ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠣᠶᠢᠯᠡᠴᠢᠯᠡᠭᠡ
ᠮᠤᠷᠢᠨ ᠮᠢᠬ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2023/1/25
   ᠮᠤᠷᠢᠨ ᠪᠤᠯᠪᠠᠰᠤ ᠮᠠᠨᠠᠶᠢᠬᠢᠨ ᠤ ᠮᠤᠯᠤᠷ ᠡᠷᠳᠡᠨᠢ ᠶᠢᠨ ᠭᠦᠯᠦᠭ ᠭᠦᠰᠬᠡ᠂ ᠬᠡᠶᠢᠮᠦᠷᠢ ᠰᠦᠯᠳᠠ ᠶᠢᠨ ᠪᠡᠯᠬᠡ ᠲᠡᠮᠳᠡᠭ ᠪᠦᠯᠦᠬᠡ᠃ ᠮᠡᠨᠡᠶᠢᠬᠢᠨ ᠲᠡᠤᠬᠡᠨ ᠠᠴᠠ ᠪᠠᠨ ᠮᠤᠷᠢᠨ ᠨᠢᠷᠤᠭᠤᠨ ᠠᠴᠠ ᠪᠠᠭᠤᠯ ᠦᠬᠡᠢ ᠪᠠᠷ ᠮᠠᠯ ᠮᠠᠯᠵᠢᠵᠦ᠂ ᠠᠩ ᠠᠩᠨᠠᠨ᠂ ᠤᠷᠤᠨ ᠨᠤᠳᠤᠭ ᠢᠶᠠᠨ ᠬᠠᠮᠠᠭᠠᠯᠠᠵᠦ ᠦᠪᠡᠷᠦᠨ ᠡᠵᠡᠨ ᠲᠦᠷᠦ ᠪᠠᠨ ᠪᠠᠶᠢᠭᠤᠯᠤᠭᠰᠠᠨ ᠪᠤᠯᠬᠤᠷ ᠮᠤᠷᠢᠨ ᠳᠠᠭᠠᠨ ᠠᠰᠤᠷᠤ ᠬᠠᠶᠢᠷᠠᠳᠠᠢ ᠪᠠᠶᠢᠳᠠᠭ ᠪᠤᠯᠠᠢ᠃  ᠡᠶᠢᠨ ᠭᠦ ᠮᠤᠷᠢ ᠪᠠᠨ ᠤᠩᠭᠤᠯᠠᠵᠦ᠂ ᠰᠠᠶᠢᠨ ᠠᠵᠢᠷᠭ᠎ᠠ᠂ ᠰᠦᠳᠦ ᠭᠡᠭᠦᠦ ᠪᠠᠨ ᠪᠤᠰᠤᠳ ᠲᠠᠢ ᠠᠷᠠᠯᠵᠢᠶᠠᠯᠠᠬᠤ ᠶᠢ ᠴᠡᠬᠡᠷᠯᠡᠳᠡᠭ ᠪᠤᠯᠠᠢ᠃ ᠡᠶᠢᠨ ᠪᠤᠯᠬᠤᠷ ᠦᠭᠦᠵᠦ ᠬᠡᠨᠡᠳᠡᠭᠰᠡᠨ ᠮᠤᠷᠢᠨ ᠲᠤᠯᠤᠭᠠᠢ ᠶᠢ ᠮᠤᠯᠤᠷ ᠡᠷᠳᠡᠨᠢ ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠦ᠂ ᠲᠡᠭᠦᠨ ᠢ ᠭᠦᠯᠴᠢᠨ ᠳᠤᠷ ᠲᠠᠭᠠᠷᠢᠭᠤᠯᠬᠤ ᠦᠬᠡᠢ᠂ ᠭᠦᠷᠦᠰᠦᠨ ᠳᠤᠷ ᠲᠠᠷᠤᠭᠤᠯᠬᠤ ᠦᠬᠡᠢ ᠬᠡᠮᠡᠨ ᠦᠨᠳᠦᠷ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠬᠡᠷ᠎ᠡ ᠨᠠᠷᠠᠨ ᠮᠠᠨᠳᠤᠬᠤᠢ ᠵᠦᠭ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠳᠠᠭ ᠠᠵᠤᠭᠤ᠃ ᠡᠶᠢᠮᠦ ᠪᠤᠯᠬᠤᠷ ᠮᠠᠨᠠᠶᠢᠬᠢᠨ ᠮᠤᠷᠢ ᠶᠢ ᠲᠠᠳᠤᠢ ᠠᠯᠠᠵᠦ ᠢᠳᠡᠳᠡᠭ ᠦᠬᠡᠢ ᠠᠵᠠᠢ᠃ ᠬᠡᠳᠡᠯ᠎ᠡ ︽ᠮᠤᠩᠭᠤᠯᠴᠤᠳ ᠤᠨ ᠨᠡᠶᠢᠬᠡᠮ ᠤᠨ ᠪᠠᠶᠢᠭᠤᠯᠤᠯ ᠤᠨ ᠲᠠᠤᠬᠡ︾ ᠳᠤᠷ ︽ᠠᠳᠤᠭᠤ ᠪᠤᠯ ᠮᠠᠨ ᠤ  ᠬᠢᠨ ᠤ ᠡᠷᠳᠡᠨᠢ ᠶᠢᠨ ᠭᠦᠯᠦᠭ ᠪᠢᠯᠡ᠃ ᠲᠡᠭᠦᠨ ᠢ ᠲᠠᠶᠢᠨ ᠪᠠ ᠠᠪᠠ ᠳᠤ ᠬᠡᠷᠡᠭᠯᠡᠳᠡᠭ ᠠᠴᠠ ᠭᠠᠳᠠᠨ᠎ᠠ ᠲᠡᠭᠦᠨ ᠤ ᠰᠦ ᠶᠢ ᠤᠮᠳᠠ ᠪᠤᠯᠭᠠᠨ᠂ ᠮᠢᠬ᠎ᠠ ᠶᠢ ᠢᠳᠡᠬᠡᠨ ᠢᠶᠠᠨ ᠪᠤᠯᠭᠠᠳᠠᠭ︾ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠠᠴᠠ ᠦᠵᠡᠪᠡᠰᠦ ᠮᠤᠷᠢᠨ ᠮᠢᠬ᠎ᠠ ᠶᠢ ᠢᠳᠡᠵᠦ ᠪᠠᠶᠢᠭᠰᠠᠨ ᠨᠢ ᠴᠦ ᠲᠤᠳᠤᠷᠬᠠᠢ ᠪᠤᠯᠠᠢ᠃    ᠮᠤᠷᠢᠨ ᠮᠢᠬ᠎ᠠ ᠪᠤᠯᠪᠠᠰᠤ ᠤᠨᠴᠤᠭᠤᠢ ᠠᠮᠳᠠᠳᠠᠢ ᠪᠦᠬᠡᠳ ᠬᠠᠯᠠᠭᠤᠨ ᠴᠢᠨᠠᠷᠳᠠᠢ ᠪᠤᠯᠠᠢ᠃ ᠮᠤᠷᠢᠨ ᠤ ᠮᠢᠬ᠎ᠠ ᠡᠪᠤᠯ ᠤᠨ ᠴᠠᠭ ᠲᠤᠷ ᠴᠦ ᠭᠦᠯᠳᠡᠭᠦ ᠢᠨᠦ ᠤᠳᠠᠭᠠᠨ ᠪᠤᠯᠠᠢ᠃ ᠡᠶᠢᠨ ᠭᠦ ᠮᠠᠨ ᠤ ᠭᠦᠢᠳᠡᠨ ᠭᠠᠵᠠᠷ ᠤᠨ ᠬᠢᠨ ᠰᠢᠯᠢ  ᠶᠢᠨ ᠭᠤᠤᠯ ᠤᠨ ᠰᠦᠨᠢᠳ᠂ ᠤᠷᠢᠶᠠᠩᠬᠠᠢ᠂ ᠭᠦᠯᠦᠨ ᠪᠦᠢᠷ ᠤᠨ ᠪᠠᠷᠭᠤ ᠵᠡᠷᠬᠡ ᠬᠤᠰᠢᠭᠤᠳ ᠢᠶᠠᠷ ᠡᠪᠤᠯ ᠤᠨ ᠴᠠᠭ  ᠲᠤᠷ ᠬᠡᠬᠡᠷ᠎ᠡ ᠭᠠᠳᠠᠨ᠎ᠠ ᠶᠠᠪᠤᠬᠤᠢ ᠳᠤᠷ ᠲᠤᠯᠠᠭᠠᠨ ᠢᠯᠴᠢ᠂ ᠲᠠᠭᠠᠭᠠᠮᠠᠭᠠᠢ ᠦᠯ ᠢ ᠪᠤᠳᠤᠵᠦ ᠮᠤᠷᠢᠨ ᠮᠢᠬ᠎ᠠ ᠢᠳᠡᠳᠡᠭ ᠪᠤᠯᠠᠢ᠃    ᠮᠤᠷᠢᠨ ᠬᠡᠳᠦᠶᠢᠪᠡᠷ ᠲᠠᠷᠭᠤᠨ ᠪᠤᠯᠪᠠᠴᠤ ᠲᠡᠭᠦᠨ ᠳᠤᠷ ᠪᠦᠷᠭᠦᠭᠰᠡᠨ ᠦᠬᠡᠭᠦ ᠪᠠᠶᠢᠳᠠᠭ ᠦᠬᠡᠢ᠂ ᠴᠢᠨᠠᠵᠦ ᠪᠤᠯᠭᠤᠪᠠᠰᠤ ᠵᠢᠭᠠᠷ ᠤᠨ ᠦᠨᠦᠷ ᠭᠠᠷᠳᠠᠭ ᠪᠤᠯᠠᠢ᠃ ᠡᠶᠢᠨ ᠪᠤᠯᠬᠤᠷ ᠮᠠᠨᠠᠶᠢᠬᠢᠨ ᠮᠤᠷᠢᠨ ᠢ ᠵᠠᠷᠤᠬᠤ ᠳᠠᠭᠠᠨ ᠤᠨᠤᠬᠤ ᠪᠤᠶᠦ ᠲᠠᠭᠤᠵᠦ ᠰᠠᠶᠢᠳᠤᠷ ᠭᠦᠯᠦᠰᠦᠯᠡᠬᠡᠳ᠂ ᠭᠠᠷᠤᠭᠰᠠᠨ ᠭᠦᠯᠦᠰᠦ ᠶᠢ ᠬᠡᠳᠤᠠᠳᠠ ᠬᠤᠰᠤᠨ ᠠᠪᠴᠦ᠂ ᠢᠰᠠᠬᠡᠢ  ᠪᠠᠷ ᠪᠦᠷᠢᠵᠦ ᠪᠢᠳᠡᠭᠦᠮᠵᠢᠯᠠᠨ ᠯᠠᠬᠤ ᠪᠤᠶᠦ ᠨᠤᠭᠤᠰᠤᠯᠠᠵᠦ ᠠᠯᠠᠳᠠᠭ ᠪᠤᠯᠠᠢ᠃ ᠢᠩᠬᠢᠵᠦ ᠭᠦᠯᠦᠰᠦ ᠭᠠᠷᠤᠭᠰᠠᠨ  ᠠᠴᠠ ᠲᠡᠭᠦᠨ ᠤ ᠵᠢᠭᠠᠷ ᠤᠨ ᠦᠨᠦᠷ ᠢᠨᠦ ᠵᠠᠮᠬᠠᠷᠠᠳᠠᠭ ᠪᠤᠯᠠᠢ᠃ ᠮᠤᠷᠢᠨ ᠤ ᠠᠭᠤᠰᠬᠢ᠂ ᠠᠭᠤᠰᠬᠢ ᠨᠡᠪᠴᠢᠭᠰᠡᠨ ᠢ ᠠᠨᠠᠭᠠᠨ᠂ ᠲᠠᠯᠢᠭᠦᠦ ᠢᠨᠦ ᠡᠷᠡᠬᠡᠭᠰᠡᠨ ᠶᠠᠷ᠎ᠠ ᠶᠢ ᠨᠤᠮᠤᠭᠠᠳᠬᠠᠨ ᠪᠦᠬᠡᠷ᠎ᠡ ᠶᠢᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠵᠦ᠂ ᠦᠬᠡᠭᠦ ᠢᠨᠦ ᠦᠬᠡᠷ ᠢᠯᠢᠳᠦ ᠶᠢ ᠠᠷᠢᠯᠭᠠᠬᠤ ᠪᠠ ᠮᠢᠬ᠎ᠠ ᠠᠨᠤ ᠬᠡᠢ ᠡᠪᠡᠳᠴᠢᠨ ᠬᠢᠬᠡᠳ ᠭᠦᠢᠳᠡᠨ ᠬᠡᠢ ᠶᠢ ᠵᠠᠰᠠᠳᠠᠭ ᠬᠡᠮᠡᠨ ︽ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠲᠡᠭᠦᠪᠦᠷᠢ︾ ᠳᠤᠷ ᠲᠡᠮᠳᠡᠭᠯᠡᠵᠦ ᠪᠤᠢ᠃    ᠮᠤᠷᠢᠨ ᠮᠢᠬ᠎ᠠ ᠶᠢ ᠴᠢᠨᠠᠵᠦ ᠪᠤᠯᠭᠤᠵᠦ ᠢᠳᠡᠭᠦ ᠪᠤᠶᠦ ᠪᠤᠷᠴᠠᠯᠠᠵᠦ ᠬᠠᠳᠠᠭᠠᠭᠠᠳ ᠰᠢᠷᠠᠵᠦ ᠢᠳᠡᠳᠡᠭ ᠪᠤᠯᠠᠢ᠃ ᠴᠢᠨᠠᠬᠤ ᠳᠠᠭᠠᠨ ᠲᠤᠭᠤᠭᠠᠨ ᠤ ᠬᠠᠪᠬᠠᠭᠠᠰᠦ ᠶᠢ ᠲᠠᠯᠪᠢᠳᠠᠭ ᠦᠬᠡᠢ᠃ ᠮᠤᠷᠢᠨ ᠮᠢᠬ᠎ᠠ ᠶᠢ ᠮᠦᠨ ᠤᠯᠠᠨ ᠶᠠᠩᠵᠦ  ᠪᠠᠷ ᠬᠠᠭᠤᠷᠴᠦ᠂ ᠬᠠᠭᠠᠷᠢᠵᠦ ᠢᠳᠡᠵᠦ ᠴᠦᠮ ᠪᠤᠯᠤᠮᠤᠢ᠃ ᠮᠤᠷᠢᠨ ᠲᠤᠰᠤᠨ ᠳᠤᠷ ᠪᠤᠤᠪᠤ ᠪᠤᠭᠤᠷᠰᠤᠭ ᠪᠤᠯᠭᠤᠵᠦ ᠢᠳᠡᠪᠡᠰᠦ ᠭᠦᠷᠡᠩ ᠤᠯᠠᠭᠠᠨ ᠦᠩᠬᠡᠳᠠᠢ ᠪᠦᠬᠡᠳ ᠭᠦᠯᠳᠡᠵᠦ ᠬᠠᠳᠠᠭᠤᠷᠠᠬᠤ ᠦᠬᠡᠢ ᠪᠤᠯᠠᠢ᠃    ᠮᠠᠨᠠᠶᠢᠬᠢᠨ ᠮᠤᠷᠢᠨ ᠮᠢᠬ᠎ᠠ ᠶᠢ ᠭᠤᠤᠯᠳᠠᠭᠤ ᠬᠠᠬᠢᠷ ᠡᠪᠤᠯ ᠤᠨ ᠭᠦᠢᠳᠡᠨ ᠳᠤᠷ ᠬᠤᠯᠠ ᠠᠶᠠᠨ ᠵᠠᠮ ᠳᠤᠷ ᠶᠠᠪᠤᠬᠤ ᠪᠤᠶᠦ ᠠᠩ ᠭᠦᠷᠦᠬᠡ ᠬᠢᠭᠦᠢ ᠳᠤᠷ ᠭᠦᠨᠡᠰᠦ ᠪᠤᠯᠭᠠᠳᠠᠭ ᠪᠤᠯᠠᠢ᠃
  
ᠢᠷᠡᠯᠲᠡ᠄ ᠮᠤᠩᠭᠤᠯ ᠤᠨ ᠢᠳᠡᠬᠡᠨ ᠤ ᠲᠤᠪᠴᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠲᠡᠮᠡᠭᠡ ᠠᠷᠠᠴᠢᠯᠠᠬᠤ ᠵᠠᠩ ᠦᠢᠯᠡ
ᠮᠠᠯ ᠠᠷᠠᠴᠢᠯᠠᠬᠤ ᠵᠠᠩ ᠦᠢᠯᠡ
ᠠᠳᠤᠭᠤ ᠠᠷᠠᠴᠢᠯᠠᠬᠤ ᠵᠠᠩ ᠦᠢᠯᠡ
ᠮᠠᠯᠵᠢᠯ ᠤᠨ ᠵᠠᠩ ᠦᠢᠯᠡ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号