| ᠵᠧ︕ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠤᠯᠳᠤᠭᠠᠢ︕ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠤᠯᠳᠤᠭᠠᠢ᠂ | ᠡᠪᠦᠭᠡ ᠲᠡᠬᠡᠳᠦᠰ ᠲᠡᠭᠡᠨ ᠮᠦᠷᠭᠦᠭᠰᠡᠨ ᠠᠴᠠ | ᠡᠪᠳᠡᠢ ᠰᠠᠶᠢᠬᠠᠨ ᠵᠢᠷᠭᠠᠵᠦ ᠶᠠᠪᠤ | ᠡᠪᠤᠬᠡᠨ ᠪᠤᠭᠤᠷᠤᠯ ᠳᠠᠭᠠᠨ ᠮᠦᠷᠭᠦᠭᠰᠡᠨ ᠠᠴᠠ | ᠡᠭᠦᠷᠢᠳᠠ ᠪᠤᠶᠠᠨᠳᠠᠢ ᠵᠢᠷᠭᠠᠵᠦ ᠶᠠᠪᠤ | ᠦᠰᠭᠦ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ | ᠦᠬᠡᠳᠡᠯᠡᠭᠦ ᠨᠡᠷᠡ ᠴᠢᠨᠢ ᠮᠠᠨᠳᠤᠵᠦ | ᠭᠠᠯ ᠵᠠᠯᠠᠭᠤ ᠶᠢᠨ ᠦᠶᠡ ᠳᠤ | ᠭᠠᠯᠪᠢᠷ ᠲᠦᠷᠢ ᠴᠢᠨᠢ ᠪᠦᠳᠦᠵᠦ | ᠬᠡᠷ ᠬᠤᠳᠠᠯᠠᠭᠠᠷ ᠴᠦᠮ ᠢᠶᠠᠷ ᠢᠶᠠᠨ | ᠬᠡᠷᠡᠯ ᠬᠡᠬᠡ ᠲᠠᠢ ᠵᠢᠷᠭᠠᠵᠦ | ᠦᠷᠡ ᠬᠡᠤᠬᠡᠳ ᠤᠨ ᠢᠶᠠᠨ | ᠰᠠᠶᠢᠨ ᠢ ᠨᠢ ᠦᠵᠡᠵᠦ ᠶᠠᠪᠤ | ᠦᠷᠡ ᠬᠡᠤᠬᠡᠳ ᠤᠨ ᠢᠶᠠᠨ | ᠰᠠᠶᠢᠨ ᠢ ᠨᠢ ᠦᠵᠡᠵᠦ ᠶᠠᠪᠤ ᠡ᠃ | ᠭᠦᠭᠰᠢᠳ ᠨᠠᠰᠤᠳᠠᠨ ᠢᠶᠠᠨ ᠭᠦᠨᠳᠦᠯᠡᠭᠰᠡᠨ ᠠᠴᠠ | ᠬᠡᠢ ᠮᠤᠷᠢ ᠴᠢᠨᠢ ᠲᠡᠭᠳᠡᠵᠦ | ᠬᠡᠤᠬᠡᠳ ᠠᠴᠢᠷ ᠢᠶᠠᠨ ᠭᠦᠮᠦᠵᠢᠭᠦᠯᠦᠭᠰᠡᠨ ᠠᠴᠠ | ᠬᠡᠰᠢᠭ ᠪᠤᠶᠠᠨ ᠴᠢᠨᠢ ᠨᠡᠮᠡᠭᠳᠡᠵᠦ | ᠦᠨᠢ ᠮᠦᠩᠬᠡ ᠦᠬᠡᠳᠡᠯᠡᠵᠦ | ᠦᠷᠯᠦᠬᠡ ᠪᠤᠰᠪᠠᠯ ᠦᠯᠵᠡᠶᠢᠳᠠᠢ | ᠦᠳᠡᠰᠢ ᠶᠢᠨ ᠬᠤᠪᠢᠨ ᠳᠤ ᠵᠢᠷᠭᠠᠯᠳᠠᠢ | ᠨᠠᠰᠤᠨ ᠲᠤᠷᠰᠢ ᠰᠠᠶᠢᠨ ᠢ ᠦᠵᠡᠭᠦ ᠶᠤᠮ ᠡ᠃ | ᠬᠡᠵᠢᠬᠡᠨ ᠤ ᠦᠰᠦ ᠴᠢᠨᠢ | ᠬᠡᠷᠡᠯ ᠦᠩᠬᠡ ᠲᠠᠳᠠᠵᠦ | ᠮᠦᠬᠡᠷᠡᠬᠡᠳ ᠭᠠᠷᠤᠭᠰᠠᠨ ᠮᠠᠯ ᠴᠢᠨᠢ | ᠮᠢᠩᠭᠠᠨ ᠪᠤᠬᠠ ᠪᠤᠯᠵᠦ | ᠲᠤᠯᠤᠭᠠᠢ ᠶᠢᠨ ᠦᠰᠦ ᠴᠢᠨᠢ | ᠲᠤᠩ ᠬᠠᠷᠠ ᠪᠤᠯᠤᠭᠠᠳ | ᠲᠤᠭᠯᠠᠭᠠᠳ ᠭᠠᠷᠤᠭᠰᠠᠨ ᠬᠤᠨᠢ ᠴᠢᠨᠢ | ᠲᠦᠮᠡᠨ ᠴᠠᠭᠠᠨ ᠪᠤᠯᠵᠦ | ᠦᠨᠢᠳᠠ ᠪᠠᠨ ᠦᠬᠡᠳᠡᠯᠡᠨ ᠮᠠᠨᠳᠤᠵᠦ | ᠦᠷᠭᠦᠯᠵᠢᠳᠠ ᠰᠠᠶᠢᠨ ᠢ ᠦᠵᠡᠵᠦ | ᠡᠭᠦᠷᠢᠳᠠ ᠪᠠᠨ ᠪᠠᠶᠠᠰᠤᠯ ᠲᠠᠭᠠᠷᠠᠵᠦ | ᠬᠡᠵᠢᠶᠡᠳᠠ ᠬᠡᠢ ᠮᠤᠷᠢ ᠲᠡᠭᠳᠡᠵᠦ | ᠬᠡᠤᠬᠡᠨ ᠭᠤᠤᠯ ᠠᠴᠠ ᠬᠤᠶᠢᠰᠢ | ᠭᠦᠪᠡᠭᠡ ᠶᠢᠨ ᠮᠠᠩᠬᠠᠨ ᠠᠴᠠ ᠤᠷᠤᠭᠰᠢ | ᠶᠠᠩᠰᠢᠪ ᠭᠤᠤᠯ ᠤᠨ ᠤᠷᠤᠰᠬᠠᠯ ᠠᠴᠠ | ᠶᠠᠮᠠᠨᠳᠠᠭ ᠪᠤᠷᠬᠠᠨ ᠦᠷᠦᠰᠢᠶᠡᠵᠦ᠂ | ᠠᠴᠢᠮᠠᠭ ᠠᠭᠤᠯᠠ ᠶᠢᠨ ᠡᠩᠬᠡᠷ ᠠᠴᠠ | ᠠᠨᠴᠢᠷ ᠰᠠᠬᠢᠭᠤᠰᠤ ᠢᠪᠡᠬᠡᠵᠦ | ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠲᠤ | ᠬᠡᠢ ᠮᠤᠷᠢ ᠴᠢᠨᠢ ᠲᠡᠭᠳᠡᠵᠦ | ᠬᠡᠰᠢᠭ ᠪᠤᠶᠠᠨ ᠴᠢᠨᠢ ᠲᠡᠯᠬᠡᠷᠡᠵᠦ | ᠦᠢ ᠲᠦᠮᠡᠨ ᠤ ᠪᠠᠨ ᠡᠷᠭᠦᠮᠵᠢ ᠶᠢ ᠤᠯᠵᠦ | ᠡᠪᠤᠬᠡᠳ ᠭᠦᠭᠰᠢᠳ ᠤᠨ ᠢᠶᠠᠨ ᠬᠠᠶᠢᠷᠠ ᠶᠢ ᠤᠯᠵᠦ | ᠬᠠᠨᠳᠤᠭᠰᠠᠨ ᠵᠦᠭ ᠲᠡᠭᠡᠨ ᠲᠠᠶᠢᠰᠤᠨ ᠦᠬᠡᠢ | ᠬᠠᠮᠤᠭ ᠠᠮᠢᠳᠠᠳ ᠲᠤ ᠶᠤᠷᠦ ᠦᠬᠡᠢ | ᠠᠯᠳᠠᠷ ᠰᠦᠷ ᠢᠶᠠᠨ ᠮᠠᠨᠳᠤᠭᠤᠯᠵᠦ | ᠡᠴᠢᠬᠡ ᠲᠡᠬᠡᠳᠦᠰ ᠢᠶᠠᠨ ᠲᠠᠭᠤᠷᠢᠰᠤᠭᠤᠯᠳᠤᠭᠠᠢ︕ |