| ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠪᠣᠯ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠣᠨᠴᠠᠯᠢᠭᠲᠤ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠰᠠᠯᠠᠭᠠ ᠪᠤᠯᠬᠤ ᠶᠤᠮ᠃ ᠲᠡᠭᠦᠨ ᠤ ᠦᠢᠯᠡᠳᠦᠯ ᠦᠵᠡᠭᠦᠯᠭᠦ ᠨᠢ ᠲᠦᠷᠭᠡᠨ ᠨᠠᠶᠢᠳᠠᠪᠤᠷᠢᠲᠠᠢ᠂ ᠥᠪᠡᠷ ᠤᠨ | ᠦᠷᠳᠡᠭ ᠢᠶᠠᠷ ᠳᠣᠣᠷᠠ᠂ ᠭᠠᠵᠢᠭᠤ ᠦᠢᠯᠡᠳᠦᠯ ᠦᠭᠡᠢ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠥᠷᠭᠡᠨ ᠤᠯᠠᠨ ᠡᠪᠡᠳᠴᠢᠲᠡᠨ ᠤ | ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ ᠣᠯᠵᠤ᠂ ᠥᠷᠭᠡᠨ ᠢᠶᠠᠷ ᠳᠦᠭᠡᠮᠡᠯᠵᠢᠭᠦᠯᠦᠭᠳᠡᠨ ᠬᠥᠭᠵᠢᠵᠦ ᠢᠷᠡᠵᠡᠢ᠃ ᠮᠣᠩᠭᠤᠯ | ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠢ ᠶᠡᠷᠦᠩᠬᠡᠢ ᠳᠤᠨᠢ ᠭᠠᠳᠠᠷ ᠵᠠᠰᠠᠯ᠂ ᠳᠣᠲᠣᠷ ᠵᠠᠰᠠᠯ ᠬᠤᠶᠠᠷ ᠵᠦᠢᠯ ᠳᠤ ᠬᠤᠷᠢᠶᠠᠩᠭᠤᠶᠢᠯᠠᠵᠤ | ᠪᠣᠯᠣᠨᠠ᠃ ᠮᠥᠨ ᠴᠢᠨᠠᠷ ᠤᠨ ᠲᠠᠯᠠ ᠪᠠᠷ ᠰᠡᠷᠢᠭᠦᠨ ᠵᠠᠰᠠᠯ᠂ ᠬᠠᠯᠠᠭᠤᠨ ᠵᠠᠰᠠᠯ ᠬᠡᠮᠡᠨ ᠬᠤᠪᠢᠶᠠᠵᠤ᠂ ᠵᠠᠰᠠᠬᠤ | ᠠᠷᠭᠠ ᠶᠢᠨ ᠲᠠᠯᠠ ᠠᠴᠠ ᠬᠠᠲᠠᠭᠤ ᠵᠠᠰᠠᠯ᠂ ᠵᠥᠭᠡᠯᠡᠨ ᠵᠠᠰᠠᠯ ᠬᠤᠶᠠᠷ ᠵᠦᠢᠯ ᠳᠤ ᠪᠠᠭᠲᠠᠭᠠᠵᠤ ᠪᠣᠯᠣᠨᠠ᠃ ᠦᠢᠯᠡ | ᠢᠵᠠᠭᠤᠷ ᠤᠨ ᠲᠠᠯᠠ ᠪᠠᠷ ᠪᠠᠶᠢᠭᠠᠯᠢ ᠶᠢᠨ ᠵᠠᠰᠠᠯ᠂ ᠠᠮᠢᠳᠠᠨ ᠤ ᠵᠠᠰᠠᠯ᠂ ᠰᠢᠮᠡ ᠶᠢᠨ ᠵᠠᠰᠠᠯ᠂ ᠭᠠᠷ ᠵᠠᠰᠠᠯ᠂ | ᠦᠢᠯᠡᠳᠬᠦ ᠵᠠᠰᠠᠯ᠂ ᠶᠠᠪᠤᠳᠠᠯ ᠮᠥᠷ ᠤᠨ ᠵᠠᠰᠠᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠠᠰᠠᠯ᠂ ᠰᠡᠳᠬᠢᠯ ᠤᠨ ᠵᠠᠰᠠᠯ᠂ | ᠠᠷᠢᠯᠭᠠᠬᠤ ᠦᠢᠯᠡ᠂ ᠠᠮᠤᠷᠯᠢᠭᠤᠯᠬᠤ ᠡᠮ ᠳᠠᠩ ᠵᠡᠷᠭᠡ ᠠᠷᠪᠠᠨ ᠵᠦᠢᠯ ᠢᠶᠠᠷ ᠢᠯᠭᠠᠵᠤ ᠪᠣᠯᠣᠨᠠ᠃ ᠳᠣᠣᠷᠠ ᠪᠢᠳᠠ | ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠬᠡᠳᠦᠨ ᠣᠨᠴᠠᠯᠢᠭᠲᠤ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠠᠴᠠ ᠲᠠᠨᠢᠯᠴᠠᠭᠤᠯᠤᠶᠠ︕ | ᠶᠠᠰᠤ ᠪᠠᠷᠢᠬᠤ | ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠥᠨᠢ ᠡᠷᠲᠡᠨ ᠠᠴᠠ ᠬᠦᠢᠲᠡᠨ ᠨᠣᠶᠢᠲᠠᠨ᠂ ᠮᠥᠰᠥ ᠴᠠᠰᠤ ᠶᠡᠬᠡᠲᠡᠢ ᠣᠷᠴᠢᠨ ᠳᠤ | ᠠᠮᠢᠳᠤᠷᠠᠳᠠᠭ ᠮᠥᠷᠲᠡᠭᠡᠨ ᠠᠩᠨᠠᠯ᠂ ᠮᠠᠯᠵᠢᠯ᠂ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠮᠣᠷᠢᠨ ᠠᠴᠠ ᠪᠠᠨ | ᠣᠶᠢᠴᠢᠵᠤ ᠶᠠᠰᠤ ᠪᠡᠷᠲᠡᠬᠦ ᠶᠠᠪᠤᠳᠠᠯ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠳᠠᠭ ᠪᠣᠯᠬᠤᠷ ᠶᠠᠰᠤ ᠪᠠᠷᠢᠬᠤ ᠵᠠᠰᠠᠯ ᠠᠶᠠᠨᠳᠠᠭᠠᠨ | ᠡᠭᠦᠰᠴᠦ ᠬᠥᠭᠵᠢᠭᠰᠡᠨ ᠠᠵᠢ᠃ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠶᠠᠰᠤ ᠪᠠᠷᠢᠬᠤ ᠵᠠᠰᠠᠯ ᠪᠣᠯ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠤᠯ | ᠡᠮᠨᠡᠯᠭᠡ ᠶᠢᠨ ᠴᠢᠬᠤᠯᠠ ᠪᠦᠬᠦᠢ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠠᠶᠢᠵᠤ᠂ ᠲᠡᠭᠦᠨ ᠤ ᠥᠪᠡᠷᠮᠢᠴᠡ ᠵᠠᠰᠠᠯ ᠨᠢ ᠠᠯᠢ ᠤᠯᠠᠨ | ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠶᠠᠰᠤ ᠪᠡᠷᠲᠡᠭᠰᠡᠨ ᠡᠪᠡᠳᠴᠢᠲᠡᠨ ᠢ ᠵᠠᠰᠠᠨ ᠡᠳᠡᠭᠡᠷᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠶᠠᠰᠤ ᠪᠠᠷᠢᠬᠤ ᠵᠠᠰᠠᠯ ᠨᠢ ᠭᠤᠷᠪᠠᠨ ᠣᠨᠣᠰᠢᠯᠠᠯ ︵ᠳᠡᠷᠡ ᠨᠢ ᠨᠢᠳᠦ ᠪᠠᠷ ᠦᠵᠡᠬᠦ᠂ ᠭᠠᠷ ᠢᠶᠠᠷ ᠲᠡᠮᠲᠡᠷᠢᠬᠦ᠂ | ᠳᠣᠲᠣᠷᠠ ᠪᠠᠨ ᠰᠡᠳᠬᠢᠬᠦ ᠪᠠᠷ ᠳᠠᠮᠵᠢᠭᠠᠳ ᠶᠠᠰᠤᠨ ᠤ ᠬᠤᠭᠤᠷᠠᠯ᠂ ᠦᠶᠡ ᠶᠢᠨ ᠮᠤᠯᠲᠤᠷᠠᠯ᠂ ᠵᠥᠭᠡᠯᠡᠨ | ᠨᠡᠬᠡᠳᠡᠰᠦᠨ ᠤ ᠭᠡᠮᠲᠦᠯ ᠵᠡᠷᠭᠡ ᠶᠢ ᠲᠣᠳᠣᠯᠠᠳᠠᠭ︶᠂ ᠵᠢᠷᠭᠤᠭᠠᠨ ᠵᠠᠷᠴᠢᠮ ︵ᠳᠡᠷᠡ ᠨᠢ ᠭᠠᠷ ᠤᠨ ᠤᠪᠠᠳᠢᠰ ᠢᠶᠠᠷ | ᠲᠡᠭᠰᠢᠯᠡᠨ ᠣᠷᠣᠨᠰᠢᠭᠤᠯᠬᠤ᠂ ᠵᠢᠵᠢᠭ ᠬᠠᠪᠢᠰᠤ ᠪᠠᠷ ᠪᠠᠬᠢᠯᠡᠨ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ᠂ ᠠᠷᠢᠬᠢ ᠦᠯᠢᠶᠡᠵᠦ ᠢᠯᠢᠬᠦ᠂ | ᠡᠮ ᠵᠠᠰᠠᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠨᠥᠬᠦᠪᠦᠷᠢ᠂ ᠠᠵᠢᠯᠯᠠᠭᠠᠨ ᠤ ᠪᠣᠯᠪᠠᠰᠤᠷᠠᠯ ᠬᠢᠯᠭᠡᠬᠦ ᠵᠡᠷᠭᠡ ᠶᠢ ᠵᠢᠭᠠᠨᠠ︶᠂ | ᠶᠢᠰᠦᠨ ᠤᠶᠠᠯᠳᠤᠯ ︵ᠳᠡᠷᠡ ᠨᠢ ᠤᠶᠤᠨ ᠪᠢᠯᠢᠭ ᠬᠢᠭᠡᠳ ᠳᠦᠷᠰᠦ ᠭᠡᠯᠪᠡᠷᠢ ᠤᠶᠠᠯᠳᠤᠬᠤ᠂ ᠳᠣᠲᠣᠭᠠᠳᠤ | ᠰᠢᠯᠲᠠᠭᠠᠨ ᠬᠢᠭᠡᠳ ᠭᠠᠳᠠᠭᠠᠳᠤ ᠨᠥᠬᠦᠴᠡᠯ ᠤᠶᠠᠯᠳᠤᠬᠤ᠂ ᠬᠡᠢ ᠠᠭᠤᠷ ᠬᠢᠭᠡᠳ ᠳᠣᠲᠣᠭᠠᠳᠤ ᠤᠷᠮᠠᠰᠢᠯ | ᠤᠶᠠᠯᠳᠤᠬᠤ᠂ ᠪᠠᠬᠢᠯᠡᠬᠦ ᠬᠢᠭᠡᠳ ᠪᠣᠯᠪᠠᠰᠤᠷᠠᠯ ᠤᠶᠠᠯᠳᠤᠬᠤ᠂ ᠪᠠᠷᠢᠶᠠᠴᠢ ᠬᠢᠭᠡᠳ ᠡᠪᠡᠳᠴᠢᠲᠡᠨ ᠤᠶᠠᠯᠳᠤᠬᠤ᠂ | ᠢᠳᠡᠪᠬᠢ ᠬᠢᠭᠡᠳ ᠢᠳᠡᠪᠬᠢ ᠪᠤᠰᠤ ᠤᠶᠠᠯᠳᠤᠬᠤ᠂ ᠭᠤᠷᠪᠠᠨ ᠣᠨᠣᠰᠢᠯᠠᠯ ᠬᠢᠭᠡᠳ X ᠰᠠᠴᠤᠷᠠᠭ ᠤᠨ ᠪᠠᠶᠢᠴᠠᠭᠠᠯᠲᠠ | ᠤᠶᠠᠯᠳᠤᠬᠤ᠂ ᠬᠡᠰᠡᠭ ᠭᠡᠮᠲᠦᠯ ᠬᠢᠭᠡᠳ ᠪᠦᠭᠦ ᠴᠣᠭᠴᠠ ᠤᠶᠠᠯᠳᠤᠬᠤ᠂ ᠠᠷᠢᠬᠢ ᠦᠯᠢᠶᠡᠬᠦ ᠬᠢᠭᠡᠳ ᠭᠠᠷ ᠠᠪᠤᠯᠭᠠ | ᠤᠶᠠᠯᠳᠤᠬᠤ ᠵᠡᠷᠭᠡ ᠶᠢ ᠵᠢᠭᠠᠨᠠ︶ ᠢ ᠪᠠᠷᠢᠮᠲᠠᠯᠠᠵᠤ᠂ ᠠᠮᠢᠳᠤ ᠪᠣᠳᠠᠰ ᠤᠨ ᠬᠦᠴᠦᠨ ᠤᠬᠠᠭᠠᠨ ᠤ ᠵᠠᠰᠠᠬᠤ ᠠᠷᠭᠠ᠂ | ᠴᠤᠭ ᠰᠦᠯᠳᠡ ᠶᠢᠨ ᠰᠡᠳᠬᠢᠴᠡ ᠵᠦᠢ ᠶᠢᠨ ᠵᠠᠰᠠᠬᠤ ᠠᠷᠭᠠ᠂ ᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠡᠳᠡᠭᠡᠷᠡᠭᠦᠯᠬᠦ ᠨᠢᠭᠤᠴᠠ | ᠠᠷᠭᠠ ᠶᠢᠨ ᠤᠶᠠᠯᠳᠤᠯ ᠶᠤᠮ᠃ ᠭᠤᠷᠪᠠᠨ ᠣᠨᠣᠰᠢᠯᠠᠯ ᠪᠣᠯ ᠡᠪᠡᠳᠴᠢᠨ ᠢ ᠲᠣᠳᠣᠯᠠᠬᠤ ᠠᠷᠭᠠ᠂ ᠵᠢᠷᠭᠤᠭᠠᠨ | ᠵᠠᠷᠴᠢᠮ ᠪᠣᠯ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠡᠷᠳᠡᠮ᠂ ᠶᠢᠰᠦᠨ ᠤᠶᠠᠯᠳᠤᠯ ᠪᠣᠯ ᠡᠪᠡᠳᠴᠢᠨ ᠢ ᠡᠳᠡᠭᠡᠷᠡᠭᠦᠯᠬᠦ ᠤᠷᠠᠯᠢᠭ | ᠶᠤᠮ᠃ | 2011 ᠣᠨ ᠳᠤ᠂ ᠳᠡᠷᠡ ᠨᠢ ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠤᠨ ᠤᠯᠤᠰ ᠤᠨ ᠳᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ | ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠳᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ | ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠪᠣᠯ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯᠭᠠ ᠶᠢᠨ ᠴᠢᠬᠤᠯᠠ | ᠪᠦᠷᠢᠯᠳᠦᠭᠦᠨ ᠪᠣᠯᠣᠨᠠ᠃ ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠨᠢ ᠭᠤᠣᠯᠳᠠᠭᠤ ᠥᠪᠥᠷ ᠮᠣᠩᠭᠤᠯ ᠤᠨ ᠤᠮᠠᠷᠠᠲᠤ | ᠣᠷᠣᠨ ᠳᠤ ᠲᠠᠷᠬᠠᠵᠤ᠂ ᠲᠦᠩᠯᠢᠶᠣᠣ ᠶᠢᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠡᠮᠴᠢᠯᠡᠭᠡᠨ ᠳᠤ ᠥᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠵᠦ | ᠪᠤᠶ᠃ | ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠪᠣᠯ ᠤᠯᠠ ᠡᠪᠡᠰᠦ ᠶᠢ ᠵᠣᠬᠢᠬᠤ ᠪᠡᠶᠡ ᠶᠢᠨ ᠭᠠᠳᠠᠷᠭᠤ ᠶᠢᠨ ᠲᠥᠭᠡᠨᠡᠬᠦ | ᠪᠡᠯᠴᠢᠷ ᠲᠤ ᠲᠠᠯᠪᠢᠵᠤ ᠰᠢᠲᠠᠭᠠᠭᠠᠳ᠂ ᠬᠠᠯᠠᠭᠤᠨ ᠰᠡᠳᠦᠯᠲᠡ ᠥᠭᠴᠦ ᠵᠠᠰᠠᠬᠤ ᠠᠷᠭᠠ ᠶᠢ ᠵᠢᠭᠠᠨᠠ᠃ ᠬᠡᠷᠡᠭᠯᠡᠬᠦ | ᠤᠯᠠ ᠶᠢ ᠨᠠᠮᠤᠷ ᠤᠨ ᠭᠤᠷᠪᠠᠨ ᠰᠠᠷᠠ ᠶᠢᠨ ᠰᠠᠶᠢᠨ ᠴᠠᠭ ᠲᠤ ᠲᠡᠭᠦᠭᠡᠳ᠂ ᠭᠡᠭᠵᠡᠯᠡᠵᠦ ᠲᠠᠰᠤᠯᠬᠤ ᠦᠭᠡᠢ ᠪᠠᠷ | ᠨᠦᠳᠦᠵᠦ᠂ ᠬᠤᠭ ᠢ ᠨᠢ ᠴᠡᠪᠡᠷᠯᠡᠵᠦ ᠠᠪᠤᠭᠠᠳ ᠲᠥᠭᠡᠨᠡᠬᠦ ᠳᠤ ᠪᠡᠯᠡᠳᠬᠡᠨᠡ᠃ ᠤᠯᠠ ᠡᠪᠡᠰᠦ ᠪᠠᠨ ᠰᠠᠭᠤᠷᠢ ᠶᠢ | ᠨᠢ ᠪᠠᠲᠤ ᠳᠦᠭᠦᠷᠡᠩ᠂ ᠦᠵᠦᠭᠦᠷ ᠢ ᠨᠢ ᠨᠠᠷᠢᠬᠠᠨ ᠰᠤᠯᠠ ᠪᠠᠷ ᠬᠡᠪᠯᠡᠵᠦ ᠲᠥᠭᠡᠨᠡᠬᠦ ᠪᠠᠷ ᠪᠡᠯᠡᠳᠬᠡᠨᠡ᠃ | ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠨᠢ ᠡᠰᠡ ᠰᠢᠩᠭᠡᠭᠰᠡᠨ᠂ ᠭᠠᠯ ᠤᠨ ᠢᠯᠴᠢ ᠪᠠᠭᠤᠷᠠᠭᠰᠠᠨ᠂ ᠴᠠᠶᠢᠪᠤᠷ ᠬᠠᠪᠤᠩ᠂ | ᠤᠰᠤᠨ ᠬᠠᠪᠤᠩ᠂ ᠪᠡᠲᠡᠭᠢ᠂ ᠬᠦᠢᠲᠡᠨ ᠰᠢᠷᠠ᠂ ᠲᠣᠯᠣᠭᠠᠢ ᠪᠠ ᠭᠡᠰᠢᠭᠦᠨ ᠤ ᠰᠢᠷᠠ ᠤᠰᠤ᠂ ᠴᠢᠭᠢᠭ᠋ᠠ᠂ | ᠪᠣᠭᠤᠮᠠ᠂ ᠬᠤᠭᠤᠰᠤᠷᠠᠭᠰᠠᠨ ᠬᠠᠯᠠᠭᠤᠨ᠂ ᠰᠣᠯᠢᠶᠠ ᠡᠪᠡᠳᠴᠢᠨ᠂ ᠤᠨᠠᠳᠠᠭ ᠡᠪᠡᠳᠴᠢᠨ᠂ ᠰᠤᠳᠠᠯ ᠤᠨ ᠡᠪᠡᠳᠴᠢᠨ | ᠪᠦᠭᠦᠳᠡ ᠶᠢ ᠲᠥᠭᠡᠨᠡᠬᠦ ᠪᠥᠭᠡᠳ ᠬᠠᠯᠠᠭᠤᠨ ᠡᠪᠡᠳᠴᠢᠨ ᠤ ᠰᠡᠭᠦᠯ ᠢ ᠲᠠᠰᠤᠯᠬᠤ ᠳᠤ ᠭᠤᠣᠯᠳᠠᠭᠤ ᠳᠦᠭᠡᠨᠡ ᠶᠢ | ᠬᠡᠷᠡᠭᠯᠡᠨᠡ᠃ ᠲᠣᠪᠴᠢᠯᠠᠪᠠᠯ ᠪᠠᠳᠭᠠᠨ ᠬᠡᠢ ᠠᠴᠠ ᠪᠣᠯᠤᠭᠰᠠᠨ ᠬᠦᠢᠲᠡᠨ ᠡᠪᠡᠳᠴᠢᠨ ᠪᠦᠭᠦᠳᠡ ᠢᠯᠠᠩᠭᠤᠶᠠ | ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ ᠪᠦᠭᠦᠨ ᠳᠤ ᠲᠤᠰᠠ ᠲᠠᠢ᠃ | ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠨᠢ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠣᠯᠬᠤ ᠳᠤ ᠳᠥᠭᠦᠮ᠂ ᠡᠮᠴᠢᠯᠡᠭᠡᠨ ᠤ ᠦᠷᠡ ᠠᠰᠢᠭ | ᠢᠶᠠᠷ ᠢᠯᠡᠷᠬᠡᠢ᠂ ᠭᠠᠵᠢᠭᠤ ᠦᠢᠯᠡᠳᠦᠯ ᠪᠠᠭᠠ᠂ ᠠᠪᠴᠤ ᠶᠠᠪᠤᠬᠤ ᠳᠤ ᠳᠥᠭᠦᠮ᠂ ᠬᠢᠮᠳᠠ ᠮᠥᠷᠲᠡᠭᠡᠨ | ᠬᠡᠷᠡᠭᠴᠡᠭᠡ ᠲᠠᠢ ᠵᠡᠷᠭᠡ ᠳᠠᠪᠠᠭᠤᠯᠢᠭ ᠲᠠᠯᠠ ᠲᠠᠢ᠃ | 2021 ᠣᠨ ᠳᠤ᠂ ᠤᠯᠠ ᠶᠢᠨ ᠳᠦᠭᠡᠨᠡ ᠵᠠᠰᠠᠯ ᠨᠢ ᠲᠠᠪᠤᠳᠤᠭᠠᠷ ᠪᠦᠯᠦᠭ ᠤᠨ ᠤᠯᠤᠰ ᠤᠨ ᠳᠡᠰ ᠤᠨ | ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ | ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠮᠣᠩᠭᠤᠯ ᠡᠮ ᠳᠠᠩ ᠤᠨ ᠨᠠᠶᠢᠷᠠᠯᠭᠠ ᠶᠢᠨ ᠤᠷᠠ ᠮᠡᠷᠭᠡᠵᠢᠯ | ᠮᠣᠩᠭᠤᠯ ᠡᠮ ᠳᠠᠩ ᠤᠨ ᠨᠠᠶᠢᠷᠠᠯᠭᠠ ᠶᠢᠨ ᠤᠷᠠ ᠮᠡᠷᠭᠡᠵᠢᠯ ᠨᠢ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠣᠨᠣᠯ ᠢᠶᠠᠷ | ᠦᠨᠳᠦᠰᠦᠯᠡᠯ ᠪᠤᠯᠭᠠᠵᠤ᠂ ᠡᠮᠴᠢᠯᠡᠭᠡ᠂ ᠲᠣᠬᠢᠷᠠᠭᠤᠯᠤᠯᠲᠠ᠂ ᠨᠠᠶᠢᠷᠠᠯᠲᠠ ᠶᠢᠨ ᠠᠳᠠᠯᠢ ᠪᠤᠰᠤ ᠱᠠᠭᠠᠷᠳᠠᠯᠭᠠ ᠪᠣᠯᠣᠨ | ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠤᠨ ᠰᠢᠨᠵᠢ ᠴᠢᠨᠠᠷ ᠢᠶᠠᠷ ᠡᠮ ᠳᠠᠩ ᠢ ᠨᠠᠶᠢᠷᠠᠭᠤᠯᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠮᠡᠷᠭᠡᠵᠢᠯ ᠪᠣᠯᠣᠨᠠ᠃ | ᠮᠣᠩᠭᠤᠯ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠤᠨ ᠣᠯᠠᠩᠬᠢ ᠨᠢ ᠤᠷᠭᠤᠮᠠᠯ᠂ ᠠᠮᠢᠲᠠᠨ ᠪᠠ ᠡᠷᠦᠳᠡᠰᠦ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠳᠠᠭ᠃ | ᠮᠣᠩᠭᠤᠯ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠤᠨ ᠬᠡᠷᠡᠭᠴᠡᠭᠡ ᠶᠢ ᠦᠨᠳᠦᠰᠦᠯᠡᠨ ᠦᠨᠢᠶᠡᠨ ᠰᠦ᠂ ᠢᠮᠠᠭᠠᠨ ᠰᠦ᠂ ᠬᠠᠷᠠ ᠠᠷᠢᠬᠢ | ᠵᠡᠷᠭᠡ ᠲᠤᠰᠠᠯᠠᠬᠤ ᠮᠠᠲ᠋ᠧᠷᠢᠶᠠᠯ ᠢ ᠬᠠᠪᠰᠤᠷᠭᠠᠵᠤ ᠮᠣᠩᠭᠤᠯ ᠡᠮ ᠢ ᠨᠠᠶᠢᠷᠠᠭᠤᠯᠵᠤ ᠬᠢᠳᠡᠭ᠃ ᠬᠤᠣᠷᠲᠤ ᠴᠢᠨᠠᠷᠲᠠᠢ᠂ | ᠬᠠᠲᠠᠭᠤ ᠰᠢᠷᠦᠭᠦᠨ ᠪᠤᠶᠤ ᠴᠢᠳᠠᠯ ᠬᠦᠷᠬᠦ ᠦᠭᠡᠢ᠂ ᠳᠥᠭᠦᠮ ᠦᠭᠡᠢ ᠡᠮ ᠨᠠᠶᠢᠷᠠᠯᠭᠠ ᠶᠢ ᠨᠣᠮᠣᠬᠠᠳᠬᠠᠵᠤ᠂ | ᠡᠮᠴᠢᠯᠡᠭᠡᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠬᠤ ᠶᠢᠨ ᠬᠠᠮᠲᠤ ᠡᠮ ᠬᠡᠷᠡᠭᠯᠡᠬᠦ ᠠᠮᠤᠷ ᠲᠦᠪᠰᠢᠨ ᠢ ᠪᠠᠲᠤᠯᠠᠨᠠ᠃ | ᠮᠣᠩᠭᠤᠯ ᠡᠮ ᠳᠠᠩ ᠤᠨ ᠤᠯᠠᠮᠵᠢᠯᠠᠯᠲᠤ ᠨᠣᠮᠣᠬᠠᠳᠬᠠᠬᠤ ᠤᠷᠠ ᠮᠡᠷᠭᠡᠵᠢᠯ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠵᠢᠯ ᠤᠨ | ᠲᠡᠦᠬᠡ ᠲᠠᠢ᠃ | 2022 ᠣᠨ ᠳᠤ᠂ ᠮᠣᠩᠭᠤᠯ ᠡᠮ ᠳᠠᠩ ᠤᠨ ᠨᠠᠶᠢᠷᠠᠯᠭᠠ ᠶᠢᠨ ᠤᠷᠠ ᠮᠡᠷᠭᠡᠵᠢᠯ ᠨᠢ ᠳᠣᠯᠣᠳᠤᠭᠠᠷ ᠪᠦᠯᠦᠭ ᠤᠨ | ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠲᠠᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ | ᠳᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠬᠠᠨᠠᠬᠤ ᠵᠠᠰᠠᠯ | ᠬᠠᠨᠠᠬᠤ ᠵᠠᠰᠠᠯ ᠪᠣᠯ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠤᠨ ᠨᠢᠭᠡ ᠪᠤᠯᠬᠤ ᠪᠥᠭᠡᠳ ᠨᠢᠭᠡ ᠵᠦᠢᠯ ᠤᠨ | ᠭᠠᠳᠠᠷ ᠵᠠᠰᠠᠯᠭᠠ ᠶᠢᠨ ᠠᠷᠭᠠ ᠪᠣᠯᠣᠨᠠ᠃ ᠬᠠᠨᠠᠬᠤ ᠵᠠᠰᠠᠯ ᠪᠣᠯ ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠡᠯᠡ ᠬᠡᠰᠡᠭ ᠲᠠᠬᠢ | ᠲᠣᠭᠲᠠᠭᠰᠠᠨ ᠨᠠᠮᠵᠢᠭᠤᠨ ᠰᠤᠳᠠᠯ ᠤᠨ ᠪᠡᠯᠴᠢᠷ ᠤᠳ ᠢ ᠬᠠᠨᠠᠵᠤ᠂ ᠡᠪᠡᠳᠴᠢᠨ ᠤ ᠴᠢᠰᠤ ᠪᠣᠯᠣᠨ ᠠᠭᠤᠷ ᠢ | ᠭᠠᠷᠭᠠᠬᠤ ᠪᠠᠷ ᠳᠠᠮᠵᠢᠨ ᠠᠨᠠᠭᠠᠳᠠᠭ ᠨᠢᠭᠡ ᠵᠦᠢᠯ ᠤᠨ ᠰᠢᠷᠦᠭᠦᠨ ᠵᠠᠰᠠᠯ ᠪᠣᠯᠣᠨᠠ᠃ ᠮᠣᠩᠭᠤᠯ ᠠᠨᠠᠭᠠᠬᠤ | ᠤᠬᠠᠭᠠᠨ ᠤ ᠬᠠᠨᠠᠬᠤ ᠵᠠᠰᠠᠯ ᠪᠣᠯ ᠰᠡᠷᠢᠭᠦᠨ ᠵᠠᠰᠠᠯ ᠤᠨ ᠬᠡᠪᠴᠢᠶᠡ ᠮᠥᠨ ᠪᠣᠯᠬᠤᠷ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠵᠤ᠂ | ᠬᠤᠣᠷ ᠢ ᠭᠠᠷᠭᠠᠬᠤ ᠪᠥᠭᠡᠳ ᠡᠪᠡᠳᠴᠢᠨ ᠤ ᠰᠡᠭᠦᠯ ᠢ ᠭᠠᠷᠭᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ | ᠳᠡᠷᠡ ᠨᠢ ᠭᠡᠮᠲᠦᠭᠰᠡᠨ ᠬᠢᠮᠤᠷᠠᠭᠰᠠᠨ ᠬᠠᠯᠠᠭᠤᠨ᠂ ᠬᠢᠵᠢᠭ ᠤᠨ ᠬᠠᠯᠠᠭᠤᠨ᠂ ᠬᠠᠪᠤᠳᠠᠷ᠂ ᠲᠤᠯᠠᠢ᠂ ᠰᠦᠷᠢᠶᠡ᠂ | ᠭᠠᠯ ᠨᠠᠮᠤᠰᠦ᠂ ᠰᠢᠷᠠ ᠤᠰᠤ ᠵᠡᠷᠭᠡ ᠶᠢ ᠠᠨᠠᠭᠠᠬᠤ ᠪᠥᠭᠡᠳ ᠶᠡᠷᠦᠩᠬᠡᠶᠢᠯᠡᠪᠡᠯ ᠴᠢᠰᠤ᠂ ᠰᠢᠷᠠ ᠶᠢᠨ ᠴᠢᠨᠠᠷᠲᠠᠢ | ᠬᠠᠯᠠᠭᠤᠨ ᠡᠪᠡᠳᠴᠢᠨ ᠨᠦᠭᠦᠳ ᠢ ᠴᠥᠮ ᠬᠠᠨᠠᠵᠤ ᠪᠣᠯᠣᠨᠠ᠃ | 2019 ᠣᠨ ᠳᠤ᠂ ᠬᠠᠨᠠᠬᠤ ᠵᠠᠰᠠᠯ ᠨᠢ ᠵᠢᠷᠭᠤᠳᠤᠭᠠᠷ ᠪᠦᠯᠦᠭ ᠤᠨ ᠲᠦᠩᠯᠢᠶᠣᠣ ᠬᠤᠲᠠ ᠶᠢᠨ ᠳᠡᠰ ᠤᠨ | ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ | ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠲᠠᠪᠤᠨ ᠷᠠᠰᠢᠶᠠᠨ ᠤ ᠵᠠᠰᠠᠯ | ᠲᠠᠪᠤᠨ ᠷᠠᠰᠢᠶᠠᠨ ᠤ ᠵᠠᠰᠠᠯ ᠪᠣᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠣᠨᠴᠠᠯᠢᠭᠲᠤ ᠵᠠᠰᠠᠯ ᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ | ᠳᠠᠷᠤᠢ ᠦᠷᠭᠡᠰᠦᠳᠦ ᠠᠷᠴᠠ᠂ ᠵᠡᠭᠡᠷᠭᠡᠨᠡ᠂ ᠳᠠᠯᠢ᠂ ᠠᠭᠢ᠂ ᠪᠠᠯᠭᠤᠨᠠ ᠵᠡᠷᠭᠡ ᠮᠥᠩᠬᠡ ᠬᠥᠬᠡᠷᠡᠬᠦ ᠲᠠᠪᠤᠨ | ᠵᠦᠢᠯ ᠤᠨ ᠡᠪᠡᠰᠦᠨ ᠡᠮ ᠢᠶᠠᠷ ᠰᠠᠭᠤᠷᠢ ᠪᠣᠯᠭᠠᠨ ᠪᠤᠰᠤᠳ ᠬᠠᠮᠢᠶᠠ ᠪᠦᠬᠦᠢ ᠡᠮ ᠢ ᠨᠡᠮᠡᠷᠢᠯᠡᠨ ᠰᠠᠶᠢᠲᠤᠷ ᠳᠡᠪᠲᠦᠭᠡᠨ | ᠴᠢᠨᠠᠵᠤ ᠭᠠᠷᠭᠠᠭᠰᠠᠨ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠠᠯᠠᠭᠤᠨ ᠤᠰᠤᠨ ᠳᠤ ᠣᠷᠣᠵᠤ ᠳᠡᠪᠲᠦᠭᠡᠨ ᠵᠠᠰᠠᠬᠤ ᠶᠢ ᠵᠢᠭᠠᠨᠠ᠃ | ᠲᠠᠪᠤᠨ ᠷᠠᠰᠢᠶᠠᠨ ᠤ ᠵᠠᠰᠠᠯ ᠨᠢ ᠦᠶᠡ ᠭᠡᠰᠢᠭᠦᠦ ᠬᠥᠰᠢᠬᠦ᠂ ᠵᠢᠭᠢᠵᠦ ᠴᠢᠳᠠᠬᠤ ᠦᠭᠡᠢ ᠠᠲᠤᠶᠢᠬᠤ᠂ ᠦᠢᠯᠡ | ᠠᠵᠢᠯᠯᠠᠭᠠ ᠨᠢ ᠪᠠᠭᠤᠷᠠᠭᠠᠳ ᠲᠠᠬᠢᠷᠳᠠᠬᠤ᠂ ᠴᠢᠭᠢᠭ᠋ᠠ ᠡᠪᠡᠳᠴᠢᠨ᠂ ᠪᠣᠭᠤᠮᠠ᠂ ᠰᠢᠨᠡ ᠬᠠᠭᠤᠴᠢᠨ ᠶᠠᠷᠠ᠂ | ᠬᠠᠪᠤᠳᠠᠷ᠂ ᠡᠮᠡᠭᠲᠡᠢ ᠶᠢᠨ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ᠂ ᠦᠶᠡ ᠮᠥᠴᠢ ᠮᠤᠷᠤᠶᠢᠭᠰᠠᠨ᠂ ᠨᠢᠷᠤᠭᠤᠨ ᠤ ᠦᠶᠡᠰ | ᠪᠥᠭᠴᠥᠶᠢᠭᠰᠡᠨ᠂ ᠮᠢᠬᠠ ᠶᠠᠰᠤᠨ ᠤ ᠰᠢᠷᠠ ᠤᠰᠤ ᠲᠠᠷᠬᠠᠭᠰᠠᠨ ᠵᠡᠷᠭᠡ ᠬᠡᠢ ᠡᠪᠡᠳᠴᠢᠨ ᠳᠤ ᠮᠠᠰᠢ ᠰᠠᠶᠢᠨ᠃ | ᠲᠡᠷᠡᠴᠢᠯᠡᠨ ᠲᠤᠬᠠᠢ ᠲᠠᠢ ᠨᠡᠮᠡᠷᠢ ᠡᠮ ᠢ ᠲᠠᠯᠪᠢᠵᠤ ᠤᠯᠠᠨ ᠵᠦᠢᠯ ᠢᠶᠠᠷ ᠵᠢᠯᠣᠭᠤᠳᠤᠨ ᠲᠣᠬᠢᠷᠠᠭᠤᠯᠪᠠᠯ ᠰᠠᠷᠨᠢᠭᠰᠠᠨ ᠢ | ᠬᠤᠷᠢᠶᠠᠬᠤ᠂ ᠬᠠᠭᠤᠴᠢᠷᠠᠭᠰᠠᠨ ᠬᠠᠯᠠᠭᠤᠨ ᠢ ᠭᠠᠷᠭᠠᠬᠤ᠂ ᠰᠢᠷᠠ ᠤᠰᠤ ᠶᠢ ᠬᠠᠳᠠᠭᠠᠬᠤ ᠪᠥᠭᠡᠳ ᠲᠠᠮᠢᠷ ᠤᠨ ᠴᠢᠰᠤ | ᠮᠠᠭᠤ ᠴᠢᠰᠤ ᠶᠢ ᠢᠯᠭᠠᠬᠤ᠂ ᠨᠢᠰᠤᠭᠤ ᠭᠦᠪᠲᠦᠷᠦᠦ᠂ ᠡᠯᠡ ᠵᠦᠢᠯ ᠤᠨ ᠠᠷᠠᠰᠤᠨ ᠤ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠬᠤ | ᠪᠥᠭᠡᠳ ᠰᠦᠷᠢᠶᠡ ᠡᠪᠡᠳᠴᠢᠨ᠂ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠬᠤᠳᠣᠭᠤᠳᠤᠨ ᠤ ᠭᠠᠯ ᠤᠨ ᠢᠯᠴᠢ ᠪᠠᠭᠤᠷᠠᠭᠰᠠᠨ᠂ | ᠪᠥᠭᠡᠷᠡᠨ ᠤ ᠬᠦᠢᠲᠡᠨ ᠬᠡᠢ ᠶᠢ ᠠᠷᠢᠯᠭᠠᠵᠤ᠂ ᠪᠠᠮ ᠡᠪᠡᠳᠴᠢᠨ ᠪᠠ ᠤᠵᠢᠬᠰᠢᠷᠠᠬᠰᠠᠨ ᠡᠪᠡᠳᠴᠢᠨ ᠨᠦᠭᠦᠳ ᠢ | ᠠᠷᠢᠯᠭᠠᠵᠤ ᠳᠠᠶᠢᠯᠦᠨᠡ᠃ | 2022 ᠣᠨ ᠳᠤ᠂ ᠲᠠᠪᠤᠨ ᠷᠠᠰᠢᠶᠠᠨ ᠤ ᠵᠠᠰᠠᠯ ᠨᠢ ᠳᠣᠯᠣᠳᠤᠭᠠᠷ ᠪᠦᠯᠦᠭ ᠤᠨ ᠲᠦᠩᠯᠢᠶᠣᠣ ᠬᠤᠲᠠ ᠶᠢᠨ | ᠳᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ | ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠳᠠᠪᠤᠰᠤᠨ ᠵᠢᠩ ᠵᠠᠰᠠᠯ | ᠥᠷᠭᠡᠨ ᠠᠭᠤᠳᠠᠮ ᠮᠣᠩᠭᠤᠯ ᠣᠷᠣᠨ ᠨᠢ ᠳᠠᠪᠤᠰᠤᠨ ᠤ ᠭᠠᠷᠤᠯᠲᠠ ᠶᠢᠨ ᠡᠬᠢ ᠪᠠᠶᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠪᠥᠭᠡᠳ | ᠮᠣᠩᠭᠤᠯ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠤᠯᠠᠨ ᠮᠢᠩᠭᠠᠨ ᠵᠢᠯ ᠤᠨ ᠲᠤᠷᠰᠢ ᠡᠪᠡᠳᠴᠢᠨ ᠬᠡᠨᠲᠡᠭ ᠲᠠᠢ ᠡᠷᠡᠰ ᠲᠡᠮᠡᠴᠡᠨ | ᠠᠷᠭᠠ ᠳᠠᠮ ᠣᠯᠣᠭᠰᠠᠨ ᠦᠢᠯᠡᠳᠦᠯᠭᠡ ᠠᠴᠠ ᠳᠠᠪᠤᠰᠤᠨ ᠵᠠᠰᠠᠯ ᠢ ᠨᠡᠭᠡᠭᠡᠨ ᠪᠦᠲᠦᠭᠡᠭᠰᠡᠨ᠂ ᠳᠡᠷᠡ ᠨᠢ ᠡᠳᠦᠭᠡ | ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠯᠡ᠃ ᠳᠠᠪᠤᠰᠤᠨ ᠵᠢᠩ ᠵᠠᠰᠠᠯ ᠪᠣᠯ ᠬᠠᠯᠠᠭᠤᠯᠠᠬᠰᠠᠨ ᠳᠠᠪᠤᠰᠤ ᠪᠠᠷ ᠶᠠᠮᠠᠷ | ᠨᠢᠭᠡᠨ ᠣᠷᠣᠨ ᠪᠠᠯᠴᠢᠷ ᠢ ᠪᠦᠯᠢᠶᠡᠳᠬᠡᠨ ᠬᠠᠯᠠᠭᠤᠯᠵᠤ᠂ ᠬᠡᠢ ᠴᠢᠰᠤᠨ ᠤ ᠭᠦᠶᠦᠳᠡᠯ ᠢ ᠰᠠᠶᠢᠵᠢᠷᠠᠭᠤᠯᠬᠤ᠂ | ᠠᠳᠬᠤᠷᠠᠭᠠ ᠶᠢ ᠲᠠᠯᠪᠢᠭᠳᠠᠭᠤᠯᠬᠤ᠂ ᠡᠪᠡᠳᠬᠦ ᠶᠢ ᠵᠣᠭᠰᠤᠭᠠᠬᠤ ᠪᠠᠷ ᠳᠠᠮᠵᠢᠭᠤᠯᠤᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠨ | ᠵᠠᠰᠠᠬᠤ ᠵᠢᠴᠢ ᠡᠷᠡᠭᠦᠯᠵᠢᠭᠦᠯᠬᠦ ᠦᠢᠯᠡᠳᠦᠯ ᠪᠦᠬᠦᠢ ᠨᠢᠭᠡ ᠵᠦᠢᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠭᠠᠳᠠᠷ ᠵᠠᠰᠠᠯ ᠪᠣᠯᠣᠨᠠ᠃ | ᠳᠠᠪᠤᠰᠤᠨ ᠵᠢᠩ ᠪᠠᠷᠢᠬᠤ ᠵᠠᠰᠠᠯ ᠨᠢ ᠪᠥᠭᠡᠷᠡ ᠨᠢᠷᠤᠭᠤ ᠶᠢᠨ ᠡᠪᠡᠳᠴᠢᠨ᠂ ᠬᠥᠯ ᠪᠠ ᠦᠶᠡ ᠭᠡᠰᠢᠭᠦᠦ ᠶᠢᠨ | ᠡᠪᠡᠳᠴᠢᠨ᠂ ᠦᠶᠡ ᠭᠡᠰᠢᠭᠦᠦ ᠶᠢᠨ ᠰᠢᠷᠠ ᠤᠰᠤ᠂ ᠴᠢᠭᠢᠭ ᠨᠣᠶᠢᠲᠠᠨ ᠠᠴᠠ ᠪᠣᠯᠤᠭᠰᠠᠨ ᠭᠡᠮ ᠰᠣᠭᠤᠭ᠂ ᠪᠠᠮ | ᠡᠪᠡᠳᠴᠢᠨ ᠬᠢᠭᠡᠳ ᠠᠷᠠᠰᠤᠨ ᠤ ᠡᠪᠡᠳᠴᠢᠨ᠂ ᠡᠰᠡ ᠰᠢᠩᠭᠡᠭᠰᠡᠨ ᠡᠪᠡᠳᠴᠢᠨ ᠳᠤ ᠲᠣᠬᠢᠷᠠᠨᠠ᠃ | ᠳᠠᠪᠤᠰᠤᠨ ᠵᠢᠩ ᠪᠠᠷᠢᠬᠤ ᠵᠠᠰᠠᠯ ᠨᠢ ᠡᠮᠴᠢᠯᠡᠭᠡᠨ ᠤ ᠦᠷᠡ ᠪᠦᠳᠦᠮᠵᠢ ᠰᠠᠶᠢᠨ᠂ ᠰᠤᠷᠬᠤ ᠳᠤ ᠭᠢᠯᠪᠡᠷ᠂ ᠵᠠᠷᠤᠳᠠᠯ | ᠬᠢᠮᠳᠠ ᠵᠡᠷᠭᠡ ᠣᠨᠴᠠᠯᠢᠭ ᠲᠠᠢ᠃ ᠳᠠᠪᠤᠰᠤᠨ ᠵᠢᠩ ᠪᠠᠷᠢᠬᠤ ᠵᠠᠰᠠᠯ ᠨᠢ ᠠᠷᠠᠳ ᠤᠯᠠᠨ ᠤ ᠪᠡᠶᠡ ᠰᠡᠳᠬᠢᠯ ᠤᠨ | ᠡᠷᠡᠭᠦᠯ ᠮᠡᠨᠳᠦ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠪᠠ᠃ | 2019 ᠣᠨ ᠳᠤ᠂ ᠳᠠᠪᠤᠰᠤᠨ ᠵᠢᠩ ᠪᠠᠷᠢᠬᠤ ᠵᠠᠰᠠᠯ ᠨᠢ ᠵᠢᠷᠭᠤᠳᠤᠭᠠᠷ ᠪᠦᠯᠦᠭ ᠤᠨ ᠲᠦᠩᠯᠢᠶᠣᠣ ᠬᠤᠲᠠ ᠶᠢᠨ | ᠳᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ | ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ | ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ | ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ ᠪᠣᠯ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢᠲᠦ ᠰᠠᠪᠠ ︵ᠰᠣᠷᠣᠭᠤᠯ︶ ᠳᠣᠲᠣᠷᠠ ᠰᠥᠭᠡᠷᠭᠦ ᠳᠠᠷᠤᠯᠲᠠ | ᠡᠭᠦᠰᠬᠡᠭᠡᠳ᠂ ᠡᠪᠡᠳᠴᠢᠯᠡᠭᠰᠡᠨ ᠬᠡᠰᠡᠭ ᠤᠨ ᠭᠠᠳᠠᠷᠭᠤ ᠳᠤ ᠲᠠᠯᠪᠢᠨ ᠰᠣᠷᠣᠭᠤᠯᠳᠠᠨ ᠲᠠᠲᠠᠬᠤ ᠪᠠᠷ ᠳᠠᠮᠵᠢᠭᠤᠯᠤᠨ | ᠡᠪᠡᠳᠴᠢᠨ ᠵᠠᠰᠠᠬᠤ ᠠᠷᠭᠠ ᠶᠢ ᠵᠢᠭᠠᠨᠠ᠃ ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ ᠨᠢ ᠲᠣᠮᠣᠭᠤ ᠲᠠᠭᠰᠢᠭᠤᠷ᠂ ᠲᠣᠯᠣᠭᠠᠢ | ᠡᠪᠡᠳᠬᠦ᠂ ᠮᠠᠨᠬᠭᠡᠷ᠂ ᠠᠭᠰᠠᠭᠠ᠂ ᠪᠤᠯᠴᠢᠩ ᠤᠨ ᠭᠡᠮᠲᠦᠯ᠂ ᠦᠶᠡ ᠭᠡᠰᠢᠭᠦᠨ ᠤ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ᠂ ᠬᠥᠯ | ᠨᠢᠷᠤᠭᠤ ᠡᠪᠡᠳᠬᠦ᠂ ᠬᠡᠰᠡᠭ ᠭᠠᠵᠠᠷ ᠤᠨ ᠴᠢᠨᠠᠷᠲᠠᠢ ᠮᠤᠵᠢᠭᠤᠳᠠ ᠡᠪᠡᠳᠦᠯᠲᠡ᠂ ᠬᠤᠳᠣᠭᠤᠳᠤ ᠭᠡᠳᠡᠰᠦᠨ ᠤ ᠬᠦᠢᠲᠡᠨ | ᠬᠡᠢ᠂ ᠬᠡᠦᠬᠡᠨ ᠬᠡᠪᠲᠡᠰᠢ ᠶᠢᠨ ᠬᠦᠢᠲᠡᠨ ᠬᠡᠢ᠂ ᠬᠤᠣᠷᠲᠤ ᠶᠠᠷᠠ᠂ ᠬᠠᠪᠤᠳᠠᠷ᠂ ᠬᠤᠣᠷᠲᠤ ᠮᠣᠭᠠᠢ ᠳᠤ | ᠬᠠᠳᠬᠤᠭᠳᠠᠭᠰᠠᠨ ᠰᠢᠷᠬᠠ ᠵᠡᠷᠭᠡ ᠡᠪᠡᠳᠴᠢᠨ ᠳᠤ ᠲᠣᠬᠢᠷᠠᠨᠠ᠃ ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ ᠢᠶᠠᠷ ᠳᠠᠮᠵᠢᠵᠦ ᠬᠡᠰᠡᠭ | ᠭᠠᠵᠠᠷ ᠤᠨ ᠮᠠᠭᠤ ᠴᠢᠰᠤ᠂ ᠰᠢᠷᠠ ᠤᠰᠤ ᠶᠢ ᠰᠣᠷᠣᠭᠤᠯᠳᠠᠵᠤ ᠠᠪᠤᠭᠠᠳ᠂ ᠰᠤᠳᠠᠯ ᠤᠨ ᠭᠦᠶᠦᠳᠡᠯ ᠢ ᠨᠢ | ᠰᠠᠶᠢᠵᠢᠷᠠᠭᠤᠯᠵᠤ᠂ ᠴᠠᠭᠠᠨ ᠰᠤᠳᠠᠯ ᠤᠨ ᠴᠢᠰᠤᠨ ᠤ ᠬᠠᠩᠭᠠᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠥᠭᠡᠳ ᠳᠠᠷᠤᠭᠠᠰᠤ ᠶᠢ | ᠬᠥᠩᠭᠡᠷᠡᠭᠦᠯᠵᠦ᠂ ᠡᠪᠡᠳᠴᠢᠨ ᠢ ᠠᠨᠠᠭᠠᠨᠠ᠃ ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ ᠨᠢ ᠡᠮᠨᠡᠨ ᠵᠠᠰᠠᠬᠤ ᠳᠤ ᠲᠥᠭᠦᠮ᠂ | ᠡᠮᠴᠢᠯᠡᠭᠡᠨ ᠤ ᠦᠷᠡ ᠪᠦᠳᠦᠮᠵᠢ ᠰᠠᠶᠢᠨ᠂ ᠡᠮᠨᠡᠨ ᠵᠠᠰᠠᠬᠤ ᠥᠪᠡᠷ ᠤᠨ ᠥᠷᠲᠡᠭ ᠨᠢ ᠳᠣᠣᠷᠠ ᠤᠴᠢᠷ ᠠᠴᠠ | ᠡᠪᠡᠳᠴᠢᠲᠡᠨ ᠤ ᠬᠦᠷᠢᠶᠡᠯᠡᠯ ᠢ ᠶᠡᠬᠡᠳᠡ ᠣᠯᠣᠭᠰᠠᠨ ᠪᠠᠶᠢᠨᠠ᠃ | 2019 ᠣᠨ ᠳᠤ᠂ ᠰᠣᠷᠣᠭᠤᠯᠳᠠᠬᠤ ᠵᠠᠰᠠᠯ ᠨᠢ ᠵᠢᠷᠭᠤᠳᠤᠭᠠᠷ ᠪᠦᠯᠦᠭ ᠤᠨ ᠲᠦᠩᠯᠢᠶᠣᠣ ᠬᠤᠲᠠ ᠶᠢᠨ | ᠳᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠨᠡᠷᠡᠰ ᠤᠨ | ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠪᠠ᠃ |