| ᠮᠤᠩᠭᠤᠯᠴᠤᠳ ᠠᠵᠦ ᠠᠮᠢᠳᠤᠷᠠᠯ᠂ ᠨᠡᠶᠢᠬᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠲᠤᠮᠳᠠ ᠪᠠᠶᠠᠷ ᠲᠤᠷᠠᠰᠬᠠᠯ᠂ ᠬᠤᠷᠢᠮ ᠨᠠᠶᠢᠷ | ᠲᠤ ᠤᠷᠤᠯᠴᠠᠬᠤ᠂ ᠠᠶᠢᠯᠴᠢᠯᠠᠵᠦ ᠵᠤᠭᠠᠴᠠᠬᠤ ᠳᠠᠭᠠᠨ ᠪᠡᠯᠬᠡᠳᠡᠭᠦ᠂ ᠭᠦᠨᠳᠤᠳᠬᠡᠭᠦ᠂ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠬᠡ ᠪᠠᠨ | ᠢᠯᠡᠳᠬᠡᠵᠦ ᠶᠠᠮᠠᠷ ᠨᠢᠬᠡᠨ ᠶᠠᠭᠤᠮᠠ ᠶᠢ ᠪᠡᠯᠡᠭ ᠪᠤᠯᠭᠠᠵᠦ ᠪᠠᠷᠢᠳᠠᠭ᠃ ︽ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠳᠤᠭ︾ ᠤᠨ | ᠡᠳᠦᠷ ᠤᠨ ᠲᠡᠮᠳᠡᠭᠯᠡᠯ ᠳᠤ ᠠᠶᠢᠯᠴᠢᠯᠠᠵᠦ ᠵᠤᠭᠠᠴᠠᠬᠤ᠂ ᠬᠤᠯᠠ ᠭᠠᠵᠠᠷ ᠠᠴᠠ ᠨᠤᠳᠤᠭ ᠢᠶᠠᠨ ᠡᠷᠬᠢᠨ ᠦᠵᠡᠭᠦ | ᠦᠶᠡᠰ ᠦᠳᠡᠯᠤᠬᠡ ᠨᠠᠰᠤᠳᠠᠨ᠂ ᠡᠴᠢᠬᠡ ᠡᠬᠡ᠂ ᠠᠬᠠ ᠲᠡᠭᠦᠦ᠂ ᠠᠨᠳᠠ ᠨᠠᠶᠢᠵᠠ᠂ ᠠᠴᠢᠳᠦ ᠪᠠᠭᠰᠢ ᠳᠠᠭᠠᠨ ᠪᠡᠯᠡᠭ | ᠰᠠᠯᠳᠠ ᠲᠠᠢ ᠢᠷᠡᠭᠦ ᠲᠤᠬᠠᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠲᠤᠯᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢᠬᠡᠨ ᠤ ᠡᠳᠦᠷ ᠤᠨ | ᠲᠡᠮᠳᠡᠭᠯᠡᠯ ᠳᠤ ︽ᠮᠢᠨᠦ ᠪᠡᠶᠡ ᠡᠨᠡ ᠵᠢᠯ ᠵᠢᠷᠠᠨ ᠨᠢᠬᠡᠨ ᠤ ᠵᠢᠯ ᠤᠷᠤᠬᠤ ᠠᠪᠠᠭᠠ ᠮᠠᠮᠠ ᠶᠢᠨ ᠨᠠᠰᠤᠨ ᠤ ᠪᠠᠶᠠᠷ ᠲᠤᠷ | ᠪᠡᠯᠡᠭ ᠪᠤᠯᠭᠠᠨ ᠡᠷᠭᠦᠭᠦ ᠪᠠᠷ ᠨᠢᠬᠡᠨ ᠰᠠᠶᠢᠬᠠᠨ ᠵᠢᠷᠤᠭᠳᠦ ᠮᠤᠳᠤᠨ ᠫᠢᠯᠡ ᠶᠢ ᠲᠠᠪᠤᠨ ᠲᠦᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠨ | ᠠᠪᠴᠦ᠂ ᠬᠡᠮᠬᠡᠷᠡᠰᠢ ᠦᠬᠡᠢ ᠪᠠᠷ ᠰᠠᠶᠢᠳᠦᠷ ᠪᠤᠭᠤᠯᠭᠠᠪᠠᠢ᠃ ᠨᠦᠭᠦᠷ ᠹᠦᠩ ᠠᠪᠤᠭᠠᠢ ᠮᠢᠨᠤ᠂ ᠪᠠᠰᠠ ᠨᠠᠰᠤᠳᠠᠢ ᠡᠬᠡ | ᠳᠡᠭᠡᠨ ᠬᠠᠷᠢ ᠶᠢᠨ ᠤᠷᠤᠨ ᠠᠴᠠ ᠬᠠᠷᠢᠭᠰᠠᠨ ᠪᠡᠯᠡᠭ ᠪᠤᠯᠭᠠᠨ ᠡᠷᠭᠦᠮᠤᠢ ᠬᠡᠮᠡᠨ ᠨᠢᠬᠡᠨ ᠰᠠᠶᠢᠬᠠᠨ ᠭᠦᠪᠦᠩᠳᠠᠢ | ᠤᠯᠪᠤᠭ ᠬᠤᠳᠠᠯᠳᠤᠨ ᠠᠪᠤᠪᠠᠢ︾ ᠬᠡᠵᠦ ᠲᠡᠮᠳᠡᠭᠯᠡᠵᠦ᠂ ᠦᠳᠡᠯᠦᠬᠡ ᠨᠠᠰᠤᠳᠠᠨ ᠤ ᠨᠠᠰᠤᠨ ᠪᠠᠶᠠᠷ ᠤᠨ ᠨᠠᠶᠢᠷ ᠲᠤ | ᠪᠠᠷᠢᠬᠤ ᠬᠡᠵᠦ ᠪᠡᠯᠡᠳᠬᠡᠭᠰᠡᠨ ᠪᠡᠯᠡᠭ ᠢᠶᠠᠨ ᠲᠤᠭᠠᠴᠢᠪᠠ᠃ ᠲᠤᠯᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠤᠨ | ᠲᠡᠮᠳᠡᠭᠯᠡᠯ ᠳᠤ ︽ᠲᠠᠠᠳᠠᠴᠠ ᠬᠡᠷ ᠲᠤᠷ ᠤᠷᠤᠵᠦ ᠢᠷᠡᠬᠡᠳ ᠡᠨᠡ ᠤᠳᠠᠭᠠ ᠲᠤᠤᠺᠢᠤ᠋ ᠬᠤᠳᠠᠨ ᠠᠴᠠ ᠲᠤᠰᠬᠠᠶᠢᠯᠠᠨ | ᠠᠪᠴᠦ ᠢᠷᠡᠭᠰᠡᠨ ᠶᠡᠭᠡ ᠠᠪᠠᠭᠠ ᠶᠢᠨ ᠵᠢᠷᠠᠨ ᠨᠢᠬᠡᠨ ᠨᠠᠰᠤᠨ ᠰᠡᠭᠦᠳᠡᠷ ᠲᠠᠢ ᠪᠤᠯᠤᠭᠰᠠᠨ ᠨᠠᠰᠤᠨ ᠤ ᠪᠠᠶᠠᠷ ᠤᠨ | ᠪᠡᠯᠡᠭ ᠢᠶᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠡᠷᠭᠦᠭᠦᠶᠡ︾ ᠬᠡᠵᠦ ᠲᠡᠮᠳᠡᠭᠯᠡᠨ ᠶᠡᠭᠡ ᠠᠪᠠᠭᠠ ᠳᠠᠭᠠᠨ ᠪᠡᠯᠡᠭ ᠢᠶᠠᠨ ᠬᠤᠶᠠᠷ | ᠭᠠᠷ ᠢᠶᠠᠷ ᠢᠶᠠᠨ ᠡᠷᠭᠦᠨ ᠶᠤᠰᠤᠴᠢᠯᠠᠨ ᠪᠠᠷᠢᠭᠰᠠᠨ ᠢᠶᠠᠨ ᠲᠤᠳᠤᠷᠬᠠᠶᠢᠯᠠᠭᠰᠠᠨ ᠪᠠᠶᠢᠨᠠ᠃ ᠨᠠᠢᠮᠠᠨ ᠰᠠᠷᠠ ᠶᠢᠨ | ᠬᠤᠷᠢᠨ ᠲᠠᠪᠤᠨ ᠤ ᠡᠳᠦᠷ ᠤᠨ ᠲᠡᠮᠳᠡᠭᠯᠡᠯ ᠳᠤ ︽ᠲᠠᠠᠳᠠᠴᠠ ᠪᠠᠷ ᠠᠪᠤᠭᠠᠢ ᠶᠢᠨ ᠬᠡᠷ ᠲᠤᠷ ᠤᠷᠤᠵᠦ ᠡᠨᠡ ᠤᠳᠠᠭᠠ | ᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠯᠠᠨ ᠪᠠᠭᠰᠢ ᠨᠠᠷ ᠲᠤᠷ ᠠᠪᠴᠦ ᠢᠷᠡᠭᠰᠡᠨ ᠲᠡᠬᠡᠳᠦ ᠡᠪᠦᠭᠡ ᠴᠢᠩᠬᠢᠰ ᠬᠠᠭᠠᠨ ᠤ | ᠲᠦᠷᠢᠳᠦ ᠲᠡᠮᠳᠡᠭ ᠢᠶᠠᠨ ᠤᠯᠠᠨ ᠪᠠᠭᠰᠢ ᠨᠠᠷ ᠲᠤᠷ ᠭᠦᠮᠦᠨ ᠪᠦᠷᠢ ᠨᠢᠵᠡᠬᠡᠳ ᠪᠡᠯᠡᠭᠯᠡᠨ ᠦᠭᠴᠦ᠂ ᠪᠠᠰᠠ | ᠪᠤᠶᠠᠠᠬᠡᠰᠢᠭ ᠨᠦᠭᠦᠷ ᠤᠨ ᠨᠠᠳᠦᠷ ᠵᠢᠷᠤᠵᠦ ᠦᠭᠭᠦᠭᠰᠡᠨ ᠴᠡᠷᠢᠭ ᠤᠨ ᠭᠦᠮᠦᠨ ᠤ ᠲᠦᠷᠰᠦ ᠪᠠᠷ ᠡᠪᠬᠡᠭᠰᠡᠨ ᠮᠤᠩᠭᠤᠯ | ᠢᠶᠠᠨ ᠮᠠᠨᠳᠤᠭᠤᠯᠬᠤ ᠰᠢᠨᠡ ᠵᠠᠯᠠᠭᠤᠰ ᠬᠡᠮᠡᠭᠦ ᠮᠤᠩᠭᠤᠯ ᠦᠰᠦᠭ ᠤᠨ ᠵᠢᠷᠤᠭ ᠢ ᠡᠬᠡ ᠰᠤᠷᠭᠠᠭᠤᠯᠢ ᠳᠤ ᠲᠤᠷᠠᠰᠬᠠᠯ | ᠪᠤᠯᠭᠠᠨ ᠡᠯᠭᠦᠭᠦ ᠪᠠᠷ ᠪᠡᠯᠡᠭᠯᠡᠨ ᠦᠭᠪᠠᠢ︾ ᠬᠡᠵᠦ ᠦᠪᠡᠷ ᠤᠨ ᠠᠴᠢᠳᠦ ᠪᠠᠭᠰᠢ᠂ ᠡᠬᠡ ᠰᠤᠷᠭᠠᠭᠤᠯᠢ ᠳᠠᠭᠠᠨ | ᠨᠠᠠᠳᠢᠨ ᠪᠡᠯᠡᠭ ᠲᠠᠢ ᠢᠷᠡᠭᠰᠡᠨ ᠢᠶᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ︽ᠮᠤᠩᠭᠤᠯ ᠭᠦᠮᠦᠨ ᠪᠡᠯᠬᠡ ᠪᠠᠷ᠂ ᠮᠠᠶᠢᠮᠠᠶᠢᠴᠢᠨ | ᠭᠦᠮᠦᠨ ᠪᠡᠨᠡ ᠪᠠᠷ︾ ᠬᠡᠳᠡᠭᠴᠢᠯᠡᠨ ᠮᠤᠩᠭᠤᠯᠴᠤᠳ ᠠᠶᠢᠯᠴᠢᠯᠠᠵᠦ ᠵᠤᠭᠠᠴᠠᠬᠤ ᠳᠠᠭᠠᠨ ᠠᠬᠠᠮᠠᠳ ᠲᠤᠮᠤᠭᠠᠳᠠᠨ᠂ | ᠠᠨᠳᠠ ᠨᠠᠶᠢᠵᠠ᠂ ᠠᠶᠢᠯ ᠤᠨ ᠬᠡᠤᠬᠡᠳ ᠲᠤ ᠭᠠᠷ ᠪᠡᠯᠡᠭ ᠲᠠᠢ ᠤᠴᠢᠳᠠᠭ᠃ ᠲᠤᠯᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠨᠠᠢᠮᠠᠨ | ᠤ ᠡᠳᠦᠷ ᠤᠨ ᠲᠡᠮᠳᠡᠭᠯᠡᠯ ᠳᠤ ︽ᠵᠤᠴᠢᠨ ᠭᠦᠮᠦᠨ ᠤ ᠠᠪᠴᠦ ᠢᠷᠡᠭᠦ ᠪᠡᠯᠡᠭ ᠢᠨᠦ ᠲᠡᠷᠡ ᠠᠶᠢᠯ ᠤᠨ ᠬᠡᠤᠬᠡᠳ | ᠲᠡᠭᠦᠦ ᠨᠠᠷ ᠲᠤᠷ ᠪᠤᠯᠪᠠᠰᠦ ᠪᠤᠭᠤᠷᠰᠤᠭ ᠲᠦᠬᠡᠬᠡᠨ ᠦᠭᠭᠦ ᠪᠦᠬᠡᠳ ᠲᠤᠮᠤᠭᠠᠳᠠᠨ ᠨᠠᠷ ᠲᠤᠷ ᠪᠤᠯᠪᠠᠰᠤ ᠠᠷᠢᠬᠢ | ᠪᠠᠷᠢᠵᠦ ᠬᠠᠳᠠᠭ ᠪᠡᠯᠡᠭᠯᠡᠭᠦ ᠪᠦᠯᠦᠬᠡ︾ ᠬᠡᠵᠦ ᠬᠡᠤᠬᠡᠳ᠂ ᠲᠤᠮᠤᠭᠠᠳᠠᠨ ᠳᠤ ᠪᠡᠯᠡᠭᠯᠡᠭᠦ ᠪᠡᠯᠡᠭ ᠤᠨ ᠵᠤᠶᠢᠯᠡᠰ ᠢ | ᠲᠡᠮᠳᠡᠭᠯᠡᠪᠡ᠃ ᠪᠡᠯᠡᠭ ᠲᠤᠷᠠᠰᠬᠠᠯ ᠤᠨ ᠵᠦᠢᠯ ᠨᠢ ᠪᠡᠯᠡᠭ ᠭᠦᠯᠢᠶᠡᠭᠦ ᠭᠦᠮᠦᠨ ᠬᠢᠬᠡᠳ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠦᠷ | ᠤᠨ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠦ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠭ᠃ | ᠰᠠᠶᠢᠴᠤᠩᠭᠠ ᠪᠠᠷ ᠦᠨᠳᠦᠰᠦᠳᠠᠨ ᠤ ᠪᠠᠨ ᠤᠯᠠᠮᠵᠢᠯᠠᠯᠳᠦ ᠵᠠᠩ ᠦᠢᠯᠡ ᠶᠢ ᠶᠤᠰᠤᠴᠢᠯᠠᠨ ᠵᠢᠷᠤᠮᠯᠠᠵᠦ᠂ ︽ | ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠳᠤᠭ︾ ᠲᠠᠭᠠᠨ ᠰᠡᠳᠬᠢᠯ ᠪᠠᠭ᠋ᠠᠳᠤᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠡᠳᠡᠬᠡᠷ ᠲᠡᠮᠳᠡᠭᠯᠡᠯ ᠨᠢ | ᠲᠦᠷᠦᠭᠦᠦ ᠵᠠᠭᠤᠨ ᠤ ᠲᠦᠴᠢᠬᠡᠳ ᠤᠨ ᠤ ᠦᠶᠡ ᠶᠢᠨ ᠴᠠᠬᠠᠷ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠵᠠᠩ | ᠦᠢᠯᠡ ᠶᠢᠨ ᠨᠠᠨᠳᠢᠨ ᠮᠠᠲ᠋ᠧᠷᠢᠶᠠᠯ ᠪᠤᠯᠤᠨᠠ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠰᠠᠶᠢᠴᠤᠩᠭᠠ ᠦᠨᠳᠦᠰᠦᠳᠠᠨ ᠤ ᠪᠠᠨ | ᠤᠯᠠᠮᠵᠢᠯᠠᠯᠳᠦ ᠰᠤᠷᠳᠠᠯ ᠶᠤᠰᠤᠨ ᠢᠶᠠᠨ ᠪᠠᠳᠤᠯᠠᠨ ᠰᠠᠬᠢᠵᠦ᠂ ᠤᠯᠠᠮ ᠪᠠᠳᠠᠷᠠᠭᠤᠯᠤᠨ ᠭᠦᠭᠵᠢᠭᠦᠯᠵᠦ᠂ ᠮᠠᠭᠤ | ᠮᠠᠭᠤᠬᠠᠢ ᠨᠠᠵᠠᠭᠠᠢ ᠬᠤᠶᠢᠷᠭᠤ ᠲᠠᠳᠬᠠᠯ ᠢ ᠬᠠᠯᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠬᠡᠷᠡᠭᠳᠡᠢ ᠬᠡᠵᠦ ᠰᠠᠨᠠᠭᠠᠴᠢᠯᠠᠨ ᠤᠷᠢᠶᠠᠯᠠᠭᠰᠠᠨ | ᠪᠠᠶᠢᠨᠠ᠃ |