| ᠰᠤᠯᠢᠶᠡ ᠤᠷᠤᠭ ᠪᠤᠯ ᠡᠷᠳᠡᠨ ᠤ ᠤᠪᠤᠭ ᠤᠨ ᠭᠠᠳᠠᠨᠠ ᠤᠷᠤᠭᠯᠠᠬᠤ ᠶᠤᠰᠤᠨ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠨᠢᠬᠡᠨ | ᠵᠦᠢᠯ ᠤᠨ ᠤᠷᠤᠭ ᠤᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠰᠤᠯᠢᠶᠡ ᠤᠷᠤᠭ ᠬᠡᠳᠡᠭ ᠪᠤᠯ ᠨᠢᠬᠡ ᠠᠶᠢᠯ ᠤᠨ ᠬᠡᠤᠬᠡᠨ ᠢᠶᠠᠨ | ᠨᠦᠭᠦᠬᠡ ᠠᠶᠢᠯ ᠤᠨ ᠭᠦᠦ ᠳᠤ ᠪᠡᠷᠢ ᠪᠤᠯᠭᠠᠨ ᠦᠭᠭᠦ ᠶᠢᠨ ᠬᠠᠮᠳᠦ᠂ ᠲᠡᠷᠡ ᠠᠶᠢᠯ ᠤᠨ ᠬᠡᠤᠬᠡᠨ ᠢ ᠨᠢ ᠦᠪᠡᠷ ᠤᠨ | ᠭᠦᠦ ᠳᠡᠭᠡᠨ ᠪᠡᠷᠢ ᠪᠤᠯᠭᠠᠨ ᠠᠪᠬᠤ ᠤᠷᠤᠭ ᠤᠨ ᠬᠡᠯᠪᠡᠷᠢ ᠶᠤᠮ᠃ ᠰᠤᠯᠢᠶᠡ ᠤᠷᠤᠭ ᠢᠶᠠᠷ ᠲᠠᠮᠵᠢᠨ ᠬᠤᠶᠠᠷ ᠤᠪᠤᠭ | ᠲᠦᠷᠦᠯ ᠨᠢ ᠬᠤᠯᠪᠤᠭᠠᠨ ᠤ ᠤᠪᠤᠭ ᠲᠦᠷᠦᠯ ᠪᠤᠯᠵᠦ᠂ ᠤᠯᠤᠰ ᠲᠦᠷᠦ᠂ ᠠᠵᠦ ᠠᠬᠤᠢ ᠶᠢᠨ ᠲᠠᠯᠠ ᠪᠠᠷ ᠭᠦᠴᠦᠨ | ᠬᠤᠯᠪᠤᠭᠠᠯᠠᠨ᠂ ᠦᠪᠡᠷ ᠤᠨ ᠠᠰᠢᠭ ᠲᠤᠰᠠ ᠳᠠᠭᠠᠨ ᠦᠢᠯᠡᠴᠢᠯᠡᠵᠦ ᠪᠠᠶᠢᠪᠠ᠃ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠪᠤᠭ | ᠤᠨ ᠭᠠᠳᠠᠨᠠ ᠤᠷᠤᠭᠯᠠᠬᠤ ᠶᠤᠰᠤᠨ ᠲᠠᠢ ᠪᠠᠶᠢᠵᠦ᠂ ᠬᠤᠶᠠᠷ ᠤᠪᠤᠭ ᠲᠦᠷᠦᠯ ᠤᠨ ᠡᠷᠡᠭᠳᠡᠶᠢᠴᠤᠳ ᠦᠬᠢᠳ ᠢᠶᠠᠷ | ᠠᠷᠠᠯᠵᠢᠵᠦ᠂ ᠠᠨᠳᠠᠯᠠᠵᠦ᠂ ᠰᠤᠯᠢᠵᠦ ᠤᠷᠤᠭᠯᠠᠵᠦ ᠪᠠᠶᠢᠵᠠᠢ᠃ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ | ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠂ ᠸᠠᠩ ᠬᠠᠨ ᠬᠢᠬᠡᠳ ᠴᠢᠩᠬᠢᠰ ᠬᠠᠭᠠᠨ᠂ ᠡᠴᠢᠬᠡ ᠭᠦᠦ ᠬᠡᠮᠡᠯᠳᠤᠵᠦ᠂ ︽ᠠᠮᠠᠷᠠᠭ ᠲᠡᠬᠡᠷᠡ | ᠲᠠᠪᠬᠤᠷ ᠠᠮᠠᠷᠠᠭ ᠪᠤᠯᠤᠶᠠ ᠬᠡᠮᠡᠨ ᠴᠢᠩᠬᠢᠰ ᠬᠠᠭᠠᠨ ᠰᠡᠳᠬᠢᠵᠦ᠂ ᠵᠦᠴᠢ ᠳᠤ ᠰᠡᠩᠭᠦᠮ ᠤᠨ ᠲᠦᠢ ᠴᠠᠭᠤᠷ ᠪᠠᠬᠢ | ᠶᠢ ᠭᠤᠶᠤᠷᠤᠨ᠂ ᠰᠡᠩᠭᠦᠮ ᠤᠨ ᠭᠦᠪᠡᠭᠦᠨ ᠲᠤᠰᠬᠠ ᠳᠤ ᠪᠢᠳᠠᠨ ᠤ ᠬᠤᠵᠢᠨ ᠪᠠᠬᠢ ᠶᠢ ᠠᠷᠠᠯᠵᠢᠨ ᠦᠭᠭᠦᠶᠡ ᠬᠡᠮᠡᠨ | ᠭᠤᠶᠤᠪᠠᠰᠦ︾ ᠬᠡᠵᠦ ᠪᠤᠢ᠃ ᠠᠷᠠᠯᠵᠢᠨ ᠬᠡᠳᠡᠭ ᠦᠬᠡ ᠪᠤᠯ ᠰᠤᠯᠢᠯᠴᠠᠬᠤ ᠬᠡᠰᠡᠨ ᠤᠳᠬᠠ ᠲᠠᠢ᠃ ᠴᠢᠩᠬᠢᠰ | ᠬᠠᠭᠠᠨ᠂ ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠲᠠᠢ ᠰᠤᠯᠢᠶᠡ ᠤᠷᠤᠭ ᠬᠢᠭᠦ ᠬᠡᠰᠡᠨ ᠶᠤᠰᠤ ᠨᠢ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠤ | ᠡᠴᠢᠬᠡ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠲᠠᠢ ᠠᠨᠳᠠ ᠬᠡᠮᠡᠯᠳᠦᠭᠰᠡᠨ ᠲᠡᠤᠬᠡ ᠲᠠᠢ᠃ ᠴᠢᠩᠬᠢᠰ ᠬᠠᠭᠠᠨ | ᠬᠡᠷᠡᠶᠢᠳ ᠤᠨ ᠸᠠᠩ ᠬᠠᠨ ᠳᠤ᠂ ᠡᠴᠢᠬᠡ ᠯᠦᠭᠡ ᠠᠨᠳᠠ ᠬᠡᠮᠡᠯᠳᠦᠭᠰᠡᠨ ᠡᠴᠢᠬᠡ ᠮᠠᠳᠦ ᠪᠤᠢ ᠶᠠ ᠬᠡᠮᠡᠵᠦ᠂ ᠬᠡᠷᠬᠡᠢ | ᠪᠠᠭᠤᠯᠭᠠᠵᠦ ᠬᠠᠷᠠ ᠪᠤᠯᠠᠭᠠᠨ ᠲᠠᠬᠤ ᠶᠢᠨ ᠡᠮᠦᠰᠬᠡᠯ ᠠᠪᠴᠢᠷᠠᠵᠦ ᠦᠭᠪᠡ᠃ ᠸᠠᠩ ᠬᠠᠨ ᠬᠠᠷᠠ ᠪᠤᠯᠠᠭᠠᠨ ᠲᠠᠬᠤ | ᠶᠢᠨ ᠬᠠᠷᠢᠭᠤ᠂ ᠬᠠᠭᠠᠴᠠᠭᠰᠠᠨ ᠤᠯᠤᠰ ᠢ ᠴᠢᠨᠢ ᠬᠠᠮᠳᠤᠳᠬᠠᠵᠦ ᠦᠭᠰᠦ ᠬᠡᠮᠡᠵᠡᠢ᠃ ᠴᠢᠩᠬᠢᠰ ᠬᠠᠭᠠᠨ ᠸᠠᠩ ᠬᠠᠨ | ᠲᠠᠢ ᠠᠨᠳᠠ ᠨᠦᠭᠦᠷᠯᠡᠯ ᠢᠶᠠᠨ ᠤᠯᠠᠮ ᠪᠠᠳᠤᠳᠬᠠᠵᠦ᠂ ᠴᠢᠨᠠᠭᠰᠢᠳᠠ ᠬᠡᠷᠡᠶᠢᠳ ᠠᠶᠢᠮᠠᠭ ᠤᠨ ᠬᠠᠪᠰᠤᠷᠤᠯᠭᠠ | ᠲᠡᠮᠵᠢᠯᠬᠡ ᠶᠢ ᠤᠯᠬᠤ ᠪᠠᠷ ᠠᠮᠠᠷᠠᠭ ᠲᠡᠬᠡᠷᠡ ᠲᠠᠪᠬᠤᠷ ᠠᠮᠠᠷᠠᠭ ᠪᠤᠯᠤᠶᠠ ᠬᠡᠮᠡᠨ ᠸᠠᠩ ᠬᠠᠨ ᠲᠠᠢ ᠰᠤᠯᠢᠶᠡ ᠤᠷᠤᠭ | ᠬᠢᠭᠦ ᠪᠠᠷ ᠭᠤᠶᠤᠭᠰᠠᠨ ᠶᠤᠮ᠃ ᠤᠴᠢᠷ ᠨᠢ ᠪᠦᠭᠦ ᠮᠤᠩᠭᠤᠯ ᠢ ᠨᠢᠬᠡᠳᠬᠡᠭᠦ ᠬᠠᠳᠠᠭᠤ ᠪᠡᠷᠬᠡᠰᠢᠶᠡᠯᠳᠦ ᠴᠠᠭ ᠲᠤ᠂ | ᠢᠳᠡᠬᠡᠮᠵᠢ ᠲᠠᠢ ᠤᠪᠤᠭ ᠠᠶᠢᠮᠠᠭ ᠲᠠᠢ ᠭᠦᠴᠦᠨ ᠬᠤᠯᠪᠤᠭᠠᠯᠠᠬᠤ ᠨᠢ ᠵᠠᠩᠬᠢᠯᠠᠭᠠ ᠶᠢᠨ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃ | ᠡᠶᠢᠨ ᠭᠦ ᠲᠡᠬᠡᠳᠦ ᠲᠠᠪᠬᠤᠷᠭᠠᠳᠠᠨ ᠤ ᠭᠦᠮᠦᠰ ᠤᠨ ᠰᠤᠯᠢᠶᠡ ᠤᠷᠤᠭ ᠨᠢ ᠲᠠᠳᠠᠨᠤᠰ ᠤᠨ ᠨᠠᠶᠢᠷᠰᠠᠭ ᠰᠠᠶᠢᠬᠠᠨ | ᠨᠦᠭᠦᠷᠯᠡᠯ ᠢᠶᠠᠨ ᠤᠯᠠᠮ ᠪᠠᠳᠤᠳᠬᠠᠵᠦ᠂ ᠡᠭᠦᠨ ᠤ ᠤᠯᠠᠮ ᠢᠶᠠᠷ ᠬᠠᠷᠢᠯᠴᠠᠨ ᠠᠰᠢᠭᠯᠠᠬᠤ ᠬᠡᠰᠡᠨ ᠤᠯᠤᠰ ᠲᠦᠷᠦ | ᠶᠢᠨ ᠵᠤᠷᠢᠯᠭᠠ ᠠᠴᠠ ᠪᠤᠯᠤᠭᠰᠠᠨ ᠠᠵᠢ᠃ | ᠡᠭᠦᠨ ᠤ ᠬᠠᠮᠳᠦ᠂ ᠡᠩ ᠤᠨ ᠠᠷᠠᠳ ᠤᠨ ᠲᠤᠮᠳᠠᠬᠢ ᠰᠤᠯᠢᠶᠡ ᠤᠷᠤᠭ ᠨᠢ ᠬᠤᠶᠠᠷ ᠲᠠᠯᠠ ᠶᠢᠨ ᠬᠢᠨᠢ | ᠬᠠᠷᠢᠯᠴᠠᠨ ᠰᠦᠢ ᠪᠡᠯᠡᠭ ᠲᠦᠯᠦᠭᠦ ᠦᠬᠡᠢ ᠶᠠᠳᠠᠭᠤᠯᠢᠭ ᠬᠡᠷ ᠡᠷᠦᠬᠡ ᠶᠢᠨ ᠬᠤᠭᠤᠷᠤᠨᠳᠦ ᠶᠠᠪᠤᠭᠳᠠᠳᠠᠭ᠃ | ᠰᠤᠯᠢᠶᠡ ᠤᠷᠤᠭ ᠤᠨ ᠲᠤᠰ ᠪᠡᠶᠡ ᠶᠢᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠠᠴᠠ ᠪᠤᠯᠵᠦ᠂ ᠤᠷᠴᠢᠨ ᠦᠶᠡ ᠶᠢᠨ | ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠵᠠᠢ᠃ ᠬᠠᠷᠢᠯᠴᠠᠨ ᠰᠠᠶᠢᠨ ᠲᠠᠨᠢᠯ᠂ ᠭᠦᠷᠰᠢ ᠵᠡᠷᠬᠡᠯᠡᠳᠡᠭᠡ | ᠨᠤᠳᠤᠭᠯᠠᠵᠦ ᠨᠠᠶᠢᠷᠳᠠᠢ ᠬᠠᠷᠢᠯᠴᠠᠭᠰᠠᠨ ᠬᠤᠶᠠᠷ ᠠᠶᠢᠯ ᠤᠨ ᠬᠢᠨ ᠨᠠᠰᠦ ᠰᠠᠴᠠᠭᠤ ᠭᠦᠦ ᠬᠡᠤᠬᠡᠨ ᠪᠠᠶᠢᠪᠠᠯ᠂ ᠬᠤᠶᠠᠷ | ᠬᠡᠷ ᠤᠨ ᠡᠴᠢᠬᠡ ᠡᠬᠡ ᠨᠢ ᠨᠦᠭᠦᠷᠯᠡᠯ ᠢᠶᠠᠨ ᠤᠯᠠᠮ ᠪᠠᠳᠤᠳᠬᠠᠬᠤ ᠶᠢᠨ ᠲᠦᠯᠦᠬᠡ ᠰᠤᠯᠢᠶᠡ ᠤᠷᠤᠭ ᠬᠢᠳᠡᠭ᠃ ︽ | ᠬᠤᠯᠠ ᠭᠠᠵᠠᠷ ᠢ ᠤᠶᠢᠷᠠᠳᠤᠭᠤᠯᠳᠠᠭ ᠮᠤᠷᠢ ᠡᠷᠳᠡᠨᠢ᠂ ᠬᠤᠶᠠᠷ ᠠᠶᠢᠯ ᠢ ᠤᠶᠢᠷᠠᠳᠤᠭᠤᠯᠳᠠᠭ ᠬᠡᠤᠬᠡᠨ ᠡᠷᠳᠡᠨᠢ︾ | ᠬᠡᠳᠡᠭ ᠢᠶᠠᠷ ᠰᠤᠯᠢᠶᠡ ᠤᠷᠤᠭ ᠨᠢ ᠬᠤᠶᠠᠷ ᠠᠶᠢᠯ ᠡᠷᠦᠬᠡ ᠶᠢ ᠤᠯᠠᠮ ᠨᠢᠭᠳᠠᠷᠠᠭᠤᠯᠤᠨ ᠤᠶᠢᠷᠠᠳᠤᠭᠤᠯᠳᠠᠭ᠃ | ᠡᠰᠡᠭᠦᠯᠡ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠶᠢᠯ ᠡᠷᠦᠬᠡ ᠭᠦᠦ ᠳᠡᠭᠡᠨ ᠪᠡᠷᠢ ᠠᠪᠴᠦ ᠲᠠᠶᠢᠯᠭᠦ ᠦᠬᠡᠢ ᠪᠠᠶᠢᠪᠠᠯ᠂ ᠦᠪᠡᠷ ᠤᠨ | ᠬᠡᠤᠬᠡᠨ ᠢᠶᠠᠨ ᠨᠦᠭᠦᠬᠡ ᠠᠶᠢᠯ ᠤᠨ ᠭᠦᠦ ᠳᠤ ᠬᠡᠷᠡᠯᠭᠦᠯᠵᠦ᠂ ᠲᠡᠷᠡ ᠠᠶᠢᠯ ᠤᠨ ᠬᠡᠤᠬᠡᠨ ᠢ ᠦᠪᠡᠷ ᠤᠨ ᠭᠦᠦ | ᠳᠡᠭᠡᠨ ᠪᠡᠷᠢ ᠪᠤᠯᠭᠠᠨ ᠠᠪᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠬᠤᠶᠠᠷ ᠠᠶᠢᠯ ᠤᠨ ᠠᠵᠦ ᠠᠬᠤᠢ ᠶᠢᠨ ᠨᠦᠭᠦᠴᠡᠯ ᠰᠢᠯᠳᠠᠭᠠᠨ | ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠪᠠᠰᠠ ᠨᠢᠬᠡ ᠵᠦᠢᠯ ᠬᠡᠪᠡᠯ ᠶᠠᠮᠠᠷ ᠨᠢᠬᠡᠨ ᠠᠶᠢᠯ ᠬᠡᠷ ᠤᠨ ᠨᠠᠰᠦ ᠭᠦᠢᠴᠡᠭᠰᠡᠨ ᠭᠦᠦ ᠳᠤ | ᠪᠡᠷᠢ ᠭᠤᠶᠦᠵᠦ ᠲᠤᠬᠢᠷᠠᠬᠤ ᠦᠬᠡᠢ ᠪᠠᠶᠢᠪᠠᠯ᠂ ᠦᠬᠢᠨ ᠢᠶᠠᠨ ᠲᠡᠷᠡ ᠠᠶᠢᠯ ᠤᠨ ᠭᠦᠦ ᠳᠤ ᠦᠭᠴᠦ᠂ ᠦᠬᠢᠨ ᠢ ᠨᠢ | ᠭᠦᠦ ᠳᠡᠭᠡᠨ ᠪᠡᠷᠢ ᠪᠤᠯᠭᠠᠨ ᠪᠠᠭᠤᠯᠭᠠᠵᠦ ᠰᠤᠯᠢᠶᠡ ᠤᠷᠤᠭ ᠬᠢᠳᠡᠭ᠃ ᠰᠤᠯᠢᠶᠡ ᠤᠷᠤᠭ ᠨᠢ ᠶᠠᠳᠠᠭᠤ ᠵᠦᠳᠡᠭᠦᠦ | ᠠᠶᠢᠯ ᠪᠤᠶᠦ ᠪᠡᠷᠢ ᠭᠤᠶᠤᠵᠦ ᠲᠤᠬᠢᠷᠠᠬᠤ ᠦᠬᠡᠢ ᠠᠶᠢᠯ ᠬᠡᠷ ᠲᠤ ᠲᠤᠩ ᠠᠰᠢᠭᠳᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠩᠬᠢᠵᠦ | ᠰᠤᠯᠢᠶᠡ ᠤᠷᠤᠭ ᠬᠢᠭᠦ ᠨᠢ ᠤᠯᠠᠮᠵᠢᠯᠠᠭᠳᠠᠬᠤ ᠨᠦᠭᠦᠴᠡᠯ ᠪᠤᠯᠤᠮᠵᠢ ᠪᠠᠷ ᠦᠷᠬᠡᠨ ᠪᠠᠶᠢᠵᠦ᠂ ᠨᠡᠯᠢᠶᠡᠳ ᠬᠤᠵᠢᠭᠤ | ᠦᠶᠡ ᠪᠤᠯᠳᠠᠯᠠ ᠦᠷᠭᠦᠯᠵᠢᠯᠡᠵᠡᠢ᠃ |