| ᠲᠡᠷᠡ ᠦᠶᠡᠰ ᠪᠠᠷᠢᠭᠠᠳᠠ ᠶᠢᠨ ᠠᠶᠢᠯ ᠪᠦᠯᠢ ᠴᠦᠬᠡᠨ ᠪᠦᠭᠡᠳ ᠨᠠᠰᠤ ᠬᠤᠷᠠᠭᠴᠤᠤᠯ ᠴᠤ ᠬᠡᠳᠦᠬᠡᠨ ᠪᠣᠯᠬᠤᠷ | ᠭᠠᠭᠴᠠ ᠵᠠᠷᠢᠮ ᠢᠶᠠᠷ ᠨᠢᠭᠡ ᠣᠨ ᠪᠣᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠭᠡᠵᠦ ᠠᠶᠢᠯ ᠤᠨ ᠠᠬᠠ ᠡᠭᠡᠴᠢ ᠨᠠᠷ ᠢ ᠳᠠᠭᠠᠵᠤ | ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠰᠤᠷᠭᠠᠭᠤᠯᠢ ᠶᠢᠨ ᠪᠣᠱᠤᠭᠠ ᠠᠯᠬᠤᠭᠰᠠᠨ ᠢᠶᠠᠨ ᠪᠢ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ᠬᠤᠶᠠᠷ ᠣᠨ ᠤ | ᠬᠡᠦᠬᠡᠳ ᠢ ᠨᠢᠭᠡ ᠬᠢᠴᠢᠶᠡᠯ ᠤᠨ ᠭᠡᠷ ᠲᠤ ᠲᠣᠬᠢᠷᠠᠭᠤᠯᠤᠨ᠂ ᠨᠢᠭᠡᠯᠡ ᠪᠠᠭᠰᠢ ᠬᠡᠯᠡ ᠪᠢᠴᠢᠭ ᠲᠤᠭᠠ ᠪᠣᠳᠤᠯᠭᠠ ᠭᠡᠵᠦ | ᠵᠢᠭᠠᠵᠤ᠂ ᠨᠢᠭᠡ ᠠᠩᠭᠢ ᠳᠤᠨᠢ ᠬᠢᠴᠢᠶᠡᠯ ᠣᠷᠤᠪᠠᠯ ᠨᠦᠭᠦᠭᠡ ᠠᠩᠭᠢ ᠳᠤᠨᠢ ᠳᠠᠰᠬᠠᠯ ᠬᠢᠯᠭᠡᠬᠦ ᠵᠡᠷᠭᠡ ᠪᠠᠷ ᠡᠭᠡᠯᠵᠢᠯᠡᠬᠦ | ᠳᠤᠨᠢ ᠨᠠᠰᠤ ᠪᠠᠭᠠ ᠪᠡᠶᠡ ᠴᠤ ᠪᠣᠭᠤᠨᠢ ᠪᠣᠯᠬᠤᠷ ᠬᠠᠮᠤᠭ ᠤᠨ ᠡᠮᠦᠨᠡᠬᠢ ᠰᠢᠷᠡᠭᠡᠨ ᠳᠤᠨᠢ ᠣᠯᠵᠤ ᠰᠠᠭᠤᠭᠠᠳ | ᠬᠠᠮᠠᠷ ᠤᠨ ᠨᠢᠰᠤ ᠪᠠᠨ ᠱᠣᠷ ᠱᠣᠷ ᠲᠠᠲᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠪᠠᠰᠠ ᠮᠡᠳᠡᠵᠦ ᠪᠠᠶᠢᠨᠠ᠃ | ᠡᠮᠡᠭᠡ ᠡᠷᠢᠶᠡᠨ ᠴᠠᠮᠴᠠ ᠶᠢᠨ ᠢᠶᠠᠨ ᠳᠣᠲᠤᠷ ᠡᠩᠭᠡᠷ ᠢ ᠬᠠᠶᠢᠴᠢᠯᠠᠵᠤ ᠠᠪᠤᠭᠠᠳ ᠡᠪᠯᠢᠭ ᠭᠡᠭᠴᠢ ᠶᠢᠨ ᠪᠤᠭᠴᠤ | ᠣᠶᠤᠵᠤ ᠨᠠᠳᠠᠳᠤ ᠡᠭᠦᠷᠦᠭᠦᠯᠪᠡ᠃ ᠬᠤᠷᠤᠭᠤ ᠬᠢᠷᠢᠲᠡᠢ ᠬᠠᠷᠠᠨᠲᠠ᠂ ᠬᠢᠮᠤᠰᠤᠨ ᠴᠢᠨᠡᠬᠡᠨ ᠪᠠᠯᠠᠯᠠᠭᠤᠷ᠂ | ᠰᠤᠷᠭᠠᠭᠤᠯᠢ ᠠᠴᠠ ᠬᠤᠪᠢᠶᠠᠭᠰᠠᠨ ᠬᠡᠯᠡ ᠪᠢᠴᠢᠭ ᠲᠤᠭᠠ ᠪᠣᠳᠤᠯᠭᠠ ᠶᠢᠨ ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠤᠨ ᠳᠡᠭᠡᠷᠡ | ᠬᠡᠳᠦᠨ ᠮᠦᠩᠭᠦ ᠶᠢᠨ ᠦᠨᠡ ᠲᠠᠢ ᠨᠠᠷᠢᠨ ᠤᠷᠲᠤ ᠵᠢᠷᠤᠭᠠᠰᠤ ᠲᠠᠢ ᠳᠠᠰᠬᠠᠯ ᠤᠨ ᠳᠡᠪᠲᠡᠷ᠂ ᠵᠢᠴᠢ ᠬᠤᠷᠰᠢᠶᠠᠨ ᠠᠴᠠ | ᠴᠠᠢ ᠪᠣᠶᠤ ᠪᠣᠣᠪᠤ ᠬᠤᠳᠠᠯᠳᠤᠵᠤ ᠠᠪᠬᠤ ᠳᠤ ᠪᠠᠭᠯᠠᠭᠰᠠᠨ ᠠᠷᠵᠠᠭᠠᠷ ᠰᠢᠷᠠᠪᠲᠤᠷ ᠴᠠᠭᠠᠰᠤ ᠶᠢ ᠵᠦᠰᠦᠵᠦ | ᠤᠲᠠᠰᠤ ᠪᠠᠷ ᠦᠳᠡᠭᠰᠡᠨ ᠪᠣᠯᠪᠠᠰᠤᠷᠠᠬᠤ ᠳᠡᠪᠲᠡᠷ ᠠᠴᠠ ᠣᠨᠳᠤᠤ ᠬᠢᠮᠡᠷ ᠶᠠᠭᠤᠮᠠ ᠴᠤ ᠦᠭᠡᠢ ᠪᠣᠯᠬᠤᠷ ᠡᠷᠢᠶᠡᠨ | ᠪᠣᠭᠴᠤ ᠪᠠᠨ ᠬᠠᠵᠠᠭᠤᠯᠠᠨ ᠡᠭᠦᠷᠦᠭᠡᠳ ᠬᠦᠶᠦᠬᠦ ᠳᠤ ᠬᠤᠩᠬᠤᠯᠳᠠᠵᠤ ᠰᠠᠵᠢᠯᠠᠬᠤ ᠶᠢ ᠲᠤᠭᠲᠠᠭᠠᠵᠤ ᠪᠠᠶᠢᠭᠰᠠᠨ ᠨᠢ | ᠡᠮᠡᠭᠡ ᠶᠢᠨ ᠪᠡᠯᠡᠳᠭᠡᠵᠦ ᠦᠭᠭᠦᠭᠰᠡᠨ ᠦᠳᠡ ᠳᠤ ᠢᠳᠡᠬᠦ ᠤᠭᠤᠲᠠ ᠲᠠᠢ ᠬᠠᠭᠤᠷᠠᠢ ᠬᠦᠨᠡᠰᠦ ᠪᠠᠶᠢᠯᠠ᠃ | ᠦᠳᠡᠯᠡᠬᠦ ᠬᠦᠨᠡᠰᠦ ᠴᠤ ᠭᠡᠭᠴᠢ ᠦᠨᠡᠨᠳᠡᠭᠡᠨ ᠪᠦᠷ ᠯᠡ ᠬᠠᠭᠤᠷᠤᠭᠰᠠᠨ ᠡᠷᠳᠡᠨᠢ ᠰᠢᠰᠢ ᠶᠢᠨ ᠵᠠᠭᠠᠷᠠᠮ ᠪᠠᠶᠢᠵᠤ᠂ | ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠬᠠᠭᠠᠰ ᠬᠠᠯᠪᠠᠭᠠ ᠰᠢᠬᠢᠷ ᠬᠤᠯᠢᠴᠢᠬᠠᠬᠤ ᠪᠠᠷ ᠬᠤᠳᠤᠭᠤᠳᠤ ᠭᠡᠳᠡᠰᠦ ᠭᠠᠶᠢᠭᠤᠢ ᠰᠠᠶᠢᠨ | ᠪᠠᠶᠠᠰᠴᠤ ᠠᠪᠳᠠᠭ᠃ ᠲᠡᠭᠡᠭᠡᠳ ᠬᠡᠳᠦᠨ ᠡᠳᠦᠷ ᠴᠤ ᠪᠣᠯᠣᠯ ᠦᠭᠡᠢ ᠪᠠᠷ ᠴᠠᠭᠠᠨ ᠪᠦᠰ ᠢᠶᠠᠷ ᠰᠢᠳᠡᠵᠦ ᠣᠶᠤᠭᠰᠠᠨ | ᠬᠦᠨᠡᠰᠦᠨ ᠤᠭᠤᠲᠠ ᠮᠠᠨᠢ ᠳᠣᠲᠤᠷᠠ ᠠᠴᠠ ᠪᠠᠨ ᠭᠠᠳᠠᠭᠰᠢ ᠲᠣᠰᠤᠳᠠᠵᠤ ᠬᠦᠷᠵᠡᠩᠳᠡᠭᠡᠳ᠂ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ | ᠬᠠᠷᠢᠯᠴᠠᠨ ᠬᠠᠯᠪᠠᠭᠠ ᠪᠠᠷ ᠰᠣᠯᠢᠯᠴᠠᠬᠤ ᠪᠣᠶᠤ ᠪᠢᠴᠢᠭ ᠤᠨ ᠰᠢᠷᠡᠭᠡᠨ ᠳᠡᠭᠡᠨ ᠪᠦᠭᠦᠳᠡᠭᠡᠷ ᠨᠡᠶᠢᠯᠡᠭᠦᠯᠦᠭᠡᠳ | ᠢᠳᠡᠬᠦ ᠳᠤ ᠬᠠᠷᠠ ᠤᠰᠤ ᠵᠠᠯᠭᠢᠯᠠᠵᠤ ᠢᠳᠡᠬᠦ ᠬᠠᠭᠤᠷᠤᠭᠰᠠᠨ ᠵᠠᠭᠠᠷᠠᠮ ᠴᠤ ᠲᠣᠩ ᠠᠮᠲᠠᠲᠠᠢ ᠰᠠᠨᠠᠭᠳᠠᠵᠤ ᠪᠠᠶᠢᠯᠠ᠃ | ᠠᠵᠤ ᠦᠢᠯᠡᠳᠪᠦᠷᠢᠯᠡᠯ ᠬᠤᠴᠤᠷᠠᠩᠭᠤᠢ᠂ ᠠᠮᠢᠳᠤᠷᠠᠯ ᠠᠬᠤᠢ ᠶᠠᠳᠠᠭᠤ ᠪᠠᠶᠢᠭᠰᠠᠨ ᠲᠡᠷᠡ ᠦᠶᠡᠰ ᠠᠯᠢ ᠭᠡᠷ ᠤᠨ | ᠠᠬᠠᠮᠠᠳ ᠴᠤ ᠬᠡᠦᠬᠡᠳ ᠢᠶᠠᠨ ᠬᠦᠮᠦᠨ ᠠᠴᠠ ᠳᠤᠲᠠᠭᠤ ᠦᠭᠡᠢ ᠶᠠᠪᠤᠭᠤᠯᠬᠤ ᠭᠡᠵᠦ ᠡᠮᠦᠰᠬᠦ ᠪᠠᠨ ᠨᠢᠮᠭᠡᠯᠡᠵᠦ ᠢᠳᠡᠬᠦ | ᠪᠠᠨ ᠬᠠᠰᠤᠵᠤ ᠪᠠᠶᠢᠭᠠᠳ ᠮᠠᠨ ᠢ ᠢᠩᠭᠢᠵᠦ ᠬᠠᠯᠠᠮᠵᠢᠯᠠᠵᠤ ᠪᠠᠶᠢᠭᠰᠠᠨ ᠠᠵᠢ᠃ ᠣᠩᠭᠤᠷᠠᠬᠠᠢ ᠰᠢᠲᠦ ᠪᠠᠷ ᠢᠶᠠᠨ | ᠣᠯᠳᠠᠭᠰᠠᠨ ᠵᠠᠭᠠᠷᠠᠮ ᠢᠶᠠᠨ ᠵᠠᠵᠢᠯᠵᠤ᠂ ᠣᠯᠳᠠᠰᠢ ᠦᠭᠡᠢ ᠪᠠᠶᠠᠷ ᠬᠥᠷ ᠲᠠᠢ ᠪᠠᠭᠠ ᠨᠠᠰᠤ ᠮᠢᠨᠢ ᠲᠡᠷᠡ ᠶᠤᠮ ᠳ᠋ᠠ᠃ | ᠠᠷᠪᠠᠨ ᠲᠠᠪᠤᠨ ᠤ ᠭᠠᠵᠠᠷ ᠤᠨ ᠵᠠᠮ ᠬᠥᠭᠡᠭᠡᠵᠦ ᠠᠩᠬᠠ ᠳᠤᠮᠳᠠᠳᠤ ᠳᠤ ᠪᠢᠴᠢᠭ ᠦᠵᠡᠬᠦ ᠳᠡᠭᠡᠨ ᠡᠵᠢ ᠶᠢᠨ | ᠮᠢᠨᠢ ᠬᠤᠷᠰᠢᠶᠠᠨ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠢᠷᠠᠵᠤ ᠦᠭᠭᠦᠭᠰᠡᠨ ᠰᠢᠷᠭᠠᠯ ᠨᠣᠭᠤᠭᠠᠨ ᠦᠩᠭᠡᠲᠡᠢ ᠪᠢᠴᠢᠭ ᠤᠨ | ᠪᠣᠭᠴᠤ ᠶᠢ ᠪᠢ ᠲᠤᠩ ᠪᠠᠭ᠋ᠠᠷᠬᠠᠳᠠᠭ᠃ ᠤᠷᠭᠤᠬᠤ ᠨᠠᠷᠠᠨ ᠢᠶᠠᠷ ᠭᠠᠷᠴᠤ᠂ ᠵᠢᠷᠭᠠᠬᠤ ᠨᠠᠷᠠᠨ ᠢᠶᠠᠷ ᠪᠣᠴᠠᠬᠤ ᠳᠠᠭᠠᠨ | ᠡᠭᠦᠷᠦᠭᠰᠡᠨ ᠪᠣᠭᠴᠤᠨ ᠳᠠᠬᠢ ᠦᠳᠡ ᠶᠢᠨ ᠬᠦᠨᠡᠰᠦ ᠯᠡ ᠨᠠᠮᠠᠶᠢ ᠠᠷᠭᠠᠳᠠᠵᠤ ᠶᠠᠳᠠᠷᠠᠭᠠ ᠲᠠᠢ ᠶᠠᠭᠠᠷᠠᠤ ᠣᠨ | ᠰᠠᠷᠠ ᠶᠢ ᠦᠩᠭᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠪᠢᠯᠡ᠃ ᠠᠮᠢᠳᠤᠷᠠᠯ ᠠᠬᠤᠢ ᠤᠤᠯ ᠤᠨ ᠬᠢ ᠠᠴᠠ ᠪᠠᠨ ᠵᠦᠭᠡᠷ ᠰᠢᠭ | ᠪᠣᠯᠪᠠᠴᠤ᠂ ᠠᠳᠠᠯᠢ ᠪᠣᠰᠤ ᠶᠢᠨ ᠪᠠᠶᠢᠳᠠᠯ ᠲᠠᠢ ᠪᠣᠯᠬᠤᠷ ᠰᠤᠷᠠᠭᠠᠤᠯᠢ ᠳᠤ ᠰᠠᠭᠤᠭᠰᠠᠨ ᠬᠤᠶᠠᠷ ᠵᠢᠯ ᠤᠨ ᠦᠳᠡ ᠶᠢᠨ | ᠬᠦᠨᠡᠰᠦ ᠮᠠᠨᠢ ᠪᠠᠷᠤᠭ ᠯᠡ ᠬᠠᠭᠤᠷᠠᠢ ᠵᠠᠭᠠᠷᠠᠮ᠂ ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠪᠠᠭᠠ ᠰᠠᠭᠠ ᠬᠠᠭᠤᠷᠤᠭᠰᠠᠨ ᠠᠮᠤ | ᠬᠤᠯᠢᠭᠰᠠᠨ ᠪᠣᠶᠤ ᠵᠢᠭᠠᠬᠠᠨ ᠰᠢᠬᠢᠷ ᠲᠠᠢ ᠯᠡ ᠪᠠᠶᠢᠵᠠᠢ᠃ ᠣᠶᠢᠷᠠ ᠬᠠᠪᠢ ᠶᠢᠨ ᠭᠤᠷᠪᠠᠨ ᠭᠠᠴᠠᠭᠠ ᠶᠢ | ᠨᠡᠶᠢᠯᠡᠭᠦᠯᠦᠭᠡᠳ ᠪᠠᠶᠢᠭᠤᠯᠤᠭᠰᠠᠨ ᠦᠨᠳᠦᠷᠪᠠᠶᠢᠰᠢᠩ ᠳᠤᠮᠳᠠᠳᠤ ᠰᠤᠷᠠᠭᠠᠤᠯᠢ ᠳᠤ ᠰᠤᠷᠤᠯᠴᠠᠬᠤ ᠳᠠᠭᠠᠨ ᠪᠢᠳᠡ ᠡᠳᠦᠷ | ᠪᠣᠯᠭᠠᠨ ᠤ ᠪᠣᠭᠴᠤᠨ ᠳᠠᠬᠢ ᠬᠦᠨᠡᠰᠦᠨ ᠤᠭᠤᠲᠠᠨ ᠠᠴᠠ ᠪᠠᠨ ᠨᠢᠭᠡ ᠬᠠᠯᠪᠠᠭᠠ ᠬᠠᠭᠤᠷᠠᠢ ᠬᠦᠨᠡᠰᠦ ᠭᠠᠷᠭᠠᠵᠤ | ᠪᠠᠭᠰᠢ ᠳᠤ ᠲᠤᠰᠢᠶᠠᠵᠤ᠂ ᠬᠠᠷᠠ ᠤᠰᠤ ᠪᠠᠷ ᠬᠤᠳᠤᠭᠤᠳᠤ ᠭᠡᠳᠡᠰᠦ ᠪᠠᠨ ᠠᠷᠭᠠᠴᠠᠭᠠᠵᠤ ᠪᠠᠶᠢᠭᠰᠠᠨ ᠳᠤᠤᠷᠠ | ᠣᠨ ᠤ ᠨᠢᠭᠡ ᠰᠤᠷᠤᠭᠴᠢ ᠶᠢ ᠲᠤᠰᠠᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠨᠢᠭᠡᠳᠦᠯ ᠤᠨ ᠰᠤᠷᠠᠭᠠᠤᠯᠢ ᠳᠤ ᠦᠨᠳᠦᠷ ᠳᠤᠮᠳᠠᠳᠤ ᠪᠠᠨ ᠤᠩᠰᠢᠬᠤ ᠦᠶᠡᠰ ᠪᠠᠶᠢᠷᠢᠨ ᠳᠤ ᠰᠠᠭᠤᠬᠤ | ᠪᠣᠯᠴᠢᠬᠠᠪᠠ᠃ ᠡᠭᠦᠷᠦᠭᠰᠡᠨ ᠪᠣᠭᠴᠤᠨ ᠳᠠᠬᠢ ᠰᠠᠪᠠᠯᠠᠭᠰᠠᠨ ᠵᠦᠢᠯ ᠴᠤ ᠠᠷᠪᠢᠳᠤᠭᠰᠠᠨ ᠢᠶᠠᠷ ᠬᠦᠨᠳᠦᠷᠡᠵᠦ | ᠣᠴᠢᠭᠰᠠᠨ ᠨᠢ ᠴᠤ ᠠᠶᠠᠨᠳᠠᠭᠠᠨ ᠤ ᠬᠡᠷᠡᠭ᠃ ᠢᠳᠡᠬᠦ ᠠᠴᠠ ᠡᠷᠳᠡᠨᠢ ᠰᠢᠰᠢ ᠶᠢᠨ ᠵᠢᠩᠨᠡᠭᠰᠡᠨ ᠪᠣᠣᠪᠤ᠂ | ᠬᠠᠭᠤᠷᠤᠭᠰᠠᠨ ᠠᠮᠤ᠂ ᠵᠠᠭᠠᠷᠠᠮ᠂ ᠦᠪᠡᠷ ᠤᠨ ᠳᠠᠷᠤᠭᠰᠠᠨ ᠪᠤᠷᠴᠠᠭ ᠤᠨ ᠵᠢᠶᠠᠩ ᠪᠣᠶᠤ ᠳᠠᠪᠤᠰᠤᠯᠠᠭᠰᠠᠨ ᠨᠣᠭᠤᠭᠠ᠂ | ᠪᠣᠯᠤᠮᠠᠷ ᠭᠡᠰᠡᠨ ᠦᠶᠡ ᠳᠡᠭᠡᠨ ᠪᠠᠰᠠ ᠵᠢᠭᠠᠬᠠᠨ ᠠᠯᠮᠤᠷᠠᠳ ᠪᠣᠶᠤ ᠠᠯᠢᠮᠠ ᠨᠢᠭᠡ ᠬᠤᠶᠠᠷ ᠰᠠᠪᠠᠯᠠᠴᠢᠬᠠᠬᠤ ᠪᠠᠷ | ᠣᠯᠵᠠ ᠲᠠᠢ ᠣᠮᠤᠭ ᠲᠠᠢ ᠪᠠᠶᠢᠵᠤ᠂ ᠡᠭᠦᠨ ᠢᠶᠠᠨ ᠠᠯᠢ ᠴᠢᠳᠠᠬᠤ ᠪᠠᠷ ᠠᠷᠪᠢᠯᠠᠵᠤ᠂ ᠪᠦᠬᠦᠯᠢ ᠵᠢᠷᠭᠤᠭᠠᠨ ᠡᠳᠦᠷ | ᠬᠢᠴᠢᠶᠡᠯᠯᠡᠵᠦ ᠭᠠᠷᠠᠭ ᠤᠨ ᠰᠡᠭᠦᠯᠴᠢ ᠶᠢᠨ ᠬᠢᠴᠢᠶᠡᠯ ᠪᠠᠭᠤᠬᠤ ᠶᠢ ᠬᠦᠵᠦᠭᠦᠦ ᠪᠠᠨ ᠰᠤᠩᠭᠠᠨ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ | ᠨᠢ ᠦᠨᠡᠨ᠃ | ᠳᠡᠭᠡᠷᠡ ᠵᠠᠭᠤᠨ ᠤ ᠳᠠᠯᠠ ᠶᠢᠰᠦᠨ ᠣᠨ ᠳᠤ ᠪᠢ ᠲᠥᠪ ᠤᠨ ᠦᠨᠳᠦᠰᠦᠲᠡᠨ ᠤ ᠳᠡᠭᠡᠲᠦ ᠰᠤᠷᠭᠠᠭᠤᠯᠢ ᠳᠤ | ᠰᠢᠯᠭᠠᠭᠤᠯᠤᠨ ᠣᠷᠤᠭᠰᠠᠨ ᠨᠢ ᠠᠶᠢᠯ ᠭᠡᠷ ᠲᠡᠭᠡᠨ ᠪᠦᠭᠡᠮ ᠪᠠᠶᠠᠷ ᠪᠣᠯᠪᠠ᠃ ᠤᠳᠤᠮ ᠰᠤᠳᠤᠷ ᠠᠴᠠ ᠣᠶᠤᠲᠠᠨ | ᠭᠠᠷᠴᠢᠬᠠᠯᠠ ᠭᠡᠵᠦ ᠪᠠᠶᠠᠷᠯᠠᠭᠰᠠᠨ ᠡᠪᠦᠭᠡ ᠡᠮᠡᠭᠡ ᠮᠢᠨᠢ ᠪᠣᠯᠤᠮᠠᠷ ᠵᠦᠢᠯ ᠢ ᠭᠦᠢᠴᠡᠭᠡᠵᠦ ᠦᠭᠭᠦᠨᠡ ᠭᠡᠵᠦ ᠠᠪᠤ ᠡᠵᠢ | ᠲᠠᠢ ᠬᠡᠳᠦᠨ ᠡᠳᠦᠷ ᠵᠦᠪᠳᠡᠭᠡᠳ ᠵᠢᠯ ᠳᠤ ᠭᠠᠭᠴᠠᠬᠠᠨ ᠪᠣᠷᠳᠤᠵᠤ ᠲᠡᠵᠢᠭᠡᠭᠰᠡᠨ ᠠᠯᠠᠰᠢᠨ ᠤ ᠭᠠᠭ᠋ᠠᠢ ᠪᠠᠨ | ᠬᠤᠳᠠᠯᠳᠤᠵᠤ ᠣᠯᠤᠭᠰᠠᠨ 36 ᠲᠦᠭᠦᠷᠢᠭ ᠢᠶᠠᠨ ᠪᠣᠭᠴᠤᠨ ᠳᠤ ᠬᠢᠵᠦ ᠦᠭᠭᠦᠭᠡᠳ ᠨᠠᠮᠠᠶᠢ ᠠᠯᠤᠰ ᠬᠤᠯᠠᠬᠢ | ᠨᠡᠶᠢᠰᠯᠡᠯ ᠬᠤᠳ᠋ᠨ ᠳᠤ ᠮᠣᠷᠳᠠᠭᠤᠯᠤᠭᠰᠠᠨ ᠶᠤᠮ᠃ ᠠᠪᠤ ᠶᠢᠨ ᠠᠵᠢᠯ ᠭᠠᠷᠬᠤ ᠳᠠᠭᠠᠨ ᠵᠠᠷᠤᠵᠤ ᠪᠠᠶᠢᠭᠰᠠᠨ ᠲᠠᠲᠠᠮᠠᠯ | ᠲᠣᠪᠴᠢᠯᠠᠭᠤᠷ ᠲᠠᠢ ᠰᠢᠷᠭᠠᠯ ᠪᠣᠭᠴᠤ ᠪᠠᠨ ᠬᠤᠲᠠ ᠭᠠᠵᠠᠷ ᠲᠤ ᠲᠣᠬᠢᠷᠠᠮᠠᠷ ᠵᠠᠷᠣᠳᠠᠯ ᠪᠠᠷᠢᠳᠠᠯ ᠪᠣᠯᠤᠨᠠ ᠳ᠋ᠠ ᠬᠡᠮᠡᠨ | ᠨᠠᠳᠠᠳᠤ ᠦᠭᠴᠦ᠂ ᠠᠶᠢᠯ ᠤᠨ ᠠᠬᠠᠰ ᠵᠠᠬᠠᠰ᠂ ᠠᠪᠠᠭᠠ ᠠᠨᠢᠶᠠ᠂ ᠠᠬᠠ ᠡᠭᠡᠴᠢ ᠨᠠᠷ ᠴᠤ ᠨᠠᠳᠠᠳᠤ ᠡᠨᠡ ᠨᠢ | ᠪᠠᠭᠯᠠᠭᠠ ᠲᠠᠢ ᠪᠣᠭᠤᠷᠰᠤᠭ ᠪᠠᠷᠢᠭᠤᠯᠲᠠᠯᠠ ᠲᠡᠷᠡ ᠨᠢ ᠮᠦᠰᠦᠨ ᠰᠢᠬᠢᠷ ᠠᠳᠬᠤᠭᠤᠯᠵᠤ᠂ ᠪᠠᠰᠠ ᠵᠠᠷᠢᠮ ᠨᠢ ᠭᠠᠷ | ᠠᠯᠴᠢᠭᠤᠷ᠂ ᠨᠢᠯᠤᠩ ᠣᠶᠢᠮᠤᠰᠤ᠂ ᠲᠠᠪᠤ ᠭᠤᠷᠪᠠᠨ ᠲᠦᠭᠦᠷᠢᠭ ᠦᠭᠴᠦ᠂ ︽ᠠᠶᠠᠨ ᠵᠠᠮ ᠳᠠᠭᠠᠨ ᠰᠠᠶᠢᠨ ᠶᠠᠪᠤᠵᠤ | ᠪᠢᠴᠢᠭ ᠨᠣᠮ ᠢᠶᠠᠨ ᠰᠠᠶᠢᠨ ᠰᠤᠷ ᠡ︾ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠶᠢᠯᠠ᠃ ᠨᠡᠩ ᠴᠤ ᠬᠤᠰᠢᠭᠤᠨ ᠤ ᠨᠣᠮ ᠤᠨ | ᠳᠡᠯᠭᠡᠭᠦᠷ ᠤᠨ ᠭᠠᠩᠲᠡᠮᠦᠷ ᠠᠪᠠᠭᠠ ᠭᠠᠷ ᠮᠡᠭᠦᠰᠳᠡᠵᠦ ᠪᠠᠶᠢᠭᠠ ᠮᠠᠨᠠᠶᠢᠬᠢᠨ ᠢ ᠬᠠᠷᠠᠭᠠᠯᠵᠠᠬᠤ ᠶᠢᠨ ᠲᠦᠯᠦᠭᠡ | ᠳᠦᠴᠢᠭᠡᠳ ᠵᠢᠩ ᠤᠨ ᠭᠠᠭ᠋ᠠᠢ ᠶᠢ 36 ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠨᠢ ᠨᠢᠳᠦᠨ ᠡᠮᠦᠨᠡᠬᠢ ᠨᠢᠭᠡ | ᠶᠡᠭᠡ ᠭᠠᠴᠢᠭᠳᠠᠯ ᠢ ᠰᠢᠢᠳᠪᠦᠷᠢᠯᠡᠯᠡ ᠭᠡᠵᠦ ᠪᠢᠳᠡ ᠳᠠᠩᠳᠠ ᠲᠠᠯᠠᠷᠬᠠᠳᠠᠭ᠃ | ᠬᠤᠨᠤᠭ ᠡᠳᠦᠷ ᠢᠩᠭᠢᠵᠦ ᠢᠷᠡᠵᠦ ᠪᠣᠴᠠᠬᠤ ᠪᠠ ᠰᠠᠨᠠᠵᠤ ᠰᠠᠷᠪᠠᠶᠢᠬᠤ ᠶᠢᠨ ᠵᠠᠢ ᠪᠠᠷ ᠤᠷᠤᠰᠤᠨ ᠦᠩᠭᠡᠷᠡᠵᠦ | ᠯᠡ ᠪᠠᠶᠢᠯᠠ᠃ ᠣᠳᠤ ᠬᠡᠳᠦᠶᠢᠨ ᠢᠳᠡᠭᠡᠨ ᠤ ᠣᠬᠢ ᠶᠢ ᠠᠮᠲᠠᠯᠠᠵᠤ᠂ ᠡᠮᠦᠰᠭᠡᠯ ᠤᠨ ᠰᠠᠶᠢᠨ ᠢ ᠡᠳ᠋ᠯᠡᠵᠦ ᠠᠮᠢᠳᠤᠷᠠᠯ | ᠠᠬᠤᠢ ᠠᠵᠢᠯ ᠮᠣᠳᠤ ᠭᠡᠵᠦ ᠪᠣᠳᠤᠵᠤ ᠰᠡᠳᠭᠢᠭᠰᠡᠨ ᠠᠴᠠ ᠪᠠᠷᠠ ᠦᠭᠡᠢ ᠳᠡᠭᠡᠭᠦᠷ ᠪᠣᠯᠴᠢᠬᠠᠭᠰᠠᠨ ᠪᠣᠯᠪᠠᠴᠤ᠂ | ᠪᠣᠭᠴᠤᠨ ᠳᠤ ᠰᠠᠪᠠᠯᠠᠭᠰᠠᠨ ᠬᠠᠶᠢᠷᠠ ᠶᠡᠷᠦᠨᠢ ᠪᠤᠴᠠᠰᠢ ᠦᠭᠡᠢ ᠵᠢᠮᠡ ᠪᠠᠷ ᠢᠶᠠᠨ ᠦᠷᠬᠦᠯᠵᠢᠯᠡᠭᠰᠡᠭᠡᠷ᠃ | ᠬᠠᠲᠠᠭᠠᠭᠰᠠᠨ ᠪᠤᠷᠴᠠᠭ᠂ ᠬᠠᠭᠤᠷᠠᠢ ᠪᠤᠳᠠᠭᠠ᠂ ᠰᠠᠭᠠᠭ ᠤᠨ ᠭᠤᠯᠢᠷ᠂ ᠨᠠᠷᠢᠮᠤ ᠶᠢᠨ ᠴᠠᠭᠠᠨ᠂ ᠲᠠᠬᠢᠶᠠᠨ ᠥᠨᠳᠡᠭᠡ᠂ | ᠦᠷᠦᠮᠡ ᠬᠤᠷᠤᠳ ᠡᠨᠡ ᠲᠡᠷᠡ ᠭᠡᠵᠦ ᠤᠯᠳᠠᠬᠤ ᠬᠢᠷᠢ ᠪᠠᠷ ᠢᠶᠠᠨ ᠪᠤᠭᠴᠤᠨ ᠳᠤ ᠰᠠᠪᠠᠯᠠᠵᠤ᠂ ᠡᠭᠦᠷᠴᠦ ᠲᠡᠶᠢᠯᠦᠪᠡᠯ | ᠡᠷᠦᠬᠡ ᠭᠡᠷ ᠤᠨ ᠠᠮᠢᠳᠤᠷᠠᠯᠭᠠ ᠪᠠᠨ ᠦᠭᠭᠦᠭᠡᠳ ᠶᠠᠪᠤᠭᠤᠯᠤᠭᠰᠠᠨ ᠴᠤ ᠰᠠᠨᠠᠭᠠ ᠨᠢ ᠭᠦᠢᠴᠡᠳᠡᠭ ᠦᠭᠡᠢ ᠠᠪᠤ ᠡᠵᠢ | ᠮᠢᠨᠢ᠂ ︽ᠡᠶᠢᠮᠦ ᠢᠳᠡᠭᠡᠨ ᠬᠠᠮᠢᠭᠠ ᠭᠠᠵᠠᠷ ᠴᠤ ᠤᠯᠳᠠᠨᠠ︾ ᠭᠡᠵᠦ ᠬᠠᠰᠢᠵᠤ ᠬᠤᠷᠢᠭᠠᠬᠤ ᠶᠢ ᠴᠤ ᠬᠠᠶᠢᠬᠤᠷᠤᠯ | ᠦᠭᠡᠢ ᠪᠠᠷ ︽ᠬᠠᠰᠢᠯᠠ ᠥᠪᠡᠷ ᠤᠨ ᠭᠡᠷ ᠤᠨ ᠢᠳᠡᠭᠡᠨ ᠠᠮᠲᠠ ᠰᠢᠮᠡ ᠲᠠᠢ ᠠᠷᠢᠭᠤᠨ ᠴᠡᠪᠡᠷ ᠪᠠᠶᠢᠳᠠᠭ ᠰᠢᠦ︾ | ᠭᠡᠵᠦ ᠪᠡᠶᠡ ᠪᠠᠨ ᠵᠦᠪᠲᠡᠭᠡᠨᠡ᠃ ᠡᠨᠡ ᠨᠢ ᠲᠡᠭᠡᠭᠡᠳ ᠰᠠᠯᠬᠢ ᠪᠣᠷᠤᠭᠠᠨ ᠳᠤ ᠰᠠᠭᠠᠲᠠᠯ ᠦᠭᠡᠢ᠂ ᠰᠠᠷᠠ ᠤᠯᠠᠷᠢᠯ | ᠭᠡᠵᠦ ᠢᠯᠭᠠᠯ ᠦᠭᠡᠢ ᠪᠠᠷ ᠦᠷᠬᠦᠯᠵᠢᠯᠡᠬᠦ ᠪᠦᠭᠡᠳ᠂ ᠣᠳᠤ ᠴᠠᠭ ᠤᠨ ᠲᠦᠷᠭᠡᠨ ᠬᠦᠷᠭᠡᠯᠲᠡ ᠪᠠᠷ ᠳᠠᠮᠵᠢᠨ ᠮᠢᠨᠦ | ᠰᠠᠨᠠᠵᠤ ᠰᠠᠷᠪᠠᠶᠢᠭᠰᠠᠨ ᠭᠡᠷ ᠨᠣᠲᠤᠭ ᠠᠴᠠ ᠢᠷᠡᠭᠦᠯᠦᠭᠰᠡᠨ ᠪᠤᠭᠴᠤᠨ ᠳᠤ ᠰᠠᠪᠠᠯᠠᠭᠰᠠᠨ ᠢᠳᠡᠭᠡᠨ ᠪᠣᠶᠤ | ᠨᠤᠲᠤᠭ ᠤᠨ ᠭᠠᠷᠤᠯᠲᠠ ᠡᠨᠡ ᠲᠡᠷᠡ ᠶᠢ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ᠲᠤᠰᠤᠨ ᠠᠪᠬᠤ ᠪᠣᠯᠵᠠᠢ ᠁ | ᠵᠦᠢᠳᠡᠰᠦ ᠲᠠᠢ ᠪᠦᠰ ᠪᠣᠭᠴᠤ᠂ ᠰᠢᠷᠭᠠᠯ ᠳᠠᠪᠤᠤ ᠪᠣᠭᠴᠤ᠂ ᠲᠠᠲᠠᠮᠠᠯ ᠲᠣᠪᠴᠢᠯᠠᠭᠤᠷ ᠲᠠᠢ ᠪᠣᠭᠴᠤ᠂ | ᠳᠠᠷᠤᠭᠤᠯ ᠲᠣᠪᠴᠢ ᠲᠠᠢ ᠪᠣᠭᠴᠤ᠂ ᠵᠣᠬᠢᠶᠠᠮᠠᠯ ᠠᠷᠠᠰᠤᠨ ᠪᠣᠭᠴᠤ᠂ ᠵᠢᠩᠭᠢᠨᠢ ᠠᠷᠠᠰᠤᠨ ᠪᠣᠭᠴᠤ᠂ ᠲᠦᠷᠦᠯ | ᠲᠡᠮᠲᠡᠭᠲᠦ ᠪᠤᠭᠴᠤ᠂ ᠲᠣᠮᠤ ᠨᠡᠷᠡᠲᠦ ᠪᠣᠭᠴᠤ ᠭᠡᠵᠦ ᠲᠡᠷᠡ ᠪᠦᠭᠦᠳᠡ ᠶᠢ ᠣᠯᠵᠤ ᠡᠳ᠋ᠯᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠤ᠂ | ᠰᠣᠨᠤᠰᠴᠤ ᠮᠡᠳᠡᠵᠤ ᠣᠶᠢᠯᠠᠭᠠᠵᠤ ᠲᠠᠨᠢᠵᠤ ᠶᠠᠪᠤᠯᠠ᠃ ᠶᠠᠭ ᠬᠡᠯᠡᠪᠡᠯ ᠡᠳᠡᠭᠡᠷ ᠪᠣᠭᠴᠤ ᠨᠢ ᠬᠢᠳᠡᠯ ᠪᠠᠷᠢᠳᠠᠯ᠂ ᠦᠩᠭᠡ | ᠵᠢᠰᠦᠮ᠂ ᠨᠡᠷᠡ ᠲᠡᠮᠳᠡᠭ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠪᠢᠰᠢᠷᠡᠭᠦᠯᠬᠦ ᠪᠢᠰᠢ᠂ ᠬᠠᠷᠢᠨ ᠪᠣᠭᠴᠤᠨ ᠳᠤ ᠰᠠᠪᠠᠯᠠᠭᠰᠠᠨ ᠬᠠᠶᠢᠷᠠ | ᠡᠨᠡᠷᠢᠯ ᠢᠶᠠᠷ ᠯᠡ ᠬᠡᠯᠬᠢᠶᠡᠯᠳᠦᠨ ᠵᠠᠯᠭᠠᠯᠳᠤᠵᠤ᠂ ᠬᠡᠵᠢᠶᠡ ᠡᠭᠦᠷᠢᠳᠡ ᠨᠠᠮᠠᠶᠢ ᠢᠪᠡᠭᠡᠵᠦ᠂ ᠳᠤᠯᠠᠭᠠᠯᠠᠵᠤ᠂ | ᠳᠣᠭᠳᠤᠯᠠᠭᠤᠯᠵᠤ᠂ ᠰᠡᠳᠭᠢᠭᠦᠯᠵᠦ᠂ ᠪᠠᠰᠠ ᠡᠨᠡᠬᠦ ᠬᠠᠶᠢᠷᠠ ᠶᠢ ᠬᠠᠷᠢᠭᠤᠯᠵᠤ ᠠᠴᠢᠯᠠᠵᠤ᠂ ᠰᠠᠴᠤᠵᠤ | ᠳᠡᠯᠭᠡᠷᠡᠭᠦᠯᠬᠦ ᠶᠢᠨ ᠦᠨᠡ ᠥᠷᠳᠡᠭ ᠪᠠ ᠠᠴᠢ ᠲᠤᠰᠠ ᠶᠢ ᠰᠠᠨᠠᠭᠤᠯᠵᠤ ᠰᠡᠭᠡᠭᠡᠷᠡᠭᠦᠯᠵᠦ ᠪᠠᠶᠢᠳᠠᠭ᠃ ᠪᠣᠭᠴᠤᠨ ᠳᠤ | ᠰᠠᠪᠠᠯᠠᠭᠰᠠᠨ ᠬᠠᠶᠢᠷᠠ ᠢᠩᠭᠢᠵᠦ ᠵᠦᠭᠡᠯᠡᠨ ᠵᠦᠰᠡᠷᠡᠬᠦ ᠨᠠᠮᠢᠷᠠᠭᠠ ᠬᠤᠷᠠ ᠡᠬᠡ ᠭᠠᠵᠠᠷ ᠢ ᠤᠮᠳᠠᠯᠠᠬᠤ ᠰᠢᠭ᠋ ᠢᠶᠠᠷ | ᠠᠨᠢᠷ ᠦᠭᠡᠢ ᠶᠢᠨ ᠳᠤᠮᠳᠠ ᠠᠮᠢ ᠨᠠᠰᠤᠨ ᠳᠤ ᠮᠢᠨᠢ ᠠᠭᠤᠰᠤᠨ ᠨᠡᠪᠴᠢᠵᠦ᠂ ᠠᠰᠢᠳᠠ ᠶᠢᠨ ᠲᠠᠯᠠᠷᠬᠠᠯ ᠪᠠ | ᠳᠣᠭᠳᠤᠯᠤᠯ ᠢ ᠴᠢᠪᠠᠭᠳᠠᠨ ᠪᠢᠴᠢᠭᠯᠡᠭᠦᠯᠵᠦ ᠯᠡ ᠪᠠᠶᠢᠳᠠᠭ ᠳ᠋ᠡ᠃ | | |