| ᠬᠦᠷᠢᠶᠡ ᠡ ᠬᠦᠷᠢᠶᠡ | ᠵᠣᠬᠢᠶᠠᠭᠴᠢ᠄ ᠪ᠊ · ᠪᠢᠯᠢᠭ | ᠬᠥᠷᠰᠢ ᠨᠤᠲᠤᠭ | ᠬᠥᠳᠥᠯ ᠢᠶᠠᠨ ᠳᠠᠪᠠᠭᠠᠳ ᠭᠠᠷᠪᠠᠯ | ᠬᠥᠷᠰᠢ ᠨᠤᠲᠤᠭ ᠬᠦᠷᠢᠶᠠ ᠬᠦᠷᠳᠡᠭ ᠰᠠᠨ | ᠲᠠᠬᠢᠶᠠᠨ ᠲᠠᠭᠤᠨ ᠨᠢ | ᠨᠤᠭᠤ ᠶᠢᠨ ᠴᠠᠭᠠᠨᠠ ᠠᠴᠠ ᠵᠢᠩᠭᠢᠨᠡᠳᠡᠭ ᠰᠠᠨ | ᠲᠤᠭᠤᠯ ᠤᠨ ᠮᠠᠨᠢ ᠪᠡᠯᠴᠢᠭᠡᠷ | ᠨᠤᠷᠠ ᠶᠢᠨ ᠬᠢᠨᠢ ᠨᠠᠭᠠᠨᠠ ᠠᠴᠠ ᠵᠠᠯᠭᠠᠳᠠᠭ ᠰᠠᠨ | ᠭᠡᠪᠡᠴᠦ ᠲᠤᠮᠳᠠᠭᠤᠷ ᠢᠶᠠᠨ | ᠭᠡᠳᠦᠯᠵᠦ ᠲᠡᠶᠢᠯᠦᠰᠢ ᠦᠭᠡᠢ ᠭᠡᠨᠡᠨ ᠬᠢᠯᠢ ᠲᠠᠢ | ᠭᠡᠨᠡᠨ ᠴᠠᠭ ᠭᠡᠨᠡᠳᠲᠡ ᠶᠢᠨ ᠶᠤᠮ ᠰᠢᠬ | ᠲᠡᠷᠡ ᠨᠢ ᠲᠡᠭᠦᠨ ᠢᠶᠠᠷ ᠢᠶᠠᠨ | ᠲᠡᠭᠦᠨ ᠤ ᠨᠠᠭᠠᠨᠠᠬᠢ ᠨᠢ ᠮᠢᠨᠦᠬᠢ ᠪᠠᠷ ᠢᠶᠠᠨ | ᠬᠢᠯᠢ ᠶᠢ ᠨᠢ ᠬᠡᠨ ᠵᠢᠷᠤᠵᠤ ᠥᠭᠭᠦᠭᠰᠡᠨ ᠢ | ᠬᠡᠨ ᠨᠢ ᠴᠤ ᠲᠤᠲᠤᠷᠬᠠᠢ ᠮᠡᠳᠡᠨᠡ | ᠬᠡᠨ ᠨᠢ ᠴᠤ ᠪᠠᠰᠠ ᠵᠢᠩᠭᠢᠨᠢ ᠮᠡᠳᠡᠭᠰᠡᠨ ᠦᠭᠡᠢ | ᠥᠨᠥᠳᠦᠷ ᠪᠤᠯᠵᠠᠢ | ᠥᠨᠥᠳᠦᠷ ᠠᠴᠠ ᠴᠠᠭᠠᠰᠢ ᠥᠨᠥᠳᠦᠷ ᠵᠠᠯᠭᠠᠭᠠᠳ ᠯᠡ | ᠰᠢᠷᠡᠭᠡ ᠮᠦᠷᠭᠦᠯ ᠲᠠᠢ ᠲᠡᠷᠡ ᠨᠤᠲᠤᠭ ᠲᠤ | ᠰᠢᠳᠦᠭᠡᠨ ᠮᠦᠷᠭᠦᠯ ᠢᠶᠠᠷ ᠢᠶᠠᠨ ᠵᠠᠮᠨᠠᠭᠠᠳ ᠯᠡ | ᠥᠨᠥᠳᠦᠷ ᠤᠨ ᠮᠠᠷᠭᠠᠰᠢ ᠶᠢ ᠮᠠᠷᠲᠠᠳᠠᠭ ᠪᠠᠶᠢᠵᠠᠢ | ᠁ | ᠤᠳᠬᠠ ᠶᠢᠨ ᠬᠦᠷᠢᠶᠡ | ᠵᠠᠭᠤᠨ ᠭᠡᠷ ᠤᠨ ᠬᠦᠷᠢᠶᠡ | ᠵᠠᠭᠤᠨ ᠡᠷᠡ ᠶᠢᠨ ᠠᠯᠠᠭᠠ ᠲᠦᠭᠦᠷᠡᠬᠦ ᠦᠭᠡᠢ | ᠰᠢᠷᠡᠭᠡᠲᠦ ᠶᠢᠨ ᠭᠡᠬᠦ ᠲᠠᠭᠤᠨ ᠳᠤ ᠨᠢ | ᠰᠢᠷᠠ ᠶᠢᠨ ᠤᠬᠠᠭᠠᠨ ᠲᠠᠴᠢᠭᠢᠨᠡᠵᠦ ᠪᠠᠶᠢᠭᠰᠠᠨ | ᠰᠢᠪᠲᠤ ᠤᠷᠢᠳᠦ ᠶᠢᠨ ᠬᠦᠷᠢᠶᠡ | ᠣᠳᠣ ᠠᠳᠠᠯᠢ ᠦᠭᠡᠢ ᠪᠤᠯᠵᠠᠢ | ᠦᠭᠡ ᠬᠡᠯᠡ ᠨᠢ ᠤᠷᠭᠤᠭᠠ ᠪᠤᠯᠵᠠᠢ | ᠤᠳᠬᠠ ᠶᠢᠨ ᠬᠦᠮᠦᠰ ᠨᠢ ᠬᠦᠭᠡᠷᠦᠭᠡ ᠪᠤᠯᠵᠠᠢ | ᠡᠯᠡᠰᠦ ᠮᠠᠩᠬᠠ ᠨᠢ ᠠᠭᠤᠵᠢᠷᠠᠭᠠᠳ | ᠡᠨᠡ ᠶᠢᠷᠳᠢᠨᠴᠦ ᠲᠠᠢ ᠬᠤᠷᠮᠤᠢ ᠨᠡᠶᠢᠯᠡᠵᠡᠢ | ᠡᠷᠲᠡᠨ ᠤ ᠲᠤᠮᠤᠭ ᠲᠠᠢ ᠠᠰᠠᠭᠤᠯᠴᠠᠭᠠᠳ | ᠡᠷᠭᠢᠮᠰᠦᠭ ᠨᠢᠭᠡᠨ ᠬᠤᠰᠢᠭᠤ ᠨᠡᠷᠡᠰᠢᠵᠡᠢ | ᠤᠳᠬᠠ ᠶᠢᠨ ᠰᠤᠶᠤᠨ ᠬᠦᠷᠢᠶᠡ | ᠤᠯᠤᠰ ᠤᠨ ᠰᠣᠳᠣᠨ ᠬᠦᠷᠢᠶᠠ | ᠦᠨᠢᠲᠡ ᠶᠢᠨ ᠰᠠᠶᠢᠬᠠᠨ ᠬᠦᠷᠢᠶᠡ | |