| ᠡᠯᠡᠰᠦᠨ ᠠᠶᠢᠯ ᠤᠨ ᠲᠤᠮᠳᠠᠬᠢ ᠭᠦᠬᠡ ᠴᠡᠩᠬᠡᠷ ᠤᠷᠤᠢ ᠲᠠᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠰᠢᠨᠡᠬᠡᠨ ᠪᠠᠶᠢᠰᠢᠩ ᠤᠨ | ᠡᠭᠦᠳᠡᠨ ᠳᠤ ᠬᠡᠳᠦ ᠬᠡᠳᠦᠨ ᠮᠠᠰᠢᠨ ᠲᠡᠷᠬᠡ ᠵᠤᠭᠰᠤᠵᠦ ᠭᠦᠮᠦᠰ ᠶᠠᠭᠠᠷᠠᠯᠳᠤᠵᠦ ᠪᠠᠶᠢᠬᠤ ᠠᠴᠠ ᠡᠨᠡ ᠦᠯᠢᠬᠡᠷ | ᠡᠬᠢᠯᠡᠵᠦ ᠪᠠᠶᠢᠨᠠ᠂ ᠤᠩᠰᠢᠭᠴᠢᠳ ᠮᠢᠨᠢ︕ | ᠮᠠᠷᠢᠶᠠᠯᠢᠭ ᠲᠤᠮᠳᠠ ᠶᠢᠨ ᠪᠡᠶᠡ ᠳᠡᠭᠡᠨ ᠡᠷᠢᠶᠠᠨ ᠡᠩᠬᠡᠷ ᠬᠤᠷᠮᠤᠶᠢᠴᠢ ᠪᠦᠰᠡᠯᠡᠵᠦ ᠰᠠᠪᠠᠯᠠᠭᠰᠠᠨ ᠮᠦᠭᠦ ᠶᠢ | ᠵᠠᠬᠢᠶᠠᠯᠠᠭᠰᠠᠨ ᠲᠤᠭᠠ ᠪᠠᠷ ᠪᠦᠷᠢᠳᠬᠡᠨ ᠦᠭᠴᠦ ᠪᠠᠶᠢᠭᠠ ᠪᠠᠶᠠᠷ ᠪᠦᠰᠡᠭᠦᠢ᠄ | — ᠭᠦᠬᠡ ᠡ᠂ ᠪᠠᠰᠠ ᠲᠠᠪᠤᠨ ᠰᠠᠪᠠ ᠠᠪᠤᠭᠠᠳ ᠢᠷᠡᠬᠡᠷᠡᠢ ᠬᠡᠵᠦ ᠲᠠᠭᠤᠳᠠᠬᠤ ᠪᠠᠷ ᠲᠠᠮᠢ ᠤᠳᠠᠯ ᠦᠬᠡᠢ | ᠭᠦᠬᠡ ᠨᠢ ᠬᠡᠷ ᠤᠨ ᠵᠡᠭᠦᠨ ᠲᠠᠯᠠ ᠳᠤ ᠵᠠᠯᠭᠠᠵᠦ ᠪᠠᠷᠢᠭᠰᠠᠨ ᠲᠤᠯᠠᠭᠠᠬᠠᠨ ᠲᠦᠭᠦᠮ ᠬᠡᠷ ᠤᠨ ᠡᠭᠦᠳᠠ | ᠤᠩᠭᠤᠶᠢᠯᠭᠠᠵᠦ ᠵᠢᠳᠭᠦᠭᠦᠷ ᠲᠡᠷᠬᠡ ᠪᠠᠷ ᠭᠦᠷᠬᠡᠵᠦ ᠢᠷᠡᠪᠡ᠃ | ᠭᠦᠬᠡ ᠡᠨᠡ ᠵᠢᠯ ᠭᠤᠴᠢᠨ ᠬᠤᠶᠠᠷᠳᠠᠢ᠂ ᠭᠤᠵᠤᠭᠤᠷᠬᠠᠨ ᠲᠠᠶᠢᠪᠤᠭᠤ ᠵᠢᠰᠦ ᠲᠠᠢ᠂ ᠵᠡᠭᠦᠨ ᠬᠠᠴᠡᠷ ᠲᠤ ᠨᠢ | ᠮᠡᠳᠡᠭᠳᠡᠮᠡ ᠪᠤᠷᠤ ᠮᠡᠩᠬᠡ ᠲᠠᠢ ᠦᠨᠳᠦᠷᠬᠡᠨ ᠪᠡᠶᠡ ᠲᠠᠢ ᠡᠴᠡᠩᠬᠡᠷ ᠵᠠᠯᠠᠭᠤ ᠪᠠᠶᠢᠯᠠ᠃ ᠠᠪᠤ ᠡᠵᠢ ᠠᠴᠠ ᠪᠠᠨ ᠡᠬᠡᠴᠢ | ᠲᠠᠢ ᠬᠤᠶᠠᠭᠤᠯᠠ ᠪᠠᠨ ᠨᠠᠷᠠ ᠰᠠᠷᠠᠨ ᠤ ᠬᠡᠷᠡᠯ ᠲᠠᠢ ᠠᠷᠭᠠ ᠪᠢᠯᠢᠭ ᠤᠨ ᠵᠢᠷᠤᠬᠠᠢ ᠲᠠᠢ ᠵᠠᠶᠠᠭᠠᠵᠦ ᠪᠢᠯᠡ᠃ ᠡᠬᠡᠴᠢ | ᠨᠢ ᠪᠠᠯᠭᠠᠰᠤᠨ ᠲᠦᠪ ᠲᠤ ᠬᠠᠷᠢᠯᠠᠵᠦ ᠶᠠᠪᠤᠭᠰᠠᠨ ᠠᠴᠠ ᠭᠦᠬᠡ ᠠᠪᠤ ᠡᠵᠢ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠠᠮᠢᠳᠤᠷᠠᠵᠦ | ᠪᠠᠶᠢᠭᠠ ᠪᠤᠯᠪᠠᠴᠦ ᠡᠵᠢ ᠶᠢᠨ ᠬᠢᠨ ᠤᠯᠠᠨ ᠵᠢᠯ ᠡᠪᠡᠳᠴᠢᠨ ᠭᠦᠬᠡᠬᠡᠭᠰᠡᠨ ᠪᠠ ᠭᠦᠬᠡ ᠶᠢᠨ ᠭᠤᠷᠪᠠᠨ ᠵᠢᠯ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠠᠮᠢᠳᠤᠷᠠᠯ ᠨᠢ ᠬᠡᠷ ᠪᠦᠯᠢ ᠶᠢᠨ ᠠᠮᠢᠳᠤᠷᠠᠯ ᠢ ᠨᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠭᠦᠷᠦᠯᠴᠡᠭᠦᠢ ᠪᠤᠰᠤ | ᠪᠤᠯᠭᠠᠵᠦ ᠤᠷᠬᠢᠵᠠᠢ᠃ | ᠡᠯᠡᠰᠦᠨ ᠠᠶᠢᠯ ᠤᠨ ᠲᠠᠷᠢᠶᠠᠴᠢᠨ ᠭᠠᠵᠠᠷ ᠭᠦᠷᠦᠰᠦ ᠮᠠᠭᠤᠳᠠᠢ᠂ ᠲᠡᠭᠷᠢ ᠲᠦᠰᠢᠵᠦ ᠲᠠᠷᠢᠶᠠᠯᠠᠳᠠᠭ ᠠᠴᠠ ᠵᠢᠯ | ᠵᠢᠯ ᠤᠨ ᠤᠷᠤᠯᠭᠠ ᠲᠡᠭᠰᠢ ᠦᠬᠡᠢ᠂ ᠬᠤᠷᠢ ᠭᠠᠷᠤᠢ ᠦᠬᠡᠷ ᠨᠢ ᠠᠳᠬᠤ ᠠᠳᠬᠤ ᠮᠦᠩᠭᠦ ᠬᠤᠪᠢᠷᠠᠵᠦ ᠡᠮᠨᠡᠯᠬᠡ | ᠶᠢᠨ ᠡᠭᠦᠳᠡ ᠪᠠᠷ ᠤᠷᠤᠰᠬᠤ ᠨᠢ ᠤᠷᠤᠰᠤᠨ ᠤᠳᠤᠯᠠ᠃ | ᠠᠮᠢᠳᠤᠷᠠᠯ ᠰᠢᠯᠤᠭᠤᠨ ᠵᠠᠮ ᠲᠠᠢ ᠪᠢᠰᠢ ᠪᠤᠯᠬᠤᠷ ᠠᠷᠭᠠ ᠵᠤᠷᠢᠭ ᠬᠤᠶᠠᠷ ᠮᠤᠬᠤᠷᠳᠠᠭᠰᠠᠨ ᠭᠦᠮᠦᠨ ᠳᠤ ᠠᠷᠢᠬᠢ | ᠬᠠᠨᠢᠯᠠᠳᠠᠭ ᠰᠢᠭ᠋ ᠠᠪᠤ ᠨᠢ ᠨᠢᠬᠡ ᠦᠶᠡ ᠯᠤᠩᠬᠤ ᠲᠠᠪᠠᠷᠢᠵᠦ ᠯᠤᠤᠬᠠ ᠲᠠᠢ ᠨᠢᠳᠦ᠂ ᠨᠢᠯᠪᠤᠰᠤ ᠲᠠᠢ ᠡᠳᠦᠷ ᠬᠤᠨᠤᠭ | ᠢ ᠦᠩᠬᠡᠷᠡᠬᠡᠵᠦ ᠢᠪᠡᠬᠡᠯ ᠦᠬᠡᠢ ᠠᠮᠢᠳᠤᠷᠠᠯ ᠳᠠᠭᠠᠨ ᠭᠤᠮᠤᠷᠬᠠᠵᠦ ᠢᠳᠡᠬᠡᠯ ᠠᠯᠳᠠᠵᠦ ᠶᠠᠪᠤᠭᠰᠠᠨ ᠤᠳᠠᠭᠠ ᠲᠠᠢ | ᠠᠵᠠᠢ᠃ | ᠭᠠᠴᠠᠭᠠ ᠵᠦᠪᠯᠡᠯ ᠠᠴᠠ ᠨᠢ ᠶᠠᠳᠠᠭᠤ ᠡᠷᠦᠬᠡ ᠶᠢᠨ ᠲᠤᠭᠠᠨ ᠳᠤ ᠤᠷᠤᠭᠤᠯᠵᠦ ᠲᠡᠳᠭᠦᠮᠵᠢ ᠶᠢᠨ ᠮᠦᠩᠭᠦ | ᠦᠭᠭᠦᠭᠰᠡᠨ ᠴᠦ ᠲᠤᠤᠷᠠᠳᠠᠭᠰᠠᠨ ᠲᠦᠪᠰᠢᠨ ᠲᠡᠬᠡᠭᠰᠢᠯᠡᠭᠦ ᠦᠬᠡᠢ ᠲᠤᠬᠢᠳᠠᠢ ᠵᠠᠮ ᠤᠯᠳᠠᠬᠤ ᠦᠬᠡᠢ ᠪᠠᠶᠢᠵᠠᠢ᠃ | ᠭᠦᠬᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠬᠡᠵᠦ ᠠᠵᠢᠯ ᠠᠯᠪᠠ ᠳᠤ ᠰᠢᠯᠭᠠᠭᠤᠯᠤᠭᠰᠠᠨ ᠪᠤᠯᠪᠠᠴᠦ ᠡᠯᠡ ᠰᠢᠯᠳᠠᠭᠠᠨ | ᠠᠴᠠ ᠠᠵᠠ ᠦᠬᠡᠶᠢᠳᠡᠵᠦ ᠪᠠᠰᠠ ᠲᠡᠭᠦᠨ ᠲᠠᠢ ᠭᠤᠷᠪᠠᠨ ᠵᠢᠯ ᠨᠠᠷᠬᠢᠭᠰᠠᠨ ᠢᠨᠠ᠊ ᠦᠬᠢᠨ ᠨᠢ ᠰᠠᠯᠤᠨ ᠤᠳᠤᠵᠦ | ᠶᠠᠳᠠᠭᠤ ᠠᠮᠢᠳᠤᠷᠠᠯ ᠲᠠᠢ ᠲᠡᠭᠦᠨ ᠳᠤ ᠢᠯᠠᠭᠳᠠᠭᠰᠠᠨ ᠢᠨᠠᠭ ᠤᠨ ᠵᠤᠪᠠᠯ ᠨᠡᠮᠡᠵᠠᠢ᠃ ᠭᠦᠬᠡ ᠬᠡᠷ ᠲᠡᠭᠡᠨ ᠢᠷᠡᠭᠰᠡᠨ | ᠤ ᠲᠠᠷᠠᠭᠠ ᠲᠠᠮᠡᠢ ᠤᠳᠠᠯ ᠦᠬᠡᠢ ᠬᠠᠮᠳᠦ ᠰᠤᠷᠤᠯᠭᠠᠳᠠᠨ ᠲᠠᠢ ᠪᠠᠨ ᠪᠤᠯᠵᠤᠵᠦ ᠡᠮᠦᠨᠡ ᠤᠷᠤᠨ ᠳᠤ ᠭᠦᠴᠦᠨ ᠤ | ᠠᠵᠢᠯ ᠭᠢᠬᠦ ᠪᠠᠷ ᠶᠠᠪᠤᠵᠠᠢ ᠁ | ᠪᠠᠶᠠᠷ ᠬᠡᠷᠡ ᠲᠤᠭᠳᠠᠭᠰᠠᠨ ᠠᠷᠠᠯᠵᠢᠶᠠᠨ ᠤ ᠬᠠᠨᠢᠳᠠᠨ ᠢᠶᠠᠨ ᠮᠤᠷᠳᠠᠭᠤᠯᠵᠦ ᠬᠡᠷ ᠲᠡᠭᠡᠨ ᠤᠷᠤᠵᠦ ᠢᠷᠡᠨ ᠨᠢᠭᠤᠷ | ᠭᠠᠷ ᠢᠶᠠᠨ ᠤᠬᠢᠶᠠᠵᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠭᠠᠷ ᠤᠳᠠᠰᠤᠨ ᠤ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠬᠡ ᠪᠠᠨ ᠰᠡᠭᠦᠯᠠ᠃ ᠤᠴᠢᠷ | ᠨᠢ ᠡᠨᠡ ᠡᠳᠦᠷ ᠲᠡᠷᠡ ᠬᠡᠳᠦᠨ ᠰᠦᠯᠵᠢᠶᠠᠨ ᠤ ᠨᠠᠶᠢᠵᠠ ᠳᠠᠭᠠᠨ ᠦᠪᠡᠷ ᠤᠨ ᠢᠶᠠᠨ ᠲᠤᠬᠠᠢ ᠲᠦᠭᠦᠮ ᠦᠩᠬᠡᠷᠡᠯᠳᠠ | ᠪᠠᠨ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠪᠤᠯᠵᠤᠭᠰᠠᠨ ᠪᠠᠶᠢᠵᠠᠢ᠃ | ᠪᠠᠶᠠᠷ ᠤᠨ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠬᠡ ᠨᠡᠬᠡᠬᠡᠮᠡᠭᠴᠡ ᠬᠡᠳᠦᠨ ᠲᠦᠮᠡᠨ ᠪᠠᠭ᠋ᠠᠳᠠᠳ ᠨᠢ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ | ᠭᠠᠷᠴᠦ ᠢᠷᠡᠨ ᠮᠤᠩᠭᠤᠯ ᠬᠢᠳᠡᠳ ᠬᠡᠯᠡ ᠪᠠᠷ ᠲᠠᠭᠠᠯᠠᠨ ᠮᠠᠨᠳᠤᠴᠢᠯᠠᠵᠦ ᠪᠠᠶᠢᠯᠠ᠃ | — ᠲᠠᠨᠠᠷ ᠰᠠᠶᠢᠨ ᠪᠠᠶᠢᠨᠠᠤ︖ ᠬᠡᠵᠦ ᠪᠠᠶᠠᠷ ᠨᠡᠪᠳᠡᠷᠡᠭᠦᠯᠬᠡ ᠪᠠᠨ ᠡᠬᠢᠯᠡᠯᠡ᠃ | — ᠮᠢᠨᠤ ᠨᠤᠳᠤᠭ ᠪᠤᠯ ᠡᠾᠧᠨᠠᠨ ᠮᠤᠵᠢ ᠶᠢᠨ ᠨᠢᠬᠡᠨ ᠠᠭᠤᠯᠠᠨ ᠲᠤᠰᠬᠤᠨ ᠪᠤᠯᠤᠨᠠ᠃ ᠲᠤᠮᠳᠠᠳᠦ | ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠯᠭᠠ ᠶᠢᠨ ᠨᠠᠮᠳᠠᠷ ᠲᠠᠢ᠂ ᠤᠯᠠᠨ ᠵᠢᠯ ᠭᠠᠳᠠᠭᠰᠢ ᠭᠠᠷᠴᠦ ᠭᠦᠴᠦᠨ ᠤ ᠠᠯᠪᠠ ᠬᠢᠵᠦ | ᠬᠤᠪᠢ ᠵᠠᠶᠠᠭᠠᠨ ᠤ ᠲᠡᠩᠨᠡᠭᠦᠷ ᠲᠡᠬᠡᠷᠡ ᠤᠬᠢᠯᠠᠵᠦ ᠢᠨᠢᠶᠡᠵᠦ ᠶᠢᠷᠳᠢᠨᠴᠦ ᠶᠢᠨ ᠠᠯᠠᠭ ᠪᠤᠯᠤᠭ ᠲᠤ ᠲᠦᠬᠡᠷᠢᠯᠳᠦᠵᠦ | ᠶᠠᠪᠤᠯᠠ᠃ ᠭᠤᠸᠠᠩᠰᠢ ᠶᠢᠨ ᠨᠢᠬᠡᠨ ᠪᠠᠷᠢᠯᠭᠠ ᠶᠢᠨ ᠭᠠᠵᠠᠷ ᠲᠤ ᠪᠠᠶᠢᠬᠤ ᠳᠠᠭᠠᠨ ᠮᠤᠩᠭᠤᠯ ᠵᠠᠯᠠᠭᠤ ᠭᠦᠬᠡ ᠲᠠᠢ | ᠲᠠᠨᠢᠯᠴᠠᠭᠰᠠᠨ ᠶᠤᠮ᠃ ᠡᠨᠡ ᠨᠢ ᠮᠢᠨᠤ ᠨᠢᠬᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠢ ᠦᠬᠡᠷᠡᠴᠢᠯᠡᠵᠦ ᠪᠢᠯᠡ᠃ ᠬᠤᠷᠸᠠ ᠬᠡᠳᠡᠭ | ᠬᠢᠵᠠᠭᠠᠷ ᠦᠬᠡᠢ ᠠᠭᠤᠳᠠᠮ᠂ ᠠᠮᠢᠳᠤᠷᠠᠯ ᠤᠨ ᠵᠠᠮ ᠮᠠᠰᠢ ᠤᠯᠠᠨ ᠪᠠᠶᠢᠨᠠ ᠰᠢᠦ᠃ ᠭᠠᠭᠴᠠᠭᠦ ᠪᠢᠳᠠᠨ ᠤ ᠦᠪᠡᠷ ᠤᠨ | ᠵᠦᠪ ᠰᠤᠩᠭᠤᠯᠳᠠ ᠯᠠ ᠬᠠᠮᠤᠭ ᠤᠨ ᠵᠠᠩᠬᠢᠯᠠᠭᠠ ᠪᠤᠯᠤᠨᠠ᠃ ᠪᠠᠶᠠᠷ ᠨᠢᠬᠡ ᠦᠶᠡ ᠮᠤᠩᠭᠤᠯ ᠬᠡᠯᠡ ᠪᠠᠷ ᠶᠠᠷᠢᠪᠠᠯ | ᠨᠢᠬᠡ ᠦᠶᠡ ᠬᠢᠳᠡᠳ ᠬᠡᠯᠡ ᠪᠠᠷ ᠶᠠᠷᠢᠵᠦ ᠪᠠᠶᠢᠯᠠ᠃ | ᠮᠠᠰᠢ ᠤᠯᠠᠨ ᠮᠠᠭᠳᠠᠭᠠᠯ ᠤᠨ ᠦᠬᠡ ᠲᠡᠮᠳᠡᠭ᠂ ᠲᠤᠭᠤᠷ ᠤᠨ ᠴᠡᠴᠡᠭ ᠭᠠᠷ ᠤᠳᠠᠰᠦ ᠶᠢ ᠨᠢ ᠪᠠᠭᠳᠠᠵᠦ | ᠶᠠᠳᠠᠮᠠ ᠤᠷᠤᠵᠦ ᠢᠷᠡᠨ᠂ ᠵᠠᠷᠢᠮ ᠨᠢ ᠰᠤᠨᠢᠨ ᠰᠠᠶᠢᠬᠠᠨ ᠠᠰᠠᠭᠤᠯᠳᠠ ᠠᠰᠠᠭᠤᠵᠦ ᠪᠠᠶᠢᠯᠠ ᠁ | — ᠭᠦᠬᠡ ᠪᠤᠯ ᠮᠢᠨᠤ ᠨᠠᠰᠤᠨ ᠲᠤᠷᠰᠢ ᠬᠠᠶᠢᠷᠠᠯᠠᠵᠦ ᠭᠦᠨᠳᠦᠯᠡᠵᠦ ᠶᠠᠪᠤᠬᠤ ᠡᠷᠡᠭᠳᠡᠢ ᠪᠤᠯᠤᠨᠠ᠃ ᠮᠤᠩᠭᠤᠯ | ᠭᠦᠮᠦᠨ ᠤ ᠰᠠᠶᠢᠬᠠᠨ ᠵᠠᠩ ᠰᠠᠶᠢᠨ ᠰᠤᠷᠳᠠᠯ ᠲᠠᠢ᠃ ᠰᠢᠭᠤᠳ ᠬᠡᠯᠡᠪᠡᠯ ᠭᠦᠬᠡ᠂ ᠭᠦᠬᠡ ᠶᠢᠨ ᠠᠪᠤ ᠡᠵᠢ᠂ ᠡᠯᠡᠰᠦᠨ | ᠠᠶᠢᠯ ᠤᠨ ᠠᠷᠠᠳ ᠲᠦᠮᠡᠨ ᠠᠴᠠ ᠪᠢ ᠮᠤᠩᠭᠤᠯ ᠭᠦᠮᠦᠨ ᠤ ᠲᠤᠬᠠᠢ ᠪᠦᠷᠢᠨ ᠤᠶᠢᠯᠠᠭᠠᠵᠦ ᠮᠡᠳᠡᠯᠡ᠃ ᠭᠦᠬᠡ | ᠪᠢᠳᠠ ᠬᠤᠶᠠᠷ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠢᠷᠡᠭᠦ ᠳᠤ ᠪᠢ ᠮᠤᠩᠭᠤᠯ ᠦᠬᠡ ᠲᠦᠭᠦᠬᠡᠷᠭᠦ ᠦᠬᠡᠢ ᠨᠡᠩ ᠴᠦ ᠶᠠᠷᠢᠵᠦ | ᠴᠢᠳᠠᠬᠤ ᠦᠬᠡᠢ ᠪᠠᠶᠢᠵᠠᠢ᠃ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠭᠦᠬᠡ ᠶᠢ ᠵᠢᠮᠠᠯᠠᠵᠦ ᠡᠮᠦᠨ᠋ ᠤᠷᠤᠨ ᠤ ᠬᠢᠳᠡᠳ ᠬᠡᠤᠬᠡᠨ ᠢ | ᠲᠠᠭᠠᠭᠤᠯᠵᠦ ᠢᠷᠡᠯᠡ᠂ ᠱᠠᠯ ᠫᠤᠯ ᠬᠡᠳ ᠬᠠᠷᠢᠶᠠᠴᠠᠢ ᠶᠢᠨ ᠰᠦᠨᠠᠰᠦ ᠪᠠᠶᠢᠬᠠ ᠬᠡᠵᠦ ᠪᠦᠭᠦᠳᠡᠬᠡᠷ ᠢᠶᠠᠨ ᠨᠠᠳᠠ ᠶᠢ | ᠦᠵᠡᠨ ᠶᠠᠳᠠᠵᠦ ᠲᠠᠭᠠ ᠦᠬᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠪᠦᠭᠦᠨ ᠳᠤ ᠪᠢ ᠭᠤᠮᠤᠷᠬᠠᠵᠦ ᠰᠠᠭᠤᠭᠠ ᠦᠬᠡᠢ᠂ | ᠬᠠᠷᠢᠨ ᠭᠦᠬᠡ ᠠᠴᠠ ᠮᠤᠩᠭᠤᠯ ᠦᠬᠡ ᠶᠢ ᠬᠢᠴᠢᠶᠠᠨ ᠰᠤᠷᠤᠭᠰᠠᠨ ᠶᠤᠮ᠃ ᠬᠤᠷᠢᠮᠯᠠᠭᠠᠳ ᠪᠢᠳᠠ ᠭᠦᠬᠡᠷᠦᠭᠦᠨ | ᠰᠠᠶᠢᠬᠠᠨ ᠦᠬᠢᠨ ᠲᠠᠢ ᠪᠤᠯᠵᠦ ᠠᠪᠤ ᠡᠵᠢ ᠶᠢᠨ ᠰᠡᠳᠬᠢᠯ ᠰᠠᠨᠠᠭᠠ ᠴᠦ ᠪᠠᠶᠠᠷᠯᠡᠩᠭᠤᠢ ᠪᠤᠯᠴᠢᠬᠠᠵᠦ ᠡᠵᠢ ᠶᠢᠨ ᠪᠡᠶᠡ | ᠨᠢ ᠡᠷᠡᠭᠦᠯᠰᠢᠵᠦ ᠠᠪᠤ ᠴᠦ ᠠᠵᠢᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠰᠢᠭᠤᠳᠴᠦ ᠠᠷᠢᠬᠢ ᠲᠠᠷᠠᠰᠦ ᠶᠢ ᠬᠡᠮᠵᠢᠶᠡ ᠲᠠᠢ ᠡᠳ᠋ᠯᠡᠭᠦ | ᠪᠤᠯᠵᠠᠢ᠃ | — ᠨᠡᠪᠳᠡᠷᠡᠭᠦᠯᠦᠭᠴᠢ ᠡ᠂ ᠶᠠᠭᠠᠬᠢᠭᠠᠳ ᠮᠦᠭᠦ ᠲᠠᠷᠢᠵᠦ ᠡᠬᠢᠯᠡᠭᠰᠡᠨ ᠢᠶᠠᠨ ᠶᠠᠷᠢᠭᠠᠷᠠᠢ ᠬᠡᠰᠡᠨ ᠵᠠᠬᠢᠶᠠ ᠬᠡᠳᠦ | ᠬᠡᠳᠦ ᠪᠠᠷ ᠲᠤᠳᠤᠷᠠᠯᠠ᠃ ᠶᠠᠭ ᠡᠨᠡ ᠦᠶᠡ ᠮᠠᠯ ᠢᠶᠠᠨ ᠪᠤᠷᠳᠤᠨ ᠲᠡᠵᠢᠬᠡᠵᠦ ᠪᠠᠷᠠᠭᠰᠠᠨ ᠭᠦᠬᠡ ᠤᠷᠤᠭᠠᠳ ᠢᠷᠡᠯᠡ᠃ | | — ᠨᠠᠶᠢᠵᠠᠨᠠᠷ ᠮᠢᠨᠢ᠂ ᠵᠢᠭᠠᠬᠠᠨ ᠭᠦᠯᠢᠶᠡᠵᠦ ᠪᠠᠶᠢᠭᠠᠷᠠᠢ᠃ ᠡᠨᠡ ᠲᠤᠬᠠᠢ ᠮᠢᠨᠦ ᠨᠦᠭᠦᠷ ᠭᠦᠬᠡ ᠪᠠᠷ | ᠶᠠᠷᠢᠭᠤᠯᠤᠶᠠ ᠬᠡᠵᠦ ᠪᠠᠶᠠᠷ ᠰᠡᠳᠬᠢᠯ ᠲᠤᠭᠳᠤᠯᠤᠨᠠ᠃ ᠤᠳᠠᠵᠦ ᠲᠦᠳᠡᠯ ᠦᠬᠡᠢ ᠮᠤᠩᠭᠤᠯ ᠲᠡᠪᠡᠯ ᠲᠠᠢ ᠭᠦᠬᠡ | ᠵᠠᠯᠠᠭᠤ ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠬᠡ ᠳᠤ ᠢᠯᠡᠷᠡᠯᠡ᠃ | — ᠲᠠᠶᠠᠭᠠᠷ ᠰᠠᠶᠢᠨ ᠤᠤ︖ ᠪᠢ ᠲᠠᠨᠠᠷ ᠤᠨ ᠲᠠᠨᠢᠯ ᠲᠠᠰᠤᠯ ᠪᠤᠯᠤᠭᠰᠠᠨ ︽ᠭᠦᠭᠦᠬᠡᠴᠢᠨ ᠭᠦᠬᠡ︾ | ᠪᠤᠯᠤᠨᠠ᠃ ᠲᠠᠨᠠᠷ ᠲᠠᠭᠠᠨ ᠰᠠᠶᠢᠨ ᠤ ᠡᠭᠦᠳᠡ ᠨᠡᠬᠡᠬᠡᠵᠦ ᠮᠠᠨᠳᠤᠴᠢᠯᠠᠨ ᠵᠤᠯᠭᠠᠶᠠ᠂ ᠰᠠᠶᠢᠬᠠᠨ ᠤ ᠢᠷᠦᠬᠡᠯ ᠢᠯᠡᠬᠡᠵᠦ | ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠶᠠ︕ ᠲᠠᠨᠠᠷ ᠭᠠᠷᠠᠭ ᠤᠨ ᠡᠳᠦᠷ ᠤᠨ ᠤᠷᠤᠢ ᠪᠤᠯᠭᠠᠨ ᠶᠠᠪᠤᠭᠳᠠᠳᠠᠭ ᠪᠢᠳᠠᠨ ᠤ ︽ᠬᠠᠶᠢᠷᠠ ᠶᠢᠨ | ᠮᠦᠭᠦ︾ ᠲᠤᠰᠬᠠᠢ ᠨᠡᠪᠳᠡᠷᠡᠭᠦᠯᠬᠡ ᠶᠢ ᠰᠤᠨᠤᠰᠴᠦ ᠠᠩᠬᠠᠷᠴᠦ ᠪᠠᠶᠢᠬᠤ ᠶᠢ ᠪᠢ ᠢᠳᠡᠬᠡᠵᠦ ᠪᠠᠶᠢᠨᠠ᠃ ᠡᠨᠡ ᠦᠶᠡ | ᠰᠦᠯᠵᠢᠶᠡᠨ ᠤ ᠪᠠᠭ᠋ᠠᠳᠠᠳ ᠠᠴᠠ ︽ᠭᠦᠭᠦᠬᠡᠴᠢᠨ ᠭᠦᠬᠡ︾ ᠠᠴᠠ ᠦᠷᠢᠳᠠᠪᠡᠷ ᠨᠢᠬᠡ ᠲᠠᠭᠤᠤ ᠰᠤᠨᠤᠰᠤᠶᠠ ᠬᠡᠰᠡᠨ | ᠭᠤᠶᠤᠴᠢᠯᠠᠯ ᠱᠠᠭᠠᠷᠳᠠᠯᠭᠠ ᠢᠷᠡᠯᠡ︕ ᠭᠦᠬᠡ ᠵᠠᠯᠠᠭᠤ ᠲᠠᠭᠤᠤ ᠰᠠᠶᠢᠬᠠᠨ ᠲᠠᠭᠤᠯᠠᠳᠠᠭ ᠠᠴᠠ ︽ᠭᠦᠭᠦᠬᠡᠴᠢᠨ | ᠭᠦᠬᠡ︾ ᠴᠤᠯᠠ ᠭᠦᠷᠳᠡᠭᠰᠡᠨ ᠨᠢ ᠠᠪᠤ ᠡᠵᠢ ᠨᠢ ᠴᠦ ᠠᠶᠢᠯ ᠠᠶᠢᠮᠠᠭ ᠲᠠᠭᠠᠨ ᠵᠦᠬᠡᠷ ᠰᠠᠶᠢᠬᠠᠨ ᠲᠠᠭᠤᠯᠠᠳᠠᠭ ᠲᠠᠢ | ᠬᠤᠯᠪᠤᠭᠠᠳᠠᠢ ᠪᠠᠶᠢᠬᠠ᠃ | ᠪᠠᠶᠠᠷ ᠤᠷᠢᠵᠦ ᠪᠤᠷᠤᠭᠠᠨ ᠱᠠᠬᠢᠨᠠ | ᠪᠤᠷᠬᠠᠨ ᠲᠡᠭᠷᠢ ᠠᠴᠠ ᠢᠷᠦᠬᠡᠯ ᠢᠷᠡᠯᠡ | ᠪᠤᠭᠤᠷᠤᠯ ᠡᠯᠡᠰᠦᠨ ᠤ ᠡᠯᠢᠬᠡᠨ ᠳᠤ | ᠪᠤᠷᠭᠠᠰᠦ ᠪᠢᠳᠠ ᠬᠤᠶᠠᠷ ᠪᠠᠶᠠᠰᠤᠨᠠ ᠳ᠋ᠠ | ᠪᠠᠶᠠᠷᠯᠠᠵᠦ ᠭᠦᠪᠰᠡᠭᠰᠡᠨ ᠪᠠᠶᠠᠷ ᠴᠦ ᠭᠦᠬᠡ ᠶᠢ ᠬᠠᠪᠰᠤᠷᠴᠦ ᠲᠠᠭᠤᠯᠤᠨᠠ᠄ | ᠭᠦᠭᠵᠢᠯ ᠨᠡᠮᠡᠵᠦ ᠪᠤᠷᠤᠭᠠᠨ ᠰᠢᠪᠡᠷᠡᠨᠡ | ᠭᠦᠬᠡ ᠲᠡᠭᠷᠢ ᠠᠴᠠ ᠢᠪᠡᠬᠡᠯ ᠢᠷᠡᠯᠡ | ᠭᠦᠰᠡᠯᠳᠦ ᠡᠯᠡᠰᠦᠨ ᠤ ᠬᠠᠶᠢᠷᠠ ᠳᠤ | ᠭᠦᠬᠡᠷᠦᠭᠦᠨ ᠮᠦᠭᠦ ᠲᠤᠷᠮᠤᠶᠢᠨ ᠤᠷᠭᠤᠨᠠ ᠳ᠋ᠠ ᠁ | ᠭᠦᠬᠡ ᠶᠢᠨ ᠭᠦᠩᠬᠢᠨᠡᠮᠡ ᠲᠠᠭᠤ᠂ ᠪᠠᠶᠠᠷ ᠤᠨ ᠪᠠᠭ᠋ᠠᠷᠤᠮᠠ ᠡᠬᠡᠰᠢᠭ ᠢ ᠤᠯᠠᠨ ᠪᠠᠭ᠋ᠠᠳᠠᠳ ᠨᠢ ᠲᠤᠭᠤᠵᠦ᠄ | — ᠲᠠᠨ ᠤ ᠬᠤᠶᠠᠭᠤᠯᠠ ᠴᠢᠨᠢ ᠤᠰᠤᠨ ᠤ ᠬᠤᠶᠠᠷ ᠠᠩᠬᠢᠷ᠂ ᠡᠯᠡᠰᠦᠨ ᠤ ᠬᠤᠤᠰ ᠭᠤᠤᠷᠭᠤᠯᠳᠠᠢ᠂ | ᠬᠡᠯᠡᠨ ᠤ ᠪᠠᠶᠠᠨ ᠡᠬᠡᠰᠢᠭ ᠪᠠᠶᠢᠨᠠ ᠳ᠋ᠠ ᠬᠡᠰᠡᠨ ᠪᠢᠴᠢᠬᠡᠰᠦ ᠢᠯᠡᠬᠡᠵᠦ ᠪᠠᠶᠢᠯᠠ ᠁ | — ᠪᠢ ᠭᠤᠸᠠᠩᠰᠢ ᠳᠤ ᠰᠢ ᠰᠢ ︵ᠪᠠᠶᠠᠷ ᠤᠨ ᠬᠢᠳᠡᠳ ᠨᠠᠷᠠ︶ ᠲᠠᠢ ᠲᠠᠨᠢᠯᠴᠠᠵᠦ ᠬᠤᠪᠢ ᠵᠠᠶᠠᠭᠠ ᠪᠠᠨ | ᠬᠤᠯᠪᠤᠵᠦ ᠨᠤᠳᠤᠭ ᠲᠠᠭᠠᠨ ᠢᠷᠡᠵᠦ ᠠᠪᠤ ᠡᠵᠢ ᠲᠠᠢ ᠪᠠᠨ ᠠᠮᠢᠳᠤᠷᠠᠯᠠ᠃ ᠬᠡᠪᠡᠴᠦ ᠡᠨᠡ ᠬᠡᠳᠦᠨ ᠵᠢᠯ ᠰᠦᠷᠡᠬᠡᠢ | ᠭᠠᠩᠳᠠᠭᠰᠠᠨ ᠠᠴᠠ ᠠᠮᠢᠳᠤᠷᠠᠯ ᠤᠨ ᠤᠷᠤᠯᠭᠠ ᠠᠨᠠᠢ ᠪᠠᠶᠢᠯᠠ᠃ ᠶᠠᠭ ᠡᠨᠡ ᠦᠶᠡ ᠲᠡᠬᠡᠷᠡ ᠵᠠᠰᠠᠭ ᠠᠴᠠ ᠠᠶᠤᠯᠳᠠᠢ | ᠬᠠᠭᠤᠴᠢᠨ ᠬᠡᠷ ᠪᠠᠶᠢᠰᠢᠩ ᠢ ᠨᠤᠷᠠᠭᠠᠵᠦ ᠴᠡᠮᠴᠡᠬᠡᠷ ᠰᠠᠶᠢᠬᠠᠨ ᠬᠡᠷ ᠰᠠᠭᠤᠴᠠ ᠪᠠᠷᠢᠭᠤᠯᠵᠦ ᠨᠦᠭᠦᠪᠦᠷᠢ ᠮᠦᠩᠭᠦ | ᠤᠯᠭᠤᠬᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠪᠢᠳᠠ ᠰᠢᠨᠡ ᠰᠠᠷᠠᠭᠤᠯᠬᠠᠨ ᠬᠡᠷ ᠲᠠᠢ ᠪᠤᠯᠵᠦ ᠢᠳᠡᠬᠡᠯ | ᠵᠤᠷᠢᠭ ᠨᠡᠮᠡᠭᠳᠡᠭᠰᠡᠨ ᠶᠤᠮ᠃ ᠬᠡᠷ ᠤᠨ ᠬᠠᠰᠢᠶᠠᠨ ᠤ ᠰᠤᠯᠠ ᠭᠠᠵᠠᠷ ᠢ ᠠᠰᠢᠭᠯᠠᠵᠦ ᠰᠢ ᠰᠢ ᠮᠦᠭᠦ ᠲᠠᠷᠢᠬᠤ ᠶᠢ | ᠰᠠᠨᠠᠭᠠᠴᠢᠯᠠᠭᠰᠠᠨ ᠶᠤᠮ᠃ ᠡᠭᠦᠨ ᠳᠤᠨᠢ ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠢᠳᠡᠬᠡᠯ ᠦᠬᠡᠢ ᠲᠤᠷᠠᠮᠵᠢᠬᠠᠨ ᠪᠠᠶᠢᠬᠤ | ᠳᠤ ᠪᠠᠶᠠᠷ ᠬᠠᠷᠢᠨ ᠮᠠᠰᠢ ᠰᠢᠭᠤᠷᠬᠠᠢ ᠪᠠᠷ ᠲᠤᠷᠰᠢᠨ ᠬᠢᠭᠦ ᠪᠠᠷ ᠲᠤᠭᠳᠠᠯᠠ᠃ ᠰᠢ ᠰᠢ ᠮᠤᠩᠭᠤᠯ ᠦᠬᠡ ᠶᠢ ᠲᠤᠷᠦ | ᠦᠬᠡᠢ ᠬᠡᠯᠡᠵᠦ ᠴᠢᠳᠠᠬᠤ ᠪᠤᠯᠴᠢᠬᠠᠵᠦ ᠠᠪᠤ ᠡᠵᠢ ᠲᠠᠢ ᠦᠵᠡᠯ ᠪᠤᠳᠤᠯᠳᠠ ᠪᠠᠨ ᠭᠦᠨ ᠨᠡᠪᠳᠡᠷᠡᠯᠴᠡᠭᠦ ᠪᠤᠯᠤᠯᠠ᠃ | ᠰᠢ ᠰᠢ ᠡᠮᠦᠨᠡ ᠨᠢ ᠨᠢᠬᠡᠨ ᠮᠦᠭᠦ ᠲᠠᠷᠢᠬᠤ ᠭᠠᠵᠠᠷ ᠵᠢᠯ ᠬᠠᠭᠠᠰ ᠠᠵᠢᠯᠯᠠᠵᠦ ᠦᠩᠬᠡᠷᠡᠭᠰᠡᠨ ᠲᠤᠷᠰᠢᠯᠭᠠ ᠲᠠᠢ | ᠪᠤᠯᠬᠤᠷ ᠲᠡᠭᠦᠨ ᠳᠤ ᠵᠦᠪᠬᠡᠨ ᠪᠢᠳᠠᠨ ᠤ ᠬᠠᠪᠰᠤᠷᠤᠯᠭᠠ ᠱᠠᠭᠠᠷᠳᠠᠭᠳᠠᠵᠦ ᠪᠠᠶᠢᠯᠠ᠃ ᠲᠡᠬᠡᠬᠡᠳ ᠪᠢᠳᠠ ᠰᠡᠳᠬᠢᠯ | ᠨᠢᠬᠡᠳᠴᠦ ᠮᠦᠭᠦ ᠲᠠᠷᠢᠵᠦ ᠤᠷᠭᠤᠭᠤᠯᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠨ ᠲᠦᠪᠬᠢᠨᠡᠭᠦᠯᠦᠭᠰᠡᠨ ᠶᠤᠮ ᠁ | — ᠭᠦᠬᠡ ᠡ᠂ ᠠᠮᠵᠢᠯᠳᠠ ᠭᠦᠰᠡᠶᠡ︕ ᠲᠠᠭᠤᠤ ᠶᠢ ᠴᠢᠨᠢ ᠲᠠᠬᠢᠭᠠᠳ ᠰᠤᠨᠤᠰᠤᠶᠠ ᠬᠡᠰᠡᠨ ᠪᠢᠴᠢᠯᠬᠡ | ᠵᠠᠯᠭᠠ ᠵᠠᠯᠭᠠ ᠢᠷᠡᠭᠰᠡᠭᠡᠷ᠃ | ᠭᠦᠬᠡ ᠲᠠᠭᠤᠯᠠᠯᠠ᠃ ᠮᠤᠩᠭᠤᠯ ᠲᠠᠭᠤᠨ ᠤ ᠭᠦᠭ ᠠᠶᠠᠯᠭᠤ ᠰᠦᠯᠵᠢᠶᠠᠨ ᠤ ᠲᠤᠤᠷ ᠢᠶᠠᠷ ᠰᠠᠴᠤᠷᠠᠨ | ᠲᠤᠯᠬᠢᠶᠠᠯᠠᠵᠦ ᠬᠢᠵᠠᠭᠠᠷ ᠦᠬᠡᠢ ᠤᠷᠴᠢᠯᠠᠩ ᠤᠨ ᠠᠢ ᠵᠠᠢ ᠳᠤ ᠭᠬᠢᠷ ᠦᠬᠡᠢ ᠲᠤᠷᠭᠠᠨ ᠡᠬᠡᠰᠢᠭ ᠢ ᠭᠦᠷᠬᠡᠵᠦ ᠨᠠᠷᠠᠨ | ᠤ ᠠᠯᠳᠠᠨ ᠡᠨᠧᠷᠬᠢ ᠰᠢᠭ ᠬᠡᠷᠡᠯᠳᠦ ᠠᠷᠢᠭᠤᠰᠬᠠᠯ ᠢ ᠢᠪᠡᠬᠡᠨ ᠲᠠᠷᠬᠠᠭᠠᠨᠠ᠃ | ᠪᠠᠶᠠᠷ ᠭᠦᠬᠡ ᠬᠤᠶᠠᠭᠤᠯᠠ ᠶᠢᠨ ᠮᠦᠭᠦ ᠲᠠᠷᠢᠵᠦ ᠪᠠᠶᠠᠵᠢᠯ ᠤᠨ ᠵᠠᠮ ᠡᠯᠭᠦᠭᠰᠡᠨ ᠨᠢ ᠪᠠᠯᠭᠠᠰᠤ ᠭᠠᠴᠠᠭᠠᠨ ᠤ | ᠭᠦᠴᠦᠳᠠᠢ ᠲᠡᠮᠵᠢᠯᠬᠡ ᠶᠢ ᠤᠯᠵᠦ ᠲᠠᠳᠠ ᠮᠦᠭᠦ ᠲᠠᠷᠢᠬᠤ ᠲᠤᠯᠠᠭᠠᠯᠠᠭᠴᠢ ᠰᠠᠷᠠᠪᠴᠢ ᠪᠠᠨ ᠵᠠᠰᠠᠨ ᠦᠷᠬᠡᠳᠬᠡᠵᠦ | ᠰᠢᠨᠡ ᠮᠡᠷᠬᠡᠵᠢᠳᠠᠨ ᠲᠠᠢ ᠬᠠᠷᠢᠯᠴᠠᠵᠦ ᠵᠦᠪᠯᠡᠯᠬᠡ ᠠᠪᠴᠦ ᠮᠡᠷᠬᠡᠵᠢᠯ ᠤᠨ ᠤᠯᠠᠨ ᠨᠤᠮ ᠲᠡᠪᠳᠡᠷ ᠵᠠᠬᠢᠶᠠᠯᠠᠨ | ᠰᠤᠷᠤᠯᠴᠠᠵᠦ ᠨᠢᠬᠡᠨᠳᠠ ᠮᠦᠭᠦ ᠲᠠᠷᠢᠬᠤ ᠵᠢᠱᠢᠶᠠᠴᠢ ᠡᠷᠦᠬᠡ ᠪᠠᠷ ᠰᠤᠩᠭᠤᠭᠳᠠᠵᠦ ᠠᠶᠢᠯ ᠠᠶᠢᠮᠠᠭ ᠤᠨ ᠢᠶᠠᠨ ᠦᠢᠯᠡᠰ | ᠪᠦᠳᠦᠬᠡᠵᠦ ᠪᠠᠶᠠᠵᠢᠨ ᠴᠢᠨᠡᠬᠡᠯᠢᠭᠵᠢᠭᠦ ᠶᠢᠨ ᠲᠠᠭᠠᠭᠤᠯᠤᠭᠴᠢ ᠪᠠᠷ ᠵᠢᠳᠭᠦᠵᠦ ᠶᠠᠪᠤᠨᠠ᠃ ᠰᠦᠯᠵᠢᠶᠡ ᠲᠠᠪᠴᠠᠩ ᠲᠤ | ︽ᠬᠠᠶᠢᠷᠠ ᠶᠢᠨ ᠮᠦᠭᠦ︾ ᠲᠤᠰᠬᠠᠢ ᠨᠡᠪᠳᠡᠷᠡᠭᠦᠯᠬᠡ ᠭᠠᠷᠭᠠᠭᠰᠠᠨ ᠠᠴᠠ ᠨᠠᠶᠢᠬᠡᠮ ᠲᠠᠶᠠᠭᠠᠷ ᠲᠤ ᠬᠠᠯᠠᠮᠰᠢᠯ ᠵᠤᠭᠤᠭ | ᠪᠤᠯᠵᠦ ᠬᠠᠶᠢᠷᠠ ᠵᠤᠷᠢᠭᠵᠢᠭᠤᠯᠤᠯ ᠭᠦᠷᠳᠡᠵᠦ ᠤᠯᠠᠮᠵᠢᠯᠠᠯᠳᠦ ᠠᠮᠢᠳᠤᠷᠠᠯ ᠠᠴᠠ ᠵᠤᠷᠢᠭᠳᠠᠢ ᠵᠠᠶᠢᠳᠠᠨ ᠰᠢᠨᠡ | ᠡᠷᠢᠯᠬᠡᠶᠢᠯᠡᠯ ᠬᠠᠶᠢᠵᠦ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠦ ᠪᠠᠶᠢᠨᠠ᠃ ᠡᠨᠡ ᠵᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠨᠢᠬᠡᠨ ᠤ | ᠲᠡᠯᠡᠬᠡᠢ ᠶᠢᠨ ᠭᠦᠳᠡᠯᠮᠦᠷᠢᠴᠢᠳ ᠤᠨ ᠪᠠᠶᠠᠷ ᠢᠶᠠᠷ ᠪᠠᠯᠭᠠᠰᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠨᠢ ᠲᠡᠳᠡᠨ ᠢ ︽ | ᠦᠨᠳᠦᠰᠦᠳᠠᠨ ᠤ ᠪᠦᠯᠭᠦᠮᠳᠠᠯ ᠤᠨ ᠲᠡᠷᠢᠭᠦᠨ ᠤ ᠵᠢᠱᠢᠶᠡᠴᠢ ᠡᠷᠦᠬᠡ︾ ᠪᠠᠷ ᠲᠤᠳᠤᠷᠠᠭᠤᠯᠤᠨ ᠭᠦᠬᠢᠭᠦᠯᠦᠭᠰᠡᠨ ᠨᠢ | ᠵᠤᠷᠢᠭ ᠢ ᠨᠢ ᠭᠦᠪᠴᠢᠯᠡᠵᠦ ᠵᠢᠯᠤᠭᠤ ᠶᠢ ᠨᠢ ᠮᠢᠯᠢᠶᠠᠵᠠᠢ᠃ | ᠬᠠᠭᠠᠰ ᠮᠠᠯᠵᠢᠵᠦ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠡᠯᠡᠰᠦ ᠮᠠᠩᠬᠠᠨ ᠨᠤᠳᠤᠭ ᠲᠤ ᠰᠢᠨᠡ ᠶᠢ ᠰᠦᠪᠡᠭᠴᠢᠯᠡᠵᠦ ᠠᠮᠢᠳᠤᠷᠠᠯ | ᠢᠶᠠᠨ ᠦᠬᠡᠳᠠ ᠲᠠᠳᠠᠭᠰᠠᠨ ᠪᠠᠶᠠᠷ ᠭᠦᠬᠡ ᠬᠤᠶᠠᠷ ᠤᠨ ᠠᠭᠠᠭ ᠵᠠᠯᠠᠭᠤ ᠨᠠᠰᠤᠨ ᠤ ᠬᠠᠯᠠᠭᠤᠨ ᠴᠢᠰᠦ ᠤᠷᠬᠢᠯᠦᠨ | ᠪᠠᠳᠠᠷᠠᠵᠦ ᠬᠠᠶᠢᠷᠠ ᠦᠢᠯᠡᠰ ᠤᠨ ᠬᠢᠨ ᠬᠡᠬᠡᠨ ᠮᠦᠷ ᠲᠤᠷᠠᠶᠢᠳᠠᠯᠠ ᠲᠤᠳᠤᠷᠠᠨᠠ᠃ | ᠡᠯᠡᠰᠦ ᠨᠢ ᠬᠠᠯᠠᠭᠤᠬᠠᠨ ᠨᠤᠳᠤᠭ ᠤᠨ ᠬᠠᠶᠢᠷᠠ ᠶᠢᠨ ᠭᠦᠷᠦᠰᠦᠨᠡ ᠲᠤᠮᠤ ᠲᠤᠮᠤ ᠠᠩᠬᠢᠯᠦᠮᠠ ᠮᠦᠭᠦ | ᠲᠤᠷᠮᠤᠯᠵᠠᠨ ᠤᠷᠭᠤᠭᠰᠠᠭᠠᠷ ᠁ |