| ᠠᠨᠳᠠᠢ ᠪᠤᠯ ᠬᠦᠷᠢᠶᠡ ᠨᠤᠲᠤᠭ ᠤᠨ ᠰᠤᠶᠤᠯ ᠤᠨ ᠰᠢᠮᠡᠲᠦ ᠬᠦᠷᠦᠰᠦᠨ ᠳᠤ ᠦᠨᠳᠦᠰᠦ ᠬᠠᠳᠬᠤᠵᠤ᠂ ᠣᠷᠭᠤᠨ | ᠳᠦᠯᠵᠢᠵᠦ᠂ ᠴᠡᠴᠡᠭᠯᠡᠨ ᠳᠡᠯᠭᠡᠷᠡᠵᠦ᠂ ᠦᠷᠡ ᠵᠢᠮᠢᠰ ᠰᠠᠭᠤᠭᠰᠠᠨ ᠨᠢᠭᠡ ᠪᠤᠳᠢ ᠰᠣᠶᠣᠯ ᠣᠷᠠᠯᠢᠭ ᠤᠨ ᠰᠣᠷᠭᠤᠭ | ᠴᠡᠴᠡᠭ᠂ ᠠᠮᠲᠠᠲᠦ ᠵᠢᠮᠢᠰ ᠪᠣᠯᠬᠤ ᠶᠤᠮ᠃ ᠠᠨᠳᠠᠢ ᠨᠢ ᠠᠯᠢ ᠣᠨ ᠠᠴᠠ ᠶᠠᠭᠠᠬᠢᠵᠦ ᠪᠤᠢ ᠪᠤᠯᠤᠭᠰᠠᠨ ᠭᠡᠳᠡᠭ | ᠦᠨᠡᠨ ᠪᠤᠳᠠᠲᠠᠢ ᠦᠰᠦᠭ ᠪᠢᠴᠢᠭ ᠤᠨ ᠲᠡᠮᠳᠡᠭᠯᠡᠯ ᠢ ᠤᠳᠤ ᠪᠤᠯᠲᠠᠯᠠ ᠤᠯᠤᠭᠠ ᠦᠭᠡᠢ ᠤᠴᠢᠷ ᠠᠴᠠ ᠲᠡᠭᠦᠨ ᠤ | ᠡᠭᠦᠰᠦᠯ ᠤᠨ ᠤᠨ ᠵᠢᠯ ᠭᠡᠵᠦ ᠪᠠᠲᠦ ᠬᠡᠯᠡᠬᠦ ᠡᠷᠬᠡ ᠬᠡᠨ ᠳᠤ ᠴᠦ ᠦᠭᠡᠢ ᠪᠠᠶᠢᠨᠠ᠃ ᠮᠥᠨ ᠴᠦ ᠨᠥᠭᠦᠭᠡ ᠲᠠᠯᠠ | ᠪᠠᠷ ᠨᠢ ᠦᠵᠡᠪᠡᠯ ᠠᠨᠳᠠᠢ ᠭᠡᠵᠦ ᠨᠢᠭᠡᠨ ᠲᠠᠭᠤᠯᠠᠬᠤ ᠪᠠᠷ ᠭᠤᠣᠯ ᠴᠣᠭᠴᠠ ᠪᠣᠯᠭᠠᠵᠤ ᠪᠥᠵᠢᠭᠯᠡᠬᠦ ᠪᠠᠷ | ᠬᠠᠪᠰᠤᠷᠭᠠᠭᠰᠠᠨ ᠨᠢᠭᠡᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠵᠠᠰᠠᠯᠭᠠ ᠶᠢᠨ ᠬᠡᠯᠪᠡᠷᠢ ᠪᠠᠶᠢᠭᠰᠠᠨ ᠤᠴᠢᠷ ᠲᠡᠷᠡ ᠨᠢ ᠶᠠᠮᠠᠷ ᠨᠢᠭᠡᠨ | ᠤᠨ ᠳᠤ ᠪᠤᠶᠤ ᠴᠠᠭ ᠮᠥᠴᠡ ᠳᠤ ᠪᠤᠢ ᠪᠤᠯᠵᠤ ᠲᠡᠭᠦᠯᠳᠡᠷᠵᠢᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠨᠡᠩ ᠴᠦ ᠣᠳᠣ ᠶᠢᠨ | ᠰᠢᠭ᠋ ᠳᠠᠭᠤᠣ᠂ ᠪᠥᠵᠢᠭ᠂ ᠰᠢᠯᠦᠭ ᠢᠶᠠᠷ ᠭᠤᠷᠮᠤᠰᠤᠨ ᠶᠠᠰᠤᠵᠢᠭᠰᠠᠨ ᠰᠤᠶᠤᠯ ᠤᠨ ᠬᠡᠯᠪᠡᠷᠢ ᠪᠣᠯᠲᠠᠯᠠ ᠵᠦᠪᠬᠡᠨ | ᠨᠢᠭᠡ ᠬᠤᠶᠠᠷ ᠵᠢᠯ ᠲᠤᠳᠤᠷᠠ᠂ ᠨᠢᠭᠡ ᠬᠤᠶᠠᠷ ᠬᠦᠮᠦᠨ ᠤ ᠴᠢᠷᠮᠠᠶᠢᠯᠭᠠ ᠪᠠᠷ ᠪᠦᠲᠦᠵᠦ ᠪᠦᠷᠢᠯᠳᠦᠵᠦ ᠳᠡᠶᠢᠯᠬᠦ | ᠦᠭᠡᠢ ᠶᠤᠮ᠃ ᠡᠶᠢᠮᠦ ᠠᠴᠠ ᠠᠨᠳᠠᠢ ᠪᠤᠢ ᠪᠤᠯᠤᠭᠠᠳ ᠭᠡᠳᠤᠨ ᠵᠠᠭᠤᠨ ᠵᠢᠯ᠂ ᠴᠢᠨᠠᠭᠰᠢᠯᠠᠭᠠᠳ ᠬᠡᠳᠦᠨ ᠮᠢᠩᠭᠠᠨ | ᠵᠢᠯ ᠪᠣᠯᠵᠣ ᠪᠠᠶᠢᠭᠠ ᠴᠦ ᠪᠠᠶᠢᠵᠤ ᠮᠡᠳᠡᠨᠡ᠃ ᠡᠨᠡ ᠨᠢ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠳᠡᠪᠰᠡᠬᠦ | ᠪᠦᠵᠢᠭ ᠢᠶᠠᠷ ᠲᠡᠮᠳᠡᠭᠯᠡᠭᠳᠡᠵᠦ ᠪᠠᠶᠢᠭᠠ ᠲᠡᠷᠡ ᠰᠠᠭᠯᠠᠭᠠᠷ ᠮᠤᠳᠤ ᠶᠢ ᠲᠤᠭᠤᠷᠢᠵᠤ ᠪᠥᠵᠢᠭᠯᠡᠭᠰᠡᠨ ᠨᠢ ᠠᠨᠳᠠᠢ ᠶᠢᠨ | ᠡᠬᠢᠨ ᠤ ᠦᠶᠡ ᠶᠢ ᠵᠢᠭᠠᠵᠤ ᠪᠠᠶᠢᠭᠰᠠᠨ ᠬᠡᠵᠤ ᠵᠠᠷᠢᠮ ᠡᠷᠳᠡᠮᠳᠡᠨ ᠤ ᠬᠡᠯᠡᠬᠦ ᠨᠢ ᠵᠦᠪ ᠪᠠᠶᠢᠵᠤ ᠴᠦ ᠮᠡᠳᠡᠨᠡ᠃ | ᠠᠨᠳᠠᠢ ᠶᠠᠮᠠᠷ ᠪᠠᠶᠢᠯᠠ ᠴᠦ ᠭᠡᠰᠡᠨ ᠬᠦᠷᠢᠶᠡ ᠬᠤᠰᠢᠭᠤ ᠳᠤ ᠪᠤᠢ ᠪᠤᠯᠵᠤ᠂ ᠴᠤᠭᠯᠠᠷᠠᠯ ᠤᠨ ᠬᠤᠰᠢᠭᠤ ᠪᠦᠳᠦᠵᠤ | ᠪᠦᠷᠢᠯᠳᠦᠵᠤ ᠪᠠᠶᠢᠭᠰᠠᠨ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠦᠶᠡ ᠪᠠᠷ ᠠᠨᠳᠠᠢ ᠭᠡᠬᠦ ᠡᠪᠡᠳᠴᠢᠨ ᠪᠠᠶᠢᠵᠤ᠂ | ᠳᠠᠭᠤᠯᠠᠬᠤ ᠬᠡᠯᠪᠡᠷᠢ ᠪᠠᠷ ᠠᠨᠳᠠᠢ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠦᠵᠡᠭᠳᠡᠯ ᠪᠤᠢ ᠪᠤᠯᠵᠤ᠂ ᠬᠤᠷᠢᠳᠣᠭᠠᠷ ᠵᠠᠭᠤᠨ ᠤ | ᠳᠤᠮᠳᠠᠴᠢ ᠦᠶᠡ ᠳᠠᠷᠦᠢ ᠰᠢᠨᠡ ᠳᠤᠮᠳᠠᠳᠤ ᠣᠯᠣᠰ ᠪᠠᠶᠢᠭᠤᠯᠤᠭᠳᠠᠬᠤ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠵᠠᠢ᠃ | ᠳᠠᠷᠦᠢ ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠡᠯᠡᠰᠦ᠂ ᠪᠠᠶᠠᠨᠬᠤᠸᠠ᠂ ᠶᠠᠩᠰᠢᠪ᠂ ᠬᠠᠷᠭᠤᠤ᠂ ᠭᠤᠷᠪᠠᠨ ᠭᠡᠷ᠂ ᠮᠠᠩᠬᠠ ᠬᠦᠷᠲᠡᠯᠡ | ᠠᠨᠳᠠᠢ ᠡᠪᠡᠳᠴᠢᠨ ᠤᠯᠤᠭᠰᠠᠨ ᠬᠦᠮᠤᠨ ᠭᠠᠷᠴᠤ᠂ ᠠᠨᠳᠠᠢ ᠳᠠᠭᠤᠯᠠᠭᠠᠳ ᠵᠠᠰᠠᠵᠠᠢ ᠭᠡᠰᠡᠨ ᠪᠣᠳᠠᠲᠤ ᠤᠴᠢᠷ | ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ ᠮᠤᠩᠭᠤᠯᠴᠤᠤᠳ ᠠᠨᠳᠠᠢ ᠶᠢ ᠳᠠᠭᠤᠤ ᠬᠥᠭᠵᠢᠮ ᠢ ᠨᠢ | ᠤᠯᠠᠮᠵᠢᠯᠠᠬᠤ ᠶᠢᠨ ᠳᠠᠭᠤ ᠦᠭᠡᠷᠡᠴᠢᠯᠡᠯᠲᠡ ᠰᠢᠨᠡᠴᠢᠯᠡᠯᠲᠡ ᠬᠢᠭᠡᠳ ᠲᠠᠶᠢᠰᠠᠨ ᠤ ᠤᠷᠠᠯᠢᠭ ᠤᠨ ᠬᠡᠯᠪᠡᠷᠢ ᠪᠠᠷ ᠣᠳᠣ | ᠪᠣᠯᠲᠠᠯᠠ ᠬᠥᠭᠵᠢᠭᠦᠯᠵᠠᠢ᠃ | ᠬᠦᠷᠢᠶᠡ ᠠᠨᠳᠠᠢ ᠶᠢ 1956 ᠤᠨ ᠳᠤ ᠪᠠᠶᠠᠨᠬᠤᠸᠠ ᠰᠡᠷᠡᠪ ᠤᠨ ᠤᠳᠬᠠ ᠤᠷᠠᠯᠢᠭᠴᠢᠳ ᠠᠴᠠ ᠬᠠᠮᠤᠭ | ᠲᠦᠷᠦᠬᠦᠤ ᠲᠠᠶᠢᠰᠠᠨ ᠲᠡᠭᠡᠷᠡ ᠳᠠᠭᠤᠯᠠᠨ ᠪᠥᠵᠢᠭᠯᠡᠵᠦ᠂ 1958 ᠤᠨ ᠳᠤ ᠶᠠᠩᠰᠢᠪ ᠤᠨ ᠡᠷᠳᠡᠨᠢᠪᠠᠯ ᠪᠡᠭᠡᠵᠢᠩ ᠤᠨ | ᠲᠠᠶᠢᠰᠠᠨᠠ ᠠᠩᠬᠠ ᠣᠳᠠᠭᠠ ᠲᠤᠭᠯᠠᠭᠠᠳ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ︽ᠠᠨᠳᠠᠢ ᠪᠥᠵᠢᠭ︾ ᠭᠡᠳᠡᠭ ᠨᠠᠷᠡ ᠲᠠᠢ | ᠪᠣᠯᠭᠠᠨ ᠬᠤᠷᠸᠠ ᠳᠤ ᠲᠠᠨᠢᠭᠤᠯᠵᠠᠢ᠃ ᠲᠡᠷᠡ ᠴᠠᠭ ᠠᠴᠠ ᠡᠬᠢᠯᠡᠭᠡᠳ ᠬᠦᠷᠢᠶᠡ ᠠᠨᠳᠠᠢ ᠨᠡᠷᠡ ᠭᠠᠷᠴᠤ᠂ ᠲᠠᠶᠢᠰᠠᠨ | ᠤ ᠪᠥᠵᠢᠭ᠂ ᠮᠤᠩᠭᠤᠯ ᠵᠥᠴᠦᠭᠡ᠂ ᠪᠥᠵᠢᠭᠲᠦ ᠵᠥᠴᠦᠭᠡ᠂ ᠠᠭᠤᠳᠠᠮ ᠲᠠᠯᠠᠪᠠᠢ ᠶᠢᠨ ᠪᠥᠵᠢᠭ᠂ ᠪᠡᠶᠡ | ᠴᠢᠭᠢᠷᠠᠭᠵᠢᠭᠤᠯᠬᠤ ᠪᠥᠵᠢᠭ᠂ ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠡᠯ ᠤᠨ ᠵᠠᠪᠰᠠᠷᠯᠠᠭᠠ ᠶᠢᠨ ᠲᠠᠮᠢᠷ ᠤᠨ ᠪᠥᠵᠢᠭ ᠁ | ᠭᠡᠵᠦ ᠤᠯᠠᠨ ᠤᠯᠠᠨ ᠶᠠᠩᠵᠦ ᠪᠠᠷ ᠤᠯᠠᠷᠢᠨ ᠬᠤᠪᠢᠷᠠᠵᠦ᠂ ᠤᠳᠤ ᠪᠤᠯᠬᠤ ᠳᠤ ︽ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ | ᠲᠡᠷᠢᠭᠦᠨ ᠪᠥᠵᠢᠭ︾ ᠭᠡᠰᠡᠨ ᠨᠡᠷᠡ ᠲᠠᠢ ᠪᠤᠯᠵᠤ ᠭᠢᠯᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠮᠥᠨ ᠴᠦ ᠲᠡᠭᠦᠨ ᠤ ᠳᠡᠯᠭᠡᠷ ᠪᠠᠶᠠᠨ | ᠦᠭᠡ᠂ ᠠᠶᠠᠰ᠂ ᠪᠥᠵᠢᠭ ᠤᠨ ᠬᠥᠳᠡᠯᠭᠡᠭᠡᠨ ᠨᠢ ᠦᠭᠡᠷᠡ ᠰᠤᠶᠤᠯ ᠤᠨ ᠦᠵᠡᠭᠳᠡᠯ ᠳᠤ ᠪᠠᠶᠢᠭᠠ ᠦᠭᠡᠢ ᠪᠥᠭᠡᠳ | ᠬᠦᠷᠢᠶᠡ ᠬᠤᠰᠢᠭᠤᠨ ᠳᠤ ᠯᠡ ᠪᠦᠷᠢᠨ ᠪᠦᠲᠦᠨ᠂ ᠢᠵᠠᠭᠤᠷ ᠰᠢᠨᠵᠢ ᠲᠠᠢ ᠦᠯᠡᠳᠡᠭᠳᠡᠨ ᠬᠤᠴᠤᠷᠠᠵᠤ᠂ ᠤᠯᠤᠰ | ᠲᠠᠶᠠᠭᠠᠷ ᠮᠡᠳᠡᠷᠡᠯ ᠲᠠᠢ ᠣᠯᠣᠰ ᠤᠨ ᠳᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠪᠤᠯᠤᠭᠠᠳ ᠪᠠᠶᠢᠭᠠ ᠶᠤᠮ᠃ |