| ᠥᠬᠢᠨ ᠲᠡᠭᠷᠢ ᠶᠢᠨ ᠰᠢᠲᠦᠭᠡᠨ ᠰᠦᠮᠡ ᠪᠣᠯ ᠰᠢᠷᠡᠭᠡᠲᠦ ᠬᠦᠷᠢᠶᠡ ᠶᠢᠨ ᠭᠤᠷᠪᠠᠳᠣᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠳ᠋ᠠ | ᠯᠠᠮᠠ ᠰᠢᠪᠵᠠᠬᠦᠨᠷᠦᠭ ᠠᠴᠠ ᠳᠠᠯᠠᠢ᠂ ᠪᠡᠴᠢᠨ ᠤ ᠵᠠᠬᠢᠶᠠ ᠶᠢ ᠳᠠᠭᠠᠵᠦ ᠬᠤᠶᠢᠲᠦ ᠠᠯᠲᠠᠨ ᠣᠯᠣᠰ ᠲᠤ ᠳᠠᠭᠠᠷᠠ | ᠢᠷᠡᠬᠦ ᠳᠤ ᠲᠠᠪᠣᠳᠣᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠯᠤᠪᠰᠠᠩᠵᠠᠮᠰᠦ ᠥᠪᠡᠷ ᠤᠨ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠥᠬᠢᠨ ᠲᠡᠭᠷᠢ | ᠶᠢᠨ ᠬᠥᠷᠥᠭ ᠢᠶᠠᠨ ᠥᠭᠭᠦᠭᠰᠡᠨ ᠪᠠᠶᠢᠪᠠ᠃ ᠰᠢᠪᠵᠠᠬᠦᠨᠷᠦᠭ ᠠᠴᠠ ᠲᠡᠭᠦᠨ ᠢ ᠪᠡᠶᠡ ᠶᠢᠨ ᠰᠠᠬᠢᠶᠠ ᠪᠣᠯᠭᠠᠵᠣ ᠴᠢᠩ | ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ 12 ᠣᠨ ︵1655 ᠤᠨ︶ ᠳᠤ ᠰᠦᠮᠡ ᠪᠠᠶᠢᠭᠤᠯᠤᠨ ᠳᠠᠬᠢᠭᠰᠠᠨ ᠪᠠᠶᠢᠨᠠ᠃ | ᠲᠡᠭᠦᠨ ᠠᠴᠠ ᠡᠬᠢᠯᠡᠨ ︽ᠥᠬᠢᠨ ᠲᠡᠭᠷᠢ ᠶᠢᠨ ᠰᠢᠲᠦᠭᠡᠨ ᠰᠦᠮᠡ︾ ᠨᠢ ᠲᠦᠷᠦ ᠱᠠᠰᠢᠨ ᠨᠢᠭᠡᠳᠦᠭᠰᠡᠨ ᠰᠢᠷᠡᠬᠡᠲᠦ | ᠬᠦᠷᠢᠶᠡ ᠶᠢᠨ ᠭᠤᠣᠯ ᠰᠢᠲᠦᠭᠡᠨ ᠪᠣᠯᠵᠦ ᠬᠦᠮᠦᠰ ᠲᠤ ᠰᠢᠲᠦᠭᠳᠡᠭᠰᠡᠨ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠪᠣᠷᠬᠠᠨ ᠱᠠᠰᠢᠨ ᠳᠤ | ᠰᠦᠰᠦᠭ ᠪᠢᠰᠢᠷᠡᠯ ᠲᠠᠢ ᠬᠦᠮᠦᠰ ᠬᠡᠷᠪᠡ ᠲᠠᠰᠦᠯᠵᠦ ᠴᠢᠳᠠᠬᠤ ᠦᠭᠡᠢ ᠬᠡᠷᠡᠭ ᠪᠠ ᠬᠢᠯᠡᠰ ᠭᠦᠵᠢᠷ ᠶᠠᠯᠠ ᠳᠤ ᠣᠨᠠᠪᠠᠯ | ᠴᠦᠮ ᠥᠬᠢᠨ ᠲᠡᠭᠷᠢ ᠠᠴᠠ ᠠᠪᠦᠷᠠᠯ ᠭᠤᠶᠣᠵᠣ ᠦᠨᠡᠨ ᠬᠤᠳᠠᠯ ᠢᠶᠠᠨ ᠢᠯᠭᠠᠳᠠᠭ᠃ | ᠥᠬᠢᠨ ᠲᠡᠭᠷᠢ ᠶᠢᠨ ᠰᠢᠲᠦᠭᠡᠨ ᠰᠦᠮᠡ ᠶᠢᠨ ᠪᠠᠷᠢᠯᠭᠠ ᠶᠢᠨ ᠭᠤᠣᠯ ᠬᠠᠷᠰᠢ ᠨᠢ ᠭᠤᠷᠪᠡᠨ ᠲᠠᠰᠣᠯᠭᠠ ᠰᠦᠮᠡ | ᠪᠦᠭᠡᠳ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠳᠣᠰ ᠪᠦᠷᠢ ᠭᠤᠷᠪᠡᠨ ᠳᠠᠰᠤᠯᠭᠠ ᠵᠢᠭᠦᠷ ᠤᠨ ᠬᠠᠷᠰᠢ ᠲᠠᠢ᠂ ᠪᠠᠰᠠ ᠨᠤᠮ | ᠤᠨ ᠬᠠᠷᠰᠢ ᠪᠣᠯᠣᠨ ᠬᠠᠭᠠᠯᠭᠠ ᠶᠢᠨ ᠰᠦᠮᠡ ᠲᠠᠢ᠃ ᠰᠦᠮᠡ ᠶᠢᠨ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠥᠨᠴᠥᠭ ᠲᠤ | ᠨᠢᠭᠡ ᠰᠠᠭᠤᠷᠢ ᠪᠤᠷᠬᠠᠨ ᠤ ᠰᠤᠪᠤᠷᠭᠠ ᠪᠤᠢ᠃ ᠡᠭᠦᠨ ᠢ ᠶᠡᠷᠦᠨᠢ ᠨᠤᠮ ᠤᠨ ᠬᠠᠨ ᠤ ᠰᠤᠪᠤᠷᠭᠠ ᠭᠡᠳᠡᠭ᠃ | ᠣᠯᠠᠮᠵᠢᠯᠠᠯ ᠢ ᠥᠨᠳᠦᠰᠦᠯᠡᠪᠡᠯ᠂ ᠲᠣᠰ ᠰᠦᠮᠡ ᠳᠠᠬᠢ ᠥᠬᠢᠨ ᠳᠡᠭᠷᠢ ᠶᠢᠨ ᠬᠦᠷᠥᠭ ᠢ ᠽᠥᠩᠺᠡᠸᠡ ᠪᠣᠷᠬᠠᠨ | ᠤ ᠥᠪᠡᠷ ᠤᠨ ᠬᠠᠮᠠᠷ ᠤᠨ ᠴᠢᠰᠦ ᠪᠠᠷ ᠢᠶᠠᠨ ᠵᠢᠷᠣᠭᠰᠠᠨ ᠬᠥᠷᠥᠭ ᠭᠡᠨᠡ᠃ ᠡᠶᠢᠮᠦ ᠠᠴᠠ ᠡᠨᠡ ᠬᠦᠷᠦᠭ ᠨᠢ | ᠬᠦᠮᠦᠰ ᠲᠤ ᠲᠦᠢᠯ ᠶᠢᠨ ᠠᠷᠢᠭᠤᠨ ᠴᠡᠪᠡᠷ ᠦᠵᠡᠭᠳᠡᠵᠦ᠂ ᠶᠡᠷᠦ ᠳᠡᠭᠡᠨ ᠲᠠᠪᠬᠤᠷ ᠲᠠᠪᠬᠤᠷ ᠬᠦᠰᠢᠶᠡ ᠪᠠᠷ | ᠬᠠᠯᠬᠠᠯᠠᠵᠦ ᠡᠭᠡᠯ ᠬᠦᠮᠦᠰ ᠲᠤ ᠦᠵᠡᠭᠦᠯᠳᠡᠭ ᠦᠭᠡᠢ ᠭᠡᠳᠡᠭ᠃ | ᠥᠬᠢᠨ ᠲᠡᠭᠷᠢ ᠶᠢᠨ ᠨᠤᠮ ᠤ ᠬᠠᠷᠰᠢ ᠳᠤ ᠪᠣᠷᠬᠠᠨ ᠤ ᠨᠤᠮ ︽ᠭᠠᠨᠵᠣᠣᠷ︾᠂ ︽ᠳᠠᠨᠵᠣᠣᠷ︾ ᠢ ᠲᠣᠰᠪᠦᠷᠢ | ᠨᠢᠭᠡ ᠬᠤᠪᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠪᠠ᠃ ᠡᠨᠡ ᠰᠦᠮᠡ ᠳᠤ ᠨᠢᠭᠡ ᠡᠷᠬᠢᠯᠡᠭᠴᠢ ᠳ᠋ᠠ ᠯᠠᠮᠠ ᠲᠠᠢ᠂ ᠶᠡᠷᠦᠳᠡᠭᠡᠨ ᠲᠣᠭᠤᠷ | ᠤᠨ ᠬᠡᠯᠪᠡᠷᠢ ᠲᠠᠢ ᠮᠠᠯᠠᠭᠠᠢ ᠵᠡᠭᠦᠳᠡᠭ ᠠᠴᠠ ᠪᠠᠰᠠ ᠲᠣᠭᠤᠷ ᠤᠨ ᠯᠠᠮᠠ ᠭᠡᠳᠡᠭ᠃ ᠲᠣᠭᠤᠷ ᠳ᠋ᠠ ᠯᠠᠮᠠ ᠶᠢᠨ ᠪᠠᠶᠢᠷᠢ | ᠰᠠᠭᠤᠷᠢ ᠨᠢ ᠪᠣᠰᠣᠳ ᠰᠦᠮᠡ ᠶᠢᠨ ᠳ᠋ᠠ ᠯᠠᠮᠠ ᠠᠴᠠ ᠥᠨᠳᠦᠷ ᠪᠠᠶᠢᠵᠦ᠂ ᠵᠠᠰᠠᠭ ᠳ᠋ᠠ ᠯᠠᠮᠠ ᠲᠠᠢ ᠵᠣᠯᠭᠠᠬᠤ ᠳᠤ | ᠵᠠᠰᠠᠭ ᠳ᠋ᠠ ᠯᠠᠮᠠ ᠪᠡᠶᠡ ᠥᠨᠳᠡᠶᠢᠨ ᠬᠠᠷᠢᠭᠤ ᠶᠣᠰᠣ ᠬᠢᠳᠡᠭ ᠪᠦᠭᠡᠳ ᠰᠠᠭᠤᠳᠠᠯ ᠬᠠᠶᠢᠷᠠᠯᠠᠵᠦ ᠴᠠᠢ ᠣᠣᠭᠤᠯᠭᠠᠳᠠᠭ᠃ | ᠵᠢᠯ ᠪᠦᠷᠢ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠥᠷᠯᠦᠭᠡ ᠵᠠᠰᠠᠭ ᠳ᠋ᠠ ᠯᠠᠮᠠ ᠥᠪᠡᠷ ᠤᠨ ᠪᠡᠶᠡ ᠪᠠᠷ | ᠢᠶᠠᠨ ᠰᠦᠮᠡ ᠳᠤ ᠣᠴᠢᠵᠣ ᠥᠬᠢᠨ ᠲᠡᠭᠷᠢ ᠶᠢᠨ ᠬᠦᠷᠦᠭ ᠲᠤ ᠳᠠᠬᠢᠯᠭᠠ ᠡᠷᠭᠦᠳᠡᠭ᠃ | ᠥᠬᠢᠨ ᠲᠡᠭᠷᠢ ᠶᠢᠨ ᠰᠢᠲᠦᠭᠡᠨ ᠰᠦᠮᠡ ᠨᠢ ᠵᠢᠯ ᠳᠤ ᠪᠠᠨ ᠬᠤᠷᠠᠯ ᠨᠤᠮ ᠬᠤᠷᠠᠳᠠᠭ ᠭᠠᠵᠠᠷ ᠪᠣᠯᠣᠨᠠ᠃ | ᠳᠣᠬᠠᠶᠢᠯᠠᠪᠠᠯ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠭᠤᠷᠪᠡᠨ ᠪᠣᠯᠲᠠᠯᠠ ᠲᠤᠭᠰᠢᠳ ᠤᠨ ᠬᠤᠷᠠᠯ ᠲᠠᠢ᠃ | ᠬᠤᠶᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠳᠤ ᠰᠠᠩᠵᠠᠳ ᠮᠣᠯᠣᠮ ᠤᠨ ᠢᠷᠦᠭᠡᠯ ᠤᠨ ᠬᠤᠷᠠᠯ ᠲᠠᠢ᠃ ᠬᠤᠶᠠᠷ ᠰᠠᠷᠠ ᠶᠢᠨ | ᠬᠤᠷᠢᠨ ᠵᠢᠷᠭᠤᠭᠠᠨ ᠳᠤ ᠲᠡᠮᠡᠴᠡᠭ ᠰᠤᠩᠳᠦᠢ ᠨᠤᠮ ᠤᠩᠰᠢᠨᠠ᠂ ᠳᠥᠷᠪᠡᠨ ᠰᠠᠷᠠ ᠶᠢᠨ ᠨᠢᠭᠡ ᠪᠠ ᠬᠤᠶᠠᠷ ᠲᠤ | ᠳ᠋ᠠᠷᠠ ᠡᠬᠡ ᠶᠢᠨ ᠨᠣᠮ ᠤᠨ ᠬᠤᠷᠠᠯ ᠲᠠᠢ᠃ ᠳᠥᠷᠪᠡᠨ ᠰᠠᠷᠠ ᠶᠢᠨ ᠠᠷᠪᠠᠨ ᠲᠠᠪᠤᠨ ᠳᠤ ᠤᠰᠤᠨ ᠨᠠᠬᠢᠶᠠ ᠨᠤᠮ | ᠤᠩᠰᠢᠨᠠ᠃ ᠲᠠᠪᠣᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠠᠪᠤᠨ ᠳᠤ ᠣᠲᠠᠴᠢ ᠪᠣᠷᠬᠠᠨ ᠤ ᠨᠤᠮ ᠤᠨ ᠬᠤᠷᠠᠯ ᠲᠠᠢ᠃ | ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠳᠥᠷᠪᠡᠨ ᠳᠤ ᠶᠠᠮᠠᠳᠠᠭᠠ ᠪᠤᠷᠬᠠᠨ ᠤ ᠬᠤᠷᠠᠯ ᠲᠠᠢ᠃ ᠳᠣᠯᠣᠭᠠᠨ ᠰᠠᠷᠠ ᠶᠢᠨ ᠨᠢᠭᠡᠨ ᠪᠠ | ᠬᠤᠶᠠᠷ ᠲᠤ ᠭᠠᠨᠵᠣᠣᠷ ᠤᠨ ᠬᠤᠷᠠᠯ ᠲᠠᠢ᠃ ᠨᠠᠢᠮᠠᠨ ᠰᠠᠷᠠ ᠶᠢᠨ ᠬᠤᠶᠠᠷ ᠠᠴᠠ ᠳᠥᠷᠪᠡᠨ ᠪᠣᠯᠲᠠᠯᠠ ᠥᠬᠢᠨ ᠲᠡᠭᠷᠢ | ᠶᠢᠨ ᠨᠤᠮ ᠤᠩᠰᠢᠨᠠ᠃ ᠶᠢᠰᠦᠨ ᠰᠠᠷᠠ ᠶᠢᠨ ᠨᠢᠭᠡᠨ ᠠᠴᠠ ᠭᠤᠷᠪᠠᠨ ᠪᠣᠯᠲᠠᠯᠠ ᠳ᠋ᠠᠷᠠ ᠡᠬᠡ ᠶᠢᠨ ᠨᠤᠮ ᠣᠩᠰᠢᠨᠠ᠃ | ᠶᠢᠰᠦᠨ ᠰᠠᠷᠠ ᠶᠢᠨ ᠬᠤᠷᠢᠨ ᠬᠤᠶᠠᠷ ᠤᠨ ᠡᠳᠦᠷ ᠳ᠋ᠠᠷᠠ ᠡᠬᠡ ᠶᠢᠨ ᠳᠤᠭᠰᠢᠳ ᠣᠩᠰᠢᠨᠠ᠃ ᠠᠷᠪᠠᠨ ᠰᠠᠷᠠ ᠶᠢᠨ | ᠬᠤᠷᠢᠨ ᠲᠠᠪᠤᠨ ᠪᠣᠯ ᠽᠥᠩᠺᠠᠸᠡ ᠪᠤᠷᠬᠠᠨ ᠤ ᠢᠯᠡᠷᠡᠭᠰᠡᠨ ᠡᠳᠦᠷ ᠪᠣᠯᠬᠤᠷ ᠳ᠋ᠧᠪᠠᠵᠠᠨ ᠤ ᠵᠣᠯᠠ ᠶᠢᠨ ᠬᠤᠷᠠᠯ ᠬᠢᠨᠡ | ᠃ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢᠭᠡᠨ ᠤ ᠡᠳᠦᠷ ᠲᠤᠭᠰᠢᠳ ᠤᠨ ᠬᠤᠷᠠᠯ ᠲᠠᠢ᠃ ᠠᠷᠪᠠᠨ ᠨᠢᠭᠡᠨ ᠰᠠᠷᠠ | ᠶᠢᠨ ᠭᠤᠴᠢᠨ ᠤ ᠰᠥᠨᠢ ᠰᠢᠬᠢᠳᠠᠷᠢ ᠶᠢᠨ ᠬᠤᠷᠠᠯ ᠲᠠᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠲᠠᠪᠤᠨ ᠵᠢᠯ ᠡᠭᠡᠯᠵᠢᠯᠡᠬᠦ ᠪᠦᠷᠢ ᠶᠡᠭᠡ ᠬᠡᠪᠴᠢᠶᠡᠨ ᠤ ᠮᠠᠨᠢ ᠶᠢᠨ ᠦᠷᠢᠯ ᠪᠦᠲᠦᠭᠡᠳᠡᠭ᠃ | |