| | | ᠨᠠᠷᠠᠠᠮᠠᠨᠳᠤᠯᠠ ︵1945 —︶᠂ ᠠᠨᠳᠠᠢ ᠶᠢᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠴᠢ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ | ᠭᠦᠷᠢᠶᠡ ᠪᠠᠯᠭᠠᠰᠦ ᠶᠢᠨ ᠵᠤᠵᠠᠭᠠᠨ ᠭᠠᠴᠠᠭᠠ ᠶᠢᠨ ᠠᠷᠠᠳ ᠤᠨ ᠪᠠᠭᠰᠢ ᠠᠶᠤᠷᠰᠠᠨᠠᠭᠠ ᠶᠢᠨ ᠤᠤᠭᠠᠨ ᠭᠦᠪᠡᠭᠦᠨ ᠨᠢ | ᠪᠤᠯᠵᠦ ᠵᠠᠶᠠᠭᠠᠵᠠᠢ᠃ 1965 ᠤᠨ ᠳᠤ ᠲᠡᠷᠡ ᠭᠠᠨᠵᠤᠭᠠ ᠳᠠᠬᠢ ᠦᠨᠳᠦᠷ ᠵᠡᠷᠬᠡ ᠶᠢᠨ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ | ᠪᠠᠨ ᠲᠡᠭᠦᠰᠬᠡᠵᠦ᠂ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠭᠦᠳᠡᠯᠮᠦᠷᠢ ᠳᠤ ᠤᠷᠤᠯᠴᠠᠪᠠ᠃ 1966 ᠤᠨ ᠳᠤ ᠲᠡᠷᠡ | ᠲᠦᠷᠦᠭᠰᠡᠨ ᠨᠤᠳᠤᠭ ᠵᠤᠵᠠᠭᠠᠨ ᠠᠶᠢᠯ ᠳᠠᠭᠠᠨ ᠠᠷᠠᠳ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠦ᠂ 1980 ᠤᠨ | ᠳᠤ ᠪᠠᠭᠰᠢ ᠶᠢᠨ ᠠᠵᠢᠯ ᠢ ᠨᠢ ᠵᠢᠩᠬᠢᠨᠢᠴᠢᠯᠡᠪᠡ᠃ 1994 ᠤᠨ ᠳᠤ ᠲᠡᠷᠡ ᠲᠤᠮᠳᠠᠳᠦ ᠤᠯᠤᠰ ᠤᠨ ᠡᠪ ᠬᠠᠮᠳᠦ | ᠨᠠᠮ ᠳᠤ ᠡᠯᠰᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | ᠪᠦᠵᠢᠭ ᠲᠤ ᠲᠦᠢᠯ ᠤᠨ ᠠᠪᠢᠶᠠᠰᠯᠢᠭ᠂ ᠠᠬᠠᠮᠠᠳ ᠠᠠᠳᠠᠶᠢᠴᠢᠨ ᠡᠷᠳᠡᠨᠢᠪᠠᠯ ᠲᠠᠢ ᠤᠷᠮᠠ ᠪᠠᠬᠠ ᠨᠢᠬᠡᠳᠠᠢ | ᠪᠠᠶᠢᠵᠦ᠂ ᠡᠷᠳᠡᠨᠢᠪᠠᠯ ᠤᠨ ᠠᠨᠳᠠᠢ ᠪᠦᠵᠢᠭ ᠤᠨ ᠭᠦᠳᠡᠯᠬᠡᠬᠡᠨ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠤᠷᠤᠯᠴᠠᠨ᠂ ᠦᠢᠯᠡᠳᠦᠯᠬᠡ ᠶᠢᠨ | ᠲᠤᠮᠳᠠ ᠤᠯᠠᠮᠵᠢᠯᠠᠨ ᠲᠡᠬᠡᠳᠦᠯᠡᠵᠦ᠂ ᠠᠷᠠᠳ ᠤᠨ ᠤᠷᠠᠯᠢᠭ — ᠠᠨᠳᠠᠢ ᠪᠦᠵᠢᠭ ᠢ ᠨᠢᠳᠤᠨ ᠴᠡᠴᠡᠬᠡᠢ ᠰᠢᠭ | ᠬᠠᠶᠢᠷᠠᠯᠠᠵᠦ ᠬᠠᠮᠠᠭᠠᠯᠠᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠪᠡᠷ ᠤᠨ ᠰᠠᠶᠢᠨ ᠲᠤᠷᠠ ᠠᠴᠠ ᠪᠠᠨ ᠶᠡᠭᠡ ᠶᠢᠨ | ᠤᠳᠬᠠ ᠤᠷᠠᠯᠢᠭ ᠤᠨ ᠪᠦᠯᠭᠦᠮ ᠳᠤ ᠤᠳᠤᠷᠢᠳᠤᠭᠠᠴᠢ ᠪᠠ ᠪᠦᠳᠦᠬᠡᠭᠦ ᠠᠵᠢᠯ ᠢ ᠬᠢᠵᠦ ᠶᠠᠮᠠᠷ ᠴᠠᠭ ᠦᠶᠡ᠂ ᠶᠠᠮᠠᠷ | ᠤᠯᠤᠰ ᠲᠦᠷᠦ ᠶᠢᠨ ᠤᠷᠴᠢᠨ ᠠᠬᠤᠢ ᠳᠤ ᠴᠦ ᠠᠨᠳᠠᠢ ᠪᠦᠵᠢᠭ ᠢ ᠲᠤᠤᠷᠠ ᠶᠠᠩᠰᠢᠪ ᠲᠠᠭᠠᠨ ᠲᠠᠰᠤᠯᠳᠠᠭᠤᠯᠤᠯ | ᠦᠬᠡᠢ ᠪᠦᠵᠢᠭᠯᠡᠵᠦ᠂ ᠤᠯᠠᠮᠵᠢᠯᠠᠵᠦ᠂ ᠭᠦᠭᠵᠢᠭᠦᠯᠵᠦ ᠶᠠᠪᠤᠬᠤ ᠶᠢ ᠠᠯᠢ ᠡᠷᠳᠠ ᠠᠩᠬᠠᠷᠤᠯ ᠳᠠᠭᠠᠨ ᠠᠪᠤᠭᠰᠠᠨ | ᠭᠦᠮᠦᠨ ᠶᠤᠮ᠃ | ᠨᠠᠷᠠᠠᠮᠠᠨᠳᠤᠯᠠ ᠬᠡᠳᠦᠶᠢᠪᠠᠷ ᠪᠤᠶᠢᠳᠠ ᠪᠦᠭᠯᠡᠭᠦᠦ ᠭᠦᠳᠡᠭᠡ ᠲᠤᠰᠬᠤᠨ ᠳᠤ ᠠᠵᠢᠯ ᠤᠨ ᠠᠯᠪᠠ ᠲᠠᠢ ᠪᠤᠯᠪᠠᠴᠦ | ᠰᠤᠷᠤᠯᠴᠠᠯᠭᠠ ᠶᠢ ᠲᠡᠷᠢᠭᠦᠨ ᠳᠤ ᠲᠠᠯᠪᠢᠵᠦ ᠠᠨᠳᠠᠢ ᠰᠤᠳᠤᠯᠳᠠᠭ ᠢᠶᠠᠷ ᠢᠶᠠᠨ 1970 ᠤᠨ ᠳᠤ ᠠᠨᠳᠠᠢ ᠶᠢ | ᠵᠦᠴᠦᠬᠡ ᠵᠤᠬᠢᠶᠠᠨ ᠪᠦᠳᠦᠬᠡᠵᠦ᠂ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠠᠵᠢᠯ ᠤᠨ ᠴᠢᠯᠦᠬᠡᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ | ᠦᠵᠡᠭᠦᠯᠬᠡ ᠳᠤ ᠤᠷᠤᠯᠴᠠᠵᠦ ᠵᠦᠴᠦᠬᠡᠯᠡᠭᠰᠡᠨ ᠶᠤᠮ᠃ 1979 ᠤᠨ ᠳᠤ ᠭᠦᠷᠢᠶᠡ ᠬᠤᠰᠢᠭᠤ ᠬᠢᠷᠢᠨ ᠮᠤᠵᠢ ᠳᠤ | ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠬᠤ ᠳᠤ ᠪᠦᠭᠦ ᠮᠤᠵᠢ ᠶᠢᠨ ᠭᠦᠳᠡᠭᠡ ᠲᠤᠰᠬᠤᠨ ᠤ ᠠᠵᠢᠯ ᠤᠨ ᠴᠢᠯᠦᠬᠡᠨ ᠤ ᠤᠷᠠᠨ ᠰᠠᠶᠢᠬᠠᠨ | ᠤ ᠴᠤᠭᠯᠠᠭᠠᠨ ᠳᠤ ᠤᠷᠤᠯᠴᠠᠵᠦ᠂ ᠲᠡᠭᠦᠨ ᠤ ᠵᠤᠬᠢᠶᠠᠨ ᠪᠦᠳᠦᠬᠡᠭᠰᠡᠨ ︽ᠠᠷᠠᠳ ᠲᠦᠮᠡᠨ ᠮᠠᠨᠳᠤᠳᠤᠭᠠᠢ︾ ᠬᠡᠳᠡᠭ | ᠠᠨᠳᠠᠢ ᠪᠦᠵᠢᠭ ᠲᠡᠷᠢᠭᠦᠨ ᠱᠠᠩᠨᠠᠯ ᠲᠤᠰᠤᠭᠰᠠᠨ ᠶᠤᠮ᠃ 1984 ᠤᠨ ᠳᠤ ᠲᠡᠭᠦᠨ ᠤ ᠪᠦᠳᠦᠬᠡᠯ ᠨᠢ ᠭᠦᠷᠢᠶᠡ | ᠬᠤᠰᠢᠭᠤᠨ ᠤ ᠲᠠᠷᠢᠶᠠᠯᠠᠬᠤ ᠮᠠᠯᠵᠢᠬᠤ ᠤᠷᠤᠨ ᠤ ᠤᠷᠠᠨ ᠰᠠᠶᠢᠬᠠᠨ ᠤ ᠦᠵᠡᠭᠦᠯᠬᠡ ᠳᠤ ᠲᠡᠷᠢᠭᠦᠨ ᠱᠠᠩᠨᠠᠯ ᠤᠯᠪᠠ᠃ | 1996 ᠤᠨ ᠳᠤ ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠶᠠᠮᠤᠨ ᠠᠴᠠ ᠭᠦᠷᠢᠶᠡ ᠬᠤᠰᠢᠭᠤ ᠶᠢ ︽ᠠᠨᠳᠠᠢ ᠶᠢᠨ ᠨᠤᠳᠤᠭ︾ | ᠢᠶᠠᠷ ᠬᠢᠨᠠᠨ ᠲᠤᠭᠳᠠᠭᠠᠬᠤ ᠦᠶᠡ ᠳᠤ᠂ ᠲᠤᠤᠷᠠ ᠶᠠᠩᠰᠢᠪ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠳᠤ ᠨᠠᠷᠠᠨᠮᠠᠨᠳᠤᠯᠠ ᠶᠢᠨ | ᠵᠤᠬᠢᠶᠠᠭᠰᠠᠨ ᠠᠨᠳᠠᠢ ᠪᠦᠵᠢᠭ ᠨᠢ ᠲᠦᠪ᠂ ᠤᠷᠤᠨ᠂ ᠠᠶᠢᠮᠠᠭ ᠭᠤᠷᠪᠠᠨ ᠲᠡᠰ ᠤᠨ ᠬᠢᠨᠠᠨ ᠲᠤᠭᠳᠠᠭᠠᠭᠴᠢᠳ ᠤᠨ | ᠦᠨᠳᠦᠷ ᠦᠨᠠᠯᠠᠯᠳᠠ ᠶᠢ ᠤᠯᠪᠠ᠃ 1998 ᠤᠨ ᠳᠤ ᠪᠤᠯᠤᠭᠰᠠᠨ ᠭᠦᠷᠢᠶᠡ ᠬᠤᠰᠢᠭᠤᠨ ᠤ ᠠᠩᠬᠠᠳᠤᠭᠠᠷ | ᠤᠳᠠᠭᠠᠨ ᠤ ᠠᠨᠳᠠᠢ ᠤᠷᠠᠯᠢᠭ ᠤᠨ ᠨᠠᠶᠢᠷ ᠲᠤ ᠨᠠᠷᠠᠠᠮᠠᠨᠳᠤᠯᠠ ᠶᠢᠨ ᠤᠳᠤᠷᠢᠳᠤᠭᠰᠠᠨ ᠠᠨᠳᠠᠢ ᠪᠦᠵᠢᠭ ᠢ ᠲᠤᠤᠷᠠ | ᠶᠠᠩᠰᠢᠪ ᠤᠨ ᠠᠨᠳᠠᠢ ᠶᠢᠨ ᠪᠦᠯᠭᠦᠮ ᠲᠤᠭᠯᠠᠭᠠᠳ ᠦᠨᠳᠦᠷ ᠠᠮᠵᠢᠯᠳᠠ ᠤᠯᠪᠠ᠃ 1998 ᠤᠨ ᠳᠤ ᠪᠡᠬᠡᠵᠢᠭ ᠳᠤ | ᠪᠤᠯᠤᠭᠰᠠᠨ ︽ ᠶᠢᠨ ᠴᠢᠶᠦᠦ ᠨᠡᠷᠡᠮᠵᠢᠳᠦ ᠲᠠᠷᠢᠶᠠᠴᠢᠨ ᠤ ᠦᠳᠡᠰᠢᠯᠡᠭᠡ︾ ᠳᠤ ᠨᠠᠷᠠᠠᠮᠠᠨᠳᠤᠯᠠ᠂ ᠬᠠᠰᠪᠠᠭᠠᠨᠠ ᠨᠠᠷ | ᠢᠶᠠᠷ ᠭᠤᠤᠯᠯᠠᠭᠰᠠᠨ ᠠᠨᠳᠠᠢ ᠶᠢᠨ ᠪᠦᠯᠭᠦᠮ ᠤᠨ ᠲᠤᠭᠯᠠᠯᠳᠠ ᠨᠢ ᠡᠯᠡ ᠦᠨᠳᠦᠰᠦᠳᠠᠨ ᠤ ᠦᠵᠡᠭᠴᠢᠳ ᠤᠨ | ᠰᠤᠨᠢᠷᠬᠠᠯ ᠢ ᠲᠠᠳᠠᠪᠠ᠃ 2008 ᠤᠨ ᠤ 2 ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠲᠡᠷᠡ ᠨᠠᠶᠢᠰᠯᠠᠯ ᠪᠡᠬᠡᠵᠢᠩ ᠤᠨ ᠠᠷᠠᠳ | ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠲᠠᠩᠬᠢᠮ ᠳᠤ ᠰᠠᠭᠠᠳᠠᠵᠦ᠂ ︽ᠤᠯᠤᠰ ᠤᠨ ᠲᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ | — ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠤ ᠠᠨᠳᠠᠢ ᠪᠦᠵᠢᠭ ᠤᠨ ᠲᠦᠯᠦᠬᠡᠯᠡᠭᠴᠢ ᠴᠢᠨᠠᠷ ᠲᠠᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠴᠢ︾ | ᠶᠢᠨ ᠠᠯᠳᠠᠷ ᠭᠦᠨᠳᠦ ᠶᠢ ᠤᠯᠤᠭᠰᠠᠨ ᠶᠤᠮ᠃ | | | |