| ᠲᠡᠮᠡᠭᠡ ᠪᠤᠯᠪᠠᠰᠤ ᠮᠠᠨ ᠤ ᠮᠤᠩᠭᠤᠯ ᠤᠷᠤᠨ ᠳᠤᠷ ︽ᠮᠠᠩᠬᠠᠨ ᠭᠠᠵᠠᠷ ᠤᠨ ᠤᠩᠭᠤᠴᠠ᠂ ᠮᠠᠯᠵᠢᠬᠤ ᠤᠷᠤᠨ ᠤ | ᠵᠠᠭᠠᠨ︾ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠪᠤᠯᠠᠢ᠃ ᠲᠡᠷᠡ ᠪᠠᠷ ᠪᠡᠶᠡ ᠪᠢᠯᠳᠠᠷ ᠶᠡᠭᠡ᠂ ᠭᠦᠴᠦᠨ ᠴᠢᠳᠠᠯ ᠢᠶᠠᠷ ᠰᠠᠶᠢᠨ | ᠠᠪᠤᠷᠭᠤ ᠠᠮᠢᠳᠠᠨ ᠲᠤᠯᠠ ᠮᠠᠨᠠᠶᠢᠬᠢᠨ ᠲᠡᠭᠦᠨ ᠢ ᠡᠯᠡᠰᠦᠨ ᠭᠤᠪᠢ ᠶᠢᠨ ᠠᠶᠠᠨ ᠤ ᠴᠢᠬᠤᠯᠠ ᠭᠦᠰᠬᠡ ᠪᠤᠯᠭᠠᠳᠠᠭ | ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠲᠡᠭᠦᠨ ᠤ ᠤᠩᠭᠠᠰᠦ ᠨᠤᠤᠰᠦ ᠶᠢ ᠠᠨᠤ ᠡᠳ᠋ᠯᠡᠵᠦ᠂ ᠠᠷᠠᠰᠦ ᠪᠠᠷ ᠠᠨᠤ ᠰᠤᠷ ᠲᠠᠳᠠᠯᠭᠠ | ᠬᠢᠵᠦ ᠮᠢᠬᠠ ᠶᠢ ᠠᠨᠤ ᠶᠠᠩᠵᠦ ᠪᠦᠷᠢ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠨ ᠤᠯᠤᠰ ᠤᠨ ᠵᠤᠴᠢᠨ ᠢ ᠲᠠᠶᠢᠯᠠᠬᠤ ᠲᠡᠬᠡᠳᠦ ᠵᠡᠷᠬᠡ | ᠶᠢᠨ ᠰᠢᠷᠡᠬᠡᠨ ᠳᠤᠷ ᠤᠷᠤᠭᠤᠯᠳᠠᠭ ᠪᠤᠯᠠᠢ᠃ | ᠲᠡᠮᠡᠬᠡᠨ ᠠᠴᠠ ᠲᠠᠪᠤᠨ ᠵᠠᠭᠤ ᠠᠴᠠ ᠮᠢᠩᠭᠠᠭᠠᠳ ᠵᠢᠩ ᠮᠢᠬᠠ ᠭᠠᠷᠳᠠᠭ ᠠᠵᠤᠭᠤ᠃ ᠲᠡᠮᠡᠬᠡᠨ ᠮᠢᠬᠠ ᠶᠢ ᠴᠠᠭ | ᠲᠤᠳᠤᠮ ᠬᠡᠮ ᠦᠬᠡᠢ ᠲᠤᠷᠠᠪᠠᠷ ᠢᠳᠡᠪᠡᠰᠦ ᠴᠡᠬᠡᠵᠢ ᠲᠦᠭᠦᠷᠭᠦ ᠮᠠᠰᠢᠭᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠴᠢᠳᠠᠯ ᠲᠠᠢ ᠬᠡᠮᠡᠨ | ︽ᠡᠮᠳᠦ ᠠᠮᠢᠳᠠᠨ︾ ᠳᠤᠷ ᠦᠭᠦᠯᠡᠵᠦᠭᠦᠢ᠃ ᠲᠡᠮᠡᠬᠡᠨ ᠶᠡᠰᠦ ᠠᠨᠤ ᠰᠢᠬᠡᠰᠦ ᠬᠠᠭᠠᠭᠳᠠᠭᠰᠠᠨ ᠢ ᠵᠠᠰᠠᠵᠦ᠂ ᠪᠤᠳᠤᠭᠤ | ᠶᠢᠨ ᠰᠢᠨᠡ ᠮᠢᠬᠠ ᠰᠢᠷᠠ ᠠᠴᠠ ᠤᠯᠤᠭᠰᠠᠨ ᠰᠤᠯᠢᠶᠡ ᠡᠪᠡᠳᠴᠢᠨ ᠢ ᠵᠠᠰᠠᠮᠤᠢ᠃ ᠢᠯᠠᠩᠭᠤᠶᠠ ᠬᠠᠪᠳᠠᠭᠠᠢ ︵ᠵᠡᠷᠯᠢᠭ | ᠲᠡᠮᠡᠭᠡ︶ ᠶᠢᠨ ᠲᠤᠰᠤ ᠶᠢ ᠬᠠᠭᠠᠰ ᠬᠠᠯᠪᠠᠭᠠ ᠰᠢᠷᠭᠠᠭᠠᠭᠠᠳ᠂ ᠲᠠᠪᠤᠨ ᠭᠷᠠᠮ ᠤᠰᠤ ᠪᠠᠷ ᠲᠠᠷᠤᠭᠤᠯᠵᠦ ᠦᠯᠦᠨ | ᠢᠶᠠᠷ ᠤᠤᠭᠤᠪᠠᠰᠦ ᠨᠠᠰᠤᠳᠠᠢ ᠭᠦᠮᠦᠨ ᠤ ᠭᠦᠯ ᠭᠠᠷ ᠮᠢᠨᠴᠦᠭᠦᠷᠡᠭᠦ ᠡᠮᠵᠢᠭ ᠢ ᠠᠯᠳᠠᠷᠠᠭᠠᠮᠤᠢ ᠬᠡᠮᠡᠨ ︽ᠡᠮᠳᠦ | ᠠᠮᠢᠳᠠᠨ︾ ᠳᠤᠷ ᠲᠡᠮᠳᠡᠭᠯᠡᠵᠤᠭᠦᠢ᠃ | ᠮᠠᠨᠠᠶᠢᠬᠢᠨ ᠲᠡᠮᠡᠬᠡᠨ ᠮᠢᠬᠠ ᠶᠢ ᠶᠠᠩᠵᠦ ᠪᠦᠷᠢ ᠪᠠᠷ ᠬᠠᠭᠤᠷᠴᠦ᠂ ᠬᠠᠭᠠᠷᠢᠵᠦ᠂ ᠪᠤᠯᠭᠤᠵᠦ ᠢᠳᠡᠭᠦ ᠪᠤᠶᠦ | ᠪᠠᠩᠰᠢ ᠪᠤᠤᠵᠠ ᠬᠢᠵᠦ ᠢᠳᠡᠳᠡᠭ ᠠᠴᠠ ᠭᠠᠳᠠᠨᠠ᠂ ᠲᠡᠮᠡᠬᠡᠨ ᠪᠦᠭᠦ᠂ ᠲᠡᠮᠡᠬᠡᠨ ᠲᠠᠪᠠᠭ᠂ ᠲᠡᠮᠡᠬᠡᠨ ᠰᠢᠯᠢ᠂ ᠲᠡᠮᠡᠬᠡᠨ | ᠰᠡᠭᠦᠯ᠂ ᠲᠡᠮᠡᠬᠡᠨ ᠭᠦᠵᠡᠭᠡ᠂ ᠲᠡᠮᠡᠬᠡᠨ ᠦᠬᠡᠭᠦ ᠵᠡᠷᠬᠡ ᠶᠢ ᠶᠠᠩᠵᠦ ᠪᠦᠷᠢ ᠶᠢᠨ ᠠᠷᠭᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠵᠦ | ᠲᠡᠬᠡᠳᠦ ᠵᠡᠷᠬᠡ ᠶᠢᠨ ᠨᠡᠷᠡᠳᠦ ᠵᠠᠭᠤᠰᠢ ᠪᠤᠯᠭᠠᠨ ᠢᠳᠡᠳᠡᠭ ᠪᠤᠯᠠᠢ᠃ | ᠲᠡᠮᠡᠬᠡᠨ ᠪᠦᠭᠦ᠄ ᠲᠡᠮᠡᠬᠡᠨ ᠪᠦᠭᠦ ᠪᠤᠯᠪᠠᠰᠤ ᠪᠤᠰᠤᠳ ᠮᠠᠯ ᠤᠨ ᠡᠪᠴᠢᠭᠦᠨ ᠤ ᠬᠡᠷᠰᠡᠩ ᠰᠢᠭ ᠦᠬᠡᠭᠦᠯᠢᠭ ᠢᠶᠠᠷ | ᠪᠦᠷᠢᠯᠳᠦᠭᠰᠡᠨ ᠪᠦᠬᠡᠳ ᠪᠦᠭᠦ ᠲᠤᠰᠪᠦᠷᠢ 30 — 50 ᠵᠢᠩ ᠭᠦᠨᠳᠦ ᠪᠠᠶᠢᠳᠠᠭ ᠠᠵᠠᠢ᠃ ᠲᠡᠮᠡᠬᠡᠨ ᠪᠦᠭᠦ | ᠬᠡᠳᠦᠶᠢᠪᠡᠷ ᠦᠬᠡᠭᠦᠯᠢᠭ ᠪᠤᠯᠪᠠᠴᠦ ᠢᠳᠡᠭᠦᠢ ᠳᠤᠷ ᠱᠠᠩᠳᠠᠭᠤᠨ ᠦᠬᠡᠢ ᠲᠤᠯᠠ ᠲᠡᠭᠦᠨ ᠢ ᠨᠢᠮᠬᠡᠨ ᠬᠠᠪᠢᠰᠤᠯᠠᠨ | ᠬᠡᠷᠴᠢᠵᠦ ᠪᠤᠴᠠᠯᠭᠠᠭᠠᠳ ᠲᠤᠰᠤᠨ ᠳᠤᠷ ᠪᠤᠯᠭᠤᠵᠦ ᠠᠪᠤᠭᠠᠳ ᠲᠡᠬᠡᠷᠡ ᠢᠨᠦ ᠴᠠᠭᠠᠨ ᠰᠢᠬᠢᠷ ᠬᠢᠵᠦ ᠲᠡᠪᠰᠢᠯᠡᠨ | ᠢᠳᠡᠪᠡᠰᠦ ᠶᠡᠬᠡᠳᠠ ᠠᠮᠳᠠᠳᠠᠢ ᠪᠤᠯᠠᠢ᠃ ᠮᠦᠨ ᠨᠠᠷᠢᠨ ᠤᠷᠳᠤᠯᠵᠢᠨ ᠬᠡᠷᠴᠢᠬᠡᠳ ᠡᠪᠤᠯ ᠤᠨ ᠴᠠᠭ ᠲᠤᠷ ᠰᠤᠶᠤᠭᠠ ︵ | ᠰᠦᠶᠡ︶᠂ ᠦᠨᠳᠡᠬᠡᠨ ᠴᠠᠭᠠᠨ ᠬᠤᠯᠢᠵᠦ᠂ ᠪᠡᠯᠡᠩ ᠤᠨ ᠲᠤᠰᠤᠨ ᠳᠤᠷ ᠬᠠᠭᠠᠷᠢᠵᠦ ᠢᠳᠡᠪᠡᠰᠦ ᠵᠤᠬᠢᠮᠵᠢᠳᠠᠢ | ᠪᠠᠶᠢᠳᠠᠭ ᠪᠤᠯᠠᠢ᠃ ᠲᠡᠮᠡᠬᠡᠨ ᠪᠦᠭᠦ ᠶᠢ ᠪᠠᠰᠠ ᠪᠤᠴᠠᠯᠤᠭᠰᠠᠨ ᠲᠤᠰᠤᠨ ᠳᠤᠷ ᠪᠤᠯᠭᠤᠭᠠᠳ ᠬᠠᠯᠠᠭᠤᠨ ᠲᠤᠭᠤᠭᠠᠨ ᠤ | ᠰᠦᠪᠡᠭᠡ ︵ᠬᠡᠬᠡᠰᠦ︶ ᠳᠤᠷ ᠤᠷᠤᠭᠤᠯᠳᠠᠭ ᠠᠵᠤᠭᠤ᠃ ᠵᠢᠴᠢ ᠲᠡᠮᠡᠬᠡᠨ ᠪᠦᠭᠦ ᠪᠠᠷ ᠪᠠᠩᠰᠢ ᠪᠤᠤᠵᠠ ᠬᠢᠵᠦ | ᠢᠳᠡᠪᠡᠰᠦ ᠲᠤᠰᠤᠨ ᠠᠨᠤ ᠬᠡᠳᠦᠶᠢᠪᠡᠷ ᠭᠤᠯᠢᠷ ᠢ ᠨᠡᠪᠴᠢᠳᠡᠭ ᠪᠤᠯᠪᠠᠴᠦ ᠢᠳᠡᠭᠦᠢ ᠳᠤᠷ ᠠᠮᠳᠠ ᠠᠨᠤ ᠲᠠᠳᠤᠢ | ᠱᠠᠩᠳᠠᠭᠤᠨ ᠦᠬᠡᠢ ᠪᠤᠯᠠᠢ᠃ | ᠲᠡᠮᠡᠬᠡᠨ ᠲᠠᠪᠠᠭ ︵ᠲᠠᠪᠠᠭ᠋ᠠᠢ︶᠄ ᠲᠡᠮᠡᠬᠡᠨ ᠤ ᠲᠠᠪᠠᠭ᠋ᠠᠢ ᠶᠢᠨ ᠦᠬᠡᠭᠦᠯᠢᠭ ᠮᠢᠬᠠ ᠠᠨᠤ ᠢᠮᠠᠬᠤ ᠢᠯᠡᠭᠦᠦ | ᠵᠤᠵᠠᠭᠠᠨ ᠪᠠᠶᠢᠳᠠᠭ ᠪᠦᠬᠡᠳ ᠪᠠᠷᠤᠭ ᠲᠠᠪᠠᠭ᠋ᠠᠢ ᠳᠤᠷ 15 —20 ᠺᠦᠪ ᠰᠡᠠᠲ᠋ᠢᠮᠧᠲᠷ ᠮᠢᠬᠠ ᠪᠠᠶᠢᠳᠠᠭ ᠠᠵᠤᠭᠤ᠃ | ᠲᠡᠮᠡᠬᠡᠨ ᠲᠠᠪᠠᠭ᠋ᠠᠢ ᠶᠢᠨ ᠵᠠᠭᠤᠰᠢ ᠠᠨᠤ ᠦᠳᠡᠭᠡ ︵ᠪᠠᠭᠠᠪᠠᠭᠠᠢ︶ ᠶᠢᠨ ᠵᠠᠭᠤᠰᠢ ᠲᠠᠢ ᠲᠡᠩᠴᠡᠭᠦ ᠦᠨᠦᠷ ᠠᠮᠳᠠᠳᠠᠢ | ᠲᠤᠯᠠ ᠡᠭᠦᠨ ᠢ ᠤᠯᠤᠰ ᠤᠨ ᠲᠡᠬᠡᠳᠦ ᠵᠡᠷᠬᠡ ᠶᠢᠨ ᠲᠠᠶᠢᠯᠠᠯᠭᠠ ᠶᠢᠨ ᠰᠢᠷᠡᠬᠡᠨ ᠳᠤᠷ ᠤᠷᠤᠭᠤᠯᠳᠠᠭ ᠪᠤᠯᠠᠢ᠃ | ᠲᠡᠮᠡᠬᠡᠨ ᠰᠢᠯᠢ᠄ ᠲᠡᠮᠡᠬᠡᠨ ᠤ ᠲᠠᠬᠢᠯ ᠤᠨ ᠰᠢᠯᠢ ︵ᠰᠢᠷᠪᠤᠰᠤᠨ︶ ᠠᠴᠠ ᠵᠤ ᠶᠢᠨ ᠰᠢᠷᠪᠤᠰᠦ ᠭᠦᠷᠳᠡᠯᠡᠬᠢ 6 | —8 ᠲᠤᠬᠤᠢ ᠤᠷᠳᠦ ᠬᠤᠶᠠᠷ ᠢᠮᠠᠬᠤ ᠦᠷᠬᠡᠨ᠂ ᠨᠢᠬᠡᠨ ᠢᠮᠠᠬᠤ ᠰᠢᠬᠠᠮ ᠵᠤᠵᠠᠭᠠᠨ ᠰᠢᠷᠪᠤᠰᠦ ᠶᠢ ᠠᠪᠤᠭᠠᠳ | ᠴᠠᠭᠠᠯᠠᠵᠦ ᠨᠤᠯᠳᠠ ᠴᠢᠨᠠᠵᠦ ᠬᠡᠷᠴᠢᠬᠡᠳ ᠦᠨᠦᠷ ᠠᠮᠳᠠᠳᠠᠨ ᠢ ᠬᠠᠴᠢᠷᠯᠠᠨ ᠬᠠᠭᠤᠷᠪᠠᠯ ᠨᠢᠬᠡᠨ ᠵᠦᠢᠯ ᠤᠨ ᠠᠮᠳᠠᠳᠠᠢ | ᠵᠠᠭᠤᠰᠢ ᠪᠤᠯᠳᠠᠭ ᠪᠦᠯᠦᠬᠡ᠃ ᠲᠡᠮᠡᠬᠡᠨ ᠰᠢᠷᠪᠤᠰᠦ ᠶᠢ ᠴᠢᠨᠠᠵᠦ ᠢᠳᠡᠪᠡᠰᠦ ᠭᠦᠴᠦᠨ ᠲᠠᠮᠢᠷ ᠨᠡᠮᠡᠭᠳᠡᠵᠦ᠂ ᠬᠡᠵᠢᠬᠡ | ᠦᠰᠦᠨ ᠦᠩᠬᠡᠳᠠᠢ ᠪᠤᠯᠳᠠᠭ ᠪᠤᠯᠠᠢ᠃ | ᠲᠡᠮᠡᠬᠡᠨ ᠰᠡᠭᠦᠯ᠄ ᠨᠢᠬᠡᠨ ᠲᠤᠬᠤᠢ ᠬᠠᠭᠠᠰ ᠤᠷᠳᠦ᠂ ᠢᠮᠠᠬᠤ ᠵᠤᠵᠠᠭᠠᠨ ᠰᠡᠭᠦᠯ ᠢᠨᠦ ᠬᠤᠨᠢᠨ ᠰᠡᠭᠦᠯ ᠰᠢᠭ | ᠦᠬᠡᠭᠦᠯᠢᠭ᠂ ᠴᠢᠨᠠᠵᠦ ᠢᠳᠡᠭᠦᠢ ᠳᠤᠷ ᠲᠤᠰᠤᠯᠢᠭ᠂ ᠠᠳᠠᠯᠠ ᠪᠠᠨ ᠲᠡᠳᠤᠢ ᠨᠢᠯᠤᠭᠤᠷᠠᠬᠤ ᠦᠬᠡᠢ᠂ ᠤᠨᠴᠠ | ᠱᠠᠩᠳᠠᠭᠤᠨ ᠠᠮᠳᠠᠳᠠᠢ ᠪᠤᠯᠠᠢ᠃ ᠲᠡᠭᠦᠨ ᠢ ᠲᠡᠪᠬᠡᠯᠡᠨ ᠬᠡᠷᠴᠢᠵᠦ᠂ ᠦᠷᠡ ᠶᠢᠨ ᠲᠤᠰᠤᠨᠠ ᠪᠤᠯᠭᠤᠵᠦ᠂ ᠰᠢᠬᠢᠷ ᠤᠨ | ᠵᠦᠢᠯ ᠢᠶᠠᠷ ᠬᠠᠴᠢᠷᠯᠡᠪᠠᠰᠦ ᠨᠢᠬᠡᠨ ᠤᠨᠴᠠ ᠰᠠᠶᠢᠬᠠᠨ ᠠᠮᠳᠠ ᠪᠦᠭᠦᠢ ᠵᠠᠭᠤᠰᠢ ᠪᠤᠯᠳᠠᠭ ᠠᠵᠤᠭᠤ᠃ | ᠲᠡᠮᠡᠬᠡᠨ ᠭᠦᠵᠡᠭᠡ᠄ ᠲᠡᠮᠡᠬᠡᠨ ᠭᠦᠵᠡᠭᠡ ᠪᠤᠯᠪᠠᠰᠦ ᠨᠢᠬᠡᠨ ᠲᠠᠪᠬᠤᠷᠭᠠ ᠬᠤᠵᠢᠷᠬᠠᠢ᠂ ᠨᠢᠬᠡᠨ ᠲᠠᠪᠬᠤᠷᠭᠠ | ᠦᠬᠡᠭᠦ ᠮᠠᠳᠦ ᠪᠠᠷ 4 —5 ᠲᠠᠪᠬᠤᠷ ᠠᠯᠠᠭᠯᠠᠨ ᠲᠠᠪᠬᠤᠴᠠᠵᠦ ᠪᠦᠳᠦᠭᠰᠡᠨ ᠪᠠᠶᠢᠳᠠᠭ ᠠᠵᠤᠭᠤ᠃ ᠡᠭᠦᠨ ᠢ | ᠤᠬᠢᠶᠠᠵᠦ ᠴᠡᠪᠡᠷᠯᠡᠨ ᠴᠢᠨᠠᠵᠦ ᠪᠤᠯᠭᠤᠭᠠᠳ ᠦᠨᠦᠷ ᠠᠮᠳᠠᠳᠠᠨ ᠢ ᠬᠠᠴᠢᠷᠯᠠᠪᠠᠰᠦ ᠠᠮᠳᠠᠳᠠᠢ ᠵᠠᠭᠤᠰᠢ ᠪᠤᠯᠳᠠᠭ ᠪᠤᠯᠠᠢ᠃ | ᠲᠡᠮᠡᠬᠡᠨ ᠤ ᠬᠤᠳᠤᠭᠠᠳᠦ ᠬᠢᠬᠡᠳ ᠭᠦᠵᠡᠭᠡ ᠶᠢ ᠴᠢᠨᠠᠵᠦ ᠢᠳᠡᠪᠠᠰᠦ ᠡᠰᠡ ᠰᠢᠩᠬᠡᠰᠡᠨ ᠬᠤᠤᠷᠠ ᠶᠢ ᠠᠯᠳᠠᠷᠭᠠᠵᠦ | ᠰᠢᠩᠬᠡᠬᠡᠯᠳᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠠᠵᠠᠢ᠃ | ᠲᠡᠮᠡᠬᠡᠨ ᠦᠬᠡᠭᠦ᠄ ᠪᠦᠳᠦᠭᠦᠨ ᠲᠠᠷᠭᠤᠨ ᠲᠡᠮᠡᠬᠡᠨ ᠠᠴᠠ 60 — 70 ᠵᠢᠩ ᠦᠬᠡᠭᠦ ᠭᠠᠷᠤᠮᠤᠢ᠃ ᠬᠤᠮ | ᠦᠬᠡᠭᠦ ᠤᠷᠤᠬᠤ ᠦᠬᠡᠢ ᠪᠠᠷ ᠭᠠᠭᠴᠠ ᠴᠢᠴᠠᠷᠬᠠᠢ ᠠᠴᠠ ᠠᠨᠤ 20 ᠵᠢᠩ ᠦᠬᠡᠭᠦ ᠭᠠᠷᠤᠮᠤᠢ᠃ ᠲᠡᠮᠡᠬᠡᠨ ᠦᠬᠡᠭᠦ | ᠪᠤᠯᠪᠠᠰᠤ ᠪᠤᠷᠤᠨᠩᠬᠤᠢ ᠰᠡᠭᠦᠳᠡᠷ ᠡᠪᠡᠳᠴᠢᠨ᠂ ᠮᠠᠭᠤ ᠶᠠᠷᠠ᠂ ᠬᠤᠤᠷᠳᠦ ᠬᠠᠪᠤᠳᠡᠷ ᠵᠡᠷᠬᠡ ᠶᠢᠨ ᠡᠪᠡᠳᠴᠢᠨ ᠢ | ᠵᠠᠰᠠᠬᠤᠢ ᠳᠤᠷ ᠠᠳᠠᠪᠠᠰᠢ ᠰᠠᠶᠢᠨ ᠲᠤᠯᠠ ᠬᠤᠪᠤᠷ ᠨᠠᠠᠳᠢᠨ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠪᠤᠯᠠᠢ᠃ | ᠡᠭᠦᠠᠴᠠ ᠭᠠᠳᠠᠨᠠ᠂ ᠲᠡᠮᠡᠬᠡᠨ ᠴᠢᠮᠦᠬᠡᠨ ᠲᠤᠰᠤ ᠶᠢ ᠮᠦᠨ ᠢᠳᠡᠳᠡᠭ ᠪᠦᠬᠡᠳ ᠲᠡᠮᠡᠬᠡᠨ ᠤ ᠰᠢᠯᠢᠨ ᠰᠢᠷᠪᠤᠰᠦ | ᠪᠠᠷ ᠰᠤᠷ ᠤᠨ ᠭᠦᠪᠴᠢ ᠬᠢᠵᠦ᠂ ᠲᠡᠭᠦᠨ ᠤ ᠶᠠᠰᠤᠨ ᠢ ᠴᠠᠭᠠ ᠪᠤᠶᠦ ᠰᠦᠨ ᠳᠤᠷ ᠲᠡᠪᠳᠤᠬᠡᠵᠦ ᠬᠠᠯᠪᠠᠭᠠ᠂ | ᠰᠠᠪᠬᠠ᠂ ᠬᠤᠭᠤᠷ ᠤᠨ ᠲᠤᠯᠤᠭᠠᠢ᠂ ᠡᠮᠡᠬᠡᠯ ᠤᠨ ᠬᠢᠷᠠ᠂ ᠬᠢᠳᠦᠭᠠᠨ ᠰᠢᠬᠢᠳᠬᠡᠬᠡᠷ ᠵᠡᠷᠬᠡ ᠶᠢ ᠬᠢᠳᠡᠭ ᠪᠤᠯᠠᠢ᠃ |