ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠣᠶᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠤᠩᠭᠤᠯᠴᠤᠳ  ᠤᠨ ᠤᠯᠠᠮᠵᠢᠯᠠᠯᠳᠤ ᠤᠮᠳᠠᠭᠠᠨ ︵ ᠬᠤᠶᠠᠷ ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/1/5
      ᠴᠠᠢ ᠶᠢᠨ ᠤᠮᠳᠠᠭᠠᠨ    ᠮᠤᠩᠭᠤᠯᠴᠤᠳ ᠤᠨ ᠴᠠᠢ ᠶᠢᠨ ᠤᠮᠳᠠᠭᠠᠨ ᠳᠤ ᠬᠡᠬᠡᠷ᠎ᠠ ᠶᠢᠨ ᠳᠡᠬᠦᠮᠠᠯ ᠴᠠᠢ ᠶᠢ ᠴᠢᠨᠠᠬᠤ᠂ ᠬᠡᠪ  ᠤᠨ ᠴᠠᠢ ᠶᠢ ᠬᠡᠮᠬᠡᠯᠵᠤ ᠨᠦᠳᠤᠬᠡᠳ ᠴᠢᠨᠠᠬᠤ᠂ ᠳᠠᠷᠢᠮᠠᠯ ᠴᠠᠢ ᠶᠢ ᠴᠢᠨᠠᠬᠤ ᠪᠤᠶᠤ ᠴᠢᠢᠯᠡᠬᠦ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤᠮᠳᠠᠭᠠᠨ ᠨᠤᠭᠤᠳ ᠪᠠᠭᠳᠠᠳᠠᠭ ᠃    ᠮᠤᠩᠭᠤᠯᠴᠤᠳ ᠡᠷᠳᠠ ᠦᠶ᠎ᠠ ᠳᠤ ᠪᠠᠨ ᠬᠡᠬᠡᠷ᠎ᠠ ᠬᠦᠳᠡᠭᠡ ᠠᠴᠠ ᠤᠯᠠᠨ ᠵᠦᠢᠯ ᠤᠨ ᠴᠠᠢ ᠶᠢᠨ ᠤᠷᠭᠤᠮᠠᠯ ᠢ ᠳᠡᠬᠦᠵᠤ᠂ ᠴᠢᠨᠠᠵᠤ ᠢᠳᠡᠬᠡᠰᠢᠬᠦᠯᠤᠨ ᠤᠮᠳᠠᠭᠠᠨ ᠢᠶᠠᠷ ᠠᠰᠢᠭᠯᠠᠵᠤ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠨᠤᠳᠤᠭ ᠲᠠᠬᠢ ᠴᠠᠢ ᠶᠢᠨ ᠤᠷᠭᠤᠮᠠᠯ ᠢ ᠠᠰᠢᠭᠯᠠᠨ ᠤᠤᠭᠤᠵᠤ ᠪᠠᠶᠢᠭᠰᠠᠨ ᠴᠠᠢ ᠨᠤᠭᠤᠳ ᠲᠤ᠂ ᠰᠦᠳᠤᠨ ᠴᠠᠢ᠂ ᠦᠷᠢᠯ ᠤᠨ ᠴᠠᠢ᠂ ᠮᠠᠨᠤ ᠴᠠᠢ᠂ ᠪᠤᠷᠤᠯᠵᠠᠭᠠᠨ᠎ᠠ ᠶᠢᠨ ᠴᠠᠢ᠂ ᠤᠯᠠᠭᠠᠨ᠎ᠠ  ᠶᠢᠨ ᠴᠠᠢ᠂ ᠨᠤᠬᠠᠢ ᠶᠢᠨ ᠬᠤᠰᠢᠭᠤ ᠶᠢᠨ ᠴᠠᠢ᠂ ᠪᠤᠳᠤᠷᠭᠠᠨ᠎ᠠ ᠶᠢᠨ ᠴᠠᠢ ᠂ ᠱᠡᠬᠡᠷ ᠤᠨ ᠴᠠᠢ᠂ ᠴᠠᠶᠢᠷ ᠤᠨ ᠴᠠᠢ᠂ ᠴᠠᠭᠠᠨ ᠢᠷᠭᠤᠢ ᠶᠢᠨ ᠴᠠᠢ᠂ ᠴᠠᠷᠠᠰᠤᠨ ᠴᠠᠢ᠂ ᠠᠯᠢᠮ᠎ᠠ ᠶᠢᠨ ᠴᠠᠢ ᠵᠡᠷᠬᠡ ᠪᠤᠯᠤᠨ᠎ᠠ᠃ ᠡᠳᠡᠬᠡᠷ ᠴᠠᠢ ᠶᠢᠨ ᠤᠷᠭᠤᠮᠠᠯ ᠢ ᠳᠡᠬᠦᠬᠦ ᠳᠤ ᠪᠠᠨ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠶᠢᠨ ᠠᠳᠠᠯᠢ ᠪᠤᠰᠤ ᠶᠢ ᠦᠨᠳᠤᠰᠤᠯᠡᠵᠤ᠂ ᠠᠳᠠᠯᠢ ᠪᠤᠰᠤ ᠴᠠᠭ ᠲᠤ ᠳᠡᠬᠦᠳᠡᠭ ᠪᠦᠬᠡᠳ ᠵᠠᠷᠢᠮ ᠤᠨ ᠬᠢᠨᠢ ᠨᠠᠪᠴᠢ ᠴᠡᠴᠡᠭ᠂ ᠵᠠᠷᠢᠮ ᠤᠨ ᠬᠢᠨᠢ ᠡᠰᠢ᠂ ᠦᠨᠳᠤᠰᠤ ᠶᠢ ᠬᠡᠷᠡᠭᠯᠡᠳᠡᠭ᠃ ᠳᠠᠷᠠᠴᠢᠯᠠᠨ ᠳᠡᠬᠦᠭᠰᠡᠨ ᠴᠠᠢ ᠶᠢᠨ ᠤᠷᠭᠤᠮᠠᠯ ᠢᠶᠠᠨ ᠡᠭᠰᠢᠬᠡᠬᠦ᠂ ᠬᠠᠳᠠᠭᠠᠬᠤ᠂ ᠳᠠᠷᠤᠰᠢᠭᠤᠯᠬᠤ᠂ ᠬᠠᠭᠤᠷᠬᠤ ᠵᠡᠷᠬᠡ ᠶᠠᠩᠵᠤ ᠪᠦᠷᠢ ᠶᠢᠨ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠤ ᠡᠳ᠋ᠰᠢᠬᠦᠯᠳᠡᠭ᠃   ᠬᠡᠬᠡᠷ᠎ᠠ ᠶᠢᠨ ᠴᠠᠢ ᠶᠢᠨ ᠤᠷᠭᠤᠮᠠᠯ ᠢ ᠳᠠᠨᠢᠵᠤ ᠰᠤᠩᠭᠤᠬᠤ᠂ ᠳᠡᠬᠦᠬᠦ ᠴᠠᠭ ᠢ ᠨᠢ ᠤᠨᠤᠪᠴᠢᠳᠠᠢ ᠳᠤᠬᠢᠷᠠᠭᠤᠯᠬᠤ᠂ ᠠᠳᠠᠯᠢ ᠪᠤᠰᠤ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠤ ᠡᠳ᠋ᠰᠢᠬᠦᠯᠬᠦ ᠵᠡᠷᠬᠡ ᠤᠷ᠎ᠠ ᠤᠬᠠᠭᠠᠨ᠂ ᠤᠷᠠᠨ ᠮᠡᠷᠬᠡᠵᠢᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠤᠢᠢᠯᠡᠳᠤᠯᠬᠡ ᠳᠤᠷᠰᠢᠯᠭ᠎ᠠ ᠶᠢᠨ ᠬᠢᠨᠢ ᠬᠤᠷᠠᠮᠳᠤᠭᠤᠯᠤᠯ ᠪᠠ ᠤᠶᠤᠨ ᠤᠬᠠᠭᠠᠨ ᠤ ᠬᠢᠨᠢ ᠢᠯᠡᠷᠡᠬᠦᠯᠤᠯ ᠪᠤᠯᠬᠤ ᠶᠤᠮ᠃   ᠰᠡᠬᠦᠯᠳᠡᠵᠤ ᠢᠷᠡᠬᠡᠳ ᠭᠤᠤᠯᠳᠠᠭᠤ ᠳᠤᠮᠳᠠᠳᠤ ᠤᠷᠤᠨ ᠤ ᠳᠠᠷᠢᠮᠠᠯ ᠴᠠᠢ ᠪᠠᠷ ᠳᠠᠷᠤᠰᠢᠭᠤᠯᠤᠭᠰᠠᠨ ᠬᠡᠪ  ᠤᠨ ᠴᠠᠢ ᠪᠠ ᠬᠠᠳᠠᠭᠠᠭᠰᠠᠨ ᠴᠠᠢ ᠶᠢ ᠤᠤᠭᠤᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃    ᠮᠤᠩᠭᠤᠯᠴᠤᠳ ᠴᠠᠢ ᠶᠢ ᠳᠤᠩ ᠡᠷᠬᠢᠮᠯᠡᠵᠤ᠂ ᠡᠳᠤᠷ ᠳᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠪᠠᠨ ᠤᠮᠳᠠ ᠬᠤᠭᠤᠯᠠ ᠪᠤᠯᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠬᠤᠷᠢᠮ ᠨᠠᠶᠢᠷ᠂ ᠶᠤᠰᠤᠯᠠᠯ ᠳᠠᠶᠢᠯᠠᠯᠭ᠎ᠠ ᠳᠤ ᠬᠡᠶᠢᠴᠢᠨ ᠵᠤᠴᠢᠨ ᠢᠶᠠᠨ ᠵᠤᠴᠢᠯᠠᠬᠤ ᠬᠦᠨᠳᠤᠳᠬᠡᠯ ᠤᠨ ᠤᠮᠳᠠᠭᠠᠨ ᠪᠤᠯᠭᠠᠳᠠᠭ ᠃    ᠠᠶᠢᠯ ᠬᠡᠷ ᠲᠤ ᠢᠷᠡᠭᠰᠡᠨ ᠬᠦᠮᠤᠨ ᠳᠤ ᠵᠠᠪᠠᠯ ᠴᠠᠢ ᠠᠶᠠᠭᠠᠯᠠᠵᠤ᠂ ᠴᠠᠭᠠᠨ ᠢᠳᠡᠭᠡ ᠳᠠᠯᠪᠢᠳᠠᠭ ᠨᠢ ᠤᠯᠠᠮᠵᠢᠯᠠᠯ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠬᠡᠶᠢᠴᠢᠨ ᠵᠤᠴᠢᠨ ᠤᠷᠢᠵᠤ ᠵᠤᠴᠢᠯᠠᠬᠤ  ᠳᠤ ᠪᠠᠨ ︽ᠴᠠᠢ ᠤᠤᠭᠤᠯᠭᠠᠬᠤ︾᠂ ︽ ᠴᠠᠶᠢᠯᠠᠬᠤ︾ ᠬᠡᠳᠡᠭ᠃ ᠪᠤᠰᠤᠳ ᠲᠤ ᠴᠠᠢ ᠠᠶᠠᠭᠠᠯᠠᠬᠤ  ᠳᠤ ᠪᠠᠨ ᠠᠶᠠᠭᠠᠨ ᠳᠤ ᠨᠢ ᠬᠤᠷᠤᠳ᠂ ᠦᠷᠤᠮ᠎ᠠ ᠂ ᠰᠢᠷ᠎ᠠ ᠳᠤᠰᠤ ᠵᠡᠷᠬᠡ ᠠᠴᠠ ᠪᠠᠭ᠎ᠠ ᠴᠤ ᠬᠡᠰᠡᠨ ᠬᠢᠵᠤ ᠠᠶᠠᠭᠠᠯᠠᠳᠠᠭ ᠶᠤᠰᠤ ᠲᠠᠢ᠃    ᠴᠢᠨᠠᠭᠰᠠᠨ ᠴᠠᠢ ᠶᠢᠨ ᠰᠢᠭᠠᠷᠤ ᠶᠢ ᠦᠨᠡᠰᠤ ᠬᠤᠭ ᠲᠠᠢ ᠬᠤᠯᠢᠯᠳᠤᠭᠤᠯᠬᠤ ᠪᠠ ᠬᠦᠮᠤᠨ᠂ ᠮᠠᠯ ᠤᠨ ᠬᠦᠯ ᠳᠤ ᠬᠢᠰᠬᠢᠭᠳᠡᠬᠦ ᠠᠴᠠ ᠴᠡᠬᠡᠷᠯᠡᠵᠤ᠂ ᠬᠡᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠳᠠᠯ᠎ᠠ ᠳᠤ ᠤᠪᠤᠭᠠᠯᠠᠵᠤ ᠳᠠᠯᠪᠢᠳᠠᠭ ᠨᠢ ᠴᠠᠢ ᠶᠢᠨ ᠳᠤᠬᠠᠢ ᠳᠡᠬᠡᠳᠤᠯᠠᠯ ᠤᠨ ᠬᠢᠨᠢ ᠢᠯᠡᠷᠬᠡᠶᠢᠯᠡᠯ ᠶᠤᠮ᠃    ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠴᠠᠢ ᠶᠢᠨ ᠤᠮᠳᠠᠭᠠᠨ ᠳᠤ ᠭᠤᠤᠯᠳᠠᠭᠤ ᠰᠦ ᠲᠠᠢ ᠴᠠᠢ ᠪᠠ ᠬᠠᠷ᠎ᠠ ᠴᠠᠢ ᠬᠡᠬᠦ ᠢᠯᠭᠠᠯ ᠲᠠᠢ᠃      ᠨᠢᠬᠡ ᠂ ᠰᠦ ᠲᠠᠢ ᠴᠠᠢ
   ᠬᠡᠬᠡᠷ᠎ᠠ ᠶᠢᠨ ᠳᠡᠬᠦᠮᠠᠯ ᠴᠠᠢ ᠪᠤᠶᠤ ᠬᠡᠪ ᠤᠨ ᠴᠠᠢ ᠶᠢ ᠬᠡᠮᠬᠡᠯᠵᠤ ᠴᠢᠨᠠᠭᠠᠳ ᠢᠳᠡᠬᠡᠰᠢᠭ ᠪᠤᠯᠭᠠᠭᠰᠠᠨ ᠤ ᠳᠠᠷᠠᠭ᠎ᠠ ᠳᠤᠩᠭᠠᠵᠤ᠂ ᠰᠦ᠂ ᠨᠤᠤᠭ ᠪᠤᠶᠤ ᠵᠦᠬᠡᠬᠡᠢ ᠪᠠᠷ ᠨᠠᠶᠢᠯᠡᠬᠦᠯᠵᠤ᠂ ᠪᠠᠭ᠎ᠠ ᠳᠠᠪᠤᠰᠤ ᠤᠷᠬᠢᠭᠠᠳ ᠰᠠᠮᠤᠷᠴᠤ ᠨᠠᠶᠢᠴᠡᠬᠦᠯᠦᠭᠰᠡᠨ ᠢ ᠰᠦ ᠲᠠᠢ ᠴᠠᠢ ᠬᠡᠨ᠎ᠠ᠃ ᠰᠦ ᠲᠠᠢ ᠴᠠᠢ ᠪᠤᠯ ᠮᠠᠯᠴᠢᠳ ᠤᠨ ᠬᠠᠮᠤᠭ ᠤᠨ ᠤᠤᠭᠤᠬᠤ ᠳᠤᠷᠠᠳᠠᠢ ᠤᠮᠳᠠᠭᠠᠨ ᠪᠤᠯᠤᠨ᠎ᠠ᠃ ᠰᠦ ᠲᠠᠢ ᠴᠠᠢ ᠨᠢ ᠬᠦᠮᠤᠨ ᠤ ᠴᠤᠭ ᠰᠦᠯᠳᠠ ᠶᠢ ᠰᠡᠷᠬᠦᠬᠡᠬᠦ᠂ ᠶᠠᠳᠠᠷᠠᠭ᠎ᠠ ᠴᠢᠯᠡᠭᠡ ᠶᠢ ᠳᠠᠶᠢᠯᠬᠤ᠂ ᠬᠤᠳᠤᠭᠤᠳᠤ ᠬᠡᠳᠡᠰᠤᠨ ᠤ ᠠᠵᠢᠯᠯᠠᠭ᠎ᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠪᠤᠳᠠᠰ ᠤᠨ ᠰᠤᠯᠢᠯᠴᠠᠭ᠎ᠠ ᠶᠢ ᠳᠦᠷᠬᠡᠳᠬᠡᠬᠦ ᠤᠢᠢᠯᠡᠳᠤᠯ ᠲᠠᠢ ᠤᠮᠳᠠᠭᠠᠨ ᠶᠤᠮ᠃ ᠮᠤᠩᠭᠤᠯᠴᠤᠳ ᠬᠡᠶᠢᠴᠢᠨ ᠵᠤᠴᠢᠨ ᠳᠤ ᠬᠠᠷ᠎ᠠ ᠴᠠᠢ᠂ ᠬᠠᠯᠠᠭᠤᠨ ᠤᠰᠤ ᠠᠶᠠᠭᠠᠯᠠᠬᠤ ᠶᠢ ᠴᠡᠬᠡᠷᠯᠡᠳᠡᠭ᠃ ᠰᠦ ᠲᠠᠢ ᠴᠠᠢ ᠦᠨᠤᠷ ᠠᠮᠳᠠ ᠰᠠᠶᠢᠬᠠᠨ᠂ ᠦᠯ ᠬᠤᠭᠤᠯᠠ ᠳᠠᠷᠤᠳᠠᠭ ᠪᠤᠯᠬᠤᠷ ᠮᠠᠯᠴᠢᠳ ᠦᠷᠯᠤᠬᠡ᠂ ᠦᠳᠡ ᠳᠤ ᠪᠠᠨ ᠴᠠᠢ ᠤᠤᠭᠤᠵᠤ᠂ ᠤᠷᠤᠢ ᠳᠤ ᠪᠠᠨ ᠬᠤᠭᠤᠯᠠ ᠢᠳᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠰᠦ ᠲᠠᠢ ᠴᠠᠢ ᠨᠢ ᠮᠤᠩᠭᠤᠯᠴᠤᠳ  ᠤᠨ ᠠᠮᠢᠳᠤᠷᠠᠯ ᠳᠤ ᠤᠮᠳᠠ ᠬᠤᠭᠤᠯᠠ ᠶᠢᠨ ᠤᠢᠢᠯᠡᠳᠤᠯ ᠲᠠᠢ ᠪᠤᠯᠬᠤᠷ᠂ ᠴᠢᠨᠠᠵᠤ ᠪᠡᠯᠡᠳᠬᠡᠬᠦ ᠠᠴᠠ ᠡᠬᠢᠯᠡᠬᠡᠳ᠂ ᠤᠤᠭᠤᠵᠤ ᠡᠳ᠋ᠯᠡᠬᠦ ᠵᠡᠷᠬᠡ ᠳᠤ ᠪᠦᠷ ᠦᠪᠡᠷᠮᠢᠴᠠ ᠶᠤᠰᠤ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠴᠠᠢ ᠴᠢᠨᠠᠬᠤ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠳᠤᠰᠬᠠᠢ ᠳᠤᠭᠤᠭ᠎ᠠ ᠪᠠᠶᠢᠳᠠᠭ ᠪᠦᠬᠡᠳ ᠴᠠᠢ ᠴᠢᠨᠠᠬᠤ ᠳᠤ ᠪᠠᠨ ᠳᠤᠭᠤᠭ᠎ᠠ ᠪᠠᠨ ᠰᠠᠶᠢᠨ ᠤᠬᠢᠶᠠᠳᠠᠭ᠃ ᠢᠩᠬᠢᠪᠠᠯ ᠴᠠᠢ ᠶᠢᠨ ᠢᠳᠡᠬᠡᠰᠢᠯᠳᠠ ᠰᠠᠶᠢᠨ ᠂ ᠦᠩᠬᠡ ᠨᠢ ᠰᠠᠶᠢᠬᠠᠨ ᠪᠤᠯᠳᠠᠭ᠃ ᠬᠡᠷ ᠵᠠᠭᠤᠷ᠎ᠠ ᠪᠠᠨ ᠴᠠᠢ ᠤᠤᠭᠤᠬᠤ ᠳᠤ ᠪᠠᠨ ᠬᠤᠷᠤᠳ᠂ ᠠᠭᠠᠷᠤᠤᠯ ᠬᠢᠵᠤ᠂ ᠮᠢᠬ᠎ᠠ ᠬᠦᠰᠬᠦᠯᠡᠵᠤ ᠤᠤᠭᠤᠳᠠᠭ ᠤᠴᠢᠷ ᠠᠴᠠ ᠤᠮᠳᠠ ᠳᠠᠷᠤᠬᠤ ᠶᠢᠨ ᠬᠠᠮᠳᠤ᠂ ᠦᠯ ᠬᠤᠭᠤᠯᠠ ᠪᠤᠯᠳᠠᠭ᠃ ᠮᠤᠩᠭᠤᠯᠴᠤᠳ ᠤᠨ ᠤᠤᠭᠤᠳᠠᠭ ᠴᠠᠢ ᠶᠢ ᠨᠠᠶᠢᠳᠠ ᠳᠤ ᠨᠢ ᠰᠦ ᠲᠠᠢ ᠴᠠᠢ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠬᠡᠬᠦ ᠳᠤ ᠪᠠᠨ ᠴᠢᠨᠠᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠷᠭ᠎ᠠ ᠶᠢᠨ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ᠂ ᠠᠮᠳᠠ ᠰᠢᠮᠳᠠ ᠪᠠᠷ ᠠᠳᠠᠯᠢ ᠦᠬᠡᠢ ᠪᠠᠶᠢᠳᠠᠭ᠃ ᠳᠤᠬᠠᠢᠢᠯᠠᠪᠠᠯ᠂ ᠴᠠᠬᠠᠷ᠂ ᠬᠡᠰᠢᠭᠳᠡᠨ᠂ ᠪᠠᠭᠠᠷᠢᠨ ᠤ ᠴᠠᠢ ᠢᠳᠡᠬᠡᠰᠢᠭ ᠡᠬᠡᠬᠦᠨ᠂ ᠵᠦᠬᠡᠬᠡᠢ᠂ ᠨᠤᠤᠭ  ᠢᠶᠠᠷ ᠰᠦᠯᠡᠳᠡᠭ ᠪᠤᠯᠬᠤᠷ ᠳᠤᠰᠤᠯᠢᠬ ᠠᠮᠳᠠᠳᠠᠢ᠃ ᠰᠦᠨᠢᠳ᠂ ᠤᠷᠳᠤᠰ ᠴᠠᠢ ᠰᠢᠩᠬᠡᠪᠳᠤᠷ᠂ ᠳᠠᠪᠤᠰᠤ ᠪᠠᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠪᠠᠷᠭᠤ ᠴᠠᠢ ᠳᠠᠪᠤᠰᠤ ᠦᠬᠡᠢ᠂ ᠬᠠᠯᠬ᠎ᠠ ᠴᠠᠢ ᠰᠢᠩᠬᠡᠨ ᠪᠦᠬᠡᠳ ᠰᠦ ᠳᠠᠶᠢᠯᠤᠩᠬᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠴᠠᠢ  ᠶᠢᠨ ᠤᠮᠳᠠᠭᠠᠨ ᠨᠢ ᠤᠷᠤᠨ ᠨᠤᠳᠤᠭ ᠤᠨ ᠤᠨᠴᠠᠯᠢᠬ ᠢᠶᠠᠷ ᠳᠤᠪᠤᠶᠢᠮ᠎ᠠ ᠪᠤᠯᠤᠭᠰᠠᠨ ᠶᠤᠮ᠃    ᠰᠦ ᠲᠠᠢ ᠴᠠᠢ ᠶᠢ ᠴᠢᠨᠠᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠳᠤ ᠶᠡᠬᠡᠬᠡᠨ ᠤᠷ᠎ᠠ ᠳᠡᠮ ᠤᠷᠤᠳᠠᠭ᠂ ᠴᠠᠢ ᠴᠢᠨᠠᠬᠤ ᠳᠤ ᠪᠠᠨ ᠳᠤᠭᠤᠭ᠎ᠠ ᠲᠠᠢ ᠬᠦᠢᠳᠡᠨ ᠤᠰᠤᠨ ᠳᠤ ᠬᠡᠮᠬᠡᠯᠵᠤ ᠨᠦᠳᠦᠭᠰᠡᠨ ᠴᠠᠢ ᠪᠠᠨ ᠬᠢᠵᠤ ᠪᠤᠴᠠᠯᠭᠠᠭᠠᠳ᠂ ᠤᠯᠠᠨ ᠳᠠᠬᠢᠨ ᠰᠠᠮᠤᠷᠴᠤ ᠢᠳᠡᠬᠡᠰᠢᠬᠦᠯᠳᠡᠭ᠃ ᠢᠳᠡᠬᠡᠰᠢᠭᠰᠡᠨ ᠴᠠᠢ ᠪᠠᠨ ᠳᠤᠩᠭᠠᠵᠤ ᠠᠪᠤᠭᠠᠳ ᠰᠦ᠂ ᠨᠤᠤᠭ᠂ ᠵᠦᠬᠡᠬᠡᠢ ᠪᠠᠷ ᠰᠦᠯᠡᠬᠦ ᠳᠤ ᠪᠠᠨ ᠮᠦᠨ ᠤᠯᠠᠨ ᠳᠠᠬᠢᠨ ᠰᠠᠮᠤᠷᠴᠤ ᠨᠠᠶᠢᠴᠡᠬᠦᠯᠳᠡᠭ᠃ ᠡᠶᠢᠮᠤᠷᠬᠦᠤ ᠢᠳᠡᠬᠡᠰᠢᠬᠦᠯᠬᠦ᠂ ᠳᠤᠩᠭᠠᠬᠤ᠂ ᠰᠦᠯᠡᠬᠦ ᠶᠠᠪᠤᠴᠠ ᠪᠠᠷ ᠴᠢᠨᠠᠭᠰᠠᠨ ᠴᠠᠢ ᠶᠢᠨ ᠦᠩᠬᠡ ᠨᠢ ᠬᠦᠷᠡᠩ ᠤᠯᠠᠭᠠᠨ᠂ ᠦᠨᠤᠷ ᠠᠮᠳᠠ ᠨᠢ ᠭᠤᠶᠢᠳᠠ ᠰᠠᠶᠢᠬᠠᠨ ᠪᠤᠯᠵᠤ ᠴᠢᠳᠠᠳᠠᠭ ᠶᠤᠮ᠃    ᠰᠦ ᠲᠠᠢ ᠴᠠᠢ ᠶᠢ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ ᠨᠢ ᠪᠤᠳᠠᠭ᠎ᠠ ᠤᠷᠬᠢᠭᠰᠠᠨ ᠴᠠᠢ᠂ ᠪᠤᠳᠠᠭ᠎ᠠ ᠰᠠᠮᠤᠷᠤᠭᠰᠠᠨ ᠴᠠᠢ᠂ ᠭᠤᠯᠢᠷᠳᠠᠭᠰᠠᠨ ᠴᠠᠢ᠂ ᠪᠠᠩᠰᠢ ᠲᠠᠢ ᠴᠠᠢ᠂ ᠪᠤᠷᠪᠢ ᠳᠤᠶᠢᠭ ᠤᠨ ᠴᠠᠢ ᠬᠡᠬᠦ ᠮᠡᠳᠤ ᠪᠠᠷ ᠳᠤᠳᠤᠷᠠᠭᠤᠯᠤᠨ ᠨᠡᠷᠡᠯᠡᠳᠡᠭ᠃    ᠪᠤᠳᠠᠭ᠎ᠠ ᠤᠷᠬᠢᠭᠰᠠᠨ ᠴᠠᠢ — ᠴᠢᠨᠠᠭᠰᠠᠨ ᠴᠠᠢ ᠶᠢᠨ ᠰᠢᠭᠠᠷᠤ ᠶᠢ ᠳᠤᠩᠭᠠᠵᠤ ᠠᠪᠤᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠨᠠᠷᠢᠮᠤ ᠪᠤᠳᠠᠭ᠎ᠠ ︵ᠬᠤᠨᠤᠭ ᠪᠤᠳᠠᠭ᠎ᠠ︶ ᠬᠢᠵᠤ᠂ ᠴᠠᠢ ᠪᠠᠨ ᠪᠤᠴᠠᠯᠭᠠᠭᠠᠳ᠂ ᠪᠤᠳᠠᠭ᠎ᠠ ᠨᠢ ᠰᠢᠯᠵᠢᠷᠠᠪᠠᠯ ᠰᠦ᠂ ᠨᠤᠤᠭ ᠪᠤᠶᠤ ᠵᠦᠬᠡᠬᠡᠢ ᠪᠠᠷ ᠨᠡᠶᠢᠯᠡᠬᠦᠯᠵᠤ᠂ ᠪᠠᠭ᠎ᠠ ᠰᠢᠬ ᠳᠠᠪᠤᠰᠤ ᠬᠢᠵᠤ᠂ ᠰᠢᠷ᠎ᠠ ᠳᠤᠰᠤ ᠰᠠᠮᠤᠷᠪᠠᠯ᠂ ᠬᠦᠷᠡᠩ ᠤᠯᠠᠭᠠᠨ ᠦᠩᠬᠡᠳᠠᠢ ᠪᠤᠳᠠᠭ᠎ᠠ ᠤᠷᠬᠢᠭᠰᠠᠨ ᠴᠠᠢ ᠪᠤᠯᠳᠠᠭ᠃    ᠪᠤᠳᠠᠭ᠎ᠠ ᠰᠠᠮᠤᠷᠤᠭᠰᠠᠨ ᠴᠠᠢ — ᠴᠠᠢ ᠪᠠᠨ ᠴᠢᠨᠠᠵᠤ ᠢᠳᠡᠬᠡᠰᠢᠬᠦᠯᠤᠨ ᠰᠦᠯᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠪᠠᠭ᠎ᠠ ᠬᠡᠮᠵᠢᠶᠡᠨ ᠤ ᠬᠠᠭᠤᠷᠤᠭᠰᠠᠨ ᠠᠮᠤ ︵ᠪᠤᠯᠭᠤᠭᠰᠠᠨ ᠪᠤᠳᠠᠭ᠎ᠠ︶ ᠶᠢ ᠴᠠᠢ ᠳᠤ ᠪᠠᠨ ᠬᠢᠵᠤ ᠪᠡᠯᠡᠳᠬᠡᠭᠰᠡᠨ ᠢ ᠪᠤᠳᠠᠭ᠎ᠠ ᠰᠠᠮᠤᠷᠤᠭᠰᠠᠨ ᠴᠠᠢ ᠬᠡᠳᠡᠭ᠃ ᠡᠶᠢᠮᠤ ᠴᠠᠢ ᠨᠢ ᠬᠠᠭᠤᠷᠤᠭᠰᠠᠨ ᠠᠮᠤ ᠶᠢᠨ ᠦᠨᠤᠷ ᠬᠠᠩᠬᠤᠯᠵᠤ᠂ ᠦᠨᠤᠷ ᠠᠮᠳᠠ  ᠪᠠᠷ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃    ᠭᠤᠯᠢᠷᠳᠠᠭᠰᠠᠨ ᠴᠠᠢ  — ᠭᠤᠯᠢᠷᠳᠠᠭᠰᠠᠨ ᠴᠠᠢ ᠪᠠᠵᠠᠭᠠᠬᠤ ᠳᠤ ᠤᠷᠢᠳ   ᠢᠶᠠᠷ ᠳᠤᠭᠤᠭᠠᠨ ᠳᠤ ᠪᠠᠨ ᠪᠠᠭ᠎ᠠ ᠬᠡᠮᠵᠢᠶᠡᠨ ᠤ ᠰᠢᠷ᠎ᠠ ᠳᠤᠰᠤ ᠬᠠᠶᠢᠯᠤᠭᠤᠯᠬᠤ ᠪᠤᠶᠤ ᠬᠤᠨᠢᠨ ᠰᠡᠬᠦᠯ᠂ ᠰᠡᠮᠡᠵᠠᠨ ᠦᠬᠡᠬᠦ ᠶᠢ ᠵᠢᠵᠢᠭ ᠬᠡᠷᠴᠢᠵᠤ ᠰᠢᠷᠭᠠᠭᠠᠳ᠂ ᠳᠡᠬᠡᠷ᠎ᠠ ᠨᠢ ᠵᠤᠬᠢᠬᠤ ᠬᠡᠮᠵᠢᠶᠠᠨ ᠤ ᠴᠠᠭᠠᠨ ᠭᠤᠯᠢᠷ ᠬᠢᠵᠤ ᠬᠠᠭᠤᠷᠤᠭᠠᠳ᠂ ᠴᠢᠨᠠᠵᠤ ᠳᠤᠩᠭᠠᠭᠰᠠᠨ ᠴᠠᠢ ᠪᠠᠨ ᠬᠢᠵᠤ ᠪᠤᠴᠠᠯᠭᠠᠳᠠᠭ᠃ ᠢᠩᠬᠢᠵᠤ ᠴᠢᠨᠠᠭᠰᠠᠨ ᠴᠠᠢ ᠨᠢ ᠰᠦᠯᠡᠭᠰᠡᠨ ᠮᠡᠳᠤ ᠬᠦᠷᠡᠩ ᠤᠯᠠᠭᠠᠪᠳᠤᠷ ᠦᠩᠬᠡ  ᠲᠠᠢ ᠪᠤᠯᠬᠤ ᠮᠦᠷᠳᠡᠬᠡᠨ ᠦᠨᠤᠷ ᠠᠮᠳᠠ ᠪᠠᠷ ᠰᠠᠶᠢᠬᠠᠨ ᠪᠤᠯᠳᠠᠭ᠃    ᠪᠠᠩᠰᠢ ᠲᠠᠢ ᠴᠠᠢ — ᠴᠠᠢ ᠪᠠᠨ ᠴᠢᠨᠠᠵᠤ ᠳᠤᠩᠭᠠᠭᠠᠳ᠂ ᠰᠦ᠂ ᠵᠦᠬᠡᠬᠡᠢ ᠪᠠᠷ ᠰᠦᠯᠡᠬᠦ ᠶᠢᠨ ᠬᠠᠮᠳᠤ ᠪᠠᠩᠰᠢ ᠬᠢᠵᠤ ᠪᠤᠴᠠᠯᠭᠠᠳᠠᠭ᠃ ᠡᠶᠢᠮᠤᠷᠬᠦᠤ ᠴᠠᠢ ᠨᠢ ᠦᠨᠤᠷ ᠠᠮᠳᠠ ᠪᠠᠷ ᠦᠪᠡᠷᠮᠢᠴᠠ ᠪᠦᠬᠡᠳ ᠦᠯ ᠰᠠᠶᠢᠳᠠᠢ᠂ ᠰᠢᠮ᠎ᠠ ᠳᠡᠵᠢᠬᠡᠯ ᠳᠡᠬᠦᠯᠳᠡᠷ ᠪᠠᠶᠢᠳᠠᠭ᠃    ᠪᠤᠷᠪᠢ ᠳᠤᠶᠢᠭ ᠤᠨ ᠴᠠᠢ — ᠴᠢᠨᠠᠵᠤ ᠳᠤᠩᠭᠠᠭᠰᠠᠨ ᠴᠠᠢ ᠳᠤ ᠪᠠᠨ ᠬᠤᠨᠢ᠂ ᠢᠮᠠᠭᠠᠨ  ᠤ ᠪᠤᠷᠪᠢ ᠳᠤᠶᠢᠭ  ᠤᠨ ᠶᠠᠰᠤ ᠶᠢ ᠬᠢᠵᠤ ᠪᠤᠴᠠᠯᠭᠠᠨ ᠪᠡᠯᠡᠳᠬᠡᠭᠰᠡᠨ ᠴᠠᠢ ᠶᠢ ᠪᠤᠷᠪᠢ ᠳᠤᠶᠢᠭ ᠤᠨ ᠴᠠᠢ ᠬᠡᠳᠡᠭ᠃ ᠪᠤᠷᠪᠢ ᠳᠤᠶᠢᠭ ᠤᠨ ᠴᠠᠢ ᠨᠢ ᠰᠦ ᠲᠠᠢ ᠴᠠᠢ ᠶᠢᠨ ᠦᠨᠤᠷ ᠠᠮᠳᠠ ᠪᠤᠯᠤᠨ ᠶᠠᠰᠤᠨ ᠱᠦᠯᠤᠨ ᠤ ᠦᠨᠤᠷ ᠠᠮᠳᠠ ᠬᠤᠤᠰᠯᠠᠵᠤ᠂ ᠤᠤᠭᠤᠬᠤ ᠳᠤ ᠦᠨᠤᠷ ᠠᠮᠳᠠ ᠲᠠᠢ ᠪᠦᠬᠡᠳ ᠰᠢᠮ᠎ᠠ ᠳᠡᠵᠢᠬᠡᠯ ᠳᠡᠬᠦᠯᠳᠡᠷ ᠪᠤᠯᠬᠤᠷ ᠪᠤᠷᠪᠢ ᠳᠤᠶᠢᠭ ᠤᠨ ᠴᠠᠢ ᠶᠢ ᠨᠠᠰᠤᠳᠠᠢ ᠬᠦᠮᠤᠨ ᠪᠤᠶᠤ ᠡᠪᠡᠳᠴᠢᠨ ᠲᠠᠢ ᠬᠦᠮᠤᠨ ᠳᠤ ᠤᠤᠭᠤᠯᠭᠠᠪᠠᠯ ᠳᠡᠩᠬᠡᠬᠡ ᠳᠠᠮᠢᠷ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠬᠤ  ᠳᠤ ᠳᠤᠰᠠᠳᠠᠢ ᠶᠤᠮ᠃    ᠬᠤᠶᠠᠷ ᠂ ᠬᠠᠷ᠎ᠠ ᠴᠠᠢ
    ᠮᠤᠩᠭᠤᠯᠴᠤᠳ ᠴᠠᠢ ᠶᠢᠨ ᠤᠮᠳᠠᠭᠠᠨ  ᠢ ᠡᠳ᠋ᠯᠡᠬᠦ  ᠳᠤ ᠪᠠᠨ ᠬᠡᠬᠡᠷ᠎ᠠ ᠶᠢᠨ ᠳᠡᠬᠦᠮᠡᠯ ᠴᠠᠢ ᠪᠤᠶᠤ ᠳᠠᠷᠢᠮᠠᠯ ᠴᠠᠢ  ᠶᠢ ᠦᠨᠢᠶ᠎ᠠ᠂ ᠢᠩᠬᠡ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠰᠦ ᠪᠠᠷ ᠰᠦᠯᠡᠵᠤ᠂ ᠳᠡᠬᠦᠨ ᠢᠶᠠᠨ ᠰᠦ ᠲᠠᠢ ᠴᠠᠢ ᠬᠡᠵᠤ ᠨᠡᠷᠡᠰᠢᠬᠦᠯᠵᠠᠢ᠃ ᠬᠡᠪᠡᠴᠤ ᠵᠠᠷᠢᠮ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠳᠤ᠂ ᠳᠤᠬᠠᠢᠢᠯᠠᠪᠠᠯ ᠡᠪᠤᠯ ᠬᠠᠪᠤᠷ ᠤᠨ ᠰᠦ ᠰᠠᠭᠠᠯᠢ ᠬᠤᠪᠤᠷ ᠤᠯᠠᠷᠢᠯ ᠪᠤᠶᠤ ᠭᠠᠩ ᠭᠠᠴᠢᠭ ᠲᠠᠢ ᠴᠠᠭ ᠲᠤ᠂ ᠡᠰᠡᠬᠦᠯ᠎ᠠ ᠠᠯᠤᠰ ᠬᠤᠯᠠ ᠶᠢᠨ ᠠᠶᠠᠨ ᠵᠠᠮ ᠳᠤ ᠴᠠᠢ ᠪᠠᠨ ᠰᠦᠯᠡᠬᠦ ᠦᠬᠡᠢ ᠪᠠᠷ ᠤᠤᠭᠤᠬᠤ ᠶᠢ ᠬᠠᠷ᠎ᠠ ᠴᠠᠢ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ᠂ ᠬᠠᠷ᠎ᠠ ᠴᠠᠢ ᠬᠡᠳᠡᠭ ᠨᠢ ᠳᠠᠷᠢᠮᠠᠯ ᠴᠠᠢ ᠶᠢ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠴᠢᠢᠯᠡᠵᠤ ᠤᠤᠭᠤᠬᠤ ᠶᠢ ᠬᠠᠷ᠎ᠠ ᠴᠠᠢ ᠬᠡᠳᠡᠭ ᠪᠤᠯᠪᠠᠴᠤ ᠡᠶᠢᠮᠤᠷᠬᠦᠤ ᠬᠠᠷ᠎ᠠ ᠴᠠᠢ ᠤᠤᠭᠤᠬᠤ ᠨᠢ ᠰᠡᠬᠦᠯ ᠤᠨ ᠦᠶ᠎ᠠ ᠳᠤ ᠮᠤᠩᠭᠤᠯᠴᠤᠳ ᠤᠨ ᠳᠦᠪᠯᠡᠷᠡᠨ ᠰᠠᠭᠤᠷᠢᠰᠢᠭᠰᠠᠨ ᠳᠠᠷᠢᠶᠠᠯᠠᠬᠤ ᠤᠷᠤᠨ᠂ ᠬᠠᠭᠠᠰ ᠮᠠᠯᠵᠢᠬᠤ ᠬᠠᠭᠠᠰ ᠳᠠᠷᠢᠶᠠᠯᠠᠬᠤ ᠤᠷᠤᠨ ᠪᠠ ᠬᠤᠳᠠ ᠰᠠᠭᠤᠷᠢᠰᠢᠯ ᠳᠤ ᠳᠦᠬᠡᠮᠠᠯ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠳᠠᠷᠢᠮᠠᠯ ᠴᠠᠢ ᠶᠢ ᠴᠢᠢᠯᠡᠵᠤ ᠤᠤᠭᠤᠬᠤ ᠳᠤ ᠪᠠᠨ ᠤᠰᠤ ᠪᠠᠨ  ᠲᠠᠷᠬᠢᠯᠳᠡᠯ᠎ᠡ ᠪᠤᠴᠠᠯᠭᠠᠵᠤ᠂ ᠴᠠᠢ ᠠᠭᠤᠯᠬᠤ ᠳᠤᠰᠬᠠᠢ ᠰᠠᠪᠠᠨ ᠳᠤ ᠴᠠᠢ ᠶᠢᠨ ᠳᠡᠬᠡᠷ᠎ᠠ ᠠᠴᠠ ᠬᠢᠪᠠᠯ᠂ ᠴᠠᠢ ᠢᠳᠡᠬᠡᠰᠢᠬᠦ ᠨᠢ ᠰᠠᠶᠢᠨ ᠪᠦᠬᠡᠳ ᠠᠩᠬᠢᠯᠤᠮ᠎ᠠ ᠰᠠᠶᠢᠬᠠᠨ ᠦᠨᠤᠷ ᠲᠠᠢ ᠪᠤᠯᠳᠠᠭ᠃      ᠤᠰᠤᠨ ᠤᠮᠳᠠᠭᠠᠨ    ᠬᠦᠮᠤᠨ ᠳᠦᠷᠤᠯᠬᠢᠳᠠᠨ ᠤ ᠠᠮᠢᠳᠤᠷᠠᠯ ᠳᠤ ᠤᠰᠤ ᠳᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠪᠤᠯᠬᠤᠷ ᠮᠤᠩᠭᠤᠯᠴᠤᠳ ᠤᠢᠢᠯᠡᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠪᠠᠨ ᠤᠰᠤᠨ ᠤ ᠳᠤᠬᠠᠢ ᠦᠪᠡᠷᠮᠢᠴᠠ ᠦᠵᠡᠯᠳᠠ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠤᠯᠠᠨ ᠵᠦᠢᠯ ᠤᠨ ᠡᠬᠢ ᠰᠤᠷᠪᠤᠯᠵᠢᠳᠤ ᠤᠰᠤᠨ ᠤ ᠳᠤᠳᠤᠷ᠎ᠠ ᠠᠴᠠ ᠠᠭᠠᠷ ᠠᠴᠠ ᠪᠠᠭᠤᠭᠰᠠᠨ ᠤᠰᠤ᠂ ᠤᠨᠳᠤᠷᠤᠯ ᠤᠷᠤᠰᠬᠠᠯᠳᠤ ᠤᠰᠤ᠂ ᠭᠠᠵᠠᠷ ᠤᠨ ᠰᠤᠳᠠᠰᠤᠨ ᠤ ᠤᠰᠤ ᠶᠢ ᠡᠷᠬᠢᠮᠯᠠᠨ ᠳᠡᠬᠡᠳᠤᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃  ᠮᠤᠩᠭᠤᠯᠴᠤᠳ ᠤᠨ ᠤᠰᠤ ᠶᠢ ᠰᠢᠨᠵᠢᠨ ᠳᠠᠨᠢᠬᠤ ᠤᠷ᠎ᠠ ᠡᠷᠳᠡᠮ ᠨᠢ ᠤᠷᠳᠤ ᠤᠳᠠᠭᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠪᠦᠬᠡᠳ ᠤᠰᠤᠨ ᠤ ᠡᠬᠢ ᠰᠤᠷᠪᠤᠯᠵᠢ᠂ ᠴᠢᠨᠠᠷ ᠴᠢᠳᠠᠯ ᠢᠶᠠᠷ ᠨᠢ ᠨᠠᠷᠢᠨ ᠳᠤᠳᠤᠷᠬᠠᠢ ᠢᠯᠭᠠᠨ ᠨᠡᠷᠡᠯᠡᠵᠤ᠂ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠯ ᠢ ᠨᠢ ᠦᠨᠳᠤᠰᠤᠯᠡᠵᠤ ᠠᠵᠤ ᠠᠮᠢᠳᠤᠷᠠᠯ ᠳᠤ ᠪᠠᠨ ᠠᠰᠢᠭᠯᠠᠨ ᠬᠡᠷᠡᠭᠯᠡᠭᠰᠡᠬᠡᠷ ᠢᠷᠡᠵᠠᠢ᠃ ᠤᠰᠤᠨ ᠤ ᠡᠬᠢ ᠰᠤᠷᠪᠤᠯᠵᠢ ᠶᠢᠨ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ᠂ ᠤᠰᠤᠨ ᠤ ᠴᠢᠨᠠᠷ ᠴᠢᠳᠠᠯ ᠨᠢ ᠴᠤ ᠢᠯᠭᠠᠭ᠎ᠠ ᠲᠠᠢ ᠪᠤᠯᠬᠤᠷ ᠤᠰᠤ  ᠶᠢ ᠵᠦᠬᠡᠯᠠᠨ ᠤᠰᠤ ᠪᠠ ᠬᠠᠳᠠᠭᠤ ᠤᠰᠤ ᠬᠡᠵᠤ ᠢᠯᠭᠠᠨ ᠰᠢᠨᠵᠢᠯᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠳᠠᠭ᠃    ᠤᠰᠤ ᠨᠢ ᠮᠤᠩᠭᠤᠯᠴᠤᠳ ᠤᠨ ᠴᠠᠢ ᠶᠢᠨ ᠤᠮᠳᠠᠭᠠᠨ᠂ ᠱᠦᠯᠤᠨ ᠤᠮᠳᠠᠭᠠᠨ ᠤ ᠡᠬᠡ ᠮᠠᠲ᠋ᠧᠷᠢᠶᠠᠯ ᠪᠤᠯᠬᠤ  ᠠᠴᠠ ᠭᠠᠳᠠᠨ᠎ᠠ᠂ ᠤᠨᠳᠤᠷᠤᠮᠠᠯ ᠪᠤᠯᠠᠭ ᠤᠨ ᠤᠰᠤ ᠨᠢ ᠡᠪᠡᠳᠴᠢᠨ ᠡᠮᠬᠡᠭ ᠢ ᠡᠳᠡᠬᠡᠷᠡᠬᠦᠯᠤᠨ ᠵᠠᠰᠠᠳᠠᠭ ᠢᠶᠠᠷ ᠢᠶᠠᠨ ︽ᠷᠠᠰᠢᠶᠠᠨ ᠤᠰᠤ︾ ᠬᠡᠮᠠᠨ ᠳᠡᠬᠡᠳᠤᠯᠡᠭᠳᠡᠵᠤ᠂ ᠤᠯᠠᠮᠵᠢᠯᠠᠯᠳᠤ ᠤᠰᠤᠨ ᠤᠮᠳᠠᠭᠠᠨ  ᠳᠤ ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠭᠰᠡᠬᠡᠷ ᠢᠷᠡᠵᠠᠢ᠃    ᠨᠢᠬᠡ ᠂ ᠭᠤᠤᠯ ᠪᠤᠯᠠᠭ  ᠤᠨ ᠤᠰᠤ
    ᠮᠤᠩᠭᠤᠯᠴᠤᠳ ᠪᠤᠷᠤᠭᠠᠨ ᠤ ᠤᠰᠤ᠂ ᠴᠠᠰᠤᠨ ᠤ ᠤᠰᠤ᠂ ᠰᠢᠬᠦᠳᠡᠷᠢ ᠶᠢᠨ ᠤᠰᠤ᠂ ᠬᠢᠷᠠᠭᠤ ᠶᠢᠨ ᠤᠰᠤ᠂ ᠱᠤᠭᠱᠤᠷᠭ᠎ᠠ ᠶᠢᠨ ᠤᠰᠤ ᠵᠡᠷᠬᠡ ᠶᠢ ᠤᠭᠳᠠᠷᠭᠤᠢ ᠠᠴᠠ ᠪᠠᠭᠤᠭᠰᠠᠨ ᠤᠰᠤ ᠬᠡᠵᠤ ᠡᠷᠬᠢᠮᠯᠡᠳᠡᠭ᠃ ᠭᠤᠤᠯ ᠭᠤᠷᠤᠬ᠎ᠠ᠂ ᠪᠤᠯᠠᠭ ᠤᠨ ᠤᠰᠤ ᠶᠢ ᠤᠨᠳᠤᠷᠤᠯ ᠤᠷᠤᠰᠬᠠᠯ ᠲᠠᠢ ᠠᠮᠢᠳᠤ ᠤᠰᠤ ᠬᠡᠳᠡᠭ᠃ ᠳᠡᠬᠡᠷ᠎ᠠ ᠳᠤᠷᠠᠳᠤᠭᠰᠠᠨ ᠤᠰᠤ ᠶᠢ ᠶᠡᠷᠤᠩᠬᠡᠶᠢᠯᠡᠬᠡᠳ ᠵᠦᠬᠡᠯᠠᠨ ᠤᠰᠤ ᠬᠡᠵᠤ ᠦᠵᠡᠳᠡᠭ ᠪᠠᠶᠢᠨ᠎ᠠ᠃    ᠬᠤᠷ᠎ᠠ ᠪᠤᠷᠤᠭᠠᠨ ᠤ ᠤᠰᠤ ᠬᠦᠩᠬᠡᠨ᠂ ᠰᠡᠷᠢᠬᠦᠨ ᠴᠢᠨᠠᠷᠳᠠᠢ ᠪᠠᠶᠢᠳᠠᠭ ᠠᠴᠠ ᠪᠡᠶ᠎ᠡ ᠳᠤ ᠰᠢᠩᠬᠡᠬᠦ ᠨᠢ ᠰᠠᠶᠢᠨ᠂ ᠢᠳᠡᠬᠡᠨ ᠤᠮᠳᠠᠭᠠᠨ ᠢ ᠰᠢᠮᠡᠵᠢᠬᠦᠯᠤᠨ ᠳᠤᠰᠠᠯᠠᠵᠤ᠂ ᠪᠡᠶ᠎ᠠ ᠶᠢᠨ ᠡᠷᠬᠡᠳᠡᠨ ᠤ ᠵᠤᠬᠢᠴᠠᠯ ᠳᠤ ᠳᠤᠰᠠᠯᠠᠳᠠᠭ᠃ ᠬᠤᠷ᠎ᠠ ᠪᠤᠷᠤᠭᠠᠨ ᠤ ᠤᠰᠤ ᠶᠢ ᠡᠷᠬᠢᠮᠯᠠᠨ ᠡᠳ᠋ᠯᠡᠬᠦ ᠳᠤ ᠪᠠᠨ ᠭᠤᠤᠯᠳᠠᠭᠤ ᠵᠤᠨ ᠤ ᠡᠬᠢᠨ ᠤ ᠬᠤᠷ᠎ᠠ᠂ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷ᠎ᠠ ᠶᠢᠨ ᠬᠤᠷ᠎ᠠ ᠶᠢᠨ ᠤᠰᠤ ᠶᠢ ᠡᠷᠬᠢᠮ ᠳᠤ ᠦᠵᠡᠳᠡᠭ᠃ ᠡᠨᠡ ᠬᠤᠶᠠᠷ ᠬᠤᠭᠤᠴᠠᠭᠠᠨ ᠤ ᠬᠤᠷ᠎ᠠ ᠶᠢᠨ ᠤᠰᠤ  ᠨᠢ ᠬᠦᠮᠤᠨ ᠠᠮᠢᠳᠠᠨ ᠢ ᠠᠮᠤᠷᠵᠢᠭᠤᠯᠬᠤ᠂ ᠡᠪᠡᠳᠴᠢᠨ ᠬᠢᠵᠢᠭ ᠢ ᠰᠡᠷᠬᠡᠶᠢᠯᠡᠬᠦ᠂ ᠴᠤᠭ ᠵᠢᠪᠬᠤᠭ᠎ᠠ ᠶᠢ ᠨᠡᠮᠡᠭᠳᠡᠬᠦᠯᠬᠦ  ᠳᠤ ᠮᠠᠰᠢ ᠶᠡᠭᠡ ᠤᠢᠢᠯᠡᠳᠤᠯ ᠲᠠᠢ᠃    ᠴᠠᠰᠤᠨ ᠤ ᠤᠰᠤ ᠨᠢ ᠰᠡᠷᠢᠬᠦᠨ ᠴᠢᠨᠠᠷᠳᠠᠢ ᠤᠴᠢᠷ᠂ ᠴᠢᠰᠤ ᠰᠢᠷ᠎ᠠ ᠶᠡᠬᠡᠳᠠᠢ ᠬᠦᠮᠤᠨ᠂ ᠳᠤᠳᠤᠷ ᠬᠠᠯᠠᠭᠤᠨ ᠰᠠᠭᠤᠭᠰᠠᠨ ᠬᠦᠮᠤᠨ᠂ ᠰᠤᠭᠳᠤᠵᠤ ᠰᠢᠷᠠᠳᠠᠭᠰᠠᠨ ᠬᠦᠮᠤᠨ ᠤᠤᠭᠤᠪᠠᠯ ᠶᠡᠭᠡ ᠳᠤᠰᠠ ᠪᠤᠯᠳᠠᠭ ᠪᠦᠬᠡᠳ ᠮᠠᠨᠠᠷᠠᠭᠰᠠᠨ ᠬᠦᠮᠤᠨ  ᠤ ᠪᠡᠶ᠎ᠠ ᠳᠤ ᠴᠠᠰᠤᠨ ᠤ ᠤᠰᠤ ᠰᠦᠷᠴᠢᠪᠠᠯ ᠳᠦᠷᠬᠡᠨ ᠰᠡᠷᠬᠦᠳᠡᠭ᠃ ᠬᠠᠷᠢᠨ ᠬᠤᠳᠤᠭᠤᠳᠤ ᠮᠠᠭᠤᠳᠠᠢ ᠬᠦᠮᠤᠨ᠂ ᠵᠢᠷᠤᠬᠡᠨ ᠡᠪᠡᠳᠴᠢᠨ ᠲᠠᠢ ᠬᠦᠮᠤᠨ ᠪᠤᠶᠤ ᠨᠠᠰᠤᠳᠠᠶᠢᠴᠤᠳ ᠲᠤ ᠵᠤᠬᠢᠮᠵᠢ ᠪᠠᠷ ᠠᠨᠠᠢ ᠪᠠᠶᠢᠳᠠᠭ᠃    ᠰᠢᠬᠦᠳᠡᠷᠢ ᠶᠢᠨ ᠤᠰᠤ᠂ ᠬᠢᠷᠠᠭᠤ ᠶᠢᠨ ᠤᠰᠤ᠂ ᠱᠤᠭᠱᠤᠷᠭ᠎ᠠ ᠶᠢᠨ ᠤᠰᠤ ᠶᠢ ᠴᠡᠪᠡᠷ ᠠᠷᠢᠭᠤᠨ ᠤᠰᠤ ᠬᠡᠵᠤ ᠡᠷᠬᠢᠮᠯᠠᠨ ᠦᠵᠡᠳᠡᠭ ᠵᠠᠩᠰᠢᠯ ᠲᠠᠢ᠃    ᠭᠤᠤᠯ ᠭᠤᠷᠤᠬ᠎ᠠ᠂ ᠪᠤᠯᠠᠭ ᠤᠨ ᠤᠰᠤ ᠨᠢ ᠴᠡᠪᠡᠷ ᠳᠤᠩᠭᠠᠯᠠᠭ᠂ ᠰᠢᠮ᠎ᠠ ᠳᠡᠵᠢᠬᠡᠯ ᠲᠠᠢ ᠪᠤᠯᠬᠤᠷ ᠤᠰᠤᠨ ᠤᠮᠳᠠᠭᠠᠨ ᠤ ᠭᠤᠤᠯ ᠬᠡᠷᠡᠭᠯᠡᠭᠳᠡᠬᠦᠨ ᠪᠤᠯᠭᠠᠳᠠᠭ᠃    ᠪᠤᠯᠠᠭ ᠤᠨ ᠤᠰᠤ ᠪᠠᠷ ᠳᠤᠯᠤᠭᠠᠢ ᠪᠠᠨ ᠰᠢᠪᠰᠢᠪᠠᠯ ᠳᠠᠷᠢᠬᠢ ᠰᠡᠷᠬᠡᠭ ᠪᠤᠯᠵᠤ᠂ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠪᠠᠯ ᠮᠠᠯᠮᠠᠢ ᠳᠤᠩᠭᠠᠯᠠᠭᠰᠢᠵᠤ᠂ ᠤᠮᠳᠠᠯᠠᠵᠤ ᠤᠤᠭᠤᠪᠠᠯ ᠴᠤᠯᠤ ᠰᠠᠪᠠ ᠶᠢ ᠡᠷᠡᠬᠦᠯᠵᠢᠬᠦᠯᠤᠨ᠎ᠠ ᠬᠡᠳᠡᠭ ᠬᠡᠯᠡᠯᠬᠡ ᠪᠠᠶᠢᠳᠠᠭ᠃    ᠬᠤᠳᠳᠤᠭ ᠤᠨ ᠤᠰᠤ᠂ ᠱᠠᠩᠳᠠ ᠶᠢᠨ ᠤᠰᠤ᠂ ᠨᠠᠭᠤᠷ ᠤᠨ ᠤᠰᠤ ᠶᠢ ᠬᠠᠳᠠᠭᠤ ᠤᠰᠤ ᠬᠡᠳᠡᠭ᠃ ᠬᠠᠳᠠᠭᠤ ᠤᠰᠤᠨ ᠤ ᠳᠤᠳᠤᠷ᠎ᠠ ᠨᠠᠷᠠᠨ ᠤ ᠬᠡᠷᠡᠯ ᠳᠤᠰᠤᠭᠰᠠᠨ ᠤᠰᠤ ᠪᠠ ᠰᠠᠯᠬᠢ ᠵᠢᠪᠠᠷ ᠲᠤ ᠦᠯᠢᠶᠡᠭᠳᠡᠭᠰᠡᠨ ᠴᠡᠪᠡᠷ ᠠᠷᠢᠭᠤᠨ ᠭᠠᠵᠠᠷ ᠤᠨ ᠤᠰᠤ ᠶᠢ ᠡᠷᠬᠢᠮᠯᠡᠵᠤ᠂ ᠡᠪᠡᠰᠤ ᠮᠤᠳᠤᠨ ᠤ ᠰᠡᠬᠦᠳᠡᠷ ᠲᠤ ᠪᠦᠷᠬᠦᠭᠳᠡᠵᠤ ᠨᠠᠷᠠ ᠦᠵᠡᠭᠰᠡᠨ ᠦᠬᠡᠢ ᠳᠤᠭᠳᠠᠮᠠᠯ ᠤᠰᠤ ᠶᠢ ᠤᠤᠭᠤᠵᠤ ᠡᠳ᠋ᠯᠡᠬᠦ  ᠳᠤ ᠪᠠᠨ ᠳᠤᠩ ᠪᠤᠯᠭᠤᠮᠵᠢᠯᠠᠨ ᠬᠢᠴᠢᠶᠡᠳᠡᠭ᠃    ᠮᠤᠩᠭᠤᠯᠴᠤᠳ ᠭᠤᠤᠯ᠂ ᠪᠤᠯᠠᠭ᠂ ᠬᠤᠳᠳᠤᠭ ᠤᠨ ᠤᠰᠤ ᠪᠠᠷ ᠴᠠᠢ ᠬᠤᠭᠤᠯᠠ ᠪᠠᠨ ᠪᠤᠯᠭᠤᠬᠤ ᠡᠬᠢ ᠮᠠᠲ᠋ᠧᠷᠢᠶᠠᠯ ᠪᠤᠯᠭᠠᠵᠤ ᠡᠷᠬᠢᠮᠯᠠᠨ ᠳᠡᠬᠡᠳᠤᠯᠡᠳᠡᠭ ᠪᠤᠯᠬᠤᠷ ᠤᠰᠤᠨ ᠤ ᠴᠠᠪᠡᠷ ᠠᠷᠢᠭᠤᠨ ᠢ ᠴᠢᠬᠤᠯᠠᠴᠢᠯᠠᠵᠤ᠂ ᠤᠰᠤᠨ ᠰᠤᠷᠪᠤᠯᠵᠢ  ᠶᠢᠨ ᠤᠷᠴᠢᠨ ᠳᠤᠭᠤᠷᠢᠨ ᠤ ᠬᠠᠮᠠᠭᠠᠯᠠᠯᠳᠠ ᠶᠢ ᠬᠦᠨᠳᠤᠳᠬᠡᠨ ᠦᠵᠡᠬᠦ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠳᠠᠭ᠃    ᠬᠤᠶᠠᠷ ᠂ ᠷᠠᠰᠢᠶᠠᠨ ᠤᠰᠤ    ᠮᠤᠩᠭᠤᠯ ᠨᠤᠳᠤᠭ ᠲᠤ ᠤᠨᠳᠤᠷᠤᠯ ᠰᠠᠶᠢᠳᠠᠢ ᠪᠤᠯᠠᠭ ᠤᠯᠠᠨ ᠪᠠᠶᠢᠳᠠᠭ ᠪᠦᠬᠡᠳ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ᠂ ᠪᠠᠶᠢᠭᠠᠯᠢ ᠶᠢᠨ ᠨᠦᠬᠦᠴᠡᠯ ᠤᠨ ᠠᠳᠠᠯᠢ ᠪᠤᠰᠤ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠵᠤ᠂ ᠪᠤᠯᠠᠭ ᠤᠨ ᠤᠰᠤ ᠨᠢ ᠠᠮᠳᠠ ᠰᠢᠮ᠎ᠠ᠂ ᠴᠢᠨᠠᠷ ᠴᠢᠳᠠᠯ ᠤᠨ ᠳᠠᠯ᠎ᠠ ᠪᠠᠷ ᠬᠤᠭᠤᠷᠤᠨᠳᠤ ᠪᠠᠨ ᠶᠡᠭᠡ ᠵᠦᠷᠢᠶ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠢᠯᠠᠩᠭᠤᠶ᠎ᠠ ᠵᠠᠷᠢᠮ ᠪᠤᠯᠠᠭ ᠤᠨ ᠤᠰᠤ ᠨᠢ ᠡᠪᠡᠳᠴᠢᠨ ᠡᠮᠬᠡᠭ ᠢ ᠵᠠᠰᠠᠵᠤ ᠡᠳᠡᠬᠡᠷᠡᠬᠦᠯᠬᠦ ᠤᠢᠢᠯᠡᠳᠤᠯ ᠲᠠᠢ ᠪᠤᠯᠬᠤᠷ ᠮᠤᠩᠭᠤᠯᠴᠤᠳ ᠪᠤᠯᠠᠭ ᠤᠨ ᠤᠰᠤ ᠶᠢ ᠡᠷᠬᠢᠮᠯᠠᠨ ᠳᠡᠬᠡᠳᠤᠯᠡᠵᠤ ︽ᠷᠠᠰᠢᠶᠠᠨ︾ ᠬᠡᠮᠠᠨ ᠨᠡᠷᠡᠯᠡᠳᠡᠭ᠃ ᠤᠷᠬᠢᠯᠤᠨ ᠤᠨᠳᠤᠷᠤᠭᠰᠠᠨ ᠪᠤᠯᠠᠭ ᠤᠨ ᠤᠰᠤ ᠨᠢ ᠴᠢᠨᠠᠷ ᠴᠢᠳᠠᠯ  ᠢᠶᠠᠷ ᠢᠶᠠᠨ ᠢᠯᠭᠠᠭᠳᠠᠵᠤ᠂ ᠵᠠᠷᠢᠮ ᠨᠢ ᠠᠭᠤᠷ ᠰᠠᠪᠰᠠᠯᠠᠭᠰᠠᠨ ᠬᠠᠯᠠᠭᠤᠨ ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠨᠢ ᠶᠠᠰᠤ ᠵᠢᠮᠵᠢᠬᠢᠨᠡᠬᠦᠯᠦᠭᠰᠡᠨ ᠬᠦᠢᠳᠡᠨ ᠪᠠᠶᠢᠳᠠᠭ᠃ ᠡᠶᠢᠮᠤᠷᠬᠦᠤ ᠪᠤᠳᠠᠳᠤ ᠪᠠᠶᠢᠳᠠᠯ ᠠᠴᠠ ᠪᠤᠯᠵᠤ᠂ ᠷᠠᠰᠢᠶᠠᠨ ᠤ ᠡᠮᠴᠢᠯᠡᠭᠡ ᠵᠠᠰᠠᠯᠭ᠎ᠠ ᠶᠢᠨ ᠤᠢᠢᠯᠡᠳᠤᠯ ᠨᠢ ᠠᠳᠠᠯᠢ ᠦᠬᠡᠢ᠃ ᠵᠠᠷᠢᠮ ᠷᠠᠰᠢᠶᠠᠨ ᠨᠢ ᠬᠤᠳᠤᠭᠤᠳᠤ᠂ ᠬᠡᠳᠡᠰᠤ ᠵᠡᠷᠬᠡ ᠳᠤᠳᠤᠭᠠᠳᠤ ᠡᠷᠬᠡᠳᠡᠨ ᠤ ᠠᠷᠬᠠᠭ ᠬᠡᠮ ᠢ ᠵᠠᠰᠠᠬᠤ ᠤᠢᠢᠯᠡᠳᠤᠯ ᠲᠠᠢ ᠪᠤᠯᠬᠤᠷ ᠤᠤᠭᠤᠵᠤ ᠠᠰᠢᠭᠯᠠᠳᠠᠭ᠃    ᠷᠠᠰᠢᠶᠠᠨ ᠤᠰᠤ ᠪᠠᠷ ᠡᠪᠡᠳᠴᠢᠨ ᠡᠮᠬᠡᠭ ᠵᠠᠰᠠᠵᠤ᠂ ᠪᠡᠶ᠎ᠠ ᠶᠢᠨ ᠳᠠᠮᠢᠷ ᠢᠶᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠵᠤᠷᠢᠭᠤᠯᠤᠯᠳᠠ  ᠪᠠᠷ ᠤᠤᠭᠤᠵᠤ᠂ ᠤᠬᠢᠶᠠᠵᠤ ᠠᠰᠢᠭᠯᠠᠬᠤ ᠳᠤ ᠪᠠᠨ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠪᠠᠷᠢᠮᠳᠠᠯᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ ᠪᠦᠬᠡᠳ ᠨᠢᠬᠡᠳᠡᠬᠢ ᠵᠢᠯ ᠳᠤ ᠳᠤᠯᠤᠭᠠᠨ ᠬᠤᠨᠤᠭ᠂ ᠬᠤᠶᠠᠳᠠᠬᠢ ᠵᠢᠯ ᠳᠤ ᠬᠤᠶᠠᠷ ᠳᠤᠯᠤᠭᠠᠨ ᠬᠤᠨᠤᠭ᠂ ᠭᠤᠷᠪᠠᠳᠠᠬᠢ ᠵᠢᠯ ᠳᠤ ᠭᠤᠷᠪᠠᠨ ᠳᠤᠯᠤᠭᠠᠨ ᠬᠤᠨᠤᠭ ᠬᠡᠬᠦ ᠮᠡᠳᠤ ᠪᠠᠷ ᠪᠠᠷᠢᠮᠳᠠᠯᠠᠪᠠᠯ ᠡᠪᠡᠳᠴᠢᠨ ᠡᠮᠬᠡᠭ  ᠢ ᠳᠦᠢᠯᠪᠤᠷᠢᠳᠠᠢ ᠵᠠᠰᠠᠵᠤ᠂ ᠡᠪᠡᠳᠴᠢᠨ  ᠤ ᠦᠨᠳᠤᠰᠤ ᠶᠢ ᠳᠠᠰᠤᠯᠵᠤ ᠴᠢᠳᠠᠨ᠎ᠠ ᠬᠡᠵᠤ ᠦᠵᠡᠳᠡᠭ᠃ ᠷᠠᠰᠢᠶᠠᠨ ᠤᠰᠤ ᠤᠤᠭᠤᠭᠰᠠᠨ ᠷᠠᠰᠢᠶᠠᠨ ᠳᠤ ᠤᠷᠤᠭᠰᠠᠨ ᠬᠦᠮᠤᠨ ᠢᠳᠡᠬᠡᠨ ᠤᠮᠳᠠᠭᠠᠨ ᠢᠶᠠᠨ ᠵᠤᠬᠢᠴᠠᠭᠤᠯᠬᠤ᠂ ᠨᠠᠷᠢᠨ ᠰᠠᠯᠬᠢᠨ ᠠᠴᠠ ᠪᠤᠯᠭᠤᠮᠵᠢᠯᠠᠬᠤ᠂ ᠪᠤᠷᠤᠭᠠᠨ ᠬᠤᠷ᠎ᠠ ᠠᠴᠠ ᠰᠡᠷᠬᠡᠶᠢᠯᠡᠬᠦ᠂ ᠶᠠᠳᠠᠷᠠᠵᠤ ᠵᠦᠳᠡᠷᠡᠬᠦ ᠶᠢ ᠠᠩᠬᠠᠷᠬᠤ ᠵᠡᠷᠬᠡ  ᠶᠢ ᠪᠠᠷᠢᠮᠳᠠᠯᠠᠪᠠᠯ᠂ ᠵᠠᠰᠠᠯᠭ᠎ᠠ ᠶᠢᠨ ᠤᠢᠢᠯᠡᠳᠤᠯ ᠨᠠᠩ ᠰᠠᠶᠢᠨ ᠪᠠᠶᠢᠳᠠᠭ᠃    ᠱᠦᠯᠤᠨ ᠤᠮᠳᠠᠭᠠᠨ     ᠮᠤᠩᠭᠤᠯᠴᠤᠳ ᠮᠢᠬ᠎ᠠ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠤᠮᠳᠠᠭᠠᠨ ᠢ ᠱᠦᠯᠤ ᠬᠡᠵᠤ ᠨᠡᠷᠡᠯᠡᠳᠡᠭ᠃ ᠱᠦᠯᠤ ᠨᠢ ᠦᠨᠤᠷ ᠠᠮᠳᠠ ᠰᠠᠶᠢᠳᠠᠢ᠂ ᠰᠢᠮ᠎ᠠ ᠳᠡᠵᠢᠬᠡᠯ ᠶᠡᠬᠡᠳᠠᠢ ᠪᠤᠯᠬᠤᠷ ᠤᠮᠳᠠᠭᠠᠨ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠦᠯ ᠬᠤᠭᠤᠯᠠ ᠪᠤᠯᠳᠠᠭ᠃ ᠳᠠᠷᠠᠴᠢᠯᠠᠨ ᠪᠡᠶ᠎ᠠ ᠶᠢ ᠳᠠᠮᠢᠷᠵᠢᠭᠤᠯᠬᠤ ᠳᠡᠵᠢᠬᠡᠯ ᠤᠨ ᠤᠢᠢᠯᠡᠳᠤᠯ ᠲᠠᠢ ᠳᠤᠯᠠ ᠮᠤᠩᠭᠤᠯᠴᠤᠳ ᠱᠦᠯᠤ  ᠶᠢ ᠳᠤᠩ ᠡᠷᠬᠢᠮᠯᠡᠳᠡᠭ᠃ ᠮᠤᠩᠭᠤᠯᠴᠤᠳ ᠮᠠᠯ ᠠᠯᠠᠵᠤ ᠮᠢᠬ᠎ᠠ ᠢᠳᠡᠬᠦ ᠶᠢ ︽ᠱᠦᠯᠤ ᠤᠤᠭᠤᠬᠤ︾ ᠬᠡᠵᠤ ᠬᠡᠯᠡᠳᠡᠭ᠃    ᠱᠦᠯᠤ ᠶᠢ ᠡᠶᠢᠨ ᠬᠦ ᠡᠷᠬᠢᠮᠯᠡᠳᠡᠭ ᠤᠴᠢᠷ ᠠᠴᠠ ᠨᠠᠷᠢᠨ ᠢᠯᠭᠠᠯ ᠲᠠᠢ ᠪᠠᠷ ᠨᠡᠷᠡᠯᠡᠵᠤ᠂ ᠬᠢᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠷᠭ᠎ᠠ ᠨᠢ ᠴᠤ ᠮᠠᠰᠢ ᠤᠯᠠᠨ ᠵᠦᠢᠯ ᠤᠨ ᠪᠠᠶᠢᠳᠠᠭ᠃ ᠮᠠᠯ ᠤᠨ ᠳᠦᠷᠤᠯ ᠢᠶᠠᠷ ᠨᠢ ᠦᠬᠡᠷ ᠤᠨ ᠱᠦᠯᠤ᠂ ᠢᠮᠠᠭᠠᠨ ᠤ ᠱᠦᠯᠤ ᠬᠡᠵᠤ ᠨᠡᠷᠡᠯᠡᠳᠡᠭ ᠪᠦᠬᠡᠳ ᠳᠡᠬᠦᠨ ᠤ ᠳᠤᠳᠤᠷ᠎ᠠ ᠠᠴᠠ ᠬᠤᠨᠢᠨ ᠱᠦᠯᠤ ᠶᠢ ᠬᠠᠮᠤᠭ  ᠠᠴᠠ ᠡᠷᠬᠢᠮ ᠳᠤ ᠦᠵᠡᠳᠡᠭ᠃ ᠮᠢᠬᠠᠨ ᠱᠦᠯᠤ ᠶᠢ ᠳᠤᠳᠤᠷ᠎ᠠ ᠨᠢ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠮᠢᠬᠠᠨ ᠤ ᠬᠢᠨᠢ ᠪᠠᠶᠢᠳᠠᠯ  ᠢᠶᠠᠷ ᠪᠦᠬᠦᠯᠢ ᠰᠢᠬᠦᠰᠤᠨ ᠤ ᠱᠦᠯᠤ᠂ ᠤᠭᠤᠴᠠᠨ ᠤ ᠱᠦᠯᠤ ᠬᠡᠬᠦ ᠪᠠ ᠢᠷᠬᠡ ᠶᠢᠨ ᠱᠦᠯᠤ᠂ ᠰᠢᠳᠤᠯᠠᠩ ᠬᠤᠨᠢᠨ ᠤ ᠱᠦᠯᠤ᠂ ᠬᠤᠷᠠᠭᠠᠨ ᠤ ᠱᠦᠯᠤ ᠬᠡᠵᠤ ᠬᠤᠨᠢᠨ ᠤ ᠨᠠᠰᠤ ᠰᠢᠳᠤ ᠪᠠᠷ ᠢᠯᠭᠠᠨ ᠨᠡᠷᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠪᠤᠯᠪᠠᠰᠤᠷᠠᠭᠤᠯᠵᠤ ᠬᠢᠭᠰᠡᠨ ᠠᠷᠭ᠎ᠠ ᠶᠢᠨ ᠬᠢᠨᠢ ᠠᠳᠠᠯᠢ ᠪᠤᠰᠤ ᠶᠢ ᠦᠨᠳᠤᠰᠤᠯᠠᠵᠤ᠂ ᠬᠠᠷ᠎ᠠ ᠱᠦᠯᠤ᠂ ᠪᠢᠳᠡᠬᠦᠤ ᠱᠦᠯᠤ᠂ ᠬᠤᠷᠬᠤᠭ ᠱᠦᠯᠤ᠂ ᠬᠠᠨᠳᠠ ᠱᠦᠯᠤ᠂ ᠪᠤᠷᠴᠠ ᠶᠢᠨ ᠱᠦᠯᠤ᠂ ᠤᠯᠤᠭᠠᠢ ᠱᠦᠯᠤ ᠬᠡᠬᠦ ᠮᠡᠳᠤ ᠠᠳᠠᠯᠢ ᠪᠤᠰᠤ ᠪᠠᠷ ᠢᠯᠭᠠᠨ ᠨᠡᠷᠡᠯᠡᠭᠰᠡᠨ ᠪᠠᠶᠢᠳᠠᠭ᠃    ᠱᠦᠯᠤᠨ ᠤᠮᠳᠠᠭᠠᠨ ᠢ ᠶᠡᠷᠤᠩᠬᠡᠢ ᠳᠤ ᠨᠢ ᠮᠢᠬᠠᠨ ᠱᠦᠯᠤ ᠪᠠ ᠶᠠᠰᠤᠨ ᠱᠦᠯᠤ ᠬᠡᠬᠦ ᠬᠤᠶᠠᠷ ᠠᠩᠬᠢᠯᠠᠯ ᠳᠤ ᠬᠤᠪᠢᠶᠠᠳᠠᠭ᠃ ᠮᠢᠬᠠᠨ ᠱᠦᠯᠤ᠂ ᠶᠠᠰᠤᠨ ᠱᠦᠯᠤ ᠠᠴᠠ ᠭᠠᠳᠠᠨ᠎ᠠ᠂ ᠦᠬᠡᠷ᠂ ᠬᠤᠨᠢᠨ ᠤ ᠴᠢᠰᠤ ᠪᠠᠷ ᠬᠢᠭᠰᠡᠨ ᠬᠢᠷᠤᠮᠴᠠᠭ ᠱᠦᠯᠤ ᠴᠤ ᠪᠤᠢ᠃   ᠨᠢᠬᠡ ᠂ ᠮᠢᠬᠠᠨ ᠱᠦᠯᠤ
    ᠮᠢᠬᠠᠨ ᠱᠦᠯᠤ — ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠮᠦᠴᠢ ᠬᠡᠰᠢᠬᠦᠤ ᠲᠠᠢ ᠮᠢᠬ᠎ᠠ᠂ ᠡᠯ᠎ᠡ ᠵᠦᠢᠯ ᠤᠨ ᠰᠢᠬᠦᠰᠤ  ᠶᠢ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠱᠦᠯᠤ ᠪᠤᠶᠤ ᠴᠤᠯ ᠮᠢᠬ᠎ᠠ ᠶᠢ ᠬᠡᠷᠴᠢᠬᠡᠳ ᠴᠢᠨᠠᠬᠤ᠂ ᠵᠢᠩᠨᠡᠬᠦ ᠵᠡᠷᠬᠡ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠱᠦᠯᠤ ᠶᠢ ᠶᠡᠷᠤᠩᠬᠡᠢ ᠳᠤ ᠨᠢ ᠮᠢᠬᠠᠨ ᠱᠦᠯᠤ ᠬᠡᠵᠤ ᠨᠡᠷᠡᠯᠡᠳᠡᠭ᠃    ᠪᠦᠬᠦᠯᠢ ᠰᠢᠬᠦᠰᠤᠨ ᠤ ᠱᠦᠯᠤ — ᠬᠤᠨᠢᠨ ᠤ ᠪᠦᠬᠦᠯᠢ ᠰᠢᠬᠦᠰᠤ ᠶᠢ ᠪᠤᠷᠤᠯᠠᠭᠤᠯᠤᠭᠰᠠᠨ ᠪᠤᠶᠤ ᠪᠤᠯᠭᠤᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃ ᠪᠦᠬᠦᠯᠢ ᠰᠢᠬᠦᠰᠤᠨ ᠤ ᠱᠦᠯᠤ ᠶᠢ ᠰᠢᠮ᠎ᠠ ᠳᠡᠵᠢᠬᠡᠯ ᠳᠡᠬᠦᠯᠳᠡᠷ᠂ ᠠᠮᠳᠠ ᠰᠠᠶᠢᠳᠠᠢ᠂ ᠬᠡᠬᠦ  ᠳᠤ ᠪᠠᠨ ᠳᠤᠰᠤ ᠶᠡᠬᠡᠳᠠᠢ ᠪᠤᠯᠬᠤᠷ ᠤᠰᠤ ᠰᠡᠯᠪᠢᠵᠤ ᠤᠤᠭᠤᠳᠠᠭ᠃    ᠤᠭᠤᠴᠠᠨ ᠤ ᠱᠦᠯᠤ — ᠤᠭᠤᠴᠠ ᠶᠢ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃ ᠤᠭᠤᠴᠠᠨ ᠤ ᠮᠢᠬ᠎ᠠ ᠦᠬᠡᠬᠦ ᠶᠡᠬᠡᠳᠠᠢ ᠪᠤᠯᠬᠤᠷ ᠱᠦᠯᠤᠰᠢᠵᠤ ᠦᠨᠤᠷ ᠠᠮᠳᠠ ᠰᠠᠶᠢᠳᠠᠢ ᠪᠠᠶᠢᠳᠠᠭ᠃    ᠢᠷᠬᠡ ᠶᠢᠨ ᠱᠦᠯᠤ — ᠢᠷᠬᠡ ᠬᠤᠨᠢ ᠶᠢᠨ ᠮᠢᠬ᠎ᠠ ᠶᠢ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃    ᠰᠢᠳᠤᠯᠠᠩ ᠬᠤᠨᠢᠨ ᠤ ᠱᠦᠯᠤ — ᠰᠢᠳᠤᠯᠠᠩ ᠬᠤᠨᠢᠨ ᠤ ᠮᠢᠬ᠎ᠠ ᠶᠢ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃    ᠬᠤᠷᠠᠭᠠᠨ ᠱᠦᠯᠤ — ᠬᠤᠷᠠᠭᠠᠨ ᠤ ᠮᠢᠬ᠎ᠠ ᠶᠢ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃    ᠬᠠᠷ᠎ᠠ ᠱᠦᠯᠤ — ᠬᠤᠨᠢᠨ ᠤ ᠬᠠᠷ᠎ᠠ ᠮᠢᠬ᠎ᠠ ᠶᠢ ᠬᠡᠷᠴᠢᠵᠤ᠂ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠶᠢ ᠳᠡᠩᠴᠡᠬᠦᠯᠤᠨ ᠴᠢᠨᠠᠵᠤ ᠪᠤᠴᠠᠯᠭᠠᠬᠤ ᠪᠤᠶᠤ ᠵᠢᠩᠨᠡᠵᠤ ᠪᠤᠯᠭᠤᠬᠤ ᠠᠷᠭ᠎ᠠ ᠪᠠᠷ ᠪᠡᠯᠡᠳᠬᠡᠭᠰᠡᠨ ᠱᠦᠯᠤ᠃ ᠬᠠᠷ᠎ᠠ ᠱᠦᠯᠤ ᠶᠢ ᠴᠢᠨᠠᠵᠤ ᠪᠤᠴᠠᠯᠭᠠᠬᠤ  ᠳᠤ ᠪᠠᠨ ᠳᠤᠭᠤᠭᠠᠨ ᠳᠠᠬᠢ ᠬᠦᠢᠳᠡᠨ ᠤᠰᠤᠨ ᠳᠤ ᠮᠢᠬ᠎ᠠ ᠪᠠᠨ ᠬᠡᠷᠴᠢᠵᠤ ᠬᠢᠭᠰᠡᠨ ᠤ ᠳᠠᠷᠠᠭ᠎ᠠ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠶᠢ ᠨᠢ ᠳᠡᠩᠴᠡᠬᠦᠯᠵᠤ᠂ ᠵᠦᠬᠡᠯᠠᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨ ᠪᠤᠯᠭᠤᠳᠠᠭ᠃ ᠵᠢᠩᠨᠡᠵᠤ ᠪᠤᠯᠭᠤᠬᠤ  ᠳᠤ ᠪᠠᠨ ᠱᠠᠭᠠᠵᠠᠩ ᠪᠤᠶᠤ ᠫᠠᠯᠠᠨ ᠲᠠᠢ ᠰᠠᠪᠠᠨ ᠳᠤ ᠬᠦᠢᠳᠡᠨ ᠤᠰᠤ ᠬᠢᠵᠤ᠂ ᠬᠡᠷᠴᠢᠭᠰᠡᠨ ᠮᠢᠬᠠᠨ ᠳᠤ ᠪᠠᠨ ᠳᠠᠪᠤᠰᠤ ᠂ ᠰᠤᠩᠬᠢᠨ᠎ᠠ ᠶᠢ ᠨᠢ ᠳᠡᠩᠴᠡᠬᠦᠯᠦᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠰᠠᠪᠠᠨ ᠤ ᠠᠮᠠᠰᠠᠷ ᠢᠶᠠᠨ ᠪᠢᠳᠡᠬᠦᠯᠡᠵᠤ᠂ ᠵᠢᠩᠨᠡᠬᠦᠷ ᠳᠡᠬᠡᠷ᠎ᠠ ᠳᠠᠯᠪᠢᠬᠤ ᠪᠤᠶᠤ ᠳᠤᠭᠤᠭ᠎ᠠ ᠲᠠᠢ ᠤᠰᠤᠨ ᠳᠤ ᠰᠠᠭᠤᠯᠭᠠᠵᠤ ᠵᠢᠩᠨᠡᠨ ᠪᠤᠯᠭᠤᠳᠠᠭ᠃ ᠵᠢᠩᠨᠡᠵᠤ ᠪᠤᠯᠭᠤᠭᠰᠠᠨ ᠬᠠᠷ᠎ᠠ ᠱᠦᠯᠤᠨ ᠤ ᠦᠨᠤᠷ ᠠᠮᠳᠠ ᠨᠢ ᠨᠠᠩ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠬᠠᠷ᠎ᠠ ᠱᠦᠯᠤ ᠨᠢ ᠳᠤᠰᠤ ᠪᠠᠭ᠎ᠠ᠂ ᠰᠢᠮ᠎ᠠ ᠳᠡᠵᠢᠬᠡᠯ ᠰᠠᠶᠢᠳᠠᠢ᠂ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠤᠯᠬᠤᠷ ᠨᠠᠰᠤᠳᠠᠶᠢᠴᠤᠳ ᠪᠤᠯᠤᠨ ᠳᠠᠮᠢᠷ ᠳᠡᠩᠬᠡᠬᠡ ᠮᠠᠭᠤᠳᠠᠭᠰᠠᠨ ᠡᠪᠡᠳᠴᠢᠳᠠᠨ ᠤᠤᠭᠤᠪᠠᠯ ᠬᠡᠢ ᠶᠢ ᠳᠠᠷᠤᠬᠤ᠂ ᠪᠡᠶ᠎ᠠ  ᠶᠢ ᠳᠡᠩᠬᠡᠷᠡᠬᠦᠯᠬᠦ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃ ᠬᠠᠷ᠎ᠠ ᠱᠦᠯᠤ ᠶᠢ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠯᠭᠤᠭᠰᠠᠨ ᠠᠷᠭ᠎ᠠ ᠪᠠᠷ ᠨᠢ ᠪᠤᠴᠠᠯᠭᠠᠭᠰᠠᠨ ᠬᠠᠷ᠎ᠠ ᠱᠦᠯᠤ᠂ ᠵᠢᠩᠨᠡᠭᠰᠡᠨ ᠬᠠᠷ᠎ᠠ ᠱᠦᠯᠤ ᠬᠡᠵᠤ ᠢᠯᠭᠠᠨ ᠨᠡᠷᠡᠯᠡᠳᠡᠭ᠃    ᠪᠢᠳᠡᠬᠦᠤ ᠱᠦᠯᠤ  — ᠬᠦᠢᠳᠡᠨ ᠤᠰᠤ ᠲᠠᠢ ᠰᠠᠪᠠᠨ ᠳᠤ ᠦᠬᠡᠷ᠂ ᠬᠤᠨᠢᠨ ᠤ ᠮᠢᠬ᠎ᠠ ᠶᠢ ᠬᠡᠷᠴᠢᠵᠤ ᠬᠢᠭᠰᠡᠨ  ᠤ ᠳᠠᠷᠠᠭ᠎ᠠ᠂ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠶᠢ ᠨᠢ ᠳᠡᠩᠴᠡᠬᠦᠯᠵᠤ᠂ ᠰᠠᠪᠠᠨ ᠤ ᠳᠠᠭᠯᠠᠭ᠎ᠠ ᠶᠢ ᠨᠢ ᠳᠠᠯᠪᠢᠬᠤ ᠪᠤᠶᠤ ᠵᠢᠭᠤᠷᠠᠭᠰᠠᠨ ᠭᠤᠯᠢᠷ ᠢ ᠨᠢᠮᠬᠡᠯᠡᠵᠤ ᠰᠠᠪᠠᠨ ᠤ ᠠᠮᠠᠰᠠᠷ ᠢ ᠪᠢᠳᠡᠬᠦᠯᠡᠬᠡᠳ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠪᠤᠶᠤ ᠵᠢᠩᠨᠡᠵᠤ ᠪᠤᠯᠭᠤᠬᠤ ᠠᠷᠭ᠎ᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠱᠦᠯᠤ ᠶᠢ ᠪᠢᠳᠡᠬᠦᠤ ᠱᠦᠯᠤ ᠬᠡᠳᠡᠭ᠃    ᠬᠤᠷᠬᠤᠭ ᠱᠦᠯᠤ — ᠬᠤᠷᠬᠤᠭ ᠪᠠᠵᠠᠭᠠᠬᠤ ᠳᠤ ᠭᠠᠷᠤᠭᠰᠠᠨ ᠱᠦᠯᠤ ᠶᠢ ᠬᠡᠯᠡᠳᠡᠭ᠃ ᠬᠤᠷᠬᠤᠭ ᠱᠦᠯᠤ ᠶᠢᠨ ᠦᠨᠤᠷ ᠠᠮᠳᠠ ᠬᠠᠩᠬᠤᠯᠤᠭᠤᠨ ᠰᠠᠶᠢᠬᠠᠨ᠂ ᠬᠡᠮᠵᠢᠶ᠎ᠠ ᠨᠢ ᠪᠠᠭ᠎ᠠ᠂ ᠳᠤᠩ ᠬᠠᠨᠳᠠᠰᠢᠵᠤ ᠳᠤᠰᠤᠯᠢᠬ ᠮᠦᠷᠳᠡᠬᠡᠨ ᠱᠤᠷᠪᠤᠭ ᠪᠠᠶᠢᠳᠠᠭ ᠪᠤᠯᠬᠤᠷ ᠪᠤᠴᠠᠯᠤᠭᠰᠠᠨ ᠤᠰᠤ ᠨᠡᠮᠡᠵᠤ ᠤᠤᠭᠤᠳᠠᠭ᠃    ᠬᠠᠨᠳᠠ ᠱᠦᠯᠤ — ᠬᠡᠷᠴᠢᠭᠰᠡᠨ ᠮᠢᠬᠠᠨ ᠤ ᠳᠡᠬᠡᠷ᠎ᠠ ᠤᠰᠤ ᠶᠢ ᠨᠢ ᠶᠡᠭᠡ ᠬᠢᠵᠤ᠂ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠶᠢ  ᠨᠢ ᠳᠡᠩᠴᠡᠬᠦᠯᠤᠬᠡᠳ᠂ ᠵᠦᠬᠡᠯᠠᠨ ᠭᠠᠯ ᠢᠶᠠᠷ ᠤᠳᠠᠭᠠᠨ ᠪᠤᠴᠠᠯᠭᠠᠵᠤ᠂ ᠱᠦᠯᠤ ᠶᠢ ᠨᠢ ᠨᠡᠯᠢᠶᠡᠳ ᠰᠢᠷᠬᠢᠬᠡᠵᠤ ᠬᠠᠨᠳᠠᠰᠢᠭᠤᠯᠤᠨ ᠪᠡᠯᠡᠳᠬᠡᠭᠰᠡᠨ ᠱᠦᠯᠤ ᠶᠢ ᠬᠠᠨᠳᠠ ᠱᠦᠯᠤ ᠬᠡᠳᠡᠭ᠃ ᠬᠠᠨᠳᠠ ᠱᠦᠯᠤ ᠨᠢ ᠤᠳᠠᠭᠠᠨ ᠪᠤᠴᠠᠯᠭᠠᠭᠰᠠᠨ ᠪᠤᠯᠬᠤᠷ ᠮᠢᠬᠠᠨ ᠤ ᠰᠢᠮ᠎ᠠ ᠱᠦᠯᠤᠨ ᠳᠤ ᠪᠠᠨ ᠰᠢᠩᠬᠡᠵᠤ᠂ ᠱᠦᠯᠤ ᠨᠢ ᠨᠡᠯᠢᠶᠡᠳ ᠱᠦᠯᠤᠰᠢᠵᠤ ᠠᠮᠳᠠᠰᠢᠭᠰᠠᠨ ᠪᠠᠶᠢᠳᠠᠭ᠃     ᠪᠤᠷᠴᠠ ᠶᠢᠨ ᠱᠦᠯᠤ — ᠬᠠᠳᠠᠭᠠᠭᠰᠠᠨ ᠪᠤᠷᠴᠠ ᠪᠠᠨ ᠵᠢᠵᠢᠭᠯᠡᠨ ᠬᠡᠷᠴᠢᠵᠤ᠂ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠶᠢ ᠨᠢ ᠳᠡᠩᠴᠡᠬᠦᠯᠤᠨ ᠴᠢᠨᠠᠵᠤ ᠪᠤᠴᠠᠯᠭᠠᠬᠤ ᠪᠤᠶᠤ ᠵᠢᠩᠨᠡᠵᠤ ᠪᠤᠯᠭᠤᠭᠠᠳ᠂ ᠳᠡᠬᠡᠷ᠎ᠠ ᠨᠢ ᠵᠦᠬᠡᠬᠡᠢ᠂ ᠳᠠᠷᠠᠭ ᠰᠠᠮᠤᠷᠤᠭᠰᠠᠨ ᠱᠦᠯᠤ  ᠶᠢ ᠪᠤᠷᠴᠠ ᠶᠢᠨ ᠱᠦᠯᠤ ᠬᠡᠳᠡᠭ᠃ ᠴᠢᠨᠠᠵᠤ ᠪᠤᠴᠠᠯᠭᠠᠬᠤ ᠪᠠ ᠵᠢᠩᠨᠡᠬᠦ ᠠᠷᠭ᠎ᠠ ᠨᠢ ᠬᠠᠷ᠎ᠠ ᠱᠦᠯᠤ ᠲᠠᠢ ᠠᠳᠠᠯᠢ᠃ ᠪᠤᠷᠴᠠ ᠶᠢᠨ ᠱᠦᠯᠤ ᠨᠢ ᠰᠢᠷᠭᠠᠯᠰᠢᠨ ᠳᠤᠰᠤᠷᠬᠠᠵᠤ᠂ ᠦᠨᠤᠷ ᠠᠮᠳᠠ ᠨᠢ ᠳᠤᠩ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠰᠢᠮ᠎ᠠ ᠳᠡᠵᠢᠬᠡᠯ ᠳᠡᠬᠦᠯᠳᠡᠷ ᠮᠦᠷᠳᠡᠬᠡᠨ ᠦᠯ ᠰᠠᠶᠢᠳᠠᠢ ᠪᠠᠶᠢᠵᠤ᠂ ᠶᠠᠳᠠᠷᠠᠵᠤ ᠵᠦᠳᠡᠷᠡᠭᠰᠡᠨ ᠦᠶ᠎ᠠ ᠳᠤ ᠤᠤᠭᠤᠪᠠᠯ᠂ ᠪᠡᠶ᠎ᠠ ᠶᠢ ᠳᠡᠩᠬᠡᠷᠡᠬᠦᠯᠬᠦ ᠤᠢᠢᠯᠡᠳᠤᠯ ᠲᠠᠢ᠃    ᠤᠯᠤᠭᠠᠢ ᠱᠦᠯᠤ — ᠬᠤᠨᠢᠨ ᠤ ᠤᠯᠤᠭᠠᠢ ᠳᠤ ᠬᠡᠷᠴᠢᠭᠰᠡᠨ ᠮᠢᠬ᠎ᠠ᠂ ᠤᠰᠤ᠂ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠵᠡᠷᠬᠡ  ᠪᠠᠨ ᠵᠤᠬᠢᠴᠠᠭᠤᠯᠤᠨ ᠬᠢᠵᠤ᠂ ᠤᠯᠤᠭᠠᠢ ᠶᠢᠨ ᠠᠮᠠ ᠶᠢ ᠨᠢ ᠪᠢᠳᠡᠬᠦᠯᠠᠨ ᠤᠶᠠᠭᠠᠳ ᠴᠢᠨᠠᠬᠤ ᠪᠤᠶᠤ ᠵᠢᠩᠨᠡᠬᠦ ᠠᠷᠭ᠎ᠠ  ᠪᠠᠷ ᠪᠢᠳᠡᠬᠦᠤ ᠱᠦᠯᠤ ᠬᠢᠳᠡᠭ᠃ ᠡᠬᠦᠨ ᠢ ᠤᠯᠤᠭᠠᠢ ᠱᠦᠯᠤ ᠬᠡᠵᠤ ᠨᠡᠷᠡᠯᠡᠳᠡᠭ᠃      ᠬᠤᠶᠠᠷ ᠂ ᠶᠠᠰᠤᠨ ᠱᠦᠯᠤ    ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠠᠳᠠᠯᠢ ᠪᠤᠰᠤ ᠶᠠᠰᠤ ᠶᠢ ᠴᠢᠨᠠᠵᠤ ᠪᠤᠴᠠᠯᠭᠠᠨ ᠱᠦᠯᠤᠰᠢᠬᠦᠯᠦᠭᠰᠡᠨ ᠱᠦᠯᠤ ᠶᠢ ᠶᠠᠷᠤᠩᠬᠡᠢ ᠳᠤ ᠨᠢ ᠶᠠᠰᠤᠨ ᠱᠦᠯᠤ ᠬᠡᠳᠡᠭ᠃ ᠡᠬᠦᠨ ᠳᠤ ᠶᠠᠰᠤᠨ ᠬᠠᠨᠳᠠ ᠶᠢᠨ ᠱᠦᠯᠤ᠂ ᠪᠤᠷᠪᠢ ᠳᠤᠶᠢᠭ ᠤᠨ ᠱᠦᠯᠤ᠂ ᠭᠤᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ᠂ ᠳᠦᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ᠂ ᠬᠤᠨᠢᠨ ᠳᠤᠯᠤᠭᠠᠢ ᠶᠢᠨ ᠱᠦᠯᠤ ᠵᠡᠷᠬᠡ ᠪᠠᠶᠢᠳᠠᠭ᠃    ᠶᠠᠰᠤᠨ ᠬᠠᠨᠳᠠ ᠶᠢᠨ ᠱᠦᠯᠤ — ᠬᠤᠷᠢᠶᠠᠵᠤ ᠴᠤᠭᠯᠠᠭᠤᠯᠤᠭᠰᠠᠨ ᠡᠪᠤᠯ ᠤᠨ ᠢᠳᠡᠰᠢᠨ ᠤ ᠦᠬᠡᠷ᠂ ᠬᠤᠨᠢᠨ  ᠤ ᠶᠠᠰᠤ ᠶᠢ ᠬᠠᠪᠤᠷ ᠪᠤᠯᠬᠤ  ᠳᠤ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠡᠳ᠂ ᠬᠦᠢᠳᠡᠨ ᠤᠰᠤᠨ ᠳᠤ ᠳᠡᠪᠳᠤᠬᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠪᠦᠳᠤᠬᠦᠨ ᠶᠠᠰᠤ ᠶᠢ ᠨᠢ ᠬᠤᠭᠤᠯᠵᠤ᠂ ᠵᠦᠬᠡᠯᠠᠨ ᠭᠠᠯ ᠢᠶᠠᠷ ᠤᠳᠠᠭᠠᠨ ᠴᠢᠨᠠᠵᠤ᠂ ᠱᠦᠯᠤ ᠶᠢ ᠨᠢ ᠨᠠᠯᠢᠶᠡᠳ ᠰᠢᠷᠬᠢᠬᠡᠭᠰᠡᠨ ᠢ ᠶᠠᠰᠤᠨ ᠬᠠᠨᠳᠠ ᠶᠢᠨ ᠱᠦᠯᠤ ᠬᠡᠳᠡᠭ᠃ ᠱᠦᠯᠤᠨ ᠤ ᠳᠤᠰᠤ ᠶᠢ ᠬᠠᠯᠢᠵᠤ ᠠᠪᠤᠭᠠᠳ᠂ ᠱᠦᠯᠤ ᠶᠢ  ᠨᠢ ᠰᠢᠩᠬᠡᠯᠡᠵᠤ ᠤᠤᠭᠤᠬᠤ ᠪᠤᠶᠤ ᠬᠤᠭᠤᠯᠠᠨ ᠳᠤ ᠬᠢᠵᠤ ᠠᠮᠳᠠ ᠤᠷᠤᠭᠤᠯᠳᠠᠭ᠃ ᠶᠠᠰᠤᠨ ᠬᠠᠨᠳᠠ ᠶᠢᠨ ᠱᠦᠯᠤ ᠳᠤᠰᠤᠯᠢᠬ ᠬᠤᠷᠴᠠ ᠠᠮᠳᠠ ᠲᠠᠢ᠂ ᠪᠡᠶ᠎ᠠ ᠶᠢ ᠳᠡᠩᠬᠡᠷᠡᠬᠦᠯᠬᠦ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃    ᠪᠤᠷᠪᠢ ᠳᠤᠶᠢᠭ ᠤᠨ ᠱᠦᠯᠤ — ᠬᠤᠨᠢᠨ ᠤ ᠪᠤᠷᠪᠢ ᠳᠤᠶᠢᠭ ᠤᠨ ᠶᠠᠰᠤ ᠶᠢ ᠵᠦᠬᠡᠯᠠᠨ ᠭᠠᠯ ᠢᠶᠠᠷ ᠤᠳᠠᠭᠠᠨ ᠴᠢᠨᠠᠵᠤ᠂ ᠶᠠᠰᠤᠨ ᠤ ᠰᠢᠮ᠎ᠠ ᠶᠢ ᠨᠢ ᠬᠦᠢᠴᠡᠳ ᠭᠠᠷᠭᠠᠭᠰᠠᠨ ᠱᠦᠯᠤ᠃ ᠪᠤᠷᠪᠢ ᠳᠤᠶᠢᠭ ᠤᠨ ᠱᠦᠯᠤ ᠶᠢ ᠨᠠᠰᠤᠳᠠᠶᠢᠴᠤᠳ ᠲᠤ ᠤᠤᠭᠤᠯᠭᠠᠪᠠᠯ ᠳᠡᠩᠬᠡᠬᠡ ᠳᠠᠮᠢᠷ ᠤᠷᠤᠭᠤᠯᠳᠠᠭ ᠪᠠ ᠡᠪᠡᠳᠴᠢᠳᠠᠨ ᠳᠤ ᠡᠮ ᠤᠨ ᠬᠦᠯᠬᠡ ᠪᠤᠯᠭᠠᠨ ᠬᠡᠷᠡᠭᠯᠡᠳᠡᠭ᠃    ᠭᠤᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ — ᠪᠤᠷᠪᠢ ᠶᠢᠨ ᠶᠠᠰᠤ᠂ ᠳᠤᠶᠢᠭ ᠤᠨ ᠶᠠᠰᠤ᠂ ᠳᠠᠯᠤ ᠶᠢᠨ ᠳᠤᠭᠤᠭ᠎ᠠ ᠶᠢᠨ ᠶᠠᠰᠤ ᠶᠢ ᠪᠤᠴᠠᠯᠭᠠᠵᠤ ᠱᠦᠯᠤᠰᠢᠬᠦᠯᠦᠭᠰᠡᠨ ᠢ ᠭᠤᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ ᠬᠡᠳᠡᠭ᠃ ᠨᠠᠰᠤᠳᠠᠶᠢᠴᠤᠳ ᠪᠤᠯᠤᠨ ᠳᠡᠩᠬᠡᠬᠡ ᠳᠠᠮᠢᠷ ᠮᠠᠭᠤᠳᠠᠢ ᠬᠦᠮᠤᠨ ᠤᠤᠭᠤᠪᠠᠯ ᠪᠡᠶ᠎ᠠ ᠶᠢ ᠨᠢ ᠳᠡᠩᠬᠡᠷᠡᠬᠦᠯᠵᠤ᠂ ᠳᠠᠮᠢᠷ ᠤᠷᠤᠭᠤᠯᠬᠤ ᠤᠢᠢᠯᠡᠳᠤᠯ  ᠲᠠᠢ᠃    ᠳᠦᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ — ᠪᠤᠷᠪᠢ ᠶᠢᠨ ᠶᠠᠰᠤ᠂ ᠳᠤᠶᠢᠭ ᠤᠨ ᠶᠠᠰᠤ᠂ ᠳᠠᠯᠤ ᠶᠢᠨ ᠳᠤᠭᠤᠭ᠎ᠠ ᠶᠢᠨ ᠶᠠᠰᠤ᠂ ᠤᠬᠤᠷ ᠰᠡᠬᠦᠯ ᠤᠨ ᠶᠠᠰᠤ ᠶᠢ ᠪᠤᠴᠠᠯᠭᠠᠵᠤ ᠱᠦᠯᠤᠰᠢᠬᠦᠯᠦᠭᠰᠡᠨ ᠢ ᠳᠦᠷᠪᠠᠨ ᠰᠢᠮᠡᠳᠤ ᠶᠢᠨ ᠱᠦᠯᠤ ᠬᠡᠳᠡᠭ᠃ ᠨᠠᠰᠤᠳᠠᠶᠢᠴᠤᠳ ᠪᠤᠯᠤᠨ ᠳᠡᠩᠬᠡᠬᠡ ᠳᠠᠮᠢᠷ ᠮᠠᠭᠤᠳᠠᠢ ᠬᠦᠮᠤᠨ ᠤᠤᠭᠤᠪᠠᠯ ᠪᠡᠶ᠎ᠠ ᠶᠢ ᠳᠡᠩᠬᠡᠷᠡᠬᠦᠯᠵᠤ᠂ ᠳᠠᠮᠢᠷ ᠤᠷᠤᠭᠤᠯᠬᠤ ᠤᠢᠢᠯᠡᠳᠤᠯ ᠲᠠᠢ᠃    ᠬᠤᠨᠢᠨ ᠳᠤᠯᠤᠭᠠᠢ ᠶᠢᠨ ᠱᠦᠯᠤ — ᠬᠤᠨᠢᠨ ᠳᠤᠯᠤᠭᠠᠢ ᠶᠢ ᠡᠷᠡᠤ ᠶᠢ ᠨᠢ ᠰᠠᠯᠭᠠᠬᠤ ᠦᠬᠡᠢ ᠪᠠᠷ ᠦᠪᠴᠢᠵᠤ᠂ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠬᠦᠢᠳᠡᠨ ᠤᠰᠤᠨ ᠳᠤ ᠬᠢᠵᠤ᠂ ᠵᠦᠬᠡᠯᠠᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨ ᠱᠦᠯᠤᠰᠢᠳᠡᠯ᠎ᠠ ᠨᠢ ᠴᠢᠨᠠᠵᠤ ᠪᠤᠯᠭᠤᠳᠠᠭ᠃ ᠬᠤᠨᠢᠨ ᠳᠤᠯᠤᠭᠠᠢ ᠶᠢᠨ ᠱᠦᠯᠤ ᠨᠢ ᠬᠡᠢ ᠶᠢ ᠳᠠᠷᠤᠬᠤ᠂ ᠪᠡᠶ᠎ᠠ ᠶᠢ ᠳᠡᠩᠬᠡᠷᠡᠬᠦᠯᠬᠦ ᠤᠢᠢᠯᠡᠳᠤᠯ ᠲᠠᠢ ᠪᠦᠬᠡᠳ ᠳᠤᠯᠤᠭᠠᠢ ᠡᠪᠡᠳᠬᠦ᠂ ᠰᠠᠨᠴᠢᠭ ᠢᠶᠠᠷ ᠬᠠᠳᠬᠤᠯᠬᠤ ᠡᠪᠡᠳᠴᠢᠨ ᠳᠤ ᠳᠤᠰᠠᠳᠠᠢ ᠪᠤᠯᠬᠤᠷ ᠡᠶᠢᠮᠤᠷᠬᠦᠤ ᠡᠪᠡᠳᠴᠢᠳᠠᠨ ᠢ ᠡᠮᠨᠡᠨ ᠵᠠᠰᠠᠬᠤ ᠳᠤ ᠡᠮ ᠤᠨ ᠬᠦᠯᠬᠡ ᠪᠤᠯᠭᠠᠳᠠᠭ ᠴᠤ ᠪᠤᠢ᠃ ᠪᠠᠰᠠ ᠪᠢᠳᠡᠬᠦᠤ ᠳᠤᠯᠤᠭᠠᠢ ᠶᠢᠨ ᠱᠦᠯᠤ ᠬᠡᠳᠡᠭ᠃    ᠭᠤᠷᠪᠠ ᠂ ᠬᠢᠷᠤᠮᠴᠠᠭ ᠱᠦᠯᠤ
    ᠬᠢᠷᠤᠮᠴᠠᠭ ᠱᠦᠯᠤ ᠬᠡᠳᠡᠭ ᠨᠢ ᠡᠪᠤᠯ ᠤᠨ ᠢᠳᠡᠰᠢ ᠢᠳᠡᠬᠦ ᠳᠤ ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠᠨ ᠤ ᠴᠢᠳᠬᠤᠭᠰᠠᠨ ᠬᠡᠳᠡᠰᠤ ᠶᠢ ᠡᠯᠢᠬᠡ᠂ ᠵᠢᠷᠤᠬᠡ᠂ ᠠᠭᠤᠰᠬᠢ᠂ ᠪᠦᠬᠡᠷ᠎ᠠ ᠲᠠᠢ ᠬᠠᠮᠳᠤ ᠬᠦᠵᠡᠬᠡᠯᠠᠨ ᠬᠦᠯᠳᠡᠬᠡᠭᠰᠡᠨ ᠵᠠᠶᠢᠳᠠᠰᠤ ᠶᠢ ᠨᠢᠮᠬᠡᠨ ᠬᠢᠷᠭᠠᠵᠤ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠱᠦᠯᠤ ᠶᠢ ᠬᠡᠯᠠᠨ᠎ᠠ᠃ ᠬᠢᠷᠤᠮᠴᠠᠭ ᠱᠦᠯᠤ ᠬᠢᠬᠦ ᠳᠤ ᠬᠡᠳᠡᠰᠤ ᠳᠤᠳᠤᠷ ᠢ ᠳᠠᠩ ᠢᠶᠠᠷ ᠴᠢᠨᠠᠬᠤ ᠪᠤᠶᠤ ᠨᠠᠷᠢᠮᠤ ᠪᠤᠳᠠᠭ᠎ᠠ᠂ ᠳᠤᠳᠤᠷᠭ᠎ᠠ ᠪᠤᠳᠠᠭ᠎ᠠ ᠬᠢᠬᠦ᠂ ᠡᠰᠡᠬᠦᠯ᠎ᠠ ᠭᠤᠯᠢᠷ ᠬᠢᠵᠤ ᠴᠢᠨᠠᠭᠠᠳ ᠳᠠᠪᠤᠰᠤ᠂ ᠰᠤᠩᠬᠢᠨ᠎ᠠ ᠬᠢᠳᠡᠭ᠃ ᠬᠡᠳᠡᠰᠤ ᠳᠤᠳᠤᠷ ᠢ ᠬᠦᠯᠳᠡᠬᠦᠤ ᠪᠠᠷ ᠨᠢ ᠬᠢᠷᠭᠠᠵᠤ ᠬᠡᠷᠴᠢᠭᠰᠡᠨ ᠤ ᠤᠯᠠᠮ ᠢᠶᠠᠷ ᠬᠢᠷᠤᠮᠴᠠᠭ ᠬᠡᠵᠤ ᠨᠡᠷᠡᠯᠡᠵᠤ᠂ ᠬᠠᠪᠤᠷ ᠤᠨ ᠤᠷᠢ ᠤᠷᠤᠵᠤ ᠬᠡᠰᠬᠦ ᠠᠴᠠ ᠨᠢ ᠡᠮᠤᠨ᠎ᠠ ᠬᠢᠬᠦ ᠪᠤᠯᠬᠤᠷ ᠬᠢᠷᠤᠮᠴᠠᠭ ᠱᠦᠯᠤ ᠶᠢ ᠭᠤᠤᠯᠳᠠᠭᠤ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠬᠢᠳᠡᠭ᠃    ᠱᠦᠯᠤ ᠠᠮᠰᠠᠬᠤ ᠶᠤᠰᠤ    ᠮᠤᠩᠭᠤᠯᠴᠤᠳ ᠤᠨ ᠱᠦᠯᠤᠨ ᠤᠮᠳᠠᠭᠠᠨ ᠢ ᠵᠦᠪᠬᠡᠨ ᠦᠯ ᠬᠤᠭᠤᠯᠠ ᠪᠤᠯᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠡᠷᠬᠢᠮ ᠳᠡᠬᠡᠵᠢ ᠪᠠᠷ ᠳᠡᠬᠡᠳᠤᠯᠠᠨ ᠦᠵᠡᠳᠡᠭ᠃ ᠢᠯᠠᠩᠭᠤᠶ᠎ᠠ ᠪᠦᠬᠦᠯᠢ ᠰᠢᠬᠦᠰᠤ᠂ ᠤᠭᠤᠴᠠ ᠰᠢᠬᠦᠰᠤ ᠵᠡᠷᠬᠡ ᠶᠢ ᠬᠦᠨᠳᠤᠳᠬᠡᠨ ᠳᠡᠬᠡᠳᠤᠯᠠᠯ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠰᠢᠬᠦᠰᠤᠨ ᠤ ᠱᠦᠯᠤ ᠶᠢ ᠰᠢᠬᠦᠰᠤ ᠳᠡᠪᠰᠢᠬᠦᠯᠬᠦ ᠶᠤᠰᠤ ᠵᠠᠩᠰᠢᠯ ᠤᠨ ᠪᠦᠷᠢᠯᠳᠤᠬᠦᠨ ᠬᠡᠰᠡᠭ ᠢᠶᠠᠷ ᠦᠵᠡᠳᠡᠭ ᠶᠤᠮ᠃ ᠡᠶᠢᠮᠤ ᠠᠴᠠ ᠰᠢᠬᠦᠰᠤ ᠤᠬᠤᠷᠢᠭᠤᠯᠤᠭᠰᠠᠨ ᠤ ᠳᠠᠷᠠᠭ᠎ᠠ ᠵᠠᠪᠠᠯ ᠱᠦᠯᠤ ᠠᠮᠰᠠᠬᠤ ᠶᠤᠰᠤ ᠲᠠᠢ᠃ ᠱᠦᠯᠤ ᠠᠮᠰᠠᠬᠤ ᠳᠤ ᠪᠠᠨ ᠠᠬᠠᠮᠠᠳ ᠳᠤᠮᠤᠭᠠᠳᠠᠨ ︽ᠱᠦᠯᠤ ᠶᠢᠨ ᠢᠷᠤᠬᠡᠯ︾ ᠬᠡᠯᠡᠳᠡᠭ᠃      ︵ᠲᠤᠰ ᠡᠬᠡ ᠪᠢᠴᠢᠭ  ᠢ ︽ᠮᠤᠩᠭᠤᠯ ᠵᠠᠩ ᠤᠢᠢᠯᠠ ᠰᠤᠶᠤᠯ᠂ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠵᠠᠩ ᠤᠢᠢᠯᠠ︾  ᠠᠴᠠ ᠪᠠᠭᠤᠯᠭᠠᠪᠠ︶
  
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯᠴᠤᠳ  ᠤᠨ ᠤᠯᠠᠮᠵᠢᠯᠠᠯᠳᠤ ᠤᠮᠳᠠᠭᠠᠨ ︵ ᠨᠢᠭᠡ ︶
ᠦᠨᠦᠳᠦᠷ ᠶᠢᠰᠦ ᠣᠷᠤᠨ᠎ᠠ
ᠮᠤᠩᠭᠤᠯᠴᠣᠤᠨ ᠤᠨ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠬᠤ ᠴᠡᠭᠡᠷ ᠶᠣᠰᠣᠨ ᠤ ᠲᠣᠬᠠᠢ ᠴᠣᠬᠤᠰ ᠶᠠᠷᠢᠬᠤᠢ
ᠵᠠᠯᠠᠭᠤ ᠪᠠᠭᠠᠴᠤᠳ ᠬᠥᠨᠳᠦᠦᠨᠬᠡᠯ ᠤᠨ ᠶᠣᠰᠣᠨ ᠢ ᠰᠠᠬᠢᠨ ᠵᠢᠷᠤᠮᠯᠠᠬᠤ ᠶᠢ ᠬᠦᠰᠡᠨᠡᠮ
ᠨᠢᠬᠡ ᠬᠥᠮᠤᠨ ᠤ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠪᠥᠳᠤᠭᠦ ᠠᠴᠠ ᠨᠠᠰᠤ ᠡᠴᠤᠰᠯᠡᠬᠦ ᠬᠥᠷᠳᠡᠯᠡᠬᠢ ᠬᠤᠷᠢᠨ ᠲᠠᠪᠤᠨ ᠥᠶ᠎ᠡ ᠶᠢᠨ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号