| ᠠᠯᠳᠠᠠᠭᠠᠳᠠᠰᠦ（1876 — 1954）᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠠᠯᠳᠠᠷᠳᠦ ᠬᠤᠭᠤᠷᠴᠢ᠂ ᠭᠦᠷᠢᠶᠡ | ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠬᠠᠷᠠᠭᠤᠤ ᠰᠤᠮᠤ ᠶᠢᠨ ᠲᠠᠪᠤᠨᠬᠡᠷ ᠠᠶᠢᠯ ᠤᠨ ᠭᠦᠮᠦᠨ ᠪᠤᠯᠤᠨᠠ᠃ ᠪᠠᠭᠠ ᠶᠢᠨ ᠦᠶᠡ | ᠳᠡᠭᠡᠨ ᠯᠠᠮᠠ ᠪᠤᠯᠵᠦ ᠦᠩᠬᠡᠷᠡᠪᠡ᠃ ᠲᠡᠷᠡ ᠰᠦᠮᠡ ᠶᠢᠨ ᠠᠮᠢᠳᠤᠷᠠᠯ ᠳᠤ ᠤᠶᠢᠳᠬᠤ ᠳᠠᠭᠠᠨ ᠰᠡᠮᠡᠬᠡᠷᠬᠡᠨ ᠰᠦᠮᠡ | ᠠᠴᠠ ᠪᠠᠨ ᠰᠠᠯᠤᠭᠠᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠦᠪᠡᠷ ᠤᠨ ᠢᠶᠠᠨ ᠬᠠᠮᠤᠭ ᠤᠨ ᠲᠤᠷᠠ ᠪᠠᠭ᠋ᠠᠳᠠᠢ ᠦᠯᠢᠬᠡᠷ ᠬᠡᠯᠡᠭᠦ | ᠤᠷᠠᠯᠢᠭ ᠤᠨ ᠵᠠᠮ ᠢ ᠰᠤᠩᠭᠤᠪᠠ᠃ ᠲᠡᠷᠡ ᠭᠤᠴᠢᠭᠠᠳ ᠨᠠᠰᠤᠨ ᠤ ᠦᠶᠡ ᠳᠡᠭᠡᠨ ᠬᠠᠳᠠᠮ ᠬᠠᠷᠢ ᠪᠠᠨ ᠲᠦᠰᠢᠵᠦ | ᠭᠦᠷᠢᠶᠡ ᠪᠠᠯᠭᠠᠰᠦ ᠶᠢᠨ ᠶᠠᠩᠰᠢᠪ ᠭᠠᠴᠠᠭᠠ ᠶᠢᠨ ᠬᠠᠷᠠ ᠡᠷᠬᠢ ᠠᠶᠢᠯ ᠳᠤ ᠤᠳᠠᠭᠠᠨ ᠵᠢᠯ ᠨᠤᠳᠤᠭᠰᠢᠨ ᠠᠮᠢᠳᠤᠷᠠᠪᠠ | ᠃ ᠲᠡᠭᠦᠨ ᠠᠴᠠ ᠨᠢᠬᠡ ᠭᠦᠦ᠂ ᠨᠢᠬᠡ ᠦᠬᠢᠨ ᠲᠠᠢ᠃ ᠭᠦᠦ ᠨᠢ ᠰᠧᠪᠡᠭ ᠬᠡᠵᠦ ᠭᠠᠵᠠᠷ ᠰᠢᠷᠤᠢ ᠶᠢᠨ | ᠦᠬᠡᠷᠡᠴᠢᠯᠠᠯᠳᠠ ᠶᠢᠨ ᠦᠶᠡ ᠳᠤ ᠲᠠᠷᠢᠶᠠᠴᠢᠨ ᠤ ᠬᠤᠷᠠᠯ ᠤᠨ ᠲᠠᠷᠤᠭᠠ ᠪᠠᠷ ᠶᠠᠪᠤᠵᠦ ᠪᠠᠶᠢᠵᠠᠢ᠃ | ᠠᠯᠳᠠᠠᠭᠠᠳᠠᠰᠦ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠤᠷᠴᠠ ᠰᠡᠷᠭᠦᠯᠡᠩ᠂ ᠠᠪᠬᠠᠯᠵᠢ ᠰᠠᠶᠢᠳᠠᠢ᠂ ᠦᠯᠢᠬᠡᠷ | ᠬᠤᠯᠪᠤᠭᠠ᠂ ᠠᠷᠠᠳ ᠤᠨ ᠲᠠᠭᠤᠤ ᠵᠡᠷᠬᠡ ᠶᠢ ᠰᠤᠨᠤᠰᠴᠦ ᠰᠤᠨᠢᠷᠬᠠᠬᠤ ᠲᠤᠷᠠᠳᠠᠢ᠃ ᠬᠤᠷᠢᠨ ᠨᠠᠰᠤᠨ ᠤ ᠦᠶᠡ | ᠳᠡᠭᠡᠨ ᠲᠦᠷᠪᠡᠨ ᠤᠳᠠᠰᠤᠳᠦ ᠬᠤᠭᠤᠷ ᠢ ᠬᠠᠩᠬᠢᠨᠠᠳᠠᠯᠠ ᠰᠠᠶᠢᠬᠠᠨ ᠲᠠᠳᠠᠵᠦ ᠴᠢᠳᠠᠬᠤ ᠪᠤᠯᠪᠠ᠃ ᠢᠩᠬᠢᠬᠡᠳ ᠲᠡᠷᠡ | ᠦᠯᠢᠬᠡᠷ ᠤᠨ ᠲᠠᠪᠳᠠᠷ ᠦᠵᠡᠵᠦ ᠦᠯᠢᠬᠡᠷ ᠴᠡᠬᠡᠵᠢᠯᠠᠨ᠂ ᠦᠯᠢᠬᠡᠷ ᠬᠡᠯᠡᠵᠦ ᠴᠢᠳᠠᠬᠤ ᠬᠢᠷᠢ ᠬᠡᠮᠵᠢᠶᠡ ᠲᠠᠢ ᠪᠤᠯᠤᠭᠠᠳ | ᠤᠶᠢᠷᠠ ᠤᠷᠴᠢᠮ ᠳᠠᠭᠠᠨ ᠠᠯᠳᠠᠷᠳᠦ ᠬᠤᠭᠤᠴᠢ ᠬᠡᠮᠡᠨ ᠨᠠᠷᠠ ᠠᠯᠳᠠᠷᠰᠢᠪᠠ᠃ ᠠᠯᠳᠠᠠᠭᠠᠳᠠᠰᠦ ᠲᠦᠴᠢᠨ ᠨᠠᠰᠤᠨ ᠤ | ᠦᠶᠡ ᠳᠡᠭᠡᠨ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠯᠤᠪᠰᠡᠩᠷᠢᠨᠴᠢᠨ ᠵᠠᠰᠠᠭ ᠯᠠᠮᠠ ᠶᠢᠨ ᠲᠤᠰᠬᠠᠢ ᠬᠤᠭᠤᠷᠴᠢ ᠪᠤᠯᠵᠦ᠂ ︽ | ᠱᠠᠩ ᠤᠯᠤᠰ ᠤᠨ ᠦᠯᠢᠬᠡᠷ︾ ᠢ ᠤᠯᠠᠨ ᠤᠳᠠᠭᠠ ᠬᠡᠯᠡᠵᠦ ᠦᠩᠬᠡᠷᠡᠪᠡ᠃ | ᠲᠡᠭᠦᠨ ᠤ ᠬᠡᠯᠡᠭᠰᠡᠨ ᠦᠯᠢᠬᠡᠷ ᠤᠳ ᠬᠡᠪᠡᠯ᠄ ︽ᠵᠡᠭᠦᠨ ᠬᠠᠨ ᠤᠯᠤᠰ ᠤᠨ ᠦᠯᠢᠬᠡᠷ︾᠂ ︽ᠵᠡᠭᠦᠨ ᠯᠢᠶᠦᠦ | ᠤᠯᠤᠰ ᠤᠨ ᠦᠯᠢᠬᠡᠷ︾᠂ ︽ᠲᠠᠩ ᠤᠯᠤᠰ ᠤᠨ ᠯᠢ ᠱᠢ ᠮᠢᠨ ᠤ ᠦᠯᠢᠬᠡᠷ︾᠂ ︽ᠭᠤᠷᠪᠠᠨ ᠤᠯᠤᠰ ᠤᠨ | ᠦᠯᠢᠬᠡᠷ︾ ᠵᠡᠷᠬᠡ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠡᠭᠡᠨ ︽ᠱᠠᠩ ᠤᠯᠤᠰ ᠤᠨ ᠦᠯᠢᠬᠡᠷ︾ | ᠢ ᠤᠯᠠᠨ ᠤᠳᠠᠭᠠ ᠬᠡᠯᠡᠵᠦ ᠲᠡᠭᠦᠰᠬᠡᠪᠡ᠃ ᠲᠡᠭᠦᠨ ᠤ ᠦᠯᠢᠬᠡᠷ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠬᠡᠪᠡᠯ᠄ ᠦᠰᠦᠷᠤᠯᠳᠠ | ᠶᠡᠭᠡ ᠲᠠᠢ᠂ ᠬᠤᠪᠢᠷᠠᠯᠳᠠ ᠤᠯᠠᠨ᠃ ᠲᠡᠷᠡ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯᠤᠨ ᠪᠦᠬᠡ ᠶᠢᠨ ᠠᠶᠠ ᠶᠢ ᠦᠯᠢᠬᠡᠷ ᠲᠡᠭᠡᠨ | ᠰᠢᠮᠡᠳᠬᠡᠨ ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶᠠ ᠪᠤᠯᠤᠨ ᠬᠡᠪᠰᠢᠮᠠᠯ ᠦᠬᠡ ᠶᠢ ᠤᠷᠭᠠᠨᠢᠭ ᠬᠡᠷᠡᠭᠯᠡᠳᠡᠭ ᠲᠤᠯᠠ ᠦᠯᠢᠬᠡᠷ ᠤᠨ | ᠬᠢᠨᠢ ᠦᠢᠯᠡ ᠶᠠᠪᠤᠳᠠᠯ ᠨᠢ ᠪᠠᠶᠠᠯᠢᠭ᠂ ᠭᠦᠮᠦᠨ ᠤ ᠲᠦᠷᠢ ᠨᠢ ᠠᠮᠢᠳᠤᠯᠢᠭ ᠪᠠᠶᠢᠳᠠᠭ᠃ | ᠠᠯᠳᠠᠠᠭᠠᠳᠠᠰᠦ ᠬᠤᠭᠤᠷᠴᠢ ᠦᠯᠢᠬᠡᠷ ᠰᠠᠶᠢᠨ ᠬᠡᠯᠡᠭᠦ ᠪᠠᠷ ᠦᠯᠦ ᠪᠠᠷᠠᠮ ᠵᠢᠷᠤᠬᠠᠢ ᠨᠤᠮ ᠢ ᠰᠤᠳᠤᠯᠤᠨ | ᠰᠢᠨᠵᠢᠯᠡᠵᠦ ᠬᠤᠷᠢᠮ ᠬᠢᠭᠦ᠂ ᠬᠡᠷ ᠲᠡᠷᠬᠡ ᠪᠠᠷᠢᠬᠤ᠂ ᠭᠠᠳᠠᠭᠰᠢ ᠲᠤᠳᠤᠭᠰᠢ ᠭᠠᠷᠬᠤ᠂ ᠪᠡᠷᠢ ᠭᠤᠶᠤᠬᠤ᠂ ᠲᠠᠷᠠᠴᠢᠯᠠᠨ | ᠭᠦᠦ᠂ ᠦᠭᠢᠨ ᠲᠠᠢ ᠪᠤᠯᠬᠤ ᠵᠡᠷᠬᠡ ᠤᠯᠠᠨ ᠵᠦᠢᠯ ᠤᠨ ᠦᠵᠡᠯᠬᠡ ᠲᠦᠯᠬᠡ ᠦᠵᠡᠵᠦ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠰᠠ ᠭᠠᠯ | ᠲᠠᠬᠢᠬᠤ᠂ ᠲᠡᠭᠷᠢ ᠲᠠᠬᠢᠬᠤ᠂ ᠦᠳᠦᠷᠮᠠ ᠲᠠᠬᠢᠬᠤ᠂ ᠤᠪᠤᠭᠠ ᠲᠠᠬᠢᠬᠤ᠂ ᠨᠤᠳᠤᠭ ᠤᠰᠦ ᠠᠷᠢᠭᠤᠳᠬᠠᠬᠤ ᠮᠠᠳᠦ | ᠶᠢᠨ ᠵᠠᠩ ᠦᠢᠯᠡ ᠶᠢᠨ ᠠᠵᠢᠯᠯᠠᠭᠠ ᠶᠢ ᠪᠤᠰᠤᠳ ᠤᠨ ᠵᠠᠯᠠᠯᠭᠠ ᠪᠠᠷ ᠬᠢᠵᠦ ᠦᠢᠯᠡᠳᠵᠦ ᠪᠠᠶᠢᠵᠠᠢ᠃ | ᠠᠯᠳᠠᠠᠭᠠᠳᠠᠰᠦ ᠪᠤᠯ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠬᠠᠷᠠ ᠡᠷᠬᠢ ᠶᠢᠨ ᠷᠢᠨᠴᠢᠨ ᠬᠤᠭᠤᠷᠴᠢ ᠶᠢᠨ ᠨᠠᠭᠠᠴᠦ ᠡᠪᠦᠭᠡ | ᠨᠢ ᠪᠤᠯᠤᠨᠠ᠃ ᠲᠡᠭᠦᠨ ᠤ ᠭᠦᠦ᠂ ᠦᠬᠢᠨ ᠨᠢ ᠪᠦᠷ ᠨᠠᠰᠦ ᠪᠠᠷᠠᠭᠰᠠᠨ ᠪᠦᠬᠡᠳ ᠤᠮᠪᠤᠯᠤ ᠲᠤᠮᠪᠤᠯᠤ ᠨᠢ ᠲᠡᠭᠦᠨ ᠤ | ᠲᠤᠬᠠᠢ ᠤᠭᠳᠦ ᠮᠡᠳᠡᠭᠦ ᠦᠬᠡᠢ ᠲᠤᠯᠠ ᠲᠡᠭᠦᠨ ᠤ ᠵᠢᠬᠡ ᠪᠡᠷᠢ ᠨᠢ ᠬᠡᠷᠡᠯ ︵17 ᠨᠠᠰᠤᠳᠠᠢ︶ ᠲᠡᠬᠡᠷᠡᠬᠢ ᠪᠠᠶᠢᠳᠠᠯ ᠢ | ᠬᠡᠯᠡᠵᠦ ᠦᠭᠭᠦᠪᠡ᠃ ︵ᠬᠠᠷᠠ ᠡᠷᠬᠢ ᠶᠢᠨ ᠬᠡᠷᠡᠯ ᠬᠡᠯᠡᠵᠦ᠂ ᠰ᠊᠂ ᠠᠶᠤᠯᠭᠦᠢ ᠡᠮᠭᠢᠳᠬᠡᠪᠡ︶ |