢᠯᠴᠠᠨ ᠠᠪᠴᠠᠯᠳᠤᠵᠦ ᠭᠤᠸᠠ | ᠦᠵᠡᠮᠤᠷᠢᠳᠠᠢ ᠨᠢᠬᠡ ᠵᠦᠢᠯ ᠤᠨ ᠪᠡᠶᠡ ᠪᠠᠨ ᠲᠠᠭᠠᠭᠠᠭᠰᠠᠨ ᠬᠡᠪ ᠨᠠᠮᠪᠠ ᠲᠠᠢ ᠭᠤᠶᠤ ᠰᠠᠶᠢᠬᠠᠨ ᠲᠦᠪ ᠪᠢᠴᠢᠯᠬᠡ ᠶᠢᠨ | ᠲᠢᠭ ᠬᠡᠯᠪᠡᠷᠢ ᠪᠤᠯᠵᠠᠢ᠃ ᠡᠨᠡ ᠨᠢ ᠪᠦᠭᠦᠶᠢᠯᠡ ᠵᠢᠷᠢᠮ ᠨᠤᠳᠤᠭ ᠤᠷᠴᠢᠮ ᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡᠳᠡᠳ ᠢ | ᠤᠷᠢᠶᠠᠯᠠᠨ ᠲᠠᠶᠢᠴᠢᠯᠠᠵᠦ᠂ ᠤᠯᠠᠨ ᠤ ᠲᠠᠭᠠᠨ ᠰᠤᠷᠤᠯᠴᠠᠬᠤ ᠲᠢᠭ ᠬᠡᠯᠪᠡᠷᠢ ᠪᠤᠯᠤᠭᠰᠠᠨ ᠪᠦᠬᠡᠳ ᠠᠭᠠᠵᠢᠮ ᠳᠤ ᠪᠠᠨ | ᠵᠢᠷᠢᠮ ᠤᠷᠴᠢᠮ ᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠨᠴᠠᠯᠢᠭ ᠪᠤᠯᠵᠠᠢ᠃ ᠴᠢᠩᠬᠡᠭᠦ ᠪᠠᠷ ᠢᠶᠠᠨ ᠭᠦᠷᠢᠶᠡ ᠶᠢᠨ | ᠤᠷᠠᠨ ᠪᠢᠴᠢᠯᠬᠡ ᠨᠢ ᠵᠢᠷᠢᠮ ᠤᠷᠴᠢᠮ ᠤᠨ ᠲᠢᠭ ᠬᠡᠯᠪᠡᠷᠢ ᠶᠢᠨ ᠪᠦᠷᠢᠯᠳᠦᠯ ᠭᠦᠭᠵᠢᠯᠳᠠ ᠳᠤ ᠰᠢᠭᠤᠳ ᠨᠦᠯᠦᠬᠡ | ᠲᠤᠰᠬᠠᠯ ᠦᠵᠡᠭᠦᠯᠵᠡᠢ ᠬᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ | ᠴᠠᠭ ᠦᠶᠡ ᠶᠢᠨ ᠭᠦᠭᠵᠢᠯᠳᠠ ᠶᠢ ᠲᠠᠭᠠᠯᠳᠤᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠰᠢᠨᠡ ᠰᠢᠨᠡ ᠲᠢᠭ ᠬᠡᠯᠪᠡᠷᠢ ᠪᠠᠷ | ᠪᠢᠴᠢᠨ ᠤᠷᠤᠯᠳᠤᠳᠠᠭ ᠭᠦᠮᠦᠰ ᠤᠯᠠᠨ ᠪᠤᠯᠵᠦ ᠢᠷᠡᠵᠠᠢ᠃ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠬᠠᠷᠠᠭᠠ ᠪᠠᠷ ᠭᠦᠷᠢᠶᠡ ᠨᠤᠳᠤᠭ | ᠠᠴᠠ ᠪᠠᠨ ᠰᠠᠯᠵᠦ ᠪᠦᠭᠦ ᠤᠯᠤᠰ ᠤᠨ ᠡᠯᠡ ᠭᠠᠵᠠᠷ ᠲᠤ ᠠᠵᠢᠯᠯᠠᠵᠦ ᠶᠠᠪᠤᠭᠠ ᠤᠷᠠᠨ ᠪᠢᠴᠢᠯᠬᠡᠳᠡᠨ᠂ ᠬᠡᠷᠡᠯ | ᠵᠢᠷᠤᠭᠴᠢᠨ ᠤᠯᠠᠨ ᠤᠯᠠᠨ ᠪᠤᠢ᠃ ᠬᠤᠰᠢᠭᠤ ᠨᠤᠳᠤᠭ ᠲᠤ ᠪᠠᠨ ᠦᠯᠡᠳᠡᠵᠦ᠂ ᠭᠢᠴᠢᠶᠡᠯ ᠭᠦᠮᠦᠵᠢᠯ ᠳᠤ ᠪᠠᠨ | ᠵᠢᠳᠭᠦᠵᠦ ᠪᠠᠶᠢᠭᠠ ᠱᠤᠸᠠᠩᠵᠢᠨᠪᠠᠶᠠᠷ᠂ ᠬᠡᠷᠡᠯᠳᠦ᠂ ᠰᠢᠦ ᠱᠠᠨ᠂ ᠤᠳᠤᠨ᠂ ᠡᠷᠳᠡᠨᠢᠰᠠᠩ ᠵᠡᠷᠬᠡ ᠭᠦᠮᠦᠰ ᠠᠴᠠ | ᠪᠤᠰᠤᠳ ᠨᠢ ᠭᠠᠳᠠᠷ ᠭᠠᠵᠠᠷ ᠤᠷᠤᠨ ᠢᠶᠠᠷ ᠤᠷᠠᠨ ᠪᠢᠴᠢᠯᠬᠡ ᠪᠠᠨ ᠲᠦᠬᠡᠮᠡᠯᠵᠢᠭᠦᠯᠦᠨ ᠲᠠᠷᠬᠠᠭᠠᠬᠤ᠂ ᠲᠡᠯᠬᠡᠷᠡᠭᠦᠯᠦᠨ | ᠭᠦᠭᠵᠢᠭᠦᠯᠭᠦ ᠵᠦᠢᠯᠡᠰ ᠲᠤ ᠦᠪᠡᠷ ᠦᠪᠡᠷ ᠤᠨ ᠭᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠭᠦᠵᠦ ᠪᠤᠢ᠃ ᠡᠭᠦᠨ ᠤ ᠲᠤᠳᠤᠷᠠ ︽ | ᠭᠤᠷᠪᠠᠨ ᠪᠢᠴᠢᠯᠬᠡ ᠶᠢᠨ ᠠᠪᠤᠷᠭᠤ︾ ᠬᠡᠮᠡᠭᠳᠡᠵᠦ ᠶᠠᠪᠤᠭᠠ ᠫᠷᠤᠹᠧᠰᠰᠤᠷ ᠪᠠᠶᠠᠨᠬᠦᠦ ᠶᠢ ᠲᠤᠷᠠᠳᠤᠯᠳᠠᠢ᠂ ᠪᠠᠰᠠ | ᠵᠠᠯᠠᠭᠤ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠠ᠊᠂ ᠲᠦᠪᠰᠢᠨ᠂ ᠠᠯᠳᠠᠨᠰᠠᠩ᠂ ᠲᠦᠪᠰᠢᠨ᠂ ᠰᠠᠶᠢᠨᠮᠠᠨᠳᠤᠬᠤ ᠵᠡᠷᠬᠡ ᠭᠦᠮᠦᠰ ᠪᠤᠢ᠃ | ᠪᠠᠶᠠᠨᠬᠦᠦ ᠪᠤᠯ ᠭᠦᠬᠡᠬᠤᠳᠠ ᠦᠨᠳᠦᠰᠦᠳᠠᠨ ᠤ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠭᠢᠴᠢᠶᠠᠯ | ᠭᠦᠮᠦᠵᠢᠯ ᠳᠤ ᠨᠠᠰᠦ ᠪᠠᠷ ᠢᠶᠠᠨ ᠵᠢᠳᠭᠦᠭᠰᠡᠨ ᠭᠦᠮᠦᠨ ᠤ ᠨᠢᠬᠡ ᠨᠢ ᠶᠤᠮ᠃ ᠲᠡᠷᠡ ᠬᠠᠸᠠᠩᠵᠠᠪ ᠤᠨ ᠪᠢᠴᠢᠯᠬᠡ | ᠠᠴᠠ ᠲᠠᠭᠠᠨ ᠰᠤᠷᠤᠯᠴᠠᠵᠦ᠂ ᠰᠤᠳᠤᠯᠤᠨ ᠤᠷᠤᠯᠳᠤᠵᠦ᠂ ᠲᠦᠪ᠂ ᠲᠠᠳᠠᠯᠭᠠᠨ᠂ ᠭᠦᠶᠦᠯᠬᠡᠨ ᠪᠢᠴᠢᠯᠬᠡ ᠶᠢᠨ ᠲᠠᠯᠠ | ᠪᠠᠷ ᠦᠨᠳᠦᠷ ᠲᠦᠪᠰᠢᠨ ᠳᠤ ᠭᠦᠷᠴᠦ᠂ ᠦᠪᠡᠷ ᠤᠨ ᠬᠡᠰᠡᠨ ᠴᠡᠪᠡᠷ ᠴᠡᠮᠴᠡᠬᠡᠷ ᠲᠢᠭ ᠬᠡᠯᠪᠡᠷᠢ ᠶᠢ ᠡᠭᠦᠳᠦᠨ | ᠪᠦᠳᠦᠬᠡᠵᠦ᠂ ᠤᠯᠠᠨ ᠤ ᠪᠠᠨ ᠭᠦᠷᠢᠶᠡᠯᠡᠯ ᠢ ᠤᠯᠵᠦ ᠪᠠᠭ᠋ᠠᠷᠬᠠᠭᠳᠠᠨ ᠪᠢᠰᠢᠷᠡᠭᠳᠡᠵᠦ ᠶᠠᠪᠤᠨᠠ᠃ ᠮᠦᠨ ᠴᠦ | ᠭᠦᠬᠡᠬᠤᠳᠠ ᠤᠷᠤᠨ᠂ ᠴᠢᠨᠠᠭᠰᠢᠯᠠᠨ ᠪᠦᠭᠦ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠪᠤᠶᠦ ᠨᠠᠢᠮᠠᠨ ᠮᠤᠵᠢ ᠤᠷᠤᠨ ᠤ ᠲᠤᠳᠤᠷᠠ | ᠨᠦᠯᠦᠬᠡ ᠲᠤᠰᠬᠠᠯ ᠶᠡᠭᠡ ᠪᠠᠶᠢᠵᠦ᠂ ᠤᠯᠠᠩᠬᠢ ᠲᠤᠭᠠᠨ ᠤ ᠭᠦᠮᠦᠰ ᠲᠠᠭᠠᠨ ᠰᠤᠷᠤᠯᠴᠠᠵᠦ ᠪᠠᠶᠢᠭᠠ ᠭᠦᠬᠡᠬᠤᠳᠠ | ᠤᠷᠤᠨ ᠤ ᠲᠢᠭ ᠬᠡᠯᠪᠡᠷᠢ ᠶᠢᠨ ᠤᠨᠴᠠᠯᠢᠭ ᠢ ᠡᠭᠦᠰᠬᠡᠨ ᠪᠠᠶᠢᠭᠤᠯᠤᠭᠴᠢ ᠶᠢᠨ ᠨᠢᠬᠡ ᠨᠢ ᠪᠤᠯᠵᠠᠢ᠃ | ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠤᠷᠠᠨ ᠪᠢᠴᠢᠯᠬᠡᠳᠡᠳ ᠤᠷᠠᠨ ᠪᠢᠴᠢᠯᠬᠡ ᠪᠠᠷ ᠢᠶᠠᠨ ᠤᠯᠠᠨ ᠲᠡᠰ ᠦᠷᠬᠡᠨ ᠬᠡᠪᠴᠢᠶᠠᠨ | ᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠦ᠂ ᠱᠠᠩᠨᠠᠯ ᠭᠦᠬᠢᠭᠦᠯᠦᠯ ᠢ ᠲᠤᠰᠤᠭᠰᠠᠭᠠᠷ ᠢᠷᠡᠵᠡᠢ᠃ ᠡᠭᠦᠨ ᠳᠤ ᠪᠡᠶᠠᠨᠬᠦᠦ | 1997 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠦᠷᠪᠡᠳᠦᠬᠡᠷ ᠬᠤᠭᠤᠴᠠᠭᠠᠨ ᠤ ᠤᠷᠠᠨ | ᠪᠢᠴᠢᠯᠬᠡ ᠶᠢᠨ ᠦᠵᠡᠰᠭᠦᠯᠡᠩ ᠪᠤᠯᠤᠨ ᠬᠤᠸᠠᠪᠸᠠᠢ ᠤᠷᠤᠨ ᠤ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ | ᠦᠵᠡᠰᠭᠦᠯᠡᠩ ᠳᠤ ᠨᠢᠬᠡᠳᠦᠬᠡᠷ ᠲᠡᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠭᠰᠡᠨ ᠪᠠᠶᠢᠨᠠ᠃ 2007 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ | ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠠᠮᠤᠭ ᠲᠡᠬᠡᠳᠦ ︽ᠰᠠᠷᠠᠨᠠ︾ ᠱᠠᠩᠨᠠᠯ ᠢ ᠲᠤᠰᠴᠠᠢ᠃ ᠲᠠᠪᠤᠳᠤᠭᠠᠷ ᠤᠳᠠᠭᠠᠨ ᠤ | ᠤᠷᠤᠨ ᠤ ︽ᠡᠬᠡ ᠬᠡᠯᠡ︾ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ | ᠲᠤᠰᠴᠠᠢ᠃ 2013 ᠤᠨ ᠳᠤ ᠭᠦᠯᠦᠨ ᠪᠤᠶᠢᠷ ᠤᠨ ︽ᠠᠵᠢᠨᠠᠢ ᠭᠦᠯᠦᠭ︾ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ | ᠤᠷᠤᠯᠳᠤᠭᠠᠨ ᠳᠤ ᠲᠠᠷᠢᠭᠦᠨ ᠱᠠᠩᠨᠠᠯ ᠲᠤᠰᠴᠠᠢ᠃ 2012 ᠤᠨ ᠳᠤ ᠪᠦᠭᠦ ᠤᠯᠤᠰ ᠤᠨ ︽ᠰᠢᠨᠡ ᠤᠳᠤᠨ | ᠬᠤᠨᠳᠠᠭᠠᠳᠦ︾ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠪᠡ᠃ | ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ | ᠬᠢᠳᠠᠳ ᠦᠬᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠤᠨ ᠰᠤᠩᠭᠤᠳᠠᠭ ᠪᠦᠳᠦᠬᠡᠯ ᠢ ᠦᠰᠦᠨ ᠪᠢᠷ ᠢᠶᠠᠷ ᠪᠢᠴᠢᠭᠦ ᠤᠷᠤᠯᠳᠤᠭᠠᠨ | ᠳᠤ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠲᠤᠭᠤᠶᠢᠯᠠᠩ ᠤᠨ ᠨᠢᠬᠡᠳᠦᠬᠡᠷ ᠲᠡᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠪᠡ᠃ | 2010 ᠤᠨ ᠤ ᠪᠦᠭᠦ ᠤᠯᠤᠰ ᠤᠨ ︽ᠰᠠᠶᠢᠬᠠᠨ ᠬᠠᠨ ᠬᠤᠨᠳᠠᠭᠠᠳᠦ︾ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ | ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠪᠡ᠃ 2010 ᠤᠨ ᠳᠤ ᠶᠠᠫᠤᠨ ᠳᠤ ᠪᠤᠯᠤᠭᠰᠠᠨ 47 ᠳ᠋ᠤᠭᠠᠷ ᠤᠳᠠᠭᠠᠨ | ᠤ ᠤᠳᠦ ᠦᠶᠡ ᠶᠢᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠭᠤᠷᠪᠠᠳᠤᠭᠠᠷ ᠲᠠᠰ ᠤᠨ ᠱᠠᠩᠨᠠᠯ ᠭᠦᠷᠳᠡᠪᠡ᠃ | ᠡᠨᠡ ᠪᠦᠭᠦᠨ ᠨᠢ ᠲᠡᠭᠦᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠦᠨᠳᠦᠷ ᠠᠮᠵᠢᠯᠳᠠ᠂ ᠲᠡᠬᠡᠳᠦ ᠲᠦᠪᠰᠢᠨ ᠢ ᠬᠠᠷᠠᠭᠤᠯᠵᠦ | ᠪᠠᠶᠢᠭᠠ ᠶᠤᠮ᠃ | ᠲᠢᠭ ᠮᠠᠶ᠋ᠢᠭ ᠤᠨ ᠲᠠᠯᠠ ᠪᠠᠷ ᠡᠷᠳᠡᠨᠢᠪᠦᠭᠡ ᠪᠠᠭᠰᠢ ᠪᠤᠯ ᠵᠢᠷᠢᠮ ᠤᠨ ᠲᠢᠭ ᠮᠠᠶ᠋ᠢᠭ ᠤᠨ ᠲᠠᠭᠠᠭᠤᠯᠤᠭᠴᠢ ᠪᠤᠶᠦ | ᠡᠭᠦᠳᠦᠭᠴᠢ ᠪᠠᠶᠢᠵᠦ᠂ ᠰᠢᠭᠤᠳ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠲᠢᠭ ᠮᠠᠶ᠋ᠢᠭ ᠤᠨ ᠬᠡᠯᠪᠡᠷᠢ ᠶᠢ ᠨᠦᠯᠦᠬᠡᠯᠡᠵᠠᠢ ᠬᠡᠵᠦ | ᠪᠤᠯᠤᠨᠠ᠃ ᠡᠭᠦᠨ ᠳᠤ ᠭᠦᠷᠢᠶᠡ ᠬᠤᠰᠢᠭᠤ ᠨᠤᠳᠤᠭ ᠠᠴᠠ ᠪᠠᠨ ᠴᠤᠯᠭᠤᠷᠠᠭᠰᠠᠨ ᠡᠳᠦᠢ ᠲᠡᠳᠦᠢ ᠪᠢᠴᠢᠯᠬᠡᠳᠡᠨ᠂ | ᠪᠦᠭᠦ ᠤᠷᠤᠨ ᠤ ᠡᠯᠡ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠲᠠᠷᠬᠠᠵᠦ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠷᠤᠨ ᠤ ᠤᠷᠠᠨ ᠪᠢᠴᠢᠯᠬᠡ ᠶᠢᠨ | ᠤᠨᠴᠠᠯᠢᠭ ᠤᠨ ᠨᠦᠯᠦᠬᠡ ᠪᠠᠷ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠰᠢᠨᠵᠢ ᠲᠠᠢ ᠤᠯᠠᠨ ᠲᠦᠷᠦᠯᠳᠦ ᠬᠡᠯᠪᠡᠷᠢ ᠶᠢ | ᠪᠦᠷᠢᠯᠳᠦᠭᠦᠯᠦᠨ ᠭᠦᠭᠵᠢᠵᠦ ᠪᠤᠢ᠃ ᠡᠳᠡᠬᠡᠷ ᠤᠷᠠᠨ ᠪᠢᠴᠢᠯᠬᠡᠳᠡᠳ ᠤᠨ ᠲᠤᠳᠤᠷᠠ ᠵᠠᠭᠤᠨ ᠤ ᠶᠠᠷᠠᠬᠡᠳ ᠨᠢ ᠪᠦᠷ | ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠠᠵᠢᠯ ᠤᠨ ᠪᠠᠶᠢᠷᠢ ᠲᠡᠬᠡᠷᠡ ᠪᠠᠶᠢᠵᠦ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠭᠦᠭᠵᠢᠯᠳᠠ | ᠲᠠᠪᠰᠢᠯᠳᠠ᠂ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠲᠠᠯᠠ ᠪᠠᠷ ᠰᠢᠨᠡ ᠶᠢ ᠡᠭᠦᠳᠴᠦ᠂ ᠤᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠦᠶᠡ | ᠤᠯᠠᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠰᠤᠷᠤᠭᠴᠢᠳ ᠪᠠ ᠨᠡᠶᠢᠬᠡᠮ ᠤᠨ ᠤᠷᠠᠨ ᠪᠢᠴᠢᠯᠬᠡ ᠶᠢᠨ ᠪᠠᠭ᠋ᠠᠳᠠᠳ ᠢ ᠭᠦᠮᠦᠵᠢᠭᠦᠯᠦᠨ | ᠭᠠᠷᠭᠠᠵᠠᠢ᠃ ᠤᠨᠴᠠᠭᠠᠶᠢᠯᠠᠨ 2012 ᠤᠨ ᠳᠤ ᠤᠯᠤᠰ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠶᠠᠮᠤᠨ ᠠᠴᠠ ᠤᠷᠠᠨ | ᠪᠢᠴᠢᠯᠬᠡ ᠶᠢ ᠬᠢᠴᠢᠶᠡᠯ ᠤᠨ ᠲᠢᠩᠬᠢᠮ ᠳᠤ ᠤᠷᠤᠭᠤᠯᠤᠭᠰᠠᠨ ᠠᠴᠠ ᠡᠬᠢᠯᠡᠨ ᠡᠨᠡ ᠲᠠᠯᠠ ᠶᠢᠨ ᠠᠵᠢᠯᠯᠠᠭᠠ ᠨᠢ ᠢᠯᠡ | ᠲᠤᠳᠤᠷᠬᠠᠢ᠂ ᠪᠤᠳᠠᠳᠠᠢ᠂ ᠡᠷᠴᠢᠮᠳᠠᠢ ᠪᠠᠷ ᠶᠠᠪᠤᠭᠳᠠᠵᠦ᠂ ᠮᠠᠨ ᠤ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯ | ᠵᠠᠯᠭᠠᠮᠵᠢᠯᠠᠯ ᠤᠨ ᠦᠢᠯᠡᠰ ᠲᠤ ᠭᠠᠷᠮᠠᠭᠠᠢ ᠵᠢᠳᠭᠦᠯ ᠦᠵᠡᠭᠦᠯᠵᠦ᠂ ᠴᠢᠨᠠᠭᠰᠢᠯᠠᠨ ᠪᠦᠭᠦ ᠮᠤᠩᠭᠤᠯ ᠰᠤᠶᠤᠯ ᠤᠨ | ᠲᠦᠯᠦᠬᠡ ᠴᠢᠷᠮᠠᠶᠢᠵᠦ᠂ ᠨᠢᠬᠡ ᠮᠦᠷᠤᠨ ᠤ ᠭᠦᠴᠦᠨ ᠢᠶᠠᠨ ᠡᠷᠭᠦᠵᠦ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠤᠨᠴᠠ ᠲᠤᠷᠠᠳᠤᠯᠳᠠᠢ | ᠨᠢ ᠪᠠᠶᠠᠨᠬᠦᠦ᠂ ᠲᠦᠪᠰᠢᠨ᠂ ᠱᠤᠸᠠᠩᠵᠢᠨᠪᠠᠶᠠᠷ᠂ ᠬᠡᠷᠡᠯᠳᠦ ᠵᠡᠷᠬᠡ ᠪᠠᠭᠰᠢ ᠪᠤᠢ᠃ | ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠬᠡ ᠨᠢ ᠭᠦᠷᠢᠶᠡ ᠶᠢᠨ ᠭᠦᠮᠦᠨ ᠠᠷᠠᠳ ᠤᠨ ᠢᠶᠠᠨ ᠲᠤᠳᠤᠷᠠ ᠭᠦᠮᠦᠰ ᠤᠨ | ᠬᠤᠭᠤᠷᠤᠨᠳᠦᠬᠢ ᠤᠷᠠᠯᠢᠭ ᠤᠨ ᠰᠤᠯᠢᠯᠴᠠᠭᠠ᠂ ᠢᠯᠠᠩᠭᠤᠶᠠ ᠵᠠᠩ ᠠᠷᠠᠨᠰᠢᠨ ᠢᠶᠠᠨ ᠰᠤᠯᠢᠯᠴᠡᠵᠦ᠂ ᠲᠡᠤᠬᠡ ᠰᠤᠶᠤᠯ | ᠢᠶᠠᠨ ᠮᠡᠳᠡᠷᠡᠭᠦ᠂ ᠰᠤᠷᠤᠯᠴᠠᠨ ᠰᠤᠳᠤᠯᠬᠤ ᠵᠡᠷᠬᠡ ᠲᠠᠯᠠ ᠳᠤ ᠭᠦᠭᠦᠷᠬᠡ ᠬᠤᠯᠪᠤᠭᠠᠰᠦ ᠶᠢᠨ ᠦᠢᠯᠡᠳᠦᠯ ᠢᠶᠠᠨ | ᠪᠠᠳᠠᠷᠠᠭᠤᠯᠤᠭᠰᠠᠭᠠᠷ ᠢᠷᠡᠵᠦ᠂ ᠬᠤᠵᠢᠮ ᠢᠷᠡᠬᠡᠳᠦᠢ ᠳᠤ ᠡᠭᠦᠨ ᠠᠴᠠ ᠪᠠᠨ ᠨᠡᠩ ᠭᠦᠨ ᠭᠦᠨᠵᠡᠬᠡᠢ᠂ ᠨᠡᠩ ᠦᠷᠬᠡᠨ | ᠲᠠᠯᠠᠶᠢᠴᠠᠳᠠᠢ᠂ ᠤᠯᠠᠮ ᠨᠦᠯᠦᠬᠡ ᠲᠤᠰᠬᠠᠯ ᠲᠠᠢ ᠪᠠᠷ ᠡᠨᠡ ᠭᠦ ᠦᠢᠯᠡᠳᠦᠯ ᠢᠶᠠᠨ ᠪᠠᠳᠠᠷᠠᠭᠤᠯᠬᠤ ᠨᠢ ᠯᠠᠪᠳᠠᠢ ᠶᠤᠮ᠃ |