| ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ | | | | | | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ︵象教寺︶ ᠨᠢ ᠡᠬᠡ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠬᠡᠶᠢᠳ ᠤᠨ ᠵᠡᠭᠦᠨ | ᠲᠠᠯᠠ ᠳᠤ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ᠃ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠶᠢᠰᠦᠳᠦᠬᠡᠷ ᠤᠨ ︵1670 ᠤᠨ︶ ᠳᠤ | ᠪᠠᠶᠢᠭᠤᠯᠵᠠᠢ᠃ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠢ ᠪᠠᠰᠠ ᠸᠠᠩ ᠤᠨ ᠤᠷᠳᠤᠨ ᠤ ᠰᠦᠮᠡ ︵王爷府庙︶ | ᠬᠡᠵᠦ ᠬᠡᠯᠡᠳᠡᠭ᠃ ᠤᠴᠢᠷ ᠨᠢ ᠰᠢᠷᠡᠬᠡᠳᠦ ᠭᠦᠷᠢᠶᠡ ᠶᠢᠨ ᠨᠤᠶᠠᠷᠬᠠᠯ ᠤᠨ ᠪᠠᠶᠢᠭᠤᠯᠤᠮᠵᠢ — ᠵᠠᠰᠠᠭ ᠳ᠋ᠠ ᠯᠠᠮᠠ ᠶᠢᠨ | ᠠᠵᠢᠯᠯᠠᠬᠤ ᠭᠠᠵᠠᠷ ᠪᠠ ᠲᠦᠷᠦ ᠱᠠᠰᠢᠨ ᠤ ᠡᠷᠬᠡ ᠶᠢ ᠶᠠᠪᠤᠭᠳᠠᠭᠤᠯᠬᠤ ᠲᠠᠮᠠᠭᠠᠨ ᠭᠠᠵᠠᠷ ᠪᠠᠶᠢᠭᠠ ᠪᠤᠯᠬᠤᠷ ᠸᠠᠩ ᠤᠨ | ᠤᠷᠳᠤᠨ ᠤ ᠰᠦᠮᠡ ᠬᠡᠵᠦ ᠬᠡᠯᠡᠳᠡᠭ᠃ | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠨᠢ ᠰᠦᠮᠡ ᠶᠢᠨ ᠬᠠᠭᠠᠯᠭᠠ᠂ ᠮᠠᠶᠢᠳᠠᠷᠢ ᠪᠤᠷᠬᠠᠨ ᠤ ᠬᠠᠷᠰᠢ᠂ ᠠᠶᠤᠰᠢ ᠶᠢᠨ | ᠰᠦᠮᠡ᠂ ᠬᠠᠰ ᠲᠤᠯᠭᠠᠭᠤᠷᠳᠦ ᠲᠠᠩᠬᠢᠮ᠂ ᠳ᠋ᠠᠷᠠ ᠡᠬᠡ ᠶᠢᠨ ᠰᠦᠮᠡ ᠵᠡᠷᠬᠡ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠦᠬᠡᠳ ᠲᠡᠭᠦᠨ | ᠤ ᠪᠠᠷᠢᠯᠭᠠ ᠨᠢ ᠡᠳᠡᠬᠡᠳ ᠤᠨᠴᠠᠯᠢᠭ ᠲᠠᠢ᠃ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠨᠢ ᠭᠦᠷᠢᠶᠡᠨ ᠬᠡᠷᠡᠮ ᠤᠨ ᠲᠤᠳᠤᠷᠠ | ᠪᠠᠶᠢᠵᠦ᠂ ᠡᠮᠦᠨᠡ ᠲᠠᠯᠠ ᠳᠤ ᠨᠢ ᠴᠠᠮ ᠤᠨ ᠲᠠᠯᠠᠪᠤᠷ ᠲᠠᠢ᠃ ᠡᠬᠡ ᠶᠦᠭᠡᠨ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ ᠶᠢᠨ ᠴᠠᠭᠠᠨ | ᠰᠠᠷᠠ ᠶᠢᠨ ᠬᠤᠷᠠᠯ ᠪᠤᠯᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠠᠯ ᠲᠡᠬᠡᠷᠡ ᠴᠦᠮ ᠠᠳᠠ ᠴᠠᠮ ᠴᠠᠮᠨᠠᠳᠠᠭ᠃ | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠤᠨ ᠬᠠᠭᠠᠯᠭᠠ ᠨᠢ ᠭᠤᠷᠪᠠᠨ ᠵᠠᠩ ᠰᠦᠮᠡ ᠪᠤᠯᠤᠨᠠ᠃ ᠭᠤᠷᠪᠠᠨ ᠡᠭᠦᠳᠠ ᠲᠠᠢ᠂ | ᠭᠤᠤᠯ ᠲᠤᠮᠳᠠᠬᠢ ᠶᠡᠭᠡ ᠡᠭᠦᠳᠠ ᠶᠢ ᠶᠡᠷᠦ ᠶᠢᠨ ᠴᠠᠭ ᠲᠤ ᠨᠡᠬᠡᠬᠡᠭᠦ ᠦᠬᠡᠢ᠂ ᠵᠦᠪᠬᠡᠨ ᠬᠤᠶᠠᠷ ᠲᠠᠯᠠ ᠶᠢᠨ ᠪᠠᠭᠠ | ᠡᠭᠦᠳᠡ ᠪᠠᠷ ᠭᠠᠷᠴᠦ ᠤᠷᠤᠳᠠᠭ ᠪᠠᠶᠢᠨᠠ᠃ ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠲᠤᠰ ᠪᠦᠷᠢ ᠬᠤᠶᠠᠷ | ᠵᠠᠩ ᠵᠢᠭᠦᠷ ᠤᠨ ᠬᠡᠷ ᠲᠠᠢ᠃ ᠪᠠᠷᠠᠭᠤᠨ ᠲᠠᠯᠠ ᠶᠢ ᠨᠢ ᠵᠡᠭᠦᠨ ᠡᠮᠦᠨᠡ ᠵᠦᠭ ᠬᠠᠨᠳᠤᠭᠤᠯᠵᠦ᠂ ᠵᠡᠭᠦᠨ ᠲᠠᠯᠠ ᠶᠢ ᠨᠢ | ᠪᠠᠷᠠᠭᠤᠨ ᠡᠮᠦᠨᠡ ᠵᠦᠭ ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠠᠢ᠃ ᠴᠠᠮ ᠴᠠᠮᠨᠠᠬᠤ ᠦᠶᠡ ᠳᠤ ᠵᠠᠰᠠᠭ᠂ ᠲᠠᠮᠴᠢ ᠵᠡᠷᠬᠡ ᠬᠡᠷᠬᠡᠮᠳᠡᠨ | ᠯᠠᠮᠠ ᠠᠳᠠ ᠰᠠᠭᠤᠵᠦ ᠴᠠᠮ ᠢ ᠦᠵᠡᠳᠡᠭ᠃ ᠲᠠᠯᠠᠪᠤᠷ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠭᠦᠷᠢᠶᠡᠨ ᠬᠡᠷᠡᠮ ᠤᠨ ᠲᠤᠳᠤᠨᠠ | ᠦᠨᠳᠦᠷ ᠢᠶᠠᠷ ᠢᠶᠠᠨ ᠨᠢᠬᠡ ᠬᠤᠤᠰ ᠠᠯᠳᠠ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠠᠷᠪᠠᠭᠠᠳ ᠬᠤᠤᠰ ᠠᠯᠳᠠ ᠤᠷᠳᠦ ᠬᠠᠯᠬᠠᠪᠴᠢ | ᠬᠡᠷᠡᠮ ᠲᠠᠢ᠂ ᠬᠡᠷᠡᠮ ᠢ ᠨᠠᠭᠠᠯᠳᠤᠭᠤᠯᠤᠨ ᠬᠠᠨᠵᠦ ᠬᠡᠯᠪᠡᠷᠢ ᠲᠠᠢ ᠲᠠᠶᠢᠰᠠ ᠵᠤᠬᠢᠶᠠᠵᠠᠢ᠃ ᠴᠠᠮ ᠴᠠᠮᠨᠠᠬᠤ ᠦᠶᠡ ᠳᠤ | ᠡᠨᠡ ᠲᠠᠶᠢᠰᠠᠨ ᠲᠡᠬᠡᠷᠡ ᠤᠮᠵᠠᠳ᠂ ᠬᠠᠮᠵᠠ ᠪᠤᠯᠤᠨ ᠭᠦᠭᠵᠢᠮᠴᠢᠨ ᠯᠠᠮᠠ ᠭᠤᠴᠢ ᠭᠠᠷᠤᠢ ᠰᠢᠬᠠᠮ ᠭᠦᠮᠦᠨ | ᠰᠠᠭᠤᠳᠠᠭ᠃ ᠴᠠᠮ ᠤᠨ ᠲᠠᠯᠠᠪᠤᠷ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠶᠡᠭᠡ ᠡᠭᠦᠳᠡ ᠶᠢᠨ ᠡᠮᠦᠨᠡ ᠨᠢᠬᠡᠨ ᠬᠤᠳᠳᠤᠭ ᠲᠠᠢ᠂ | ᠬᠤᠳᠳᠤᠭ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠲᠠᠪᠤᠨ ᠵᠠᠩ ᠬᠤᠭᠤᠯᠠᠨ ᠬᠡᠷ ᠪᠠᠶᠢᠵᠦ᠂ ᠲᠤᠳᠤᠷᠠ ᠨᠢ ᠨᠢᠬᠡ ᠯᠡ ᠤᠳᠠᠭᠠ | ᠳᠤ ᠬᠤᠶᠠᠷ ᠳ᠋ᠠᠨ ᠪᠤᠳᠠᠭᠠ ᠴᠢᠨᠠᠳᠠᠭ ᠲᠤᠮᠤ ᠮᠠᠩᠵᠠᠨ ᠲᠤᠭᠤᠭᠠ ᠨᠢᠬᠡ᠂ ᠪᠠᠭᠠ ᠮᠠᠩᠵᠠᠨ ᠲᠤᠭᠤᠭᠠ ᠬᠤᠶᠠᠷ | ᠪᠠᠶᠢᠳᠠᠭ᠃ ᠤᠳᠠᠭᠠ ᠪᠦᠷᠢ ᠶᠢᠨ ᠬᠤᠷᠠᠯ ᠴᠤᠭᠯᠠᠭᠠᠨ ᠬᠢᠭᠦ ᠳᠤ ᠡᠨᠡ ᠲᠤᠭᠤᠭᠠᠨ ᠳᠤ ᠪᠤᠳᠠᠭᠠ ᠴᠢᠨᠠᠳᠠᠭ᠃ | ᠰᠦᠮᠡ ᠶᠢᠨ ᠬᠠᠭᠠᠯᠭᠠ ᠪᠠᠷ ᠲᠤᠳᠤᠭᠰᠢ ᠤᠷᠤᠪᠠᠯ ᠬᠤᠶᠠᠳᠤᠭᠠᠷ ᠭᠦᠷᠢᠶᠡ ᠪᠤᠯᠤᠨᠠ᠃ | | | | | ᠬᠤᠶᠠᠳᠤᠭᠠᠷ ᠭᠦᠷᠢᠶᠡᠨ ᠳᠤ ᠭᠤᠷᠪᠠᠨ ᠵᠠᠩ ᠬᠡᠪᠴᠢᠶᠡ ᠲᠠᠢ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠭᠦᠷᠢᠶᠡᠨ ᠤ ᠭᠤᠤᠯ | ᠲᠤᠮᠳᠠ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ᠃ ᠭᠤᠤᠯ ᠰᠦᠮᠡ ᠶᠢᠨ ᠡᠭᠦᠳᠡᠨ ᠲᠡᠬᠡᠷᠡ ᠮᠤᠩᠭᠤᠯ᠂ ᠬᠢᠳᠡᠳ᠂ ᠲᠦᠪᠡᠳ ᠢᠶᠠᠷ | ᠪᠢᠴᠢᠭᠰᠡᠨ ᠢᠯᠡᠷᠬᠡᠶᠢᠯᠡᠯ ᠬᠠᠷᠠᠭᠳᠠᠳᠠᠭ᠃ ᠰᠦᠮᠡ ᠶᠢᠨ ᠲᠤᠳᠤᠷᠠ ᠮᠠᠶᠢᠳᠠᠷᠢ ᠪᠤᠷᠬᠠᠨ ᠤ ᠭᠠᠤᠯᠢᠨ ᠭᠦᠷᠦᠭ ᠢ | ᠲᠠᠬᠢᠵᠦ ᠪᠠᠶᠢᠳᠠᠭ ᠠᠴᠠ ᠪᠠᠰᠠ ᠮᠠᠶᠢᠳᠠᠷᠢ ᠪᠤᠷᠬᠠᠨ ᠤ ᠬᠠᠷᠰᠢ ᠬᠡᠨᠡ᠃ ᠵᠢᠯ ᠪᠦᠷᠢ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ | ᠴᠤᠭᠴᠢᠨ ᠲᠤᠭᠠᠩ ᠤᠨ ᠬᠤᠷᠠᠯ ᠲᠠᠷᠬᠠᠬᠤ ᠡᠳᠦᠷ ᠮᠠᠶᠢᠳᠠᠷᠢ ᠶᠢ ᠴᠠᠮ ᠤᠨ ᠲᠠᠯᠠᠪᠤᠷ ᠲᠤ ᠭᠠᠷᠭᠠᠵᠦ ᠬᠤᠶᠠᠷ ᠯᠠᠮᠠ | ᠲᠦᠰᠢᠵᠦ ᠵᠤᠭᠰᠤᠳᠠᠭ᠃ ᠬᠤᠷᠠᠯ ᠲᠡᠭᠦᠰᠪᠡᠯ ᠰᠦᠮᠡ ᠳᠤ ᠨᠢ ᠵᠠᠯᠠᠵᠦ ᠤᠷᠤᠭᠤᠯᠤᠨᠠ᠃ ᠭᠤᠤᠯ ᠰᠦᠮᠡ ᠶᠢᠨ | ᠬᠤᠶᠠᠷ ᠲᠠᠯᠠ ᠳᠤ ᠵᠠᠯᠭᠠᠯᠳᠤᠭᠰᠠᠨ ᠬᠠᠵᠠᠭᠤ ᠶᠢᠨ ᠬᠡᠷ ᠬᠤᠷᠢᠭᠠᠳ ᠵᠠᠩ ᠪᠠᠶᠢᠵᠦ᠂ ᠲᠡᠷᠡ ᠨᠢ ᠯᠠᠮᠠ ᠶᠢᠨ ᠪᠠᠶᠢᠷᠢᠨ | ᠬᠡᠷ ᠪᠤᠯᠤᠨ ᠬᠤᠭᠤᠯᠠᠨ ᠬᠡᠷ ᠪᠤᠯᠤᠨᠠ᠃ ᠭᠤᠤᠯ ᠰᠦᠮᠡ ᠶᠢᠨ ᠠᠷᠦ ᠲᠠᠯᠠ ᠳᠤ ᠰᠠᠶᠢᠴᠢᠮᠠᠯ ᠬᠡᠷᠡᠮ ᠲᠠᠢ᠃ | ᠲᠤᠮᠳᠠ ᠨᠢ ᠴᠦᠢ ᠬᠤᠸᠠ ᠮᠧᠨ ᠬᠠᠭᠠᠯᠭᠠ᠂ ᠬᠤᠶᠠᠷ ᠲᠠᠯᠠ ᠳᠤ ᠨᠢ ᠶᠤᠸᠠᠨ ᠮᠧᠨ ᠡᠭᠦᠳᠠ ᠪᠤᠢ᠃ ᠴᠦᠢ ᠬᠤᠸᠠ | ᠮᠧᠨ ᠬᠠᠭᠠᠯᠭᠠ ᠪᠠᠷ ᠲᠤᠳᠤᠭᠰᠢ ᠤᠷᠤᠪᠠᠯ ᠲᠠᠷᠤᠢ ᠭᠤᠷᠪᠠᠳᠤᠭᠠᠷ ᠭᠦᠷᠢᠶᠡ ᠪᠤᠯᠤᠨᠠ᠃ | ᠭᠤᠷᠪᠠᠳᠤᠭᠠᠷ ᠭᠦᠷᠢᠶᠡᠨ ᠳᠤ ᠲᠠᠪᠤᠨ ᠵᠠᠩ ᠠᠶᠤᠰᠢ ᠶᠢᠨ ᠰᠦᠮᠡ ᠲᠠᠢ᠂ ᠡᠨᠡ ᠨᠢ ᠵᠠᠰᠠᠭ ᠳ᠋ᠠ ᠯᠠᠮᠠ ᠶᠢᠨ | ᠪᠤᠷᠬᠠᠨ ᠲᠠᠬᠢᠬᠤ ᠭᠠᠵᠠᠷ ᠪᠤᠯᠤᠨᠠ᠃ | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠪᠠᠳᠤᠮᠦ᠋ᠩᠬᠡ ᠂ ᠶᠦᠸᠧ ᠢᠩ ᠰᠡᠭᠦᠳᠡᠷᠯᠡᠪᠡ | | | | | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠪᠤᠯ ᠲᠦᠷᠦ ᠱᠠᠰᠢᠨ ᠤ ᠡᠷᠬᠡ ᠮᠠᠳᠠᠯ ᠢ ᠶᠠᠪᠤᠭᠳᠠᠭᠤᠯᠬᠤ ᠲᠦᠪ ᠶᠤᠮ᠃ | ᠪᠦᠭᠦᠶᠢᠯᠡ ᠭᠦᠷᠢᠶᠡᠨ ᠲᠤᠳᠤᠷᠠ ᠪᠤᠷᠬᠠᠨ ᠤ ᠤᠷᠳᠤᠨ ᠬᠠᠷᠰᠢ ᠵᠦᠪᠬᠡᠨ ᠲᠦᠷᠪᠡᠨ ᠬᠤᠪᠢ ᠶᠢᠨ ᠨᠢᠬᠡ ᠶᠢ ᠡᠵᠡᠯᠡᠵᠦ | ᠪᠠᠶᠢᠳᠠᠭ᠃ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠤᠨ ᠭᠦᠷᠢᠶᠡᠨ ᠲᠤᠳᠤᠷᠠ ᠬᠡᠷ ᠪᠠᠷᠢᠯᠭᠠ ᠪᠠᠷᠤᠭ ᠵᠠᠭᠤᠨ ᠵᠠᠩ ᠪᠠᠶᠢᠵᠦ᠂ | ᠵᠡᠭᠦᠨ ᠲᠠᠯᠠ ᠪᠠ ᠬᠤᠶᠢᠳᠦ ᠲᠠᠯᠠ ᠪᠠᠷ ᠨᠢ ᠭᠤᠷᠪᠠᠨ ᠲᠤᠮᠤ ᠬᠠᠭᠠᠯᠭᠠ ᠶᠢᠨ ᠠᠰᠠᠷ ᠲᠠᠢ᠃ ᠠᠶᠤᠰᠢ ᠶᠢᠨ ᠰᠦᠮᠡ | ᠶᠢᠨ ᠵᠡᠭᠦᠨ ᠪᠡᠶᠡ ᠳᠤ ᠲᠤᠰᠠᠭᠠᠷ ᠨᠢᠬᠡ ᠭᠦᠷᠢᠶᠡ ᠪᠠᠶᠢᠳᠠᠭ᠃ ᠭᠦᠷᠢᠶᠡᠨ ᠳᠤ ᠨᠢ ᠤᠷᠤᠪᠠᠯ ᠲᠤᠳᠤᠷᠠ ᠨᠢ ᠭᠤᠤᠯ | ᠲᠠᠩᠬᠢᠮ ᠨᠢ ᠲᠠᠪᠤᠨ ᠵᠠᠩ ᠪᠠᠶᠢᠵᠦ᠂ ᠲᠦᠷᠪᠡᠨ ᠲᠤᠯᠭᠠᠭᠤᠷ ᠲᠡᠬᠡᠷᠡ ᠨᠢ ᠬᠤᠤᠰ ᠤᠶᠠᠩᠭᠠ ᠶᠢ ᠮᠤᠩᠭᠤᠯ | ᠤᠭᠠᠯᠵᠠᠨ ᠦᠰᠦᠭ ᠢᠶᠠᠷ ᠰᠠᠶᠢᠯᠵᠠᠢ᠃ ᠡᠨᠡ ᠲᠠᠪᠤᠨ ᠵᠠᠩ ᠬᠡᠷ ᠢ ᠬᠠᠰ ᠲᠤᠯᠭᠠᠭᠤᠷᠳᠦ ᠲᠠᠩᠬᠢᠮ ᠬᠡᠵᠦ ᠬᠡᠯᠡᠳᠡᠭ᠃ | ᠵᠢᠯ ᠪᠦᠷᠢ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠬᠡᠨᠠ ᠵᠠᠰᠠᠭ ᠳ᠋ᠠ ᠯᠠᠮᠠ ᠠᠳᠠ ᠲᠠᠮᠠᠭᠠᠨ ᠭᠠᠵᠠᠷ ᠤᠨ ᠨᠤᠶᠠᠳ | ᠤᠨ ᠠᠮᠤᠷ ᠡᠷᠢᠵᠦ ᠬᠠᠳᠠᠭ ᠲᠠᠯᠪᠢᠬᠤ ᠶᠢ ᠭᠦᠯᠢᠶᠡᠨ ᠠᠪᠳᠠᠭ᠃ ᠬᠠᠰ ᠲᠤᠯᠭᠠᠭᠤᠷᠳᠦ ᠲᠠᠩᠬᠢᠮ ᠢ ᠨᠠᠭᠠᠯᠳᠤᠭᠠᠳ | ᠵᠡᠭᠦᠨ ᠲᠠᠯᠠ ᠳᠤ ᠨᠢ ᠭᠤᠷᠪᠠᠨ ᠲᠠᠪᠬᠤᠷ ᠠᠰᠠᠷ ᠪᠠᠶᠢᠬᠤ ᠨᠢ ᠵᠠᠰᠠᠭ ᠳ᠋ᠠ ᠯᠠᠮᠠ ᠶᠢᠨ ᠠᠵᠢᠯᠯᠠᠬᠤ ᠭᠠᠵᠠᠷ ᠮᠦᠨ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠠᠷᠦ ᠭᠦᠷᠢᠶᠡᠨ ᠳᠠᠬᠢ ᠲᠠᠪᠤᠨ ᠵᠠᠩ ᠳ᠋ᠠᠷᠠ ᠡᠬᠡ ᠶᠢᠨ ᠰᠦᠮᠡ ᠶᠢ ᠭᠠᠷᠭᠠᠪᠠᠯ ᠪᠦᠷ | ᠲᠠᠮᠠᠭᠠᠨ ᠭᠠᠵᠠᠷ ᠤᠨ ᠬᠡᠷ ᠪᠤᠯᠤᠨᠠ᠃ ᠰᠤᠶᠤᠯ ᠵᠤᠬᠢᠰᠳᠦ ᠰᠦᠮᠡ ᠳᠤ ᠵᠠᠰᠠᠭ ᠳ᠋ᠠ ᠯᠠᠮᠠ ᠪᠠ ᠲᠠᠮᠠᠭᠠᠨ ᠭᠠᠵᠠᠷ | ᠪᠠᠶᠢᠳᠠᠭ ᠪᠤᠯᠬᠤᠷ ᠰᠦᠮᠡ ᠶᠢᠨ ᠲᠤᠳᠤᠷᠠ ᠳ᠋ᠠ ᠯᠠᠮᠠ ᠲᠠᠯᠪᠢᠳᠠᠭ ᠦᠬᠡᠢ᠂ ᠵᠦᠪᠬᠡᠨ ᠱᠠᠩᠰᠠᠳ ᠯᠠᠮᠠ ᠨᠢᠬᠡ | ᠲᠠᠯᠪᠢᠵᠦ ᠰᠦᠮᠡ ᠬᠡᠶᠢᠳ ᠤᠨ ᠠᠯᠢᠪᠠ ᠤᠴᠢᠷ ᠢ ᠬᠠᠮᠢᠶᠠᠷᠳᠠᠭ᠃ ᠱᠠᠩᠰᠠᠳ ᠯᠠᠮᠠ ᠪᠤᠯᠤᠨ ᠳ᠋ᠠ ᠯᠠᠮᠠ ᠶᠢᠨ | ᠬᠠᠷᠢᠴᠠᠭᠠ ᠶᠡᠷᠦ ᠪᠤᠰᠤ ᠪᠠᠶᠢᠵᠦ᠂ ᠲᠡᠳᠡᠬᠡᠷ ᠵᠡᠷᠬᠡ ᠬᠡᠷᠬᠡᠮ ᠲᠠᠢ ᠯᠠᠮᠠ ᠨᠠᠷ ᠴᠦ ᠠᠯᠢ ᠴᠢᠳᠠᠬᠤ ᠪᠠᠷ ᠱᠠᠩᠰᠠᠳ | ᠯᠠᠮᠠ ᠶᠢ ᠪᠢᠯᠳᠠᠤᠴᠢᠯᠠᠳᠠᠭ᠃ ᠴᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ᠂ ᠲᠤᠮᠳᠠᠳᠦ ᠢᠷᠬᠡᠨ ᠤᠯᠤᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ | ᠰᠤᠶᠤᠯ ᠵᠤᠬᠢᠰᠳᠦ ᠰᠦᠮᠡ ᠳᠤ ᠪᠠᠷᠤᠭ 100 ᠭᠠᠷᠤᠢ ᠯᠠᠮᠠ ᠪᠠᠶᠢᠪᠠ᠃ 1940 ᠤᠨ ᠳᠤ ᠠᠷᠠᠢ 40 ᠭᠦᠷᠭᠦ | ᠦᠬᠡᠢ ᠪᠤᠯᠪᠠ᠃ | ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠤᠨ ᠭᠦᠷᠦᠩᠬᠡ ᠬᠤᠭᠰᠢᠯ᠂ ᠭᠠᠵᠠᠷ ᠲᠠᠷᠢᠶᠠ ᠨᠢ ᠬᠠᠷᠠᠭᠤᠤ ᠰᠤᠮᠤ ᠶᠢᠨ ᠬᠤᠵᠢᠷ | ᠤᠨ ᠭᠤᠤᠯ ᠪᠤᠯᠤᠨ ᠰᠢᠪᠠᠷᠳᠡᠢ ᠠᠴᠠ ᠬᠤᠶᠢᠰᠢ ᠵᠠᠶᠢᠰᠠᠩᠳᠦ ᠭᠦᠷᠳᠡᠯᠡᠬᠢ ᠬᠡᠪᠴᠢᠶᠠᠨ ᠳᠤ ᠲᠦᠪᠯᠡᠷᠡᠵᠦ᠂ ᠡᠮᠦᠨᠡᠰᠢ | ᠤᠮᠠᠷᠠᠰᠢ ᠪᠠᠷᠤᠭ 10 ᠭᠠᠵᠠᠷ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 15 ᠭᠠᠵᠠᠷ ᠪᠠᠶᠢᠳᠠᠭ᠃ ᠡᠨᠡ ᠶᠡᠭᠡ ᠬᠡᠰᠡᠭ ᠭᠠᠵᠠᠷ | ᠢᠶᠠᠨ ᠪᠦᠷ ᠲᠠᠷᠢᠶᠠᠴᠢᠳ ᠲᠤ ᠲᠦᠷᠢᠶᠠᠰᠦᠯᠡᠨ ᠲᠠᠷᠢᠭᠤᠯᠵᠦ ᠵᠢᠯ ᠪᠦᠷᠢ 200 ᠳ᠋ᠠᠨ ᠲᠦᠷᠢᠶᠡᠰᠦᠨ ᠪᠤᠳᠠᠭᠠ | ᠬᠤᠷᠢᠶᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠮᠤᠳᠤᠨ ᠭᠠᠵᠠᠷ᠂ ᠪᠤᠷᠭᠠᠰᠤᠨ ᠬᠤᠷᠢᠭᠠ ᠪᠠ ᠡᠪᠡᠰᠦᠨ | ᠬᠠᠳᠤᠯᠠᠩ ᠲᠠᠢ᠃ ᠭᠦᠷᠢᠶᠡ ᠪᠠᠯᠭᠠᠰᠤᠨ ᠳᠤ ᠪᠠᠰᠠ ᠲᠦᠷᠢᠶᠡᠰᠦᠨ ᠬᠡᠷ ᠲᠠᠢ᠃ ᠪᠠᠶᠠᠠᠬᠤᠸᠠ ᠰᠤᠮᠤ ᠶᠢᠨ | ᠴᠠᠭᠠᠠᠴᠢᠯᠠᠭᠤᠳᠠᠢ ᠠᠶᠢᠯ᠂ ᠬᠠᠷᠠᠭᠤᠤ ᠰᠤᠮᠤ ᠶᠢᠨ ᠰᠢᠨᠡᠴᠤᠳ ᠠᠶᠢᠯ ᠪᠤᠯᠤᠨ ᠭᠦᠷᠢᠶᠡ ᠪᠠᠯᠭᠠᠰᠤᠨ ᠤ ᠵᠤᠤᠬᠠᠴᠢᠨ | ᠠᠶᠢᠯ ᠤᠨ ᠨᠢᠬᠡ ᠪᠦᠯᠦᠭ ᠠᠷᠠᠳ ᠪᠤᠯ ᠰᠤᠶᠤᠯ ᠵᠤᠬᠢᠰᠳᠦ ᠬᠡᠶᠢᠳ ᠤᠨ ᠬᠠᠷᠢᠶᠠᠳᠦ ᠪᠤᠯᠤᠨᠠ᠃ |