| ᠦᠬᠡᠷ ᠤᠨ ᠰᠢᠭᠦᠰᠦ ᠪᠤᠯᠪᠠᠰᠤ ᠮᠠᠨᠠᠶᠢᠬᠢᠨ ᠤ ᠦᠪᠡᠳᠡᠭᠰᠢ ᠡᠷᠬᠢᠮ ᠢᠳᠡᠬᠡᠨ ᠤ ᠨᠢᠬᠡᠨ ᠪᠤᠯᠤᠮᠤᠢ᠃ ᠦᠬᠡᠷ ᠤᠨ | ᠮᠢᠬᠠ ᠬᠠᠯᠠᠭᠤᠨ ᠴᠢᠨᠠᠷᠳᠠᠢ ᠲᠤᠯᠠ ᠮᠠᠨᠠᠶᠢᠬᠢᠨ ᠲᠡᠭᠦᠨ ᠢ ᠭᠤᠤᠯᠳᠠᠭᠤ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤᠷ ᠱᠦᠯᠦ ᠪᠤᠯᠭᠠᠨ | ᠬᠠᠳᠠᠭᠠᠯᠠᠵᠦ ᠢᠳᠡᠳᠡᠭ ᠪᠤᠯᠠᠢ᠃ | ᠦᠬᠡᠷ ᠤᠨ ᠮᠢᠬᠠ ᠶᠢ ᠢᠳᠡᠭᠦᠢ ᠳᠤᠷ ᠠᠬᠢᠷᠠᠭᠤᠨ ᠱᠠᠩᠳᠠᠭᠤᠨ ᠪᠦᠬᠡᠳ ᠰᠢᠮᠡ ᠲᠡᠵᠢᠬᠡᠯ ᠲᠡᠭᠦᠯᠳᠡᠷ ᠪᠤᠯᠠᠢ᠃ | ᠢᠯᠠᠩᠭᠤᠶᠠ᠂ ᠭᠤᠨᠠ᠂ ᠲᠦᠨᠵᠢ ᠶᠢᠨ ᠮᠢᠬᠠ ᠠᠨᠤ ᠬᠤᠨᠢᠨ ᠮᠢᠬᠠ ᠰᠢᠭ᠋ ᠵᠦᠬᠡᠯᠡᠨ᠂ ᠪᠤᠭᠤ ᠶᠢᠨ ᠮᠢᠬᠠ ᠰᠢᠭ᠋ | ᠠᠮᠳᠠᠳᠠᠢ ᠪᠦᠯᠦᠬᠡ᠃ ᠦᠬᠡᠷ ᠪᠤᠯᠪᠠᠰᠤ ᠪᠠᠰᠠ ᠨᠢᠬᠡᠨ ᠴᠢᠬᠤᠯᠠ ᠡᠮᠳᠦ ᠠᠮᠢᠳᠠᠨ ᠮᠦᠨ᠃ ᠲᠡᠭᠦᠨ ᠤ ᠪᠡᠶᠡ ᠳᠤᠷ | ᠬᠤᠷᠢᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠨᠠᠶᠢᠷᠠᠭ ᠬᠠᠳᠠᠭᠠᠯᠠᠭᠳᠠᠵᠦ ᠪᠤᠢ ᠬᠡᠮᠡᠨ ︽ᠡᠮᠳᠦ ᠠᠮᠢᠳᠠᠨ︾ ᠳᠤᠷ ᠦᠭᠦᠯᠡᠵᠤᠭᠦᠢ᠃ | ᠦᠬᠡᠷ ᠤᠨ ᠦᠬᠡᠭᠦ᠂ ᠮᠢᠬᠠ᠂ ᠴᠢᠮᠤᠬᠡ᠂ ᠲᠠᠷᠢᠬᠢ᠂ ᠬᠤᠳᠤᠭᠠᠳᠦ᠂ ᠶᠠᠰᠤ᠂ ᠲᠤᠭᠤᠷᠠᠢ᠂ ᠰᠦ᠂ ᠴᠢᠰᠦ᠂ | ᠰᠦᠰᠦ᠂ ᠡᠪᠡᠷ᠂ ᠰᠢᠬᠡᠰᠦ᠂ ᠪᠠᠭᠠᠰᠦ᠂ ᠲᠠᠯᠢᠭᠦᠦ᠂ ᠪᠦᠬᠡᠷᠡ᠂ ᠰᠡᠷᠬᠢᠨᠠᠭ ᠵᠡᠷᠬᠡ ᠴᠦᠮ ᠡᠮ ᠳᠤᠷ ᠤᠷᠤᠮᠤᠢ᠃ | ᠢᠯᠡᠩᠭᠤᠶᠠ ᠵᠠᠷᠢᠮ ᠦᠬᠡᠷ ᠤᠨ ᠪᠡᠶᠡ ᠳᠤᠷ ︽ᠬᠢᠸᠠᠩ︾ ᠬᠡᠮᠡᠭᠦ ᠬᠤᠪᠤᠷ ᠴᠤᠬᠠᠭ ᠡᠮ ᠪᠤᠯᠪᠠᠰᠤᠷᠡᠳᠠᠭ ᠪᠤᠯᠠᠢ᠃ | ᠠᠮᠢᠳᠤᠷᠠᠯ ᠤᠨ ᠲᠤᠷᠰᠢᠯᠭᠠ ᠠᠴᠠ ᠦᠵᠡᠪᠡᠰᠦ᠂ ᠦᠬᠡᠷ ᠤᠨ ᠠᠭᠤᠰᠬᠢ ᠶᠢ ᠠᠨᠤ ᠴᠢᠨᠠᠵᠦ ᠢᠳᠡᠭᠦᠢ ᠶᠢᠨ | ᠵᠡᠷᠬᠡᠴᠡᠭᠡ ᠪᠠᠷ ᠱᠦᠯᠦ ᠶᠢ ᠢᠨᠦ ᠤᠤᠭᠤᠪᠠᠰᠦ ᠠᠭᠤᠰᠬᠢ ᠶᠢᠨ ᠬᠠᠨᠢᠶᠠᠳᠦ ᠶᠢ ᠵᠠᠰᠤᠮᠤᠢ᠃ ᠦᠬᠡᠷ ᠤᠨ ᠦᠯᠦᠨ | ᠬᠡᠳᠡᠰᠦ ᠶᠢ ᠢᠨᠦ ᠴᠢᠨᠠᠵᠦ ᠢᠳᠡᠪᠡᠰᠦ ᠱᠠᠮᠪᠠᠷᠠᠮ ᠤᠨ ᠯᠡᠪᠡᠷᠬᠡᠢ ᠶᠢ ᠠᠨᠠᠭᠠᠮᠤᠢ᠃ ᠦᠬᠡᠷ ᠤᠨ ᠴᠢᠰᠦ ᠶᠢ ᠬᠠᠭᠠᠷᠢᠵᠦ | ᠢᠳᠡᠪᠡᠰᠦ ᠰᠠᠭᠤᠯᠭᠠᠬᠤᠢ ᠶᠢ ᠵᠤᠭᠰᠤᠭᠠᠮᠤᠢ᠂ ᠴᠢᠮᠦᠬᠡ ᠢᠨᠦ ᠲᠤᠰᠤᠯ ᠢ ᠨᠦᠭᠦᠪᠦᠷᠢᠯᠡᠵᠦ᠂ ᠠᠭᠤᠰᠬᠢ ᠶᠢ | ᠵᠦᠬᠡᠯᠡᠷᠡᠭᠦᠯᠵᠦ ᠲᠠᠯᠢᠭᠦᠦ ᠶᠢᠨ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠤᠮᠤᠢ᠃ ᠬᠤᠳᠤᠭᠠᠳᠦ ᠠᠨᠤ ᠲᠠᠪᠤᠨ ᠴᠤᠯᠤ ᠶᠢ ᠲᠡᠭᠰᠢᠯᠡᠨ᠂ | ᠶᠠᠰᠤ ᠠᠨᠤ ᠬᠠᠮᠠᠷ ᠤᠨ ᠶᠡᠷᠡ ᠶᠢ ᠵᠠᠰᠠᠵᠦ᠂ ᠲᠤᠭᠤᠷᠠᠢ ᠠᠨᠤ ᠡᠮᠡᠭᠳᠡᠢ ᠶᠢᠨ ᠤᠯᠠᠭᠠᠨ ᠴᠠᠭᠠᠨ ᠢᠶᠠᠷ ᠪᠠᠭᠤᠯᠭᠠᠬᠤ ᠶᠢ | ᠵᠠᠰᠠᠵᠦ᠂ ᠰᠦᠰᠦ ᠢᠨᠦ ᠰᠢᠷᠠ ᠡᠪᠡᠳᠴᠢᠨ᠂ ᠪᠤᠭᠤᠮᠠ ᠬᠠᠪᠤᠳᠠᠷ ᠢ ᠵᠠᠰᠠᠵᠦ ᠡᠪᠡᠷ ᠤᠨ ᠬᠢᠷᠪᠤᠰᠦ ᠠᠨᠤ ᠡᠯᠢᠬᠡᠨ ᠤ | ᠬᠠᠯᠠᠭᠤᠨ ᠢ ᠠᠷᠢᠯᠭᠠᠵᠦ ᠴᠢᠳᠠᠮᠤᠢ᠃ | ᠦᠬᠡᠷ ᠤᠨ ᠰᠢᠭᠦᠰᠦᠨ ᠳᠤᠷ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠨᠢᠬᠡᠨ ᠢᠨᠦ ᠪᠦᠭᠦᠯᠢ ᠰᠢᠭᠦᠰᠦᠨ᠂ ᠨᠦᠭᠦᠬᠡ ᠢᠨᠦ | ᠡᠪᠴᠢᠭᠦᠦ ᠶᠢᠨ ᠪᠦᠳᠦᠷᠬᠡᠢ᠂ ᠲᠤᠤᠬᠠ ᠨᠢᠷᠤᠭᠤ᠂ ᠬᠡᠯᠡᠨ ᠤ ᠦᠵᠦᠭᠦᠷ᠂ ᠵᠢᠷᠦᠬᠡᠨ ᠤᠷᠤᠢ᠂ ᠰᠡᠬᠡᠷ᠂ ᠠᠮᠠᠨ | ᠭᠦᠵᠦᠭᠦᠦ᠂ ᠬᠠᠪᠢᠰᠤᠨ ᠲᠤᠯᠤᠭᠠᠢ ᠵᠡᠷᠬᠡ ᠶᠢ ᠲᠠᠯᠪᠢᠳᠠᠭ ᠢ ᠬᠡᠯᠡᠮᠤᠢ᠃ ᠬᠡᠳᠡᠯᠡ ᠭᠠᠵᠠᠷ ᠤᠷᠤᠨ ᠤ ᠵᠠᠩ ᠵᠠᠩᠰᠢᠯ | ᠠᠳᠠᠯᠢ ᠦᠬᠡᠢ ᠠᠴᠠ ᠪᠤᠯᠵᠦ ᠦᠬᠡᠷ ᠤᠨ ᠰᠢᠭᠦᠰᠦᠨ ᠢ ᠠᠳᠠᠯᠢ ᠪᠤᠰᠤ ᠪᠠᠷ ᠲᠠᠪᠭᠯᠠᠳᠠᠭ ᠪᠤᠯᠠᠢ᠃ ᠵᠢᠴᠢ ᠦᠬᠡᠷ | ᠤᠨ ᠮᠢᠬᠠ᠂ ᠬᠡᠳᠡᠰᠦ ᠲᠤᠳᠤᠷ᠂ ᠲᠠᠪᠤᠨ ᠴᠤᠯᠤ ᠪᠠᠷ ᠶᠠᠩᠵᠦ ᠪᠦᠷᠢ ᠶᠢᠨ ᠲᠡᠪᠡᠰᠢ ᠭᠠᠷᠭᠠᠵᠦ ᠢᠳᠡᠳᠡᠭ ᠪᠤᠯᠠᠢ᠃ | ᠪᠦᠭᠦᠯᠢ ᠦᠬᠡᠷ ᠤᠨ ᠰᠢᠭᠦᠰᠦᠨ ᠢ ᠲᠠᠪᠠᠭᠯᠠᠬᠤ ᠠᠨᠤ ᠬᠤᠨᠢᠨ ᠰᠢᠭᠦᠰᠦ ᠲᠠᠢ ᠠᠳᠠᠯᠢ ᠶᠤᠰᠤᠨ ᠪᠤᠯᠠᠢ᠃ | ᠦᠬᠡᠷ ᠢ ᠨᠢᠳᠤᠯᠬᠤ ᠠᠷᠭᠠ ᠠᠨᠤ ᠬᠡᠳᠦᠨ ᠵᠦᠢᠯ ᠪᠤᠢ᠃ ᠪᠠᠷᠠᠭᠤᠨ ᠤᠷᠤᠨᠠ ᠠᠯᠠᠱᠠᠨ ᠵᠡᠷᠬᠡ ᠶᠢᠨ ᠨᠤᠳᠤᠭ | ᠲᠤᠷ ᠠᠮᠠᠨ ᠭᠦᠵᠦᠭᠦᠦ ᠪᠤᠯᠤᠨ ᠲᠤᠯᠤᠭᠠᠢ ᠶᠢᠨ ᠠᠭᠤᠯᠵᠠᠭᠤᠷ ᠤᠨ ᠦᠶᠡ ᠲᠤᠮᠳᠠᠭᠤᠷ ᠠᠨᠤ ᠬᠢᠳᠤᠭᠠᠯᠠᠵᠦ | ᠨᠤᠭᠤᠰᠦ ᠶᠢ ᠠᠨᠤ ᠲᠠᠰᠤᠯᠠᠵᠦ ᠠᠯᠠᠳᠠᠭ᠃ ᠵᠡᠭᠦᠨ ᠤᠷᠤᠨ ᠳᠤᠷ ᠦᠷᠦᠴᠠᠯᠠᠨ ᠠᠯᠠᠬᠤ ᠪᠤᠶᠦ ᠰᠦᠬᠡ ᠪᠠᠷ ᠮᠠᠩᠨᠠᠢ | ᠶᠢᠨ ᠲᠤᠮᠳᠠ ᠠᠨᠤ ᠴᠤᠬᠢᠵᠦ ᠤᠨᠠᠭᠠᠭᠠᠳ ᠦᠷᠦᠴᠡᠯᠡᠵᠦ ᠠᠯᠠᠳᠠᠭ ᠴᠦ ᠪᠤᠢ᠃ | ᠦᠬᠡᠷ ᠢ ᠮᠦᠨ ᠬᠤᠨᠢ ᠮᠠᠳᠦ ᠪᠠᠷ ᠵᠠᠳᠠᠭᠠᠢ ᠪᠤᠶᠦ ᠪᠢᠳᠡᠭᠦᠦ ᠦᠪᠴᠢᠳᠡᠭ ᠪᠤᠯᠠᠢ᠃ ᠡᠪᠳᠡᠭᠦ ᠢᠨᠦ ᠬᠤᠨᠢ | ᠢᠮᠠᠭᠠ ᠡᠪᠳᠡᠭᠦ ᠲᠠᠢ ᠠᠳᠠᠯᠢ ᠲᠡᠶᠢᠮᠦ ᠨᠠᠷᠢᠯᠢᠭ ᠪᠢᠰᠢ ᠪᠤᠯᠪᠠᠴᠦ ᠶᠡᠭᠡ ᠲᠦᠯᠦᠪ ᠲᠡᠭᠡᠨ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ᠃ | ᠤᠷᠢᠳᠡᠪᠡᠷ ᠬᠡᠳᠡᠰᠦ ᠲᠤᠳᠤᠷ ᠴᠤᠯᠤ ᠶᠢ ᠠᠨᠤ ᠠᠪᠴᠦ ᠭᠠᠷᠭᠠᠭᠰᠠᠨ ᠤ ᠰᠡᠭᠦᠯᠡᠷ᠂ ᠬᠠ᠂ ᠭᠤᠶᠠ᠂ ᠤᠭᠤᠴᠠ᠂ | ᠡᠪᠴᠢᠭᠦᠦ᠂ ᠭᠦᠵᠦᠭᠦᠦ᠂ ᠰᠡᠬᠡᠷ ᠬᠡᠭᠦ ᠮᠠᠳᠦ ᠪᠠᠷ ᠵᠢᠷᠭᠤᠭᠠᠨ ᠮᠦᠴᠡ ᠨᠠᠢᠮᠠᠨ ᠬᠡᠰᠡᠭ ᠲᠤᠷ ᠦᠶᠡ ᠦᠶᠡ ᠪᠠᠷ | ᠦᠶᠡᠯᠡᠨ ᠰᠠᠯᠭᠠᠵᠦ ᠠᠪᠳᠠᠭ ᠪᠤᠯᠠᠢ᠃ | ᠮᠠᠨ ᠤ ᠤᠷᠤᠨᠠ᠂ ᠡᠷᠳᠠ ᠲᠡᠬᠡᠳᠦ ᠠᠴᠠ ᠠᠪᠤᠭᠠᠳ ᠦᠬᠡᠷ ᠤᠨ ᠪᠦᠭᠦᠯᠢ ᠰᠢᠭᠦᠰᠦᠨ ᠢ ᠦᠪᠡᠳᠡᠭᠰᠢ ᠶᠡᠭᠡ | ᠬᠤᠷᠢᠮ ᠨᠠᠶᠢᠷ᠂ ᠬᠤᠷᠠᠯ ᠴᠢᠭᠤᠯᠭᠠᠨ ᠳᠤᠷ ᠲᠡᠷᠢᠭᠦᠨ ᠢᠳᠡᠬᠡᠨ ᠪᠤᠯᠭᠠᠨ ᠵᠠᠷᠤᠳᠠᠭ ᠪᠤᠯᠪᠠᠴᠦ ᠭᠤᠤᠯᠳᠠᠭᠤ ᠬᠤᠪᠢ | ᠡᠷᠦᠬᠡ ᠡᠪᠤᠯ ᠤᠨ ᠢᠳᠡᠰᠢ ᠪᠤᠯᠭᠠᠨ ᠬᠠᠳᠠᠭᠠᠯᠠᠨ᠂ ᠪᠠᠶᠢᠨ ᠪᠠᠶᠢᠨ ᠱᠦᠯᠦ ᠪᠤᠯᠭᠠᠨ ᠢᠳᠡᠳᠡᠭ ᠲᠤᠯᠠ ᠦᠬᠡᠷ ᠤᠨ | ᠰᠢᠭᠦᠰᠦ ᠶᠢ ᠬᠠᠳᠠᠭᠠᠯᠠᠬᠤ ᠪᠤᠶᠦ ᠵᠠᠶᠢᠳᠠᠰᠤᠯᠠᠬᠤ ᠶᠢ ᠶᠡᠭᠡ ᠡᠷᠬᠢᠮᠯᠡᠳᠡᠭ ᠪᠤᠯᠠᠢ᠃ ᠡᠶᠢᠮᠦ ᠠᠴᠠ ᠲᠤᠤᠷᠠ ᠪᠢᠳᠠ | ᠦᠬᠡᠷ ᠤᠨ ᠵᠠᠶᠢᠳᠠᠰᠦ ᠬᠢᠬᠡᠳ ᠦᠬᠡᠷ ᠤᠨ ᠮᠢᠬᠠ ᠶᠢ ᠬᠠᠳᠠᠭᠠᠯᠠᠬᠤ᠂ ᠵᠢᠴᠢ ᠲᠡᠭᠦᠨ ᠢ ᠬᠡᠷᠬᠢᠨ ᠬᠡᠰᠡᠭ ᠬᠡᠰᠡᠭ ᠢᠶᠠᠷ | ᠪᠤᠯᠪᠠᠰᠤᠷᠠᠭᠤᠯᠵᠦ ᠢᠳᠡᠳᠡᠭ ᠲᠤᠬᠠᠢ ᠶᠠᠷᠢᠰᠤᠭᠠᠢ᠃ |